Mizote hian hawrawp kan neih atrangin hma kan sawn chakin Lehkhabu pawh kan hawrawp neihna la reiloh ngaihtuahin kan nei hma angreng hle a. Heng Lehkhabu chhuak tamtak zingah hian Mizo hnahthlak kuthnu chu tamtak awm bawk mahse, tawng dang atrang a lehlin te a awm bawk a. Mizo trawng chauh nilo, trawng dang- hnamdang trawng atranga Lehkhabu lehlin thrin a ni te hian kan hnam trawng- Mizo Trawng hi kawng hrang hrangin nasa takin hma a sawn tir nasa hle.
Chutiang bawkin Lehkhabu thra trangkai zia, chhhiar a manhla zia, a chhiartuten an trangkai pui zia pawh kan hre chho ve telh telh bawk. Tin, mi tamtakin Lehkhabu zawrh chu eizawnna tling a nihzia te pawh kan lo hria in, kan zuar a, zuar mai nilo vin, mi harsa zawkte tranpuina ni pahfawmin hawh theih turte pawhin kan lo buatsaih chho ta zel bawk. Hetiang taka Mizote hi Lehkhabu chhiar peih kan lo ni hi a vanneihthlak a, a lawmawm takmeuhin ka hria.
Mizo Trawng hi la naupang hle mahse, khawvel trawngah chuan a hlu pawltak niin ka hria. Saptrawng te chu sawilohva lumah dah ta ila, Mizo trawnga thumal pakhat(Words) ringawt pawh hian thil chi hrang hrang a sawi theih a. Entirnan, ‘lei’ han tih mai te hian awmzia chi hrang hrang, inlaichin miahlo – panga aia tam zu han nei a! Kawng lehlamah chuan Mizo trawng hi a hausa phian awm e. Thu kan han sawi uarna tawngkamte hi mawi danglam tak a ni.
Entirnan, ‘lutuk!’, tehreng mai’, taktak maw?!’ han tihte hi sapin ‘very very’, ‘so much’, really!’ an tihte ai chuan ka bengah chuan thangmawi tak a ni. Kan Mizo trawngkam hmandan leh ziahdan thleng hian kan Mizo Lehkhabute hian nasa takin nghawng a nei thrin a. Mi tamtak chuan Mizo Lehkhabu hi kan chhiar tha peih meuhlo bawk, hei hi a pawi a, mahni hnam tawng humhalh tur chuan mahni hnam ziarang lanna Lehkhabu kan chhiar nasat a ngai khawp mai.
Kei chuan Lehkhabu chhiar hi a nuam ka ti a, nun a tihhlim zia leh kan chhiar Lehkhabu-in a tihlan tuma ngaihtuahna khawvel- a zu chen chuan a nawmzia pawh ka hrechiang khawp mai, chuvang chuan ania- khawi hmunah pawh kal ila, chhiar tur ka dap ruai a, ka chhiar tak chawt mai thin ni!
‘Mizo trawng hi ka thiam talua e’ ka ti hauh lo. Mahse, kei aia Mizo trawng hman thlahdah leh humhalh nachang hrelo, rual-u zawkte an tam em avang hian kan Mizo trawng humhalh nan hian ka theih ang tawka tranlak ve ka tum fo thin. Amaherawhchu, Media lamin min puanzar sak duhloh va, min chhuahsak duh siloh chuan buaithlak tak a ni. Media hi hnam ziarang leh trawng humhalh nan chuan a kila lung trangkaiber a nih avangin Media lama kan Mizo unaute hian tran an lak a pawimawh a, mipuite pawh hian kan support a ngai tak zet bawk a ni.
Khawvel ram hrang hrang hi han thlir ila, an ram leh hnam humhalh tura Thu leh Hla (Literature) lama hma an lak nasatzia kan hretheuh awm e. Mizoten an ram leh hnam kan ngaihsan ber nia lang American leh British hoten an hnam humhalh nana hma an lak nasatzia leh khawvela an mikhuallohzia te pawh sawi sawi ngailovin kan hria. An Thu leh Hla lama mirilte kutchhuak an hlutthiamzia leh an ngaihropui thiamzia te khu kan hria. Chutiang ang a nih si chuan Mizo Trawng hi kan humhalh a, hma kan sawntir a, a thranzel nan leh khawvel- a langphaa kan siam chuan Mizo Trawng hi a boralin a lo dazat mai lovang. A ni lawm ni?
