Vawiin ni (5 March) hi Indian Air Force in Aizawl khawpui jet fighter hmang a a beih champha vawi 44-na a ni a. He ni hriat reng nan hian MZP te chuan Zoram Ni an hmang leh dawn a ni. “MZP in he Ni a hman chhan hi Mizote hun kal tawh thlirlet-a hnam pumpuia kan tawrhna ni rapthlak ber leh chhinchhiah tlak niah a ngai a, pawisawilo nunna tam tak hlohna leh kuttualleichhama awmte, buh leh bal kangral tam takte kha channa runthlak, sawi hleih theih lohah a ngai a ni. Mahni hnam nunkawnga thilthleng hriatreng leh chhinchhiah that hi thangtharte leh Zoram mipuite tih turah a ngai a ni” tiin MZP chuan Press Release a siam a. Heti hian ka ngaihtuah a…..
Thawnthu hlui chu min hrilh rawh……
Rambuai lai chu ka hmu phak hauh lo mai a. Mizo pasalthate chanchin hi thudik behchhan nei ai mahin thawnthubu ah chhiar tur a tam zawk a. A dik emaw dik lo emaw, thangthar te hian kan hriat ve theuh ka ring a. Zalenna kan sual a, nunna chan tam tak an awm a. Thawnthu hriatin kan hria a. Hriat chian leh zual tumin kei anga nu leh pa thiamna lama B pawl pass zo lo nei ve tan chuan han zawt mah u la. An hriatrengna an mutthluk tir lui tlat thin. Kha hun thim kha hriatreng an duh lo.
“Ka nu, khawkhawmah chuan….” han ti dek dek i la, “A hunlai in hrethiam ve der si lova” tiin min chhang tawi fel et mai thin. An tawrhna kha kan thawnthu hriat mai mai a. Tun thlengin kan Indian unau te chu “Vai ngal sang” tiin kan hriat phah a. Dawt sawi miah lo chuan an rilru chhung ril takah huat namen in an haw lo a. Sawi sawi pawh an duh lo.
Tun thleng hian ka pa hian TV ah pawh Vai channel chu en a phal miah lo nia! He an vai huatna phenah hian huatna dang a inphumru tlat bawk a. Chu pawh chu sawi lang duh lo mah se, keini thangthar te hian kan hai chuangin ka ring lo. Tuboh leh dolung inkara an nun kha kan hriatthiam pui lo a ni lo.
Zoram Ni urhsun taka hman hi Hnam min ti pumkhattu a ni thei em?
A tha mange aw kan MZP thil tum hi chu! Amaherawhchu, Jet Fighter a min bomb (kei chuan min bomb ka ti tho tho!) ni hi kan sawi uar lutukna lamah hian a ni lo lamah hlet a chhuah ang em aw? Online communities hrang hranga kan comment te thlirin in unauna lam leh muanna lam ai chuan hliam tharah kan chan leh a ang ka ti zawk kei chuan. Kan hruaitute tawngkam thlirin “Nuai chimih barh tum” thawthang te a kan sawi phei hi chuan thil tha hrin chhuah ka ring thei hlawl lo.
He ni hi tih makmawh a kan hmang dawn a nih chuan kan MZP hruaitu te hian chiang leh zualin thang thar te hi a hnuai a mi te pawh hi min zirtir tel law law thei ang em le?
a) Kan ram a lo buai ta a, India sipai ten Human Rights an bawhpelh nasa hle tih chu hai rual a ni lo. Indira a rawn inhrosa a, emergency a rawn puang ta chiah mai a. India ram political party lian dang hruaitute rualin kan hruaitu thenkhat chu jail bang an zut a. Pu Thena te ho kha enga ti nge mi dang an chhuah hum hum tawhah pawh an tan reng na chhan? Pu Hmarliana ziah kha kan pawm mai dawn em ni?
b) Pachhunga College Library haltute kha vai sipai ho nge Mizo tlangval dik tak, khatih hunlai a MZP vel pawh a in hmang tak tak an tih thin hi khawi zawk nge dik? Kan lehkhabu ro tam tak hal tute kha hriat an chakawm khawp a sin. Thangthar te hian kan history hi rin ber tur kan hre dawn lo. Research paper fel tak nen tu emaw an rawn thawk chhuak thei em?
