Kan sana minute 90-in herh hma i la

February 16th, 2010 1:14 pm by ZOaTlau

Kum 2009 kum tawp a ni. Mizoramah chuan halpuah hal loh kum a ni a, zanlai dar 12.00 rik nan darkar khat leh a chanve a liam leh phawt a ngai, zan dar 10.30 a ni. Police te, tlawmngaipawlte leh halpuah dotute chuan minute 90 la awm chu an hmalakna hlawhtlin leh hlawhtlin loh lanna turah an ngai a ni.

Hetianga an thawk dep dep lai hian Mizoram aia nichhuah tlaina hmun thenawm Bangladesh chuan kumthar an lawm der tawh, anni sanaah chuan zanlai dar 12.00 a ni miau tawh a. Keini aiin zing an tho hmaa zan an meng rei lo zawk tihna a ni.

India ram zau zia kan hria, Kumpinu lalramin zalenna kan chenna min awpa min chhuahsan leh hnuah India ram zau tak awp chhunzawm turin min kalsan a. Keini chuan India sawrkar hmalakna chu a thim a var thlu lovin kan hmang ta mawlh mawlh lo thei lo.

Ram zau tak India hian sana pakhat herhmil kan ring vek a, khawthlang lam Mumbai-te nen chuan darkat khat chuangin India hmarchhak hi ni a inchhuah har hleih a, hmarchhaka dar 4.15-a ni a tlak chuan Mumbai-ah chuan India dar 6.26-ah ni a tla. A tarlan chu India hmarchhak hian India ram laili aiin chhun hun kan hmang tlem zawk a, zan kan meng rei bawk.

Sana chu herh hma ta ila: India ram chuan time zone khat kan hmang, chu chu Indian Standard Time (IST) a ni. United States-te chuan time zone 6 an nei thung a, ram lian ve tho Canada pawhin time zone 4 an nei a, Australia leh Mexico-te pawhin time zone 3 an nei. Ram a len chuan ni chhuah hun leh ni tlak hun nasa takin a danglam a, India chu khawvel ram lian zinga lang si time zone khat ring kan ni a, hei hi hmarchhak mipuite hian kan tuar ta ber niin mithiamte chuan an ngai a ni.

I sana kha minute 90-a i herh hma chuan i pisa kal hun leh ban hun pawh darkar khat leh a chanvein a lo hma tawh ang. Nipui lai a ni a, zing dar 9.30-ah pisa in tan a ni. Sana herh hma a nih chuan tuna India hun hman mek zing dar 8.00-ah pisa tan a ni tawh dawn a ni, sikul kai hun pawh chuti bawk. He hun man hman tur hian zingah khawvar rualin i thawh a ngai tawh dawn. Tlai dar 5.00-a pisa banga thim ruala in thleng thin kha India hun hman mek (Indian Standard Time) tlai dar 3.30-ah pisa/sikul i bang bawk ang.

Khitianga sana herh hma a nih chuan zingah i tho hma a, pisa i kai hma a, tlaiah i bang hmaa chhun khaw en laiin hunawl i nei nual dawn tihna a ni. Khi hun awlah khian hna dang i thawk thei a, tangkai zawkin hun i hmang ang, chu chu mithiamte chuan ram economy thlengin a hlawkpui an ring. Zinga i thawh hma a ngaih avangin zanah i mu hma ang, khawvela thufing lar em em, ‘early to bed and early to rise makes a man healthy, wealthy and wise,’ tih chu i nunpui dawn tihna a ni.

Zan i mut hma avanga i ramin a hlawkpui tur a awm leh, chu chu kawlphetha chuangliam i hman tur kha i hmang dawn ta lo a, sawrkarin sum tam tak a senna chu tihkiam a ni pakhat ang. Er. B.M. Sharma, Assam State Electricity Board chuan hmarchhak hian a time zone hran neia minute 90-a sana a herh hma chuan Assam state ringawt pawhin kum tinin kawlphetha hman leh hralhah cheng maktaduai 640-in a hlawk phah ang tiin a chhut.

