-Jonathan Lianhmingthanga
“Ka u, hei ka Mobile number hi Mami i lo pe dawn nia”, tiin U Awmpuii Chawlhni Chawhma Inkhawm bang, an In lam pana a haw chu ka auding a. A ni chu alo ding ve mai bawk a. Tichuan, a lo dinna lam chu ka va pan a. A ni chuan, “Mami chu nikum khan a thi tawh a sin!”, a ti ta mai! Ka nghingdawtin ka hria. Ka beisei hauh loh thil hria ka nih avangin ka hnuk a ulh titih a!
U Awmpuii chuan, “Ka zinlai a thi a nia. Kei pawh ka awmlo va. Ka lung a leng thei lutuk! An In bangah a thlalakte an tar a, ka thlir thrin a, Ka ngaitheiin, ka khua a har thei khawp mai! Kan Phone no hi la la, min rawn phone thin dawn nia”, a ti a. Tichuan, Students’ Union Committee zo hawlam ka nih avangin hmanhmawhlo tak chuan an In phone no chu ka laksak a, engmah sawi lemlo chuan kan in mangthra ta a.
Nia, Mami khan natna khirh tak mai TB(Tuberculosis) a vei a vangin hun engemaw chen chu Zemabawk TB Damdawi In-ah te a awm a. A chang leh mahni In lamah an inenkawl bawk a. Hun engemaw chen kan inhmuh tawhloh hnuin, ka beisei ngai hauhloh thil chu ka hre ta a ni! A damlaiin a nungchang a mawiin, a fel a, mi tihlawm a thiam a, a nui deuh reng bawk a, fiamthu a duh em em bawk. Chuvang chuan kei pawhin ka ngaina, a ni pawhin min ngamtlak a, kan inkawm ve fo thin. Mahse, chung thilte chu tuna chuan Piallei thuah-riat karah a lo thamral ta mai si! Aw, Mami tak kha aw!
Mami, a hmingpum Hmangaihthangi hi a nu leh pate hming chu sawi lo mai ila a thra zawk in ka ring. Venglaia khawsa an ni tih chauh hi ka sawi ang( A chhungten min lo hrethiam se, anni nen chuan kan inhriat lutuk loh avangin ka ziakthui vaklo vang). Mami nen hian Mary Jones Higher Secondary School-a Class-XI (Sc) ka zir laiin kan inchhar a. Canteen a chhungten an siam a, chu chu a damloh avanga School a chawltawh avangin a ngahpui thrin a. Chhun Break laite hian kan inkawm thrin a, kan infiam nasa thei hle. Kan inngamtlak em avangin kan Teacher te pawhin min chhaih fiam ve fo thin a. Kan Miss Estheri, D/o JH. Ramnghinglova phei chuan chhaih takah min neih a. Inngaizawng chiah lo mah ila, a nuam ve thei hle a nih kha..
Heng kan inhriat trantirh lai vel hian Vaivakawna ka pa u (Ka papuia) te Inah ka awm a. A remchan hun hunah min rawn phone thrin a, ka awmnate chuan min chhaih thrin nghe nghe. Nia, Mami nen khan inngaizawng chiah lo mah ila, kan rilru chuan kan inhaw lo ve ve a ni.
Vawikhat pawh Chawlhni-in Chaltlang-a a kal a ngai a, ‘Min kalpui rawh’ a tih a vangin ka kal pui a. A nin Chanmari kawnah min lo nghak a. Vaivakawn Zohnuai atngin ka han kal vang vang a, min lo nghak trang trang bawk a. Kan inhmu chu kan hlim hle. Tunah hian chhiartu duhtak, thlafam chang tawhhnu Mami chu ka mitthla-ah ka hmu fo a sin!
Tichuan, City Bus-ah kan chuang dun ta a. Kawr var lampang a ha a, puan a bih bawk a. Seat awl a awm vakloh avangin kan thrudun lo. Mahse, a inep chuan kan thu. Chaltlang dawrkawnah kan chhuk a, tichuan khami Chawlhni tlai, lung tichhetu tlai nita-ah khan kan pahnih khan vawikhat mah lengdun leh tawhlo turin kan inzui dun ve hnak hnak a nih kha!
Chutia Chawlhni-a kan lendun thu an lo hriat chuan kan Miss te chuan min chhaih nasa sauh va. Miss Mazawngi, Chanmari West-a mi pawh hian min chhaih ve fo thin.
Mami chenpui te chuan hetia kan inngainat leh kan lendun hi an hre hauh lovang. Vawikhat chu a nu leh pa awm laiin an Inah ka kal tawh nain, a nu leh pate nen chuan kan inhre zui vaklo.