c) Special Force din a nih khan Pu Thena nge leh lam pawl zawk kha mawhphur? Mahni mi leh sa te khati tak mai nghaisa duhtu te kha Mizo chhul chhuak ngei anni an tih thin hi thutak nge dawt? Kan history a ni sia keini thangthar te tan chuan.
d) Ramhnuai atanga kan hnam pasalthate an lo chhuah khan CM chair kha ken an ni a, rei vak lovah chuan Congress bawk an lal leh mai si a. Kha an in remsiamna kalphung leh engvanga MNF kha tla leh mai nge an nih dan te kha thangthar te hi min hrilh thei ang em?
Eng vanga heng zawhna te hi zawt nge ka nih? Khing a chunga points te khi March ni 5, 1966 a thil thleng leh a kaihhnawih te an ni. Vai huatna a ni lo ti sawmsarih mah se mi tam tak thinlunga lut chu “India vai chhe ho” tih a ni tlat a ni. Rambuai lai chanchin te hi kan tan chuan ngaihnawm a ni palh mai ang tih ka hlau zawk e kei chuan. Ziaka fel taka dah that thlap mai hi kan history boral lohna tur chu a lo ni.
Za a za kristian inti te hian kan chung a thil tisualtu te chu ngaihdam a hnehin an lakah “ngaihdam dilna” kan la phut tak deuh deuh chu a ni si a. He ni kan hman na chhan lah chu kha ni kha Zofaten Pathian kan auh na ni a ni a te kan la ti! Hawh u, Zoram kalsiam tur a ke penna ah hian hling leh kangthai te hi i thianfai hmasa ang u. Hun kaltawh hi hre reng chung siin, hma kan sawnna kawng a dip dal thin tu, dik lohna nen a mipui min kaihruai thin tu te hi i hnual suat ngam zawk ang u. I thur chhuak i la, i paih bo zawk teh ang u.
Similar Posts:
- ENGTIKAH NGE NIANG? TUTE NGE BUL TAN ANG?
- Mi chi 4 te, tu ber nge i nih ve?
- Mizoram buai lai research
- Zoram tan engnge i tih ve theih?
- Zirtirna diklo a nih kan hre lo : MZP
March 5th, 2010 at 9:10 am
Thil hi kan ngaihtuah chian ava tha em! Nimin thleng khan Nitin chanchinbu lamah chuan a la lang…sawipawh ka sawi thui duhlo e a…
[Report abuse]
March 5th, 2010 at 9:13 am
Kan chhiat tawhna, Lungngaih Ni leh Mualpho na Ni Zoram Ni a hman hi a thra ang ngem
[Report abuse]
March 5th, 2010 at 9:44 am
“India vai chhe ho”
Vai ngalsang an tia ni law mi?
[Report abuse]
March 5th, 2010 at 9:45 am
Vaingalsin
hairehai
[Report abuse]
March 5th, 2010 at 10:03 am
@ben: He topic tho post dang comment ah khan chhiar teh khai. “India vai chhe ho” “Vai ngal sang mai mai” tih i hmu nual ang. Buannel.com leh Lawrkhawm lamah te pawh chutiang zelin….
[Report abuse]
March 5th, 2010 at 10:05 am
“India vai chhe ho” tih ka search a, i comment chiah hi ka hmu
http://www.misual.com/wp-admin.....action2=-1
[Report abuse]
March 5th, 2010 at 10:07 am
Google index ah pawh hemi post chauh hi
http://www.google.co.uk/search.....=firefox-a
[Report abuse]
March 5th, 2010 at 10:08 am
Zawhna kan zawt ve lok teh ang.
# IAF in a jetfighter hmanga Aizawl an “BOMB” hian mi engzat chiah in nge nunna chan le??
[Report abuse]
March 5th, 2010 at 10:15 am
@chhangban: Amah Dr JV Hluna sawi dan takah chuan mi 13 vel chu thi chiang a ngaih an ni a. Hliam tak tak erawh tuar an awm thung!