India ramin Kumpinu awpna atan zalenna a neih atang khan hmarchhak hian time zone hran a neih loh avangin kawlphetha hmanna chuangliamah cheng vaibelchhe 94,900 ngawt a seng niin kum 20 lai zirbingna lo nei tawhtute chuan an sawi lang bawk, chumai a ni lo, hmarchhak economy pawh a hnufual phah niin mithiamte chuan an ngai hial.

Biological clock: Ramsa, rannung, thlai, mihring etc. te hian kan taksaah hian sana kan nei a, chu chuan thil ei hun, mut hun leh thawh hunte min neihtir a ni. Zana i mut laiin chhuna i khawsak angin i zun a chhuak sek lo deuh ang, chu chu biological clock vang a ni an ti, tui taka i hahchawlh kha a pawimawh a ni.

Nungchate pawhin mut hun leh thawh hunte an nei a, hei hi khuanu duan lawk a ni an ti, chu chuan anmahni chi (species) a lo ral loh nante leh an dinchhuah zelna atan a pawimawh an ti. Mihring pawhin biological clock kan nei a, mahse hei hi kan hmuhchhuah sana-in kan thlak tlangpui, chu sana chu chhun hun kan hman hlawk zawk theihnantein herrem a ni thin. Hmarchhakah chuan chu mihring siam sana chuan a hnufum zawngin min siam niin an ngai. Ni chhuah hmasak zawkna leh ni tlak hnuhnunna na na na chuan sana hma zawk hman awm an ti a, chu chu biological clock nen pawh inmil zawka ngaih a ni.

Daylight Saving Time (DST) an ti a, hei hi chhun hun tangkai zawka hman theihna tura tih a ni. Bangladesh khuan DST hmang hian an sana chu minute 90-in thawkkhat lai atang khan an herh hma a, chu chu an ram economy thanna atan a pawimawh hle niin an sawi nghe nghe. India sana aiin minute 90-in a hma a, keini hmarchhak aiin ni chhuak an hmu tlai.

He time zone thar neih rawtna hian hmarchhak mite chu tho hmaa ni lan hun hlawk zawka hmang thei turin hma an la. January thla khan hemi chungchang sawiho hian Guwahati-ah intawhkhawmna hun hman a ni. Hmarchhak MP-te chu he rawtna hi parliament-a thlen turin an ti a, Development of Northeastern Region (DoNER) ministry hnenah rawtna hi thlen an tum bawk. Kum 2009 kum tawp a ni. Mizoramah chuan halpuah hal loh kum a ni a, zanlai dar 12.00 rik nan darkar khat leh a chanve a liam leh phawt a ngai, zan dar 10.30 a ni.

Police te, tlawmngaipawlte leh halpuah dotute chuan minute 90 la awm chu an hmalakna hlawhtlin leh hlawhtlin loh lanna turah an ngai a ni. Hetianga an thawk dep dep lai hian Mizoram aia nichhuah tlaina hmun thenawm Bangladesh chuan kumthar an lawm der tawh, anni sanaah chuan zanlai dar 12.00 a ni miau tawh a. Keini aiin zing an tho hmaa zan an meng rei lo zawk tihna a ni.

Similar Posts:

Recent Posts:

24 Responses to “Kan sana minute 90-in herh hma i la”

  1. 1
    badboy Says:

    Minute 1st ah herh hma ta zawk lah :lol:

    [Report abuse]

  2. 2
    Kawnga Says:

    2nd thought nena ngaihtuah that chi a nih dawn hi!

    [Report abuse]

  3. 3
    kay Says:

    3rd though poh a ngai ang

    [Report abuse]

  4. 4
    kay Says:

    *thought

    [Report abuse]

  5. 5
    kawlhawk Says:

    1st leh 2nd para khi chhiar duh suh,3rd atangin chhiar keuh rawh. a tawp lamah (thu ngai- 1,2 para khi) i chhiar dawn thau thau. A ziaktu’n a ti sual ve a niang e. Admin lam pawn an hmu bik lo emawni?A bengvarthlak hei mai. He thu hi hman ni deuh khan ka lo hre nial-nual tawh a, kei chu tha ka’n ti mai2 khawp. Bombay leh Mizoram, he ti khawpa inhlat siin time zone khat kan hmag hi chu a nihin a ni mm lo alawm. 90 ni loin, 120 in herh hmai ila ti nia.

