Haw haw leh khuangpui nen chumchilha nawr chi a ni lo. Rilru fim tak, thluak leh kut themthiamna hmangkawpa khelh chi a ni a, tunah chuan Mizoram mipuiin he game hi kan hmelhriat tak tak ta. Tun hmaa Pool Parlour-a intihhlimna boruak ang kha a ni tawh lova, he game atang hian eizawnna tling, mite hriat hlawhna tak tak a awm a nih hre chiang hmasa tuten an luhchilh mek a, chung mite chu Millenium Centre-ah an inphochhuak ta.
Inrinni khan Joshua L Zama 9 Balls Masters Cup 2010 khelh zawh a ni ta a, mipuite lawm hlawh leh tlang rin top seed R.Lalrinsanga, Tuikhuahtlang a champion. Rinsanga hian final-ah 3rd seed K.Lallawmkima, Khatla South chu 11-8 a hnehin tuilet hnu leh leilung pian tirh ata Mizoram-a Masters Cup champion hmasa ber a ni.
Mizoram Snookers & Billiards Association chhuan pahnih inhmachhawn an ni a, inhnehtawk hle tura ngaih an ni.
Top seed Rinsanga’n a break hmasa a, a zo nghal deuh thuak. A dah ban ball tlema zawng chu cueball awmna harsa tak hmanga thenfai turin a kalsan a, chu chu Lawma tan thil khirhkhan zet mai a ni tlat. A che fuh ta lo reng a, Rinsanga zo zuiin frame hmasa a la nghal hmak. An khel cho zel a, frame 4 zet mai Rinsanga lak tawh umin Lawma’n a hnaih chho thuak thuak reng a, frame 9 Rinsanga’n a lak thlengin chak zawk tut rinthiam har tak a ni la ni zel. Mahse Rinsanga nge nge chuan No.1 a nihna pholangin a tawpah ropui takin hnehna a chang a, frame 11-na a lakna tur chu hlah miah lovin a zo nghal hmiah a,
Mizoram champion a ni ta.
Final-ah hian Sports Minister Pu Zodintluanga chu khuallian a ni a, Minister chuan, ” Mizoten infiamna kawng hrang hrangah hma nasa takin kan sawn chho mek a, chu chu hmuh theihin a langchhuak mek a ni. Inzirna mumal pawh nei lovin 9 ball-ah Mizo players-in India ram champion lai a hneh thei a nih chuan Mizote hian talent tha tak kan nei a ni tih a chiang. Infiamni ringawt ni tawh lovin Sports hi eizawnna tling a ni tawh a, BA/MA hna hmu lo tam tak kumin an chhuah chur chur mek lain tih tak taka ti tan chuan sports-ah hian eizawnna tling a awm tih hi kan hriat a pawimawh ” a ti. Sports minister chuan midangte chochuah nan leh sports promote-na tura sum leh pai tumtu David Zama te chu entawntlak a tih thu a sawi bawk.
He tournament atana sum leh pai hi 2003-a chatuan ram pan ta an fapa Jushua’n hriatreng nana Chwlhhmun pa Pu David-a te chhung tum a ni a, Pu David-a chuan, ” Kan duh ber chu sports hmasawnna tura a kila lung pawimawh nih bakah he thil atanga midangte cho chhuah a ni. Theihtawp kan chhuah zel dawn a, chutiang tur chuan mi dangte lo penchhuak ve se kan duh a ni” a ti. Lawmman te hi a nupui Meggie nen an sem nghal a, an chhungkuain he masters cup hi an tawiawm tha thin hle.
Mizoram Snookers & Billiards Association President Pu John Kima chuan tournament hlawhtling tak an neih theihna chu Pathian awmpuina vang a nih thu a sawi a. Mipuiten an rin phak baka an hlut thu leh an kal zelna turah hei hian nasa taka phurna a pek dawn thu a sawi a. ” Sum leh pai min tum saktu Pu David Zama te chungah lawmthu kan sawi a, kan chanchin kimchanga min puanzar sak thintu print media leh electronic media te chungah lawmthu kan sawi tak meuh meuh a, tournament kan neihna hmuna min tawiawm thintu Assocaition hrang hrangte chungah MS&BS chuan lawmthu kan sawi bawk” a ti.
Similar Posts:
- Mamit District Champion
- A vawi nga na atan Mizoram champion thei a ngem?