Mahse, Mizo mipuite min rik rap dan kha nasa tak a ni tih erawh kan hriat a ngai!
[Report abuse]
March 5th, 2010 at 10:21 am
A hunlai a tuar velo chuan sawi vak pawh trul ka tilo, kan zirchiang te nih loh chuan. Mahse kan hun hman tawh a kan thil ton hriat reng tlak a tling ho hi chu theihngilh ai in, in zir nan hman a tha. So dat v dnt rept da same mistk.
[Report abuse]
March 5th, 2010 at 10:23 am
pumkhat lovang
[Report abuse]
March 5th, 2010 at 10:26 am
@1O Kawla, Aizawlah ila awm em? Lo leng r’u.
[Report abuse]
March 5th, 2010 at 10:34 am
@ben:Please, follow the link.. http://www.lawrkhawm.com/index.php?page=6982 Tin, he post a khamrang leh bawmrang a te pawh hian vai chhe ho tih leh a tlukpui dang chu an hmang tho mai
[Report abuse]
March 5th, 2010 at 10:35 am
Kan khua te hal a, kan nula te pawngsual a a then rai ta in, Mizo hmangaih vangin vaifa hrin an duh lova in awhhlum phah ta te, kan chipui te that tu (thah chhan chu indo vang pawh nise), kan khawtlang hruaitu awmze mumal awm lova kaphlum thin tu, a then te chu an mahni thlan tur an laih tir phawt, kan ram khawpui ber rawn bomb alh tu (missle hi bomb a ni!) te hi Mizo tan chuan Vaichhia an ni dawn lawm ni?
Missile leh canon hian khua hi a ti kang ngawt har viau ania…Aizawl kang ta hluah hluah mai kha chu Toofanis khan Napalm bomb a phur thei si a, ka ringhlel riau asin kei zawng…keima rilru mai erawh a ni e.
[Report abuse]
March 5th, 2010 at 10:38 am
Pu HV, he ni kan hman hian unauna a thlen i ring em?
[Report abuse]
March 5th, 2010 at 10:43 am
H.v.. in sawi tak ah chuan keipoh Napalm chu ka ring ta reau mai a. chanchu Indian sipai ho hualbeh chanchuak tur kha ania.. Nepalm chu a tangkai veau chuan ka ring. (Ka movie en experience atangin!)
[Report abuse]
March 5th, 2010 at 10:43 am
VaiVa, Politics vangin ram pui khatah kan awm tlang ta a ni mai a, Vai ho nen unau nilo in unau na chhan ngawt tur kei chuan ka hmulo. Mizo te hi tanrual thiam phah nan hmang ila ka ti ngawt thung mai.
Special force ho kan veng phei vela inti champion deuh an rawn tei kual vel thin kha kan va han ngei thei tak e aw. Civil dress in an han leng kual ngei a, an kawr sir ah hian an revolver pai hi tlem an han tilang ngei bawk a.
A khat mawi tawkin Mark11 armored car hi machine gun/canon tin kual zut zut hian an rawn kal chhen mai bawk a… ka la mitthla thei.
Hetiang hi niin ka hria http://i45.tinypic.com/9jnort.jpg
[Report abuse]
March 5th, 2010 at 10:46 am
Buai tuk khan Aizawl tlanchhiat san in Baktawng ah kan tlan a, kalkawng vel akan awm lai hi ni ta in ka hria an ‘bomb’ chiah chu. Bomb chu kan tuar ve lo nain, kan haw leh hnu khan kan in chu an lo suasam nasa mai,kan thil hlu neih ve chhun, ka pa camera, radio tih ang reng chu a bo vek.
Tuna ka ngaih dan: Aizawl bomb chung chang a thu in chuh hi a tul lo ka ti, pawl khat in sawi nep an tum a, pawl dang in sawi hluar an tum bawk.Political one up manship game mai mai ani e. Tuarpui tak tak se mobile vela thu thawn darh lo khan a hun lai a tuar leh in/dawr kang te kha tawrh pui na thu thawn se an lawm zawk ang a, tih awm tak te pawh ani.
