Thawnthu (Tawnloh kara fam ngaih lunglen)

March 17th, 2010 1:31 pm by caribou

(Note: Ka insawi ba bawk sia, hei ka rawn post ve leh thawr mai. Ka post hmasak zawk “Hmangaihna” tih kha a sei uchuak hle a. Engpawhnise hetiang lam pang thu reng reng a tawi tak tak thei lo ani tih min han hriat sak phawt mai ula. Khawngaihtakin, tlawmngaih chhuah tal pawhin, min han chhiar chhuah sak hram teh u. A sei lutuk tih ka hria, a lehpek ah chuan tawite in kan ziak tawh dawn nia aw)

Kum tam ala liam lo, khami tum kha….. Zan lama ruah tlem a tlak avangin chumi tuk chuan khua a thiang thain ni chhuak pawh a tang nghal at mai a. Hliap tu zochhum leh khawdur te a kian tawh avangin khaw hawi a nuamin tlang tin mual tin an lang thlur sung mai a. Fur khaw hnawm leh khaw cheng te pawh an liam zo ta, favang thla a lo inher chhuak leh ta reng mai. Favang thla meuh hi chu a nuam a ni. Thal khaw rum sa huam huamin min uap lova, thlasik khawvawt leh vun khichar ten min la nuai lova, fur ruahtui bawhawk leh thosi ten min tin san tawh bawk nen.

Chutiang ang khaw boruak nuam tak kara a pui a nawi, a lian a tea an phutsak liai liai lai chuan ka thian duhtaka chu a lo indawm kun ngaih mai a. Tlangval a pumpa ve lem, heti tia pui, luhlul, harh leh thothang tha, chutia inngaihtuah lungleng a, mahni leh mahni inkawm a, suangtuahna rama a cheng ta veng veng mai chua mi a ti ngaihngam zan lo va. A hma lawk chawlhkar kalta maia a dawn “lehkhathawn” chu a phawrh chhuak leh a.

Kan chhiar dun zing tawh hle na a, chumi tuk chuan kan chhiar dun leh ta tho va. Chhiar zin avanga a thu inziak khawih danglam a, awmze nei thei tur chu ni sela zawng, ka thiana chuan chu lehkha chu vawi za nu-fa zet a chhiar chhuak ngei awm e. Chu lehkhathawn kara thu inzep tlemte chuan ka thiana thinlung sak leh ngawhngawl tak chu tui ang a tinem zo va, dawl ang a zawr tir zo ta anih hi. Chu thu tlemte chu ka thiana tan chuan hriatthiam a harsa hle a, lungchhiatthlak a tiin, tuar thiam har a ti takzet a ni. He lehkha a dawn ni phei kha chuan aw……. Kawnga leh Kawlhawk te angin tawngkam a thiam ve vak si lo.

Ka thiana lung len thinzia kha a hrechiangtu ka ni. A tawnloh Di a tawn leh theih nan tiin beiseina nen tawn leh ni tur thlir chung zelin hun leh ni te a hmang liam thin a. Amah ngaia a lunglen leh a khawhar thinzia te pawh ka hriatchian pui khawp mai. Chutiang taka ka thiana lungdum tu Sensiari chu hmuh pui ve a, a ruala an khaw lama zin ve turin ka rilru te pawh ka siam ve hial anih kha. Mahse khang ang zawng zawng, ‘Valmawia lunglenna te, intawn leh ni tur thlira a ruka a lo nghahhlelh em em thin te, leh kei ngei pawh ina beiseina nena ka lo thlirpui ve thinna te’ chu a thlawn zo ta. Dik tak chuan ka thiana tan chuan tawrh thiam zawng a har takzet a ni. Ka dem hauh lo ve.

Ka thiana chu ka hrethiam thin khawp mai. A duhlai Thasensiari lah mi vanduai bik te’na an chan ang, hrisel loh rukna leh insawiselna neuh neuh tur natna benvawn te a vei hlauh mai a. Han en mai chuan hrisel tha pangai awm takin a lang na a, mi hriat lovah erawh a tuar nasa hle thung. Heti chung si hian, a hrisel lohna chuan ‘nula fel, zaidam, hawihhawm leh hlim thei tak’ nih a hlawhna te a dal chuang lo. Khawsik tlun hluah hluaha a awm chang te leh khawhar taka chhun leh zan inang renga a hman ral thin te chu tumahin an hriatpui hauh si lo.