Awle, tunlai kan Mizo Trawng hi a dazat tawh em em a. Chvang chuan ka ngaimawhzual Mizo Trawng humhalh duhna avangin ka han thailang dawn a. Sawive duh chuan inrawn sawi ve dawn nia. A tul chuan kan inchhang zel ang. Mahse, mimal leh Pawl rilru tihnat erawh ka tumna a ni lo tih inlo hriat ka duh khawp mai.
a. Khawngaihthlakawm/ Lainatawm:
Mizo trawng hausakna pakhat chu Double Adverb kan neih thratzia hi a ni awm e. Sapin ‘Very very’ an tih ai chuan kei chuan a mawi ka ti fe zawk. Thiltih mai bakah kan ngaimawh zawngte kan sawifiahna trawngkam kan hmanah hian ni chiahlo deuhva sawilanna kan nei zauh zauh thrin a. Khawngaih-thlak-awm hi Double Adverb a ni a, Mizo trawngah hian Double Adverb hi kan hmang nawn ngailo va, chuvangin khawngaih-thlak-awm tih ai chuan ‘khawngaih-awm’ tih mai tur a ni. Tin, lainat-awm tih nen hian kan ngaihpawlh fo va, ‘lainatawm’ tih hi khawngaih-awm tih nen hian a inlaichin deuh va, mahse khawngaih-awm ai chuan thinlung a khawihdan a thuk bik khawp asin. Chuvang chuan thinlung khawih ngawih ngawih sawi nan chuan ‘lainat-awm’ hi hman a, tlema thinlung khawih lemlo deuh chu ‘khawngaihawm’ ti zawk ta ila, a mawiin a nalh zawk ang a, a hmangtute tan mai nilo, a lo hretute tan pawh hriat leh ngaihthlak a nuam zawk fe ang.
b. Tleirawl/Rawlthar:
Hmeichhia, nulat hre trantir sawi nana Mizoten kan lo hmanthrin Tleirawl tih hi Mipa, tlangval hretrantir- Mizoten ‘Rawlthar’ kan tih nena hmanpawlh hi mi tamzawkin kan tihdan a ni tawh in alang. Heihi keichuan pawi ka tikhawp mai. Engvanginnge Rawlthar tih thu hi a boral mai ang ni? Mizo inih chuan Rawlthar tih thu boral maitur hi ui la, Tleirawl tih hi Hmeichhia leh Mipa sawikawp nan hmang tawh suhla, Hmeichhe lam sawinan chauh an hmang thrin tih lo hre tawh ang che!
c. Mai/Mei:
Tunlaiah Mobile Phone mitin mitangin kan hum ta fir fer a. SMS kan type hian ‘MAI’ tih tur aia ‘mei’ hmang thin kan tam lutuk! Thil ni tur emaw, nitawh emaw sawi nan Mizote chuan ‘mai’ kan hmang thrin. Mizo i nih chuan nunna nei taksa peng pakhat(Tail) sawinan emaw, Thil alh (Flame) sawi nan emaw, khermei deuhva chetdan(Action) sawinan emaw chauh MEI hi kan hmang tih lo hretawh ang che.
d. Vat/Vat vat:
Vat(Vangvat- a ‘vat’ lamrikdan ang) hi tunlai Mizo Trawng kan hmandanah hian Vat Vat(Hmanhmawh- Hurry) sawinan kan hmang nasa tawh hle. Ka hriattirh chuan ka nuih te pawh a za deuhva! Vat(Fat tih lamrikdan ang) pawh hi hmanhmawhna lam pang sawilanna thu a nih rualin Vat Vat hi chu uar lehzuala sawina a ni. Mahse, kan lamrikdan atang hian kan thilsawi hi a awmzia a danglam thei tih hriat athra. Chuvangin, kan tawng hi a rikdan chen hian uluk athra khawp mai.
Mizo hnam leh ziarang, trawng leh hawrawp hi boral mai lovin, thrang deuh deuh teh se.
Similar Posts:
- Chin hi eng tawng nge?
- ‘ZOLUANKAWR’ Pu P.L.Liandinga’n a tlangzarh
- Chiri Chiri
- AW ZOFA LENGRUAL DUHTE U!!