[Report abuse]
March 5th, 2010 at 10:48 am
@Kay—aw la awm e. Ka chhuk tawh dawnlo chennai ah..
[Report abuse]
March 5th, 2010 at 10:50 am
Zoram ni hman hian hnam inpumkhatna chu a tizual deuh turah ka ngai a, mahse a letling zawng takin, India atanga inlakhranna rilru leh Indian kan nihna min pawmtir thei lotu-ah erawh a tang thei thung
Ngam leh tur si loh chala chil hnawmtute rilru leh ngaihtuahchiang hmasa lova Zalenna sual ngawttute Dream avanga Zoram mipui, nu nau, thalaite tawrhna kha kan ngaituah lêt thiam a nih chuan tute emaw chu kan BLAME anih pawhin awm lo hliah hliahah ka ngai bik lo
Eng pawh nise, he ni hi hman a that rual rualin, kan thu lak dan, kan thil ziah dan, talk show kan buatsaih dan, comments kan pek danah te hian a ni lozawnga FEELING awm thei erawh kan venthiam a pawimawhin ka hria. A chhan chu thawhchhuah nei lo, Central sorkar chawm, tharchhuah (products) nei lo, thiamna lamah eng teh ual nilo kan ni tih kan hriat pah reng a pawimawh. Chutilo chuan ngam loh leh tur chala chil hnawm duhna rilru a lo chhuak leh mai ang!!
Ka sawi pawi/nâ em lovang chu maw!
[Report abuse]
March 5th, 2010 at 10:57 am
Hetiang ang ni hi hman zela, chawi nun zel hi a that rual rualin, thu diklo leh belchian dawllo a tam thei lutuk thin hi chu a thalo ngawt mai. Vai tawh phawt pawngpaw huatna te a awm thei a. India sorkar thil tih kha chu a demawm rual rualin, kan huatna kha in delh beh tir lovin, Japs ho ang khian tumruh zawk leh taima zawka chhuah theih nan hmang ila chu a duhawm khawp mai.
@RTPA- yassssss!!!
[Report abuse]
March 5th, 2010 at 11:00 am
In unauna a thlen lo ang a, in unau lohna pawh a thlen chuang lo ang! A phura ten an ti a, an kaltlangpui a nih chuan a tha tho a, tul ti lo pawlin an sawisel pawh a awm tho bawk a. He ni/ he prog. hi media leh online hmangin kan inhnial phul hlut ringawta, Azl. khawpui chhungah ti ti a siam lem lo khawp.
[Report abuse]
March 5th, 2010 at 11:03 am
@kay– tu nge i nih ka hresilo che a, rawn len ngaihna vang em a sin:)
[Report abuse]
March 5th, 2010 at 11:06 am
@kAWLA, i unaunu te zinga fel ber leh thingpui heh ber.
[Report abuse]
March 5th, 2010 at 11:09 am
Hihi.
Hei bawk chu…
[Report abuse]
March 5th, 2010 at 11:13 am
@ kay & RTPA/Kawla?? in OT ltk…
[Report abuse]
March 5th, 2010 at 11:23 am
Kay-unaunu ti jaih2
..Zoram ni ah hian lo in unau tawn zel roh u. a tha ngai
[Report abuse]
March 5th, 2010 at 11:24 am
Rambuai lai chanchin sawi a piang hian kan in then phuk zel. Khati khawpa movement ropui kha march 1, 1966 alo thlen meuh chuan Mizo mipui lungrualna tichhetu maiah alo chang ta anih kha.
Khatiang movement kha revive leh tumin eng hmanrua pawh hmang leh dawn mah ila kan inlungrual don tawh chuang lo. ‘A duh’ lamin ‘a duhlo’ lam ho kha Mizo hnam hmangaihlo ah an puh anga, a ni ringawt. ‘A duhlo’ lam ho lahin ‘a duh’ lamina Mizo hnam tana an contribution a awm biklo ziain an theh let anga, a ni zi ri thrawh mai.
Aizawl bomb (nia ngaih) lem in ziah siak te hi thil tullo tak a ni. Aizawl Post newspaper page hnungbera naupangho lemziah hi tharum thawhna lam hawi a tam lutuk tawh..