Tichuan, zirna avangin Champhai lamah ka awm ta daih a. Class- XII ka zawh hnu chuan BCA zir turin Aizawl-ah ka lo chhuk leh a. Chuta ka thil tih hmasa ber pawl chu Mami va kan (Visit) a ni. Tichuan, Inriinni a ni a, Bazarah ka kal a, engemawtete ka leisak a, tichuan ka va kan ta nih kha. Amah chauhvin a lo awm a, a lo mu a. A lo nuamsam meuh lova, a lo dawldang hle. Mahse, hlim takin kan inkawm tho va, a nui tlawrh tlawrh a. Tichuan, ka thil leisak chhuanawmlo tak chu inthlahrung takin ka pe ta a nih kha! Ka thilleisak chu a hlut loh tehlul nen, mahse a lawm thiam hle. Thingpuite a lum a, thingpuite kan in a, ka hawsan leh ta a ni.
Tichuan, khami kum atang khan kum hnih vel zet chanchin kan inhre tawnlo vang vang a. Mahse, ka thinlungah a thi ngai lo. Hmulovin, tlawhpawh lemlo mah ila, ka thinlungah chuan rawn lanchhuah chang a neifo thin. Mahse, ka rinloh leh beisei miahlohvin Mami chuan mual min liamsan ta si!
Ka inngaihtuah lungchhiat chang chuan Mami boral ta hian ka lung a tichhia a. Mahse, tunah chuan Vanram-ah hlim takin, TB awm tawh lohna ramah, a mah siamtu bula awmin, hlim takin, Lei nun hreawm tak hi ngai hauhlovin a awm tawh ngei ang. Kei ngei pawh hian tuanh chuan Mami tana thuziak chauh ka ti thei ta si! Aw, a boral dawn te chuan min hrechhuak ve ngei awm si a! Aw, Mami….
Mami, i tan he ka thuziak hi ka hlan a, hlim takin, lei nun reng ngai tawh lovin, rorelna ni-a kan inhmuh hun tur nghakin min lo thlir reng dawn nia.
10:24 Chawhnu 21/10/2007
...
(I...
March 10th, 2010 at 3:06 am
Mami, hmasaber kha ! Hmingteas, sentimental deuh lai a thil ziah hi sentimental loh hnu hian chhiar a nuam vak lo, keimah ah chuan !
[Report abuse]
March 10th, 2010 at 3:09 am
Thihna hi chu a run thlak teh zawng ani hi.
[Report abuse]
March 10th, 2010 at 3:17 am
Mami hi mimal takin hre lo mah i la Mary Jones in sawi takah chuan Zirsangzela’n “Ainawni” a phhuah chhan kha Mary Jones sikul naupang vang kha a ni lawm ni kha?
[Report abuse]
March 10th, 2010 at 3:27 am
@lushai_er; i thu dawnna a sual deuh ani mai thei “Ainawni” tih hi Lalnunmawia(Valtea) phuah alawm Hnahthial a a phuah ani e.
[Report abuse]
March 10th, 2010 at 4:03 am
Mâmi (Hmangaihthangi of Vênglai) khi pronoun-a i ziah chângin “A ni…” i ti zauh zauh va, “Ani …” tih zawk tùr! “A ni …” i tih khân Mâmi pa farnu tùrah ka ngai hman thuak thuak thìn!
A lungrunthlàk mang e! Chuti taka in inkawm ngeih reuh si chuan, chanchin hre lovin in khawsa rei dùn thei ka ti mang e —cell phone in la hmang hman lo em ni?
Rinnaa fak hlawh tawhte pawh khàn engmah an la chang rih bìk hlei nem!
Hebrai 11:39 Tin, chùng zawng zawngte chuan rinna avànga fak lo hlawh tawhin, thiltiam* chu an chang lo va, 11:40 keini tel lova anni chu tihfamkima an awm loh nân Pathianin keimahni kawng thu-ah thil engemaw tha lehzual a buatsaih tawh avàngin.
Engnge thil tiam chu?
Tita 1:1,2 Paula, Pathian bawih, chatuana nunna beiseia Pathian thlante rinna kawngah leh Pathian ngaihsak lam thutak hriatna kawnga Isua Krista tirhkoh bawk chuan: (Chu chatuana nunna chu Pathian, dàwt sawi thei lova chuan khawvèl awm hmâin a tiam a …
[Report abuse]
March 10th, 2010 at 4:16 am
thihna hi chu a na asin, kei pawh ka thian tha berin thla kua (9) kal ta ah khan min kal san a, mittui hi a hul thei meuh lo ani e, tun ah chuan ka lawmna te ka lawm lohna te sawina tur ka nei lo der mai,chawhnu dar 2:30 hi khel lova kan in call hun a nia, vawiin ni thleng hian hemi hun a thlen chuan,mittui hi a hul thei meuh lo ani e. A va na tak em !!!!.
[Report abuse]
March 10th, 2010 at 4:37 am
10:24 Chawhnu 21/10/2007 zinglam atranga chawhnu her thlengin he thu hi i izak me niang le
2007 vela TB vanga boral kan la awm hi kei chuan ka hrethiam lo, treatment a la mumal lo nge sawrkar hian chhui chiang hial se ka ti. TB kan la tirem lo lutuk hi a pawi em mai hei kan misual pui poh hi a lo lungleng zek anih hi.