- Mi Ram Tawnhriat Zir Ang Aw
March 9th, 2010 at 5:11 pm
Mizotawng lam post-tu zingah chuan ziah zawm tur leh tur loh uluk lo ber i ni ang.
[Report abuse]
March 9th, 2010 at 5:17 pm
MS pawh hi a rit tran riau mai ka ti…
Misual Bible hi mizo trawng zir nan chuan a thra ber lawm ni!!!
[Report abuse]
March 9th, 2010 at 5:17 pm
Tleirawl/Rawlthar chungchangah chuan hmingtea leh Pu Buanga ngaihdan a inanglo tlats mai!
[Report abuse]
March 9th, 2010 at 5:19 pm
Tawng chungchanga thahnemngaitute leh kan mizotawng kalhmang veitute rilru hi zawng ala hah chho deuh deuh dawn a nih hi.
[Report abuse]
March 9th, 2010 at 5:31 pm
@hmingtea, i thahnemngaihna a fakawm hle mai. Ni e, Mizo Tawng hi humhalh a tul chho deuh deuh dawn niin a lang.
I thil han tarlanah khian kan hriat dan a inang lo deuh tlat mai:
1. Khawngaihthlakawm/Lainatawm – tih thupuiah khian: ‘Khawngaihthlakawm’ tihah khian ‘awm’ lai khi paihin Mizo tawng dik tak a ni mai. ‘Khawngaihawm’ ni lovin, khawngaihthlak tih zawk tur a ni e. ‘Lainatawm’ tih erawh hi chu a dik nghal thlap.
2. Tleirawl/Rawlthar – chungchang khi i post pakhat zawkah khan ka comment tawh a, ka han sawi nawn leh e: TLEIRAWL tih hian MIPA leh HMEICHHIA a huam ve ve. RAWLTHAR tih erawh chu MIPA sawina bik a ni. Heihi tun hma atanga Mizo tawng kalphung a nihzia chu Pu Buanga Dictionary-ah khan a chiang viauin ka hria.
3. Vat/Vat Vat – “Vat” tih ngawt pawh hi Mizo tawng dik takin hmanna a awm tho mai. “Lo kal vat rawh” tih ang chi te hi. “Chaw ei kha han siam vat vat teh u”, tih emaw, “Chaw ei kha han siam vat teh u” tih pawh a dik thei ve ve bawk.
I sawi dangte erawh khi chu a dik khawp mai. Mizo tawng tih nana Mizo “trawng” i hmang ang chi khi chu Computer khawl hain a daih loh avangin a ngaihthiamawm tho na a, Punctuation erawh i ti dik lo ve zeuh zeuh bawk a nih khi!
Mizo tawng duhtui ta rau rauah, ka han phunchiar deuh mai mai a ni e!
[Report abuse]
March 9th, 2010 at 5:42 pm
Mizo Tawngah T leh R a awm kawp ngailo.
[Report abuse]
March 9th, 2010 at 5:47 pm
@Keimah, i comment pahnihna khian min tichiang kuar kuar ta mai, tun atang chuan tlangval hre tan tir ho sawi nan pawh ‘Tleirawl’ tih hman ka hreh tawhlo ang. Hmeichhe chan deuh ah ka lo dah rilru thrin a mawle!
[Report abuse]
March 9th, 2010 at 5:57 pm
Pi Lalsangzuali hla a “Rawlthar tang fan fan” tih aiah khan “Tleirawl tang fan fan” tih han ni ta mai se
[Report abuse]
March 9th, 2010 at 5:58 pm
@Saitawk, tunlaiah pawh kohhran tam takin “Tleirawl Inkhawm” program te kan nei mek a, chungte chu hmeichhe ho inkhawm ni lovin, mipa leh hmeichhe tleirawl ho zawng zawng huam vek a ni zel.
Mizo tawngah hian thil ni awm tak, hriat fuh chiah loh hi a awm chawk a nia. English thumal ang anga Mizo tawnga dah te pawh hi a dik lo fo nia. Entir nan ‘come’ tih te hi “lokal” ni lovin “lo kal” tih tur; “cannot” tih te pawh “theilo” ni lovin, “thei lo”, etc. A tam mai.