Hlim hmel a chhuah hram hram thin avangin khumbeta a nat tak tak hma phei chuan a damlo ani tih tu’n an hriatpui lem lo. Mahse a ni zawng a van a duai a ni e; kha leh chen dam khawchhuah tuma a beih hram hramna te kha a thlawn zo ta vek si a. Chutiang chuan a nu leh pa te, a unaute, kalsan hreh em em chungin leh a ngaih em em, a hmel tal hmuh leh a chak em em a Di Valmawia hmu hman lova a liam mai tur pawi tih avanga mittui tla zawih zawih chungin thihna kut vawt chuan thla a zar hnan ta.

Ka thiana chuan a Duhlaii a hmuh hnuhnun ber tum kha a chhui kir lo thei lo. Chumi tum chuan a Duhlaii chu an khaw lam a pan dawn a, an inthlah a ni awm e. Tichuan kal mai turin bus ah a chuang tawh a; bus kal tur tukverh atangin rem leh rem lovin a rawn dak chhuak tawk tawk a, inui tak chungin an invai liam ta anih kha. Khami ni kha he khawvela nungdama an inhmuh tawpna ber ni tur a ni tih an hre hauh lo mai pawh nilovin, chutiang chu an suangtuahna pawhin a fan pha reng reng lo a ni.

Hre lawk chu ni ta ngat se….. khati mai kha chuan an inthlah liam hauh lo tur. Inthawt lawkna pawh awm hauh lovin mualzapui kar dana an len laia kumkhua atana inhmu leh tawh lo tura a Duhlaiin a liamsan ta mai chu ka thiana chuan hriatthiam harsa a ti hle a ni. Ka thiana hriat ve miah lohvin a Duhlaii chuan tawrh zawh rualloh tur natna khirhkhan tak a lo tuar a; lungleng leh khawhar em em in a natna khumahhun leh darkar tin a chhiar liam thin a. “Valmawia a lo thleng mahna,” tiin beiseina derthawng tak nen nitin a lo thlir thin a ni. A thih dawn darkar ah meuh chuan zah pawh dawn zo tawh lovin a hmangaih, a ngaih em em, a Duhlaia hming chu lamin kawngkhar lam a la melh tawk tawk; chutiang chuan beiseina beidawnthlak tak nen a chatuan ram a pan ta a ni. Heng thu te a hriat hian ka thiana chuan lungawi har a ti a, a lung a chhiain a tuar na hle a ni.

Pangpar mawi tak te paw’n chuai ni an nei a, zing ni chhuak eng mawi tak enna pawh thlang kawla a liam meuh chuan thimna in ro a rel leh thin a ni lawm ni. Mihring chu nung turin khawvel ah a lo piang a, thi leh mai turin a nung a, a dam chhung zawngin harsatna, manganna, beidawnna leh lungngaihna te’n a chim buai reng fo thin. Hlimni lo her chhuak ve te lah hian rei a daih lo fo thin bawk si. Hringnun a lo tawp hunah dai kai rual loh thihna hlimkawr ruam a zawh a, rauthla khawvela chatuana nung tura khawvel chhuahsan in, lei vaivut a siam chu vaivut ah vek a kir leh thin. Thihna chuan milian, mite, tumah a thliar hrang si lova, chu thihna chu tuma tan maha pumpelh theih a ni lo.