- Red Ribbon Football ‘SIAL’
- High penalty for cheating in University Sports
- Basil Khuma All India Championship Series ah champion
(Y)
March 29th, 2010 at 12:28 am
A 1st na hi ka tran hrim hrim
Report this comment
March 29th, 2010 at 12:34 am
R. Lalrinsanga hi R. Lalawia tupa, naupang te tak te a nih laia Foreign-a ka hmuh ve nawlh a ni. A va san (phisique height —tip to toe) hmel tawh ve! Ka hmuh trum pawh chuan he game atana billiard khelh nan khan A HUM VANG VANG ka hmu daih tawh.
Report this comment
March 29th, 2010 at 12:37 am
90s chho vel khan Tahanah chawnghei trhak trhakin kan khel ve trhin.
tlai lam man tur kan tuak trhin.chet fuh loh trum chuan trhiante kan be hawihhawm thei khawp mai.
Report this comment
March 29th, 2010 at 12:42 am
Khai a va pui ve ! Rammuana fapa kha mi aw??? Khatlaah khan Pool dawr pawh an neih thrin tak kha maw le…
Report this comment
March 29th, 2010 at 12:54 am
Hruaitu, ding tlar a veilam sir a mi (lian ber lol) hi kan nau hairehai
Ka game nuam tih, ka thiam theih hlawl loh a ni
Report this comment
March 29th, 2010 at 12:58 am
Hei ruah nasa takin a sur tluk tluk mai lem. Naktuk chu thlala mi tan chuan khua a thiang thra ngawt ang le
XaiA te shailendra te’n thawh tur han nei keuh sela
Pool hi ka la khel ve miah lo. OT dalah
Report this comment
March 29th, 2010 at 1:06 am
Ka til then lohna lam tur aniang ka la khel ve miah lo. Ruah sur leh kawlphe zuai zuai chu a hlauhawm thei mai dawn lawm le, lirnghin mawlh ani ka hlauh ni!.
Report this comment
March 29th, 2010 at 1:08 am
paeia, “a nghin dan angin lo insawi ve la, nghing lo angin i feel mai ang,” an ti :lol:
Report this comment
March 29th, 2010 at 1:09 am
i thil ziah dan mai mai chuh :lol: ziak hot thiam hlemai, a chhiar a nuam e.
Report this comment
March 29th, 2010 at 1:12 am
Khelh mai2 chu a nuam,mahse ka ngaisang lutuk lem lo.
Report this comment
March 29th, 2010 at 1:20 am
Khel ve thina mahse kei pawh ka ngai sang em em lo
Report this comment
March 29th, 2010 at 1:28 am
Ri deuh dur dur/chawrh chawrh leh adventure sports lam hi keimah ah chuan ka ngaina ber awm e…ngainat/ngahsan in sawi bawk a.
Report this comment
March 29th, 2010 at 1:34 am
Pi Maggie chu a hmel a va danglam tawh ve le … a hun ve tawh!
Report this comment
March 29th, 2010 at 1:49 am
Ka hmu upa hlawm riau a, kan ngaihtuah a, ka hmuh hun kha kum fe a liam tawh tih ka ngaituah chhuak.
ka insawi ve dawn lo 
Report this comment
March 29th, 2010 at 4:49 am
Stephen Hendry nen hian vawi 3 Glasgow ah kan in khel ve tawh. In elna ni lovin, in tih hlim na ang reng in a nia. Ka thianpa Ethan-a Scotland championship a a champion tum khan, ka tawiawm ve a. A pui hap hap hle.
Mizo ten hetiang lamah hma kan sawn hi a that viau lai in, eizawn nan hmang tak tak si lo, “that chhiat” phah nan kan hmang nasa leh ngawt ang. Hna thawh peih loh na hmawr a nia….that chhiat a awl…! :evil:
Mipa ai hmeichhia khelh an nuam tlangpui. Sap ho chu an kawr nghawng a zau thei sia, an han kun hian, hmuh nawm a tling tham….