[Report abuse]
March 5th, 2010 at 11:29 am
@Chhangban, unaunu lawmmmm… in misual adm RTPA hian kan naupanlai chuan ka pheikhawk sang min bun luih sak thin.. kha, Super OT, Samsona ka hlau
[Report abuse]
March 5th, 2010 at 11:33 am
Unau na te hi ngaih poimawh tur a sin:) OT lam nilo e topic ang zel a unau na lam a lut kan ni e..
[Report abuse]
March 5th, 2010 at 11:36 am
OT loks… @ VaiVa: Site tinge inva update har ve? Tunthla Inkhawm program en ka tum a, Feb char char a la awm??? Engtikah nge update dawn?
[Report abuse]
March 5th, 2010 at 11:44 am
@ Samson: Lal Alej, tun thla ah hian SUNDAY a la awm leuhhh. OT nan rawn hmang jaih suh. Bakah inkhawm pawh i rawn inkhawm ngailoh khah.
[Report abuse]
March 5th, 2010 at 11:47 am
@ Sengman: Tun thlaah hian Sunday la awmlo mahse mi khua te chuan an update tawh a sin —>> http://www.bangaloremizo.info/month-programme Tinge keini ve hi kan va vuaichah thei ve?
[Report abuse]
March 5th, 2010 at 11:47 am
@Samsung: Ni e, Mumbai atanga ka in transfer tak vangin site Admin ka ni tawh lo a. Ka tih theih hnuhnung ber tiin Nang leh Sandman a sharing prog pawh 4th Sunday, April ah pawh sei a ni!
[Report abuse]
March 5th, 2010 at 12:01 pm
Gosh.. from Feb to March and then April …
Thanks, just wanna confirm that one..
[Report abuse]
March 5th, 2010 at 12:08 pm
@kawlhawk. Zoram Ni chu i tul/buai vut vut em? Hei kei pawh ka ron ‘zoram ni’ dawn a nih hi. I peih/mamawh chuan min lo hmuak thei e
[Report abuse]
March 5th, 2010 at 12:33 pm
#36@Pu Shai: kerh kerh kha
engmah ka sawi chhanlo a nia, ka rawn sawi ve kerh kerh mai mai ania 
[Report abuse]
March 5th, 2010 at 1:14 pm
badboy, dar 6 velah aizawl ka lut ang, i remchannaah mi lo nghak la. Aizawl tawp thleng ka tlan don. Kawng lak signal a bo thin a nih hi. Zoram ni hian !
[Report abuse]
March 5th, 2010 at 2:17 pm
@Pu shai : ka ti buai lutuk palh ang che, ngai lehlo mai rawh se, kerh kerh che hian
hun thawl zawk awm hunah nimai rawhse 
[Report abuse]
March 5th, 2010 at 3:21 pm
badboy. OK. U R ‘goodboy’
[Report abuse]
March 5th, 2010 at 4:22 pm
comment tur thra zawng2 a zo vek tawh lawm, chvang nih hi OT tak sup2, misualah titi hi zoram huap mipuite chhiar phak ni se chu zia tur nia, chhiar phak pawh chhiar peihlo hi kan tam em mai…un hlawm ltk anti zel…a chhiarpeih tam tak lah, hmanlo te anni hlawm bawk si..good thought vaiva..kkkeeep it up…bravo zulu..
[Report abuse]
March 5th, 2010 at 4:37 pm
Vaiva: i ziak tha khawpmai.
kan upa lam ho hi thil sawi uar hi an thiam ve a, a sawi uar thiam thiam hi titi thiam emaw tih maitur annia
bakah kan history bu neih tepawh hi biased taka ziah hi a tam ve bawka, kan mizo puite nunrawnna leh diklohna lam tehi ziak a tamlo khawpmai. thil reng rengah mizo lampang atanga thlir dan a ziak leh sawi hi a atam khawpmai. chutiang atanga lo chhuak thangthar tehian rational taka thil ngaihtuah nachang an hriatloh phah thei bawk (kan racist ani tih pawh hre chuanglo.. hairehai ).