    [Report abuse]

  6. 6
    benjamin rualthanzauva Says:

    “Daylight Saving Time (DST) an ti a, hei hi chhun hun tangkai zawka hman theihna tura tih a ni. Bangladesh khuan DST”

    hei hi kum tluan a ni lo. march 31 – Oct 31 ani tih kan lo belh e.
    http://www.timeanddate.com/worldclock/city.html?n=73

    “Bangladesh khuan DST hmang hian an sana chu minute 90-in thawkkhat lai atang khan an herh hma a”

    DST laia 90 khi chu IST nen a difference. An mahni timezone pang ngai atangin darkat khat an harh hma. min 60 zawk an herh hma anih chu.

    “Midnight between Sunday, October 31, 2010 and Monday, November 1, 2010 clocks are turned backward 1 hour to”
    http://www.timeanddate.com/worldclock/clockchange.html?n=73

    [Report abuse]

  7. 7
    mzvision Says:

    IST kan hmang chung hian kan tho har tho Mizo chu mai mai mawle tih bo tur hian chage kan mamawh zawk lo em ni?

    [Report abuse]

  8. 8
    kawlhawk Says:

    Darkar 2 in herh hma ila, zan dar 10 a mu thin kha kan sana-in dar 10 kawk tawh siin, a hma dar 8 angah khankan mu then dawn tihna a ni a. Chutiang bawkin zing dar 7 a tho thin kha dar 5 ah… Mahse, zing thawh lam kan hma peih chuan si loa dar 7 thleng kn mut tho si chuan Daylight Saving Time(DST) niloin, Naght Saving Time(NST) ah kan chhuah daih ang. :roll: :evil:

    [Report abuse]

  9. 9
    rotekawlasepa Says:

    Nia kan inthlau khawp mai, Aizawl a ni tlak hnuah India khawthlang tawp Goa ah chuan a la tla har khawp mai.

    Hei V Day vela Goa a ka thlalak atang hian kan in hma/tlai hleih zia chu kan chhut thiam mai ka ring.

    http://img186.imageshack.us/img186/7540/sunsetgoa.jpg
    http://img718.imageshack.us/img718/1570/sinkingsun.jpg

    [Report abuse]

  10. 10
    Stallion Says:

    ta la tih ni bawk a herh peih lo ta ila:-).

    [Report abuse]

  11. 11
    rotekawlasepa Says:

    @Stallion: min a ngaihtuah lam an zawhtawh te chuan a herh tal te chu lo peih ve hram la maw le… lol lol lol lol ….

    [Report abuse]

  12. 12
    Stallion Says:

    #11,ka peih loh na chhan chu zan men rei leh zing thawh tlai hi ka thupui ni tlat.

    [Report abuse]

  13. 13
    funny Says:

    first 2 para leh last 2 para khi ???

    [Report abuse]

  14. 14
    Stallion Says:

    funnyte,parva sa i ei chak leh tawh lo mi?haha..sana kan herh hmat chuan zing ah i thawh rualin tlan chhuah i ngai nga parva i man hman dawn lo sin hehehaha..

    [Report abuse]

  15. 15
    sillyBoy Says:

    Time zone hran neih hi a that rualin dar zat/ hun bi sawi dawna “chumi/ kha mi huna dar zatah..” tih a ngai tel tlat thin. Tin, kan men rei leh kan thawh tlai hi sanaa dar zat hian awmzia a nei lem lo niin a lang. Engang pawhin herh hma mah ila darkar 24 bak hi nikhatah kan nei chuang dawn si lo te ka tia.