[Report abuse]
March 9th, 2010 at 6:05 pm
high schoola mizo grammar kan zir thinah chuan TLEIRAWL tih hi hmeichhe lam soina a ni. RAWLTHAR tih chu mipa soina. a pahniha soi kop nan TLEIRAWL tih hi a ni ngai lo. THANGTHAR tih hian a soi kop viau jok ani
@saitok, lo awih toh suh, ka soi khi a dik jok ang
[Report abuse]
March 9th, 2010 at 6:07 pm
Hmeichhia sawina bik chu ‘tleitir’ a ni lawm ni. Tleirawl leh Rawlthar chungchangah chuan #5@keimah ka thlawp e.
[Report abuse]
March 9th, 2010 at 6:07 pm
NGAICHANG : He thumal hi ka hriat dan hmasa chu ngai leh chang hi a thluk dan a inang, lo nghak hrih,emaw thlithlai tih lampang sawina a ni. Tunlai News Reader tam tak bak ah a nawlpui deuhthaw hian ‘Chang’ lai hi thluk hniam, eg sa kah tum a chang tih a chang tih thluk hian an hmang ta zel mai a, khawi hi nge thluk dik zawk le?? Nge a dik ve ve? emaw a diklo ve ve?
[Report abuse]
March 9th, 2010 at 6:20 pm
@tlau#10, THANGTHAR tih hi a Sap tawng takin “generation” thar sawina mai a ni. Tleirawl/Rawlthar rual chauh ni lovin, an aia rual u zawk, nula leh tlangvalte pawh a huam tel vek.
Rawlthar/ Tleirawl chungchangah khi chuan a hmaa ka sawi khi a dik ka la ti fan.
@Saitawk#12, Ngaichang hi i sawi hmasak, ‘chang’ tih lai hi mau chang anga thluk sang hi a dik hmel zawk.
Thil pakhat leh bawk: “Miten min chhiar, min thlir reng e…” tih ang chia ‘ten’ tih lai tak lamrik dan hi, thil tenawm kan ‘ten’ anga thluk lovin, ‘in’ (house) thluk anga su deuh zauha thluk tur a ni!
[Report abuse]
March 9th, 2010 at 6:23 pm
@Keimah, kei pawh ngaichang a mau chang ang a lam rik hi ka la hmin tlat.
[Report abuse]
March 9th, 2010 at 6:34 pm
Mizo tawng zir lo leh thiam lem lo tak; mahse, Mizo tawng khawih nasa berte zînga mi ka ni.
Duhtui tak tak an tam tih hretu, an duhtui leh fìr dàn erawh inchen pha si lo. Thil tereuhtèa inhnial arh thiam tak tak pawh ka hai lo hlawm viau. An tanhmun dik hauh lova ding nghet tlatho pawh ka hre chiang fu. THU LEH HLA Magazine ber pawhin Mizo awphawi thlùksei angin a dah peih (ngam) chuan loh chanchinbu chhuahtu MAL-ho an ni tho. An Editor athuin an punctuation a la indanglam hleih leh zèl a.
Kan tawng humhalh duh dànah hian category engemaw zàt laia then hran ni thei se. A duh fìr bìkte pual hrim hrim. Tawng thar la lùt duh pâwl, tawng dang nèna inchawhpawlh zauh zauhva hmang duh pâwl (Theologian pual) etc.,
Kan thiam leh kan vei hi a inang tlâng po po tawh riauva hriatna pawh ka neihna a rei tawh hle. Engnge a awmzia —SATURATED STAGE-ah kan awm a, thiam belh leh làkluh belh kan ngah si lo va … Rorêlliana Pâwlte Pathian thu hriat ang zàlin, a tè ber leh a lian ber hriat a inchen hmer tawh hi chuan thanlènna a awm belh tawh meuh ngai lo!
Kan ram Mizo subject bìka Professor ropuiten thil thar an dàpchhuah belh chu a hun ta viau! A ngai leh ngai kan vei tlur tlur hian engnge sàwtna ropui kan neih?
Chham hla phuah dâwn apianga Miltonian leh Shakespearean Sonnets rhyme scheme khera ti thiam lo chu kan la sit leh deuh emaw ni sì ni? Kan chawhpawlh ve tho—a intithiama-te ho pawh hian!