Heng zawng zawng hi ka thiana chuan a hre chiang khawp mai. Mahse pangpar mawi tak chu a lo chuai anih pawhin, a tuk leh lawkah a ang chiah a lo parh chhuak leh a, zan thim ber pawh zingtian ar a khuan meuh chuan kawl engin a hnawt tiau leh thin. Thlasik khawvawt hrehawm ber pawh a liam meuh chuan nipui a lo thaw leh a, thlasik khawvawt avanga hnah hlui til ta te pawh thal boruak a lo thawt meuh chuan hnah thar chawrno te’n an lo thlak leh thin a; chutiang zelinchhum dum ber pawh lo zing mup mup thin mah sela, a kian hun meuh chuan khawtha leh ni eng mawi tak a lo chhuak leh thin. Valmawia leh a duhlai Thasensiari tan erawh chuan engtik ah he khawvelah hian mah nungdama intawn leh ni a herchhuak leh tawh ngai dawn si lo. Thihna thim leh kut vawt tak chuan kal kai rual loh turin an inkarah leikhichat a zam a, rauthla khawvela intawn leh hma zawng kumkhua atan a thenhrang ta. Beiseina nena an lo thlir dun thin zawng zawng te chu engmah lovah a chuang zo ta a, chatuan atan a thamral ta.

Hun leh ni te a liam ve zel a. Hmana an tlai len dunna leh an sulhnu hlui a fan kir ni te a lo her chhuak a. Engkim mai a ngai reng a la ni. Inkham lo leh inning lo taka an thut dunna te leh tlai nitla tur an thlir dunna hmun te pawh a nih dan ang ngai ngaiin a lo la awm reng a. Ka thiana tan erawh engkim a danglam zo tawh si. A thil hmuh apiang te chuan a Duhlaii a hriatchhuah tir a; engkim mai chu a lung tileng tu mai an ni a, an sulhnu hlui te pawh a hmu chul rup vek mai. Choak hram takngial pawh a tahpui lo chauh zawng a ni e! Sulhnu hlui te chuan a rilru an ti thar leh a, nunhlui liam tawh te a mithhla ah an thar leh a, chu chuan suangtuahna khawvel ah a hruai lut a; a suangtuahna leh chhingmitthla chauh lo chuan a lunglai hnemtu a Di lenna laitual a thlen zo tawh lo. Aw…. hla phuah thiam chu han ni na se, heti hian a ti mai tur:

“Sul leh tuan hmun hlui fan chang in,
Thinlai a thar nang ngaih a zual
Lunglai ka vai hrilh a hai ngei
Duhlai khawnge i awm tak le”

“Thlafam chang lungduh liam hnute
Theih se aw tawn leh ka nuam
Fang ila rauthla lenna pialral
Ka lungdi ka tawng mahna”.

Favang nitla tur eng mawi tak chuan ka thiana mut pindan chu a chhun eng no raih a. Ni tla tur chuan a thlir nuam tawk tur chauhvin tlangtin mual tin a en riai a. Kawmthlang lamhnai tuikhur kianga sehawr thing tar tawh tak zara vakul leh thangfen te paw’n mawi an tiin tawrh har an ti ve ni ngei tur a ni, an inchhawn raih raih mai bawk a. Chhemdam thlifim chuan mual tin ruam tin a hrut a; furpui liam ta ina a chawm, thing hnah chawrno hlap te chu a chhem fawn delh delh a.

Chu favang khawvel mawina te chuan ka thiana rilru leh ngaihtuahna te chu a hruai kawi a, a khua a harin a lung a leng kher mai. “Hringmi sakruang leh anka nem tawnni her chhuak leh dawn tawh ngai lo pawh ni se, aw ka Duhlai, zantiang tawnmang lamah tal lo leng thin ang che. Then tawh lohna tur pialral rammawiah tal min lo nghak reng ang che aw….” tia mahni chauhva phun mawlh mawlh chungin thlang lenkawla liam mek vangpui ni tla tur eng no riai chu a thlir vawng vawng a.

“Hmanah hlim te’n laitual i len laiin
Zo awi ngirtling leh sirva te tualchaina
Phaithing chhawl hnuai ramdai ah
Chham ang i zal ta maw
Tawn leh ni her chhuak tawh lo mahse
Nghilhni reng ka nei lawng che”

Similar Posts:

Recent Posts:

48 Responses to “Thawnthu (Tawnloh kara fam ngaih lunglen)”

  1. 1
    funny Says:

    first cut is the deepest :lol:

    Report this comment

  2. 2
    mi_sual Says:

    Hla thu tam hle mai, kan zai lo chauh lawm le…. :-D
    Ran te pawh an lungleng thei ve a niang e…
    http://4.bp.blogspot.com/_Lqnz.....+diddy.jpg

    Report this comment

  3. 3
    Diktea_Pa Says:

    Ziak ngaihnawm khawp mai.