Mahse kum 2 vel chanchin inhre miah lo mahni truanna muala tlei tak a address engkim a hriat vek si hi an in ngai lutuk lo em ni ka ti
NOI
[Report abuse]
March 10th, 2010 at 6:38 am
TB hi a huatthlalaawm khawp mai. Kan la thihpui fo chu anih hi. Kar hmasa mai pawh khan MBBS zirlai, vei lo se doctor tawh tur, TB natna avangin a boral. Tin, natna dang nena kai kawp phei chuan thihpui kan la awm zel dawn niin alang. Mami chu a ngaihawm ve thei mai dawn alawm le, a ziaktu hian a ziak thiam bawk a.!
[Report abuse]
March 10th, 2010 at 7:03 am
A va khawngaihthlak ve, Mami chu aw…..
Kan society ah meizuk te, khawi maw ti-a inkawmsak zeuh te (sahdah, khaini), a remna apianga chil chhak mai te, ruai kilkhawm leih leih te etc… kan fimkhur lo em bawk a ni.
[Report abuse]
March 10th, 2010 at 9:59 am
Internet awm lohna a awm chu a hrehawm ngei mai…. Misual ho hi inlo ngaihawm thei phian a nih hi… @hmingte i thil tawn hi hnial kalh ka chak hle mai, Vai film an na riau a nei, A boral hnu ah a thlan i tlawh tawh em le ? I hmangaih na tak tak chu thlan i en kawl zui dan ah a lang chiang in ka ring.
[Report abuse]
March 10th, 2010 at 10:03 am
#4 ThaiBoy, ka thu dawn a sual lo ang ! I thu dawn a sual zawk a niang!
Valtea chuan a sa lar ngei mai a, mahse a phuahtu chu Zirsangzela Hnamte a ni tih ka vaibel tluk zet in ka hrechiang! NOI…June 19 1975 a Hnahthial a phuah a ni.
A chhan pawh a hlaphuah threnkhat Darthlalang-te kha min an hlut sak em em pawh a ring pha lo a, mahse hringnun a phuahna amah paw’n a duh em em “Ainawni” hi rin aiin mi’n an lo hlut leh vak si lo a!
A phuahna hmun chu khawi pawh nise, a phuahchhan kha angai rengin ka ring deuh a!!!
[Report abuse]
March 10th, 2010 at 10:12 am
ka chhiar zo a, ka ninghulh mai nia… in va khongaihthlak ve aw….
[Report abuse]
March 10th, 2010 at 12:31 pm
Chawhnu ka tih khi Zanlam a ni e.
[Report abuse]
March 10th, 2010 at 1:03 pm
hmingte..i rawn post hnu hian i danglam riau in i in hria em..thawveng deuh hawk kati zawk dawn nge..
Thian rintlak dangte hrilh velo a aruka mahnia tuar tlawk hian kan rit zual deuh2 duh khawp asin,,.
Thihna avang em chuan chuti taka ka ngainat ten minla then lo mahse ka hriatthiam zawngtak ani e..thihna avang nisilo a inthenna pawh hi a na hle si a.
[Report abuse]
March 10th, 2010 at 1:06 pm
Nia… Ka danglam tawh maithei!! Hmanah Evening Post- a Thalaite huangah min chhuahsak tawh a. Chumi bak chu hmundangah ka la tihchhuahtir lo. Kha- ka rawn hlui che u a nih kha!!
[Report abuse]
March 10th, 2010 at 1:23 pm
Hei hi a tak tak maw? Anih chuan a va khawngaihthlak ve! A lungchhiatthlak tawp.
[Report abuse]
March 10th, 2010 at 1:40 pm
aduhi..a tak anih i ringvak lo ami, nge i ringphal lo zawk..Evening Post ah te pawh alo chhuah tawh anih khi..
A zia lo tak tak ani..in ngaizawng em nilo mahse la thil lungchhiat thlak tak ani ve hrim2..Mami chhung te hi va kan se kati…ka phût tlat..
[Report abuse]
March 10th, 2010 at 1:57 pm
Lersia: Khawngaihin thlan enkawl leh hmangaihna inthlunzawm dan hi han sawi zau deuh teh. Hmingtea te tawn ang nula tlangval inkara lo thlengah hian a applicable ve dawn em ni?
Hmingte: P.S, I Love You-Cecelia Ahern ziah kha chhiar rawh, i inchhir lo ang.
[Report abuse]
March 10th, 2010 at 9:42 pm
ThaiBoy, “Ainawni” phuahtu chu i record dan chuan Valtea chu a la ni reng em? Registerah kut ziak a record & Cyclostyle copy ka la hmuh thei ang che! Ka cofi viau a nia!
[Report abuse]