[Report abuse]
March 5th, 2010 at 6:14 pm
Aijal lamah khan kan tlangval lamten ralthuam an tihpuah palh avangin Zero Hour hmain hliam leh thi an awm hman a. Chuti tih loh, February 28, 1966 zanlaia RAM BUAI silai puaka Civilian thi hmasa ber kha KA THIANPA a ni. Lungleh-ah a ni. Tin, Lungleh Kikawn Laimana pawh kha (Buai hma hret khan) —tuboh leh chemte hmanga thah a ni, ani kha CID a ni bawk a.
Buai hma lawka zing-vartiana simeikhu lang chhen te, Lungleh Falkawn Pu Chhâwnìrha bawngpa, Lunglei veng tin veng tanga thim thama tlan kuala àwn ruah ruah maite —March 1 tukzing ni chhuak sen tur nghulh maite kha History-a lang phak ve lo ka rawn chhawp chhuak mai mai a ni. Lungleh Treasury, Mizo tlangval silai humten an rawk nghal vat a. Pawisa nawi, naya 5 chi, chhah bel bawl, rit tak mai kha a ip ipin an rawn hnuk chhuak a. Chumi buaipuitua ka tang zui ta chiam kha chu a hahthlak thei hle. Nuihza siam nan a tha lel!
March 1, 1966 tlaiah chuan Lungleh khua chu tlanchhiat san vek a ni. Vanneihthlak takin Lungleh 18 AR kha tui an nghei avangin che zui thei an ni ta lo. MNA volunteer hmeichhiaten 18 AR in-surrender-te tlawmna puanvar rawn tilang an hmuhin, an va luhchhuah ta a nih kha! Lungleh chu jetfighter-in a bomb hman lo chiah chiah a ni. Tui rawn supply-tu thlawhna erawh an lo kap ve nasa mai, jerrycan-a tui an rawn thlak pawh, Lungleh Bazaar phei chunga Bung kungah te a tang a. Chu pawh chu MNF lamten an kap pawp vek a. Nunau leh sipaiten tui an nghei—che thei an awm ta lo a ni.
Kum 1966-a kum 6 emaw awrh mi pakhat, Aijal Bazaar pheia jetfighter thil thlak puak vel leh a kang thlirtu chuan, “Kan inkhawm ni a ni a. Kan inkhawm ban rual velin jetfighter an rawn thlawk a. An rawn bomb alh puat puat lai kha tukverh atangin kan thlir …” a ti. Khatih hun laia naupang thil hmuh dan ka rawn tarlang a ni e. “Khami ni kha Inrinni a ni si a, in inkhawma maw?” tiin ka zawt a, “Aw, Adventist kan ni a …” tiin min chhang. Naupang pawhin thil chu an lo hmu chiang ve tho a lo ni e. Duhlova from Pokhara pawhin, “Kekawr pawh ka la ha hman lo hial … jetfighter-in a kap leh thil mum a thlak …kha Chaltlang atangin kan thlir,” a rawn ti em ni ta kha le! Upa thusawi ni lo, naupangte thil hmuh ka rawn tarlang tel hram hram a ni e.
Wg Cdr Zawma’n sawi fiah chian a tum lutuknaah kan MIND-SET a dang ta sang sang hlawm a ni ber mai! MNF leh Mizo Union an hrang, tunah Political party hran hran, tum nei hrang an awm zui zel … pumkhatna tak tak chu thil harsa a nih ka ring. ZORAM NI atana March 5 puan ngawt pawh … MNF-te chuan Independence an puan ni March 1 an duh rilru mai thei asin! June 30, 1986 khan a rawn khahchhilh chiang tawh si nen! Lung lam ka vai e …
[Report abuse]
March 5th, 2010 at 8:35 pm
a) Kan ram a lo buai ta a, India sipai ten Human Rights an bawhpelh nasa hle tih chu hai rual a ni lo. Indira a rawn inhrosa a, emergency a rawn puang ta chiah mai a, tih lai tak khi kan ram buai vang a emergency puang ani hran lova India ram politic buai vang leh ram dinhmun hlauhthawn awm anih vang zawka puan ani zawk lo maw?