Thuthlung Bâwm zàwntute —mipui hmâa fâl taka an kal hmasa bìk nalh ang khân, kan mithiamte hi chuan kal fàlna riau bìk nei thei leh tawh se, ka ti hle. Chutiang ti thei meuh tùr chuan, a lèt tama taihmàk an chhuah thar a ngai hle bawk ang!
[Report abuse]
March 9th, 2010 at 6:35 pm
@keimah, THANGTHAR tih chungchag khi chu i sawi khi a dik zok mai thei,
Amaherawhchu High skula kan zir mizo grammer kha a diklo in kan zir tihna em niang,kan hotupa khan a dikloin min zirtir thin em ni, MBSE meuhin min jirtir chu keinin a diklo kan ti ang mo, i duh chuan high skul gramer ah khan en chin teh, kan thianpa pakhat poh kan hotupa chuan TLEIRAWL nge i nih RAWLTHAR tiin a zawt a, TLEIRAWL a’n ti mai chuh, chu hmeichhia i ni elo, a ti a, kan nuih nasa teh mai asin, a zak a sen tawn2 mai mawle
[Report abuse]
March 9th, 2010 at 6:38 pm
#6 @samson, Mizotrawngah TlehR a awmkawp ngailo tih tunge hrilh che?
[Report abuse]
March 9th, 2010 at 6:41 pm
Grammer ka la zir ngai lo, Grammar hi chu tlêm tlèm ka zir ve nual tawh!
Mizo tawng bìk ni mai lo hian, mi hnam tawngah pawh thumal pakhat —meaning hrang hrang nei duah thei hi a lo awm ve nasa tho mai! Sàp-ho awphawi dik takah phei chuan, an thumal lamrìk dàn sìksawi hret hian, Meaning dang a ngah thei nasa mai! PUNSTER-ho phei chuan chù chèng chu an man nasa lehzual a, fiamthu thawh nân leh thuziak tih ngaihnawm nân a hmantlàk hle.
[Report abuse]
March 9th, 2010 at 6:55 pm
Mizo tawng ziah hi ka thiam lo ve khawp mai, har ka ti mahse, “Mizo Trawng” tih hi a dik ka ti thei hlawl lo. NOI
[Report abuse]
March 9th, 2010 at 6:58 pm
PU Hv i Putar tawh anih kha dik tive mai teh
[Report abuse]
March 9th, 2010 at 7:01 pm
ThaiBoy, hetiang a kala tui peih chhung chuan tar dawnlo rengs hairehai
http://i50.tinypic.com/2quq69s.jpg
[Report abuse]
March 9th, 2010 at 7:08 pm
pu chawnghilh: “tanhmun dik hauhlova ding nghet tlat”
heng zingah hian min telh ve miahlo ti raw.
[Report abuse]
March 9th, 2010 at 7:11 pm
Commenters, in lakah lawmthu ka sawi e. Mizo Trawngah TR a awm kawp ngai lova, mahse he kan Misual Dashboard hian ‘tri’ a support lo tlat!! Tin, inngaihdan zau taka insawi avangin ka lawm e.
-Jonathan Lianhmingthanga Sailo
[Report abuse]
March 9th, 2010 at 7:12 pm
rawlthar tih hi alo chhuahna chu, an aw rawl alo thar, tilpawr aw kan tih ang hi anlo neih vang ania.
rawl tihlai hi a key sanga lam tur. 
[Report abuse]
March 9th, 2010 at 7:21 pm
Mizo tawng hi ka buaina ber chu ziah zawm leh ziah zawm loh turah hian a ni zawk daih. ziah zawm (hei pawh hi ziah zawm tih tur nge ziahzawm?) tur a ka buai deuh hi chuan ‘hyphen’ hi kan dah ngawt zel a…
@hmingteas. ‘awm’ hi kan hman dan a dik tawk loah ka ngai ve that. ‘Khawngaihthlakawm’ tih tawngkam hi kan pi leh pu ten an hmang ngai lo a, ‘khawngaihthlak’ an ti mai thin. Hei hi ka pawm dan a ni. ‘awm’ hi an belh ngai ka hre lo. Kan sawi khawngaihthlak, uar duh vang mai hian ‘awm’ tih hi thangthar te hian kan belh zawk a ni. Kan sap tawng thiam hnu a ‘lu met’ thin ten ’sam kan meh’ tak hnu tawngkam te nen hian chhulkhat chhuak anniin ka hria.