    [Report abuse]

  16. 16
    opahmar Says:

    Time zone hran chu NE Idia hi chuan kan mamawh mawle…mahse, tunah “mut nachang hre lo,thawna chang hre lo” generation hi an men rei leh phah awm…dar 12 a mu kha dar 1 emaw ah an mu dawn ta a nia hehe!!
    Taktakin kan thawh hma phah mahna, tin sawrkar pisa timing hi regular leh strict taka vawn ni bawk se

    [Report abuse]

  17. 17
    funny Says:

    chutia 90 mins tih ngawt chi anilo maithei, geographycal location atanga tih chi aniang. Dhaka hi kan hnaih daihzawka new delhi aiin dhaka leh new delhi pawh darkar chanve 30 mins chiahin a inthlau a, chuvangin 90 mins hi chu a tam lulai deuh in ka hria lo herh hma dawn ta tehreng pawh ni ila.

    US te anga summer laia herh hma te kan duh anih pawhin, 90 mins hi chu a tam leh lutuk in ka hria.

    [Report abuse]

  18. 18
    funny Says:

    90 mins a kan herh hma anih chuan Bangkok vel time zone ah kan awm dawn tihna nia. hairehai :D

    [Report abuse]

  19. 19
    rotekawlasepa Says:

    Time zone tihlam buaipui vak lo hian hna thawh lam hi uar ta vak zawk ila, taima takin hna hi thawk ila kan changkan phah zawk ang ka ti, kan ti teh daih teh ang.

    ‘Time is tangka’ tih lam pawh hrechang lo leh ngaihtuah miahlo thalai awl fe fe, hna, an thawh theih chhun pawh thawh nachang hre der lo bike a ‘ka nang hman lo ange’ ti ni awm taka tlan fua fua an tam em mai! Heng ho hi kan sensitize dawn nge awareness nasa zawkin pek dan kan ngaihtuah ang tih ka rilruah alo lang thut mai.

    [Report abuse]

  20. 20
    chhangte_ll Says:

    Zingkara han zik mar vel paha IST (Indian Stretchable Time) hman hi a nuama, chuan India Hmarchhak ni tlak ruala Offit ban leh zaih hi a nuam lwh bawk :twisted: Khawthlangah te chuan darkar zawnga hlawh lak kha ania, an thawk am deuh pawh aniang…Lolzzzz….Tichuan zing dar 10 atanga tlai dar 4:30 thawk chungin hlawh pangai i lo hmu ta anga, thawhloh hlawh hlirrrrrr… :lol:

    [Report abuse]

  21. 21
    shailendra Says:

    Jodhpur a ka zin hmasak ber tum khan ka tisual tawh a. Zing dar 5 velah rail-station atangin motor in ka thlenin tur pan tur in min rawn lam a. Dar 5.30am velah ka thlenin tur ka thleng a, darkar chanve velah khua a var mai dawn hi tiin, thutthlengah ka thu a. Khawvar a rawn thleng thei ta reng reng lo. Thutthlengah chuan ka lo mutthlu leh chu lo niin. 7.30am vela kan harh leh chuan choak a lo hram lauh lauh a, zing exercise la tur an rawn tho chhuak dawn tan chauh… !!!

    [Report abuse]

  22. 22
    miss blossom Says:

    Hetiang hian sana herh hma don ta ila,buai fe fe chu kan tam don hle mai a…huphurhom ru viau a ni!

    [Report abuse]

  23. 23
    Jacka Pi Says:

    Minute 90 chu a hma ve mah mah ang….darkar khat a herh hma erawh chu ka full support….chuan keimahni lam pawh kan in adjust chu a ngai ve fe ang….

    [Report abuse]

  24. 24
    mmm Says:

    Min 90/120 a herh hma chu chu tha ka ti khop mai, hun kan hmang tangkai zawk ang a, tho tlai reng chu lo tho tlai reng tho se an harhchhuah hun a la awm ve mai ang! Ram changkang zokah chuan DST hi an hmang ziah a (kum 1 ah thla engemawzat) Canada, UK, US tih velah khuan, kan tih chu hun ve ta hle mai!! India rama Time Zone inang kan hmang hi chu mak khop mai, kan ni chhuah leh tlak hun a inthlauh tehreng nen…

    [Report abuse]

Leave a Reply

You must be logged in to post a comment.