@ chawnghilh I thianpa chu Rammawia, Pu Sharab Uddin khan leh Pi Chuauhnuni te fapa kha ani lo maw?
[Report abuse]
March 5th, 2010 at 8:42 pm
@nghasih : I tidik thuak, a ruang ka hmu ta lo va, February 28 tlai kha kan inkawm hnuhnun ber a ni ta.
MZP-in 1980-a Kimteii chanchin an chhuah ang ve deuh tho kan ni. JV Hluna nena kan thawh dun laia kan kutchhuak a ni tih ka hai lo.
Sorab leh Hnuni fa a ni chiah lo va, Hnuni laizawn fa a ni zawk. A ruang Vanhne-ah an phum, an ti. Ka la tlawh hman ta chuang lo a nih hi!
[Report abuse]
March 5th, 2010 at 9:05 pm
@nghasih: I ti dik. Emergency kha khatih lai India ram politics vir velah Sanjay Gandhi an Indira a fuihpawrh e an tih thin kha.! Helam chu ka ziah tum ni si lo. Kha hunlai khan MISA dan hmangin India rama opposition leader ho kha jail ah an khung hmiah hmiah mai a. Amaherawhchu, emergency a lo tawp khan chhuah an ni ta diah diah hlawm a. Kei ni ram hruaitu ve te ho pawh vai ramah jail bang zut a thawnliam an ni a. Mahse, an chhuak lawk thei ta lo a. Assam Governor hial lehkha an thawn a nih kha. Khangah te khan kan UT sawrkar khan a beng a chhu ngawng lui tlat a nih kha. Enge a chhan ni ta ang?
[Report abuse]
March 5th, 2010 at 10:15 pm
MISA kha kan va han hlau thei tak Sam zuah sei duh vanglai kha ani bawk si police station kan hel zak zak thin mawle,
UT sawrkar lai ramhruaitute kha chu dem an hlawh ngawt tak asin, tih theih kha an han nei chau em em mai si a.
Central ah pawh congress an chet chhiat phah hle tak kha mawle.PM Morarji Desai a thu sawi ka la hre reng thin MIzo te chu an ram a lawm kan ui zoram atangin phur chhuak ila tih ang dueh a sawi te kha vai ram a min thehthang a min chimral tir mai tum ang a arawt deuh te kha lo ni tak tak se chuan Misual.com hi apiang ang em?
[Report abuse]
March 5th, 2010 at 11:38 pm
@chawnghilh and @nghasih, Pu Sharapa fa nilovin,Pu Biakliana Shillonga a sipai tang fa mamawia ania, an upa ber pawh tunah Sazaikawnah nupui fanau nen an awma,an te ber ramzauava pawh tunah shillongaah nupui fanau nen an awm an farnu Nuteii (ramngaihawmi) aizawlah AIR post mek ani, just for information, Lunglei DC Bangla kawmthlang a Theiria Kung leh DC huan a LAchi kung leh Partlan awm te in hriat viau avanginin ron soi ve mai mai ania
[Report abuse]
March 5th, 2010 at 11:46 pm
@aijal1 : Thanks, khami zana Rammawia hnung chiahah khan Pu Soraba a trhutung ve a—khum chungah. Rammawia nakruh khan silaimu a titleu zauh mai a, in chung chûm a han denna chu a kaw chiang hawr hawr teh asin! Silaimu kha tleu lo se, Pu Soraba pawh kha —ngà’sà!
[Report abuse]
March 5th, 2010 at 11:53 pm
Thanks @ aijal1.Bazar veng Rosanga (inkhelhthiam) khan Pu Sharab te in ah rei deuh a awm phah a asin, Rammamwi a thih a vang khan,an lungleng khan an kawl reng thin, an hnen atang khan sikul te pawh a kal thin chuvang a hre ve chuah chu ka ni.Rambuai hlim 1967 kumtawp lam phei kha chuan Lunglei DC bangla ( Chutihlaichuan SDO)bulh lawk a khan partlan sava kan chang ka perhthla ve nasa thin
[Report abuse]