Mai/mei tih te, Bai/bei tih te hi chu a tunlai hnai tawng chher chawp mai mai anni. Ka nu, ka pa tih aia ‘a nu’, ‘a pa’ tih te nen an in rualkhat in ka hria. In tih lak no (korean effect) thil mai mai a ni e…
[Report abuse]
March 9th, 2010 at 7:24 pm
shailendra, ziah zawm leh zawm loh tur hi alawm hahthlak thin chu
[Report abuse]
March 9th, 2010 at 7:25 pm
funny, “tanhmun” i define dan khi a felhlel viau lo maw
[Report abuse]
March 9th, 2010 at 7:30 pm
Novel hi Mizo tawngin ziak ta ila, dialogue-ah na na na chuan ‘mai’ tih tura ‘mei’ tih pawh ka phal chang a awm ngei ang, ‘bai’ tih turah ‘bei’ tih pawh phalsakna tur ka hria. Ka zau ru khawp. Mahse, prose pangngaia ziak turah chuan ka remti lo vang.
Dialogue-a ‘mei’ tih ka sawitir zawh chiahah, a catechise turin “mei ti suh, mai ti zawk rawh …” tiin a sawi fiahtu ka siam ngei ngei ang. Chutichuan, tawng piangsual leh tawng dik kan dah kawp a ni ang a, chhiartute tan inzirna a chiang lehzual fo vang. Kan strict lutuk hian tawng dik lo zawk beng liam kan tum a ang, lang ve se, a dik zawk hre chiang ila!
Charles Dickens pawhin “A tale of Two Cities”-ah pawh London kawtthler hrang hranga English ve luklak hmangho saptawng ang diak diakin a ziahsak ve tho va, King’s English nena khaikhin peih tan zir tur a tam belhchhah hle. “A tale of Two Cities” hi London leh Paris khaikhinna a ni tih hriat law law a pawi leuuuuuuu!
Black-ho English leh Vun ngo-ho accent pawh ram khata cheng tlang vek mah ni se, an area pawh thuhmun sek sek rawh se, a inang lo ve teh mai asin! Obama-te hi chu a dan a dang fe!
Thil hi zir a ngai, a dik phei chu zir ngei ngei a ngai. A dik lo tidik tur hian alawm thil kan zir chu le!
[Report abuse]
March 9th, 2010 at 7:35 pm
I thil vei te zingah chuan a ziawm pawl tak ani
[Report abuse]
March 9th, 2010 at 7:41 pm
@chawnghilh. i thusawi tum ka man e. A tha, ka lawm. Mahse miss misual thlanna a i rawn inlar ve lo kha chu badboy, kawnga, bmw, irre etc etc te nen kan vui khawp mai (or mei ?)…
[Report abuse]
March 9th, 2010 at 7:43 pm
Hmingte, ka tran che ania. I ziah ho khi i kum ang rual ka nih laiin ka ngaihtuah phalo tih ka chiang. Grammer hi chu a hman hun a awm; grammer ramri pel rawk khopa kal chang a awm, a hun leh a hmun a zirin a nalhin a nalhlo mai a ni. Grammer nge tawng hi upa zawk tihah i chiang.
Mahse, admn lamin ka 1st comment an edit kher khi chu ka la na ve khops mai.
Keep up the good work.
[Report abuse]
March 9th, 2010 at 7:47 pm
Naupan lai awphawi hi a ngaihnobei a, Paula pawhin, “Abba, Ka Pa …” tiin thu khunkhan a ziak karlakah a bilh lut phal tho.
“A nu, A pa” tih te pawh pangchang awphawi a ni a, kan tihbo ka phal chuang hran lo. Hmar naupang leh kum lama la naupangte tawngkam a ni tlat.
English-ah pawh hian naupang awphawi, la lam ri fiah chiang thei lo ho (lisping) hi a ngaihnawmin a interesting, Pu KC Lalvunga fapa, chanchinbu sem peih deuh kha ka fak, naupang tawng thlengin a thiam asin!
Naupang tawng, an la lamrik fiah hmaa an saptawng hrethiam pha ngat i nih chuan, English tawng hearing lamah i namai lo hle ang. Puitling tawng chauh hi TAWNG a ni bik hauh lo, Dingdong Theory, Bow Wow Theory tih atanga inzir chho i nih ngat phei chuan i men a zau lehzual khawp ang!