    Kan thianpa lungleng ve thung :-
    http://www.flickr.com/photos/c.....0/sizes/l/

    Report this comment

  4. 4
    shabito Says:

    Sabereka Khuangkaih Mag ah pe teks teh a, an duh khop ang.

    Report this comment

  5. 5
    vla Says:

    chhiar xo ve hram e..

    Report this comment

  6. 6
    shabito Says:

    For Admn: Kan ‘log in’ hnu hian a then post-ah a lo in ‘log in’ lo thei tho mai a, hei hi engnge a chhan ni ang? e.g. Tuna ka in ‘log in’ lai hian Hel man chungchang post-ah khi chuan ka comment thei miah lo.

    Report this comment

  7. 7
    tlau Says:

    Article jiak thiam tak anih hi, zonun hlui te poh a phokchhuak tha hle mai

    Report this comment

  8. 8
    mi_sual Says:

    @6 shabito
    I log ringawt anga, a la in si lo tihna a ni mai em? :-D Han hrilhfiah teh u

    Report this comment

  9. 9
    shailendra Says:

    motor insawh nen chuan chhiar a har tlat. Tlai a champhai thlen hunah ka lo chhiar kerh kerh ang e…

    Report this comment

  10. 10
    mi_sual Says:

    @ 9 shailendra
    Burma Zu min lo hawn rawh, ka lungleng ê mai, ka OT êm lovang chu, ka chhiar chhuah vang zawk a nia…. :-D

    Report this comment

  11. 11
    kawlhawk Says:

    Tunah chhiar chak hle mah ila, zanin kerh kerh zawhah muang dam dapin ka chhiar ang. Kan Caribou-a hi Thu a thiam hmel riau…

    Report this comment

  12. 12
    Kawnga Says:

    @Caribou.. hei zet chuan i thu leh hla thiam zia a pho chhuak chiang ngei mai. A ngaihnawmin i tawngkam chheh hrim hrimah pawh KA U i ni tih ka pawm thlap mai.

    A taka i thil tawn, i thianpa angin i sawi mai mai niin ka hria. Ka chhui dawn che. :)

    Report this comment

  13. 13
    Stallion Says:

    ka chhiar zo e.
    ..This too will pass away.

    Report this comment

  14. 14
    zualbonez Says:

    Post romantic thei khawp mai. i must hv cried a thousand rivers

    Report this comment

  15. 15
    caribou Says:

    In duh dan dan khan lo comment teh u, ENGKIM phal vek (including Insawisel, inkah, OT thlengin).

    Report this comment

  16. 16
    Irreplaceable Says:

    Caribou: Ngaihnawm hle mai, Kawnga angin achangtupa khi nangmah i nih ka ring ve e.

    Hla lam pawh ilo tih theih fu hi, han thawh zel teh, thu leh hlaa online investment hi hlu deuh ania :)

    Report this comment

  17. 17
    Teleptuama Says:

    I eizawnna i hai chiang u caribou chu, stock market,mutual fund,investment tih vel aichuan hetiang hi ziak teuhla,miznw magazine ah te hralh la,anih loh pawn collection te siamla,i fans kalo nive ang..Hihi, i ziak morantic thuai thuai e.

    Report this comment

  18. 18
    caribou Says:

    Ekhai…. in fak awih loh. He post ah hian tun tum chu “engkim” a leng vek (except a ziak tupa fakder) ka tih hi. OT phal ani e.
    Hla thu te khi thluk neilo, phuah chawp liau liau a ni e.
    OT phal ani tih ka han puang nawn leh e.

    Report this comment

  19. 19
    sillyBoy Says:

    A tak taka romantic lo deuh hian a ziak lamah an tuan a, an ziak romantic thei viau a nia.