Report this comment
March 29th, 2010 at 4:58 am
Pool, ka khel ve thrin, tun ah pawh ka Inn hnuaiah zing zan khelh theihtur in ka dah ve tlap a lawm. Bar vel kalpawn hmasa ber a, one shooter, tih hmasak rual in Pool ah Bet ani nghal khelh nuam ka ti em ema. Ahming in ka inn hnuaiah ka games ngeinat zawng anih vang in ka dah, Chess, Checkers tiang hi ka tuina ve thrin games, soccer hi chu tunhma in ka tui thrina ka awmna ram in a zirtawh lohvang in ka khel em em lo, Indoor game ah erawh ka khelvea ka ke ka ulh phah
Report this comment
March 29th, 2010 at 5:01 am
Ka water pipeline a chhia, ka siam thratna ah ka ban Propane in ka in hlio suala na zeka
Report this comment
March 29th, 2010 at 5:10 am
@flying : Mizo tawng hi hman ve hrim hrim i tum hi ka ngaisâng che. Hmang ve tìng tàngin I huaisen pawh ka ti. I ziak hi a ngaihnawm leh ril tur em em angin ka man thiam thei lo. Vaitawng (Punjabi) ka thiam mang loh ka rawn hman ngai miah loh hi! Balma tawng takin “I sia em?”
I tàrlan duh chu sàptawngin ziak ve mai teh, British leh Canadian English chu kan lo sìksawi ve tawh mai teh ang … i thu ziak hi a ngaihnawm teh rèng nèn, ka hrethiam kimchang lo. Hnungzâng thak ka hiah phàk loh ang vèl ni berin ka hria!
Report this comment
March 29th, 2010 at 8:04 am
Eizawnna tham prize money chu engzat nge ni a? Poker player te hi an hlawh hnem thei si Aizawl tlangval thatchhe ho khan eizawnnan hmang tum sela a tha ang.
Report this comment
March 29th, 2010 at 8:27 am
@chawnghlih: I hriat thiamloh chuan lo chhiar lo mai la i tan a thra zawk ang. I hriat thiamloh chuan i lo in zir mai dawn ania. I Punjabi trawng thiam chu rawn sawi in rawn ziak la i Punjabi pui ten an hria thiam mai ang
Report this comment
March 29th, 2010 at 8:28 am
He game chu chawi nun zel chi a nih hi. Kei chuan ka khel thiam thak lo…!!
Report this comment
March 29th, 2010 at 8:32 am
Voikhat chu ka hloh ve toh…..
Report this comment
March 29th, 2010 at 9:03 am
computer games ah chuan ’9 balls’ chu ka hneh ve rap…
Report this comment
March 29th, 2010 at 9:34 am
# 20: haha…
Report this comment
March 29th, 2010 at 9:45 am
@sillyboy : OT zuai!!!
Khawngaih in mi lo puiteh u!! KIA 2001 model, car, Km 300000 tlantawh hi leika tuma, a lei chi ang em? Engine vel chu a la thra hle. Summer a Farm a kalnan vel mai maia lei ka duha. A lei chi ang em aw? Motor lam chanchin hria ten min puithei u la ka lawmhle ang. Km nuaili nuainga vel thleng thleng pawh la khalh an awm tih chu ka hria tho nan ka chiang lo, a Safety ang em tihvel etc..Thanku!!
Report this comment
March 29th, 2010 at 11:41 am
Billiards hi mut kham loh te hian kan tih fuh hlei thei miah lo nia. Khelh nuam ka ti ve khawp mai.
Report this comment
March 29th, 2010 at 2:40 pm
Flying nge Aryan hi hausa ang le
Thawkkhat lai khan ka khel ve nasa thei rip.Mahse ka chawi ve deuh ziah ka thiam vak lo a niang.
Report this comment
March 29th, 2010 at 2:47 pm
Awi, heta pawh hi high school a ka classmate an awm leh ta tlat mai. Ka lo van han upa tawh ve mawle
Chawnghilh, hei in veng pa U JKa pawh a tel ve nih hi!
Report this comment
March 29th, 2010 at 6:42 pm
“tuilet hnu leh leilung pian tirh ata Mizoram-a Masters Cup champion hmasa ber a ni.” lmao
kei ni ang pool parlour a khelhna man nei ve lo tan chuan champion a har. tennis te badminton leh shooting lam te pawh hi ni tho, kan sports council lamah hian a thil ti thei telna a nih vang emaw ni pawisa an chuh chak em em lehnghal
Report this comment
March 30th, 2010 at 10:11 am
“he game atang hian eizawnna tling, mite hriat hlawhna tak tak a awm” I DOUBT – Football leh Crickrt chiah India ah eizawnna tling ka hria. Tennis chu only for few people… a dang zawng chu sorkar hnaa luhna atan chuan a tha, but inkhel atanga professional taka eizawnna chu futbol and criket chiah
Report this comment