[Report abuse]
March 9th, 2010 at 8:08 pm
Zir ral ah chuan Mizo tawng trawng hi trawng har ber leh a nih dan phung ti chiang ve thei tak ni in ka hria.
[Report abuse]
March 9th, 2010 at 8:23 pm
OT OT OT… vawin chu kawlhawk hi sihhmuiah an chhungkua in (?) an zuk ‘out’ a, a la ‘out’ zui ta zel emaw ni le? report a rawn thehlut har ta riau mai…
[Report abuse]
March 9th, 2010 at 8:28 pm
@shailendra : Miss Misual thlanna engtikah nge a awm? Ka hre ve miah hlei nem!
[Report abuse]
March 9th, 2010 at 8:37 pm
@chawnghilh. nimin Women’s Day Post kha miss thanna in a khat tlat a lawm
[Report abuse]
March 9th, 2010 at 9:05 pm
Thupui nena inhmeh thil pakhat kan zawt ve lawk teh ang che u (Pu HV a zarah
) …
‘Tr’ leh ‘T’ kan ziah danah hian eng hi nge dik zawka inngaih le aw? Kan misual un te zingah pawh post submit-a ‘T’aia’Tr’ hmang tlat an awm a. Lengzem lam ngaihdan ka tawmpui ve loh avangin ka edit fo thin a. A eng zawk hi nge Mizotawng dik ni ta ang? Keima mimal ngaihdan mai mai chuan ‘T’ han tih hian a chhiartu Mizo a nih chuan a ‘tri’ hun leh hun lo chu a hre tho tho turah kan ngai deuh a.
Tin, keimah leh chawnghilh leh shailendra te chungah lawmthu. A post tupa Hmingtea hnenah pawh lawmthu awm rawh se.
[Report abuse]
March 9th, 2010 at 9:11 pm
VaiVA, Mizo ten khawl pangai ah T hnuaia chhut han kan neih loh thin avangin, thawnthu bu etc tam takah T hi kan hmang mai thin. Tuman kan chhiar sual phah ka hre ngai lova, ka ring bawk heklo.
“aw” hi English a ON anga lam tur anih laiin, “O” hi Mizo tawngah chuan English a OVER anga lam tur a nih kan hria. Chutiang chiah chuan, T hnuai a chhut han kan neih loh vanga kan lo hman thin leh kan chhiar sual phah chuan loh T kan hman sa hi tih danglam kher a tul ka tilo. A thu hrim ah “TR” hian T hnuai a chhut han lamrik dan pawh a ang chuang hlek lo zui, Mizo tawng tih dazat na zel a ni. Hmeichhia in MINU nih an tum ang vel hi a ni… an paSAL ten paTHA a thlak kan tum chuang lo. (FACT)
Hetah hian training theuh ila a tha ang : P NOI
http://i48.tinypic.com/i6jof9.jpg
[Report abuse]
March 9th, 2010 at 9:29 pm
VaiVa & Hv: Mingo ah pawh a ngaihnep pawl Welsh ho kutchhuak ‘A, Aw, B….‘ kan hman zui zel vang ani e, a tamzawk Hmarlam an awm bawk si a.
[Report abuse]
March 9th, 2010 at 9:30 pm
VaiVa & Hv: Mingo ah pawh an ngaihnep pawl Welsh ho kutchhuak ‘A, Aw, B….‘ kan hman zui zel vang ani e, a tamzawk Hmarlamah an awm bawk si a.
[Report abuse]
March 9th, 2010 at 9:32 pm
Ziak dan dik leh dik lo,ziak zawm tur leh thil dang dang hi ngaih dan a in ang lo viau awm e.Eng pawh nise Mizo tawng(trawng
) ziak danah hian authority fumfe an awm rih lo a ni mahna. A chhiar tu ten an hriat theih dan awlsam hi zawng zel i la … T(tri) hi a chiang duh deuh ber,mahse a fuh tak tak chuang hek law… buaithlak e:
Me in an rail why why mai= Mi in an rel huai huai mai te em kan ti law’ng chu maw
[Report abuse]
March 9th, 2010 at 9:41 pm
Xaia, Ziah danah authority an awm hran angai dawn em ni? Hnamtin chitin in ziah dan bik, ziah zawm tur bik kan nei hrang theuh a, chuta kan ziah thin dan chu a dik a ni mai. Vantlang ziah dan lova ziak chu ziah dan diklo ah ka pawm mai.