    Report this comment

  20. 20
    hitchhiker Says:

    Note ka chhiar a, inthlahrung duh reng reng suh. A sei apiang atha, an ti. A dang zawng chu Ina chhiar ah.

    Report this comment

  21. 21
    awmawmpuia Says:

    Hetiang hi alawm ziah ve ka tum fo, ka hlawhchhampui ziah chu. A sawi hi ka thiam zawk a. ziak thiam ila chuan ka tawnhriat ngei te pawh lungkuai tak tak a awm ve nual asin mawle. Caribou, ka tawnhriat thenkhat hi ka hrilhru keuh ang che anga, nangin lo ziak ta che. :lol:

    Report this comment

  22. 22
    mzvision Says:

    misual ho hian romantic deuh deuh kan lo nei nual anih hi

    Report this comment

  23. 23
    keimah Says:

    Tunlai chu kan romantic hlawm lutuk a, thu tak han sawipui tlak pawh misual ho zingah hian an awm mang lo ! Kan kur nghuai vek mai a nih hi maw! :( :cry: :cry:

    Report this comment

  24. 24
    funny Says:

    Lalpi_Irre i lakah tehian han luangliam ve teh u :lol:

    Report this comment

  25. 25
    PimPom Says:

    Mittui a ko hnai mai dawn alawm le. Thu i thiam takzet mai.

    Report this comment

  26. 26
    Irreplaceable Says:

    Funnyte: Hmeichhia, tun atranga misuala rawn comment leh hmasa ber hi ka lo biak dawn che, lo inring rawh aw! :)

    Report this comment

  27. 27
    funny Says:

    ok. pi irre tha lutuk, mahse parva talh tihvel kha sawi tel chi miahloh aw., in fak lam kha uar chintawk a awmlo ania :lol:

    Report this comment

  28. 28
    sillyBoy Says:

    Ehhemmm!!! funny, irre hian insawi luh a tum a niang a,pi blake-i hi a rawn com
    ment hmasa mai anga a?????

    Report this comment

  29. 29
    Irreplaceable Says:

    Funnyte: Sakei tih vel chauh auh, Delhi kan cc tel ang em?

    sillyBoy: Chutiang lam ani lo, bmw-in a rawn comment hmasak pawn ka biak hmiah ani mai :)

    Report this comment

  30. 30
    funny Says:

    Lalpi_Irre: heihh! amandate in thil alo hrilhru che animouh :lol:
    nangman i comment leh hmasa ber sia, nangmah kha min tihpui a ngai dawnta anih hi, le le le le

    Report this comment

  31. 31
    sillyBoy Says:

    Delhi ka lung a leng mang e, hmanah chuan south India ah pawh 400 kan chuangh e. Funny chu a tuai e mai HVa’n a ti.

    Report this comment

  32. 32
    funny Says:

    sillyboy: chutin lo ti suh Irre-i khi a insawi awk tawh ania :lol:

    Report this comment

  33. 33
    grady Says:

    @caribou chu Kawlhawk nen category khat in ni ta, in ril dun triah triah hle mai. Mi(sual)nih in ti nuam thin e.

    Report this comment

  34. 34
    chawnghilh Says:

    Zochhang hmawm hnih lek, a funna inthuah hnem tak hi chu ka huat zawng tak … he thawnthu, hriat loh kar leh kar hla dana hmangaih ber inthihsan chanchina rilru lunglenna chanchin ti leka dah theih … heti khawpa ngaihnawm leh bengvathlak tak mai a CONDIMENTS chi tin hmang thiam hi awm fo teh u, Kawlhawk pawh a meng bial pawpin ka ring.

    An inthihsan lovang tih a hlauhawm rum rum zawk e, a ngaihnawm dep dep em mai!

    Report this comment

  35. 35
    kawlhawk Says:

    Ka chhiar hman ta e, ka chhiar chhuak ta e!

    Pu chawnghilh,
    Ka mengbial pawp tak tak nia!

