Love Story- IV (Ka Thài)

February 28th, 2010 8:01 am by kawlhawk

Ka Thåi,
Zep nàk emaw!
Hmanah khan e…
Nang ai hmeltha, nang ai a nalh
Nang ai it-awm, nang ai a tawih
Nang ai lenmawi, nang ai a hleitling
Ka lo tawñg ve tawh thin a;
Mahse…
Nang ai a ka lairil luahtu reng ka tawng ngai lo.

Ka Thåi,
Ka puang zel e!
Tunlai hian e…
Nang ai zirsäng, nang ai a fel
Nang ai kawm nuam, nang ai a zei
Nang ai changkang, nang ai a duhawm
An rawn inlär leh thin a;
Mahse…
Nang ai a tling zo tur reng an awm chuang lo.

Ka Thåi,
Ka hmangaih che!
Ka ta i ni, ka phat law’ng che!
Ka Thài i ni satliah lo, ka mi ngaihsan pawh i ni!
Duhaisam ém i ni lo, ka duh zawng tak i ni zawk.
I chhelna leh rinawmna;
I zaidam dawhtheihna te hian-
Damreina hial min pe nia!
Van mi ianga lawmna nen.
Nunhlim satliah ka nilo, lawmna hian min fan vel a;
Pa nuamsa ka lo ni ta!
Pa vannei ka lo ni ta!

Similar Posts:

Recent Posts:

33 Responses to “Love Story- IV (Ka Thài)”

  1. 1
    ThaiBoy Says:

    Kei chu thaibawi mai kani :(

    Report this comment

  2. 2
    H.Vangchhia Says:

    http://www.youtube.com/watch?v=iskAvnVmSg8

    Report this comment

  3. 3
    chawnghilh Says:

    A chhe ber leh nep ber han hmangaih miau chu … i la serious vak thei hi chu i fakawm. I hmangaih berin a hriat pawhin, a nuam lo rawih ngei ang!

    Report this comment

  4. 4
    shailendra Says:

    chaw kan ei lawk ang a, puar peng pawng in ‘Love Story IV’ chu ka han chhiar ve ang e.

    Report this comment

  5. 5
    ThaiBoy Says:

    Vawin tal chu inkhawm ve teh u.

    Report this comment

  6. 6
    chawnghilh Says:

    “Inkhawm” leh “in khawm” hi a awm hranpa ve riau asin!

    Report this comment

  7. 7
    sonju_a Says:

    Tha khawp mai, mahse, ‘thài’ tih leh ‘thåi’ tih hi a thlukah ka buai tlat. ‘phat law’ng che’ tih lai ami ‘law’ng’ tih hi ‘lo’ng’ tih nise a dik zawkin ka hre bawk. ‘lo’ng=lovang’.

    Report this comment

  8. 8
    mzvision Says:

    Hei chawlhni bawhchhia in kan zin ania kan khohran chuan hmanlai angin min phuar em lawng chu maw – Ka Thai hawn hunah a awm dawn loh hmel lehnghal.

    Kawlhawk hi chu MAL lamah member-ah inpe ve mai teh i thu leh hla hian lairil a fan thei e mai.

    Tar lamah hian –
    Ka Thåi,
    Zep nàk emaw!
    Hmanni chuan e…
    Nang ai nalh, Tleirawl zek zawk
    Nang ai it-awm, nang ai a tawih
    Nang ai rimtui, nang ai a zen-zaih
    Ka lo tawñg dawn emaw ka tia;
    Mahse…
    Nang ai a kei min hmangaihtu anih ka ring lo
    ;)

    Report this comment

  9. 9
    Jennifer Lo Says:

    A thai pawh hian hetiang chiah hian a lo ti let rilru ve reng thei a sin, a Thai hi a chhe ber ngawt lo ang, a mah zawk hi a chhe ber a niang.. :)

    Report this comment

  10. 10
    ZerO Says:

    Ka Thai tih hi Thailand nula a tihna mi? :)

    Report this comment

  11. 11
    shailendra Says:

    Ti hian an hril-

    Hmangaihna chu
    hlimna in a khat,
    lawmna in a bawm,
    a par a vul…

    Ni e,
    ni e…
    a par a vul chuan…

    Mahse,
    Hahthak ka va ti em-
    A lei laih,
    a lei vuak dip,
    a lei chulmam,
    a chi tuh
    a tiah chhuak nghah hi…

    A par mawi
    a rah seng tur chuan
    Tawn tlang a ngai si…

    A par mawi
    a rah seng hunah
    ti hian ka hril nang e…

    Hmangaihna chu
    hlimna in a khat,
    lawmna in a bawm,
    a par a vul e…

    Report this comment

  12. 12
    mzvision Says:

    @shailendra
    vawiin a SS a Amosa zirlai ai chuan i thu chu a ngaihnawm zawk mah ka ti nang pawh hi MAL member ah inpe rawh ;)

    Report this comment

  13. 13
    shailendra Says:

    pu mz, khawnge i zin dawn le? I zin taima ve khawp mai.. hehe.. Safe journey…

    Report this comment

  14. 14
    chawnghilh Says:

    Shailendra: Tunah khan ka pa pawh in khuaah a rawn zin a ni awm asin!

    Report this comment

  15. 15
    shailendra Says:

    @chawnghilh. ka lo MI pui mai dawn emaw ni le. i hming in. hehehe..

    Report this comment

  16. 16
    chawnghilh Says:