Kei kher phei hi chuan, “TR” hi a ri in (aloud) T hnuaia chhut han angin ka lam/chhiar ngai lo ang.
[Report abuse]
March 9th, 2010 at 9:45 pm
H.Vangchhia ,Sap ho chuan King’s English te an nei a ni lawm ni?
Tr hi chu ka hmang zeuh zeuh ta,ka misual chinah hian,an chhiar sual loh phah ka rin vang mai mai a nia… mahse lehkhabu chu ziak dawn ila chu ka hmang bik kher lo vang
[Report abuse]
March 9th, 2010 at 10:01 pm
‘T’ aiah ‘tr’ hman mai hian thu chhiar atinuam hle in ka hria. THA KA TI.
Kei tak hi a nia, ziak zawm tur leh zawm loh turah hian buai thin ni! Hemi chungchang hi hrechiang deuh in awmlo emaw ni?
[Report abuse]
March 9th, 2010 at 10:08 pm
Xaia, King’s English nge Queen’s English… engpawh nise, a lamdan ah bak an danglamna ka hre lemlo kei chuan. Queen’s English erawh chuan ziak dan leh lam dan a changkang zawk (standard English) a kawk ber chu an tia lawm. Chuti a nih chuan “TR” hmang chu local tiah tiah tak, Queen’s English lo angah ka dah e hairehai
Queens English an tih hmang hi chu an saptawng lam hi ka hrethiam, a n English ang hi chu “A” te hi an lam AA ta lutuk a, kei ang ve mai tan chuan hriat thiam loh (catch loh) fo a awl khawp mai.
[Report abuse]
March 9th, 2010 at 10:21 pm
H.Vangchhia,Nia tun lai chuan Queen’s English a ni tak ang… mahse Queen hi an la nei tam lo em mai pawh a
Engpawh nise MAL te kan nei a,t(r)an han la deuh se
chawnghilh a ngaih dan te pawh hriat belh a va chakawm ve.
[Report abuse]
March 9th, 2010 at 10:24 pm
Xaia, pu mz chu MINU tih a hreh lo hairehai, “TR” pawh ahmang hreh lo hairehai
NOI
[Report abuse]
March 9th, 2010 at 10:28 pm
@HV. Minu tih hi ka la hmang ve ngai lo, ka driver in a ngailo a ti a. oops
ka driver in min kheuh min kheuh tawh mai… Gudnite you all… 
[Report abuse]
March 9th, 2010 at 10:29 pm
goodnite, someone’s gonna ride a horse eh
[Report abuse]
March 9th, 2010 at 11:50 pm
Tr vrs t … tuna Misual-a kan font hman hi ‘arial’ a ang fu. Hei hian Mizo tawng (trawng)-a t hnuaia ‘period’ kan neih vangin a samkhai zawk nan tr hi t hnuaia period awm angah kan ngai lui a ni mai. T leh r hi an awm kawp ngai lo teh mai, Pu HV-a pawh ka hrethiam tho!
Kei chuan ’samcom’ bakah ‘vnt fonts’ ho hi tr samkhai taka a awmna a ni tih hriain bookface atan ka hmang char char. Ka khawsakna apiangah ka chhawm zel. Ka chenna apiangah Mizo trawngin lehkhabu ka ziak zel bawk.
Misual ka luh fo tak chinah Mizo trawng ka hmang nasa ta hle, in zarah ka thiam chin bakah hma ka sawn hle. Chhim lama Pu muantea, Kawnga leh Diktea-pa te hi “my Village Schoolmaster” an ni zui ta.
Punctuation-ah chuan ka khermei anga khermei hi in vang phian! Kei ai chuan in thiam hle nain. Pu keimah hi hla leh thlukah leh thu rilah a namai lo viau. Sandman pawh English a ziak ngaihnawm abrupt rim rem thiam lawi hle! Ngaihnawm ka tih dan zawng a ni miau!
Chaw ka ei dawn, ka ziak zo hman lo.
[Report abuse]