    Caribou,
    Heti khawpa Thu leh Hla thiam i ni tih reng ka lo hre lo a. I thawnthu, I thianpa fam ngaih hla, mizo thu ziak nalh tak leh Thu ril tak tak hlir awmkhawmna- he Thawnthu-ah hian engvanga ka hming ‘kawlhawk’ lo telh ta ngawt nge maw i nih le? Ka lawm lo a ni lo, ka phû lo… Ka zak bawk! Vawikhat chiah ka’n chhiarnawn leh ang e.

    Report this comment

  36. 36
    Irreplaceable Says:

    Lalfunny: Mahni ‘Pi’ te khatin an ti ngai lo, nula ho hi an va reh ve, i trawngtai tha lo aniang :lol:

    Cariboua’n OT a phal tho a, ka zam lo he post ah hian :)

    Report this comment

  37. 37
    funny Says:

    Pi_Irre: awiah awiah katihpalh, funnyte tih atangin Lalfunny tih ah ka tlahniam leh ta rih :lol:

    Report this comment

  38. 38
    bauhbauh Says:

    ziak thiam ve aw

    Report this comment

  39. 39
    caribou Says:

    Min comment sak liam liam a, ka lawm kher mai. Kei chu literature lam ai chuan mutual fund, ulip, etc., lam ka tui zawk. Hetiang lampang chu concen a ngai em mai.

    Report this comment

  40. 40
    caribou Says:

    @Pi Irre: Titi zawm zel teh u. A ngaihnawm ka ti tlat.

    Report this comment

  41. 41
    caribou Says:

    “Khumbeta lunglen hi a lo awm ve thei ani lo maw? Sawi fiah thiam si loh hian awm bawr chhunglama atanga mi hnawh ul chungin lairil a fan ngaih thei niawm an sawi nia.
    @Kawlhawk: Kei chuan Muantea leh Kawnga ne ka ek zo lo. An ke bula seilian ka nia.
    A sei tehlul nen min chhiar chhuah saktu te chungah ka va hlim tak em.

    Report this comment

  42. 42
    Puii Says:

    A thawnthu chu a va lungrun ve mawle… Khawi ami tak ni ang maw…

    caribou,a khawngaihthlak em mai Part II siam teh, hmangaih dang neih tir thuai teh.

    Report this comment

  43. 43
    As_Khiangte Says:

    Caribou, a va ngaihnawm ve le. Hmangaih ber tawnga run hmun leng duna fanau malsawmna nen damlai par tlan zawng zawng te u, he thawnthu atang hian in vanneih zia hre mawlh teh u.

    Report this comment

  44. 44
    caribou Says:

    @Puii: i va ti lawmawm tak. Part II a awm te chuan a ho zo vek dawn asin.
    @As_khiangte: ka nu te lam atanga ka thisen zawmpui i nih vang pawh ni kher lovin dam hi chu a lo hlu ani tiraw. Sipai ah pawh a dam khawchhuak nge nge an kaisang thin an tih kha.
    Rethei te pawh ni ila, damtlang taka chhungkua kan din ve thei ringawt pawh hi lawmawm tak ani.

    Report this comment

  45. 45
    Ku Muanga Says:

    Hmaanah Caribou hi, Shillong-ah, mi pakhat nen khum betin an lung an ti hrisel, oh an tileng :lol:

    Caribou, A sak lam atangin a ziah lamah i kal ta a ni maw? :D

    Report this comment

  46. 46
    H.Vangchhia Says:

    caribou hi awm hmunah i “morantic” viau lo maw, show chhuak vak si lo in :D

    Report this comment

  47. 47
    caribou Says:

    @Ku Muanga & H.V.: :razz: A ziak lam hi chu a tih ve theih mai a, a tak tak lamah hi chuan ka lak tlak loh kher mai.

    Report this comment

  48. 48
    As_Khiangte Says:

    @caribou: Mizo in a dam hi han hauh phawt mai ila kan ti thrin hi thil awmze thui tak nei a ni reng a ni. Pu Damhauha (RIP) hming te hi a thra riau asin. Thisen zawm kan lo ni chu a va tihzia ve. :D

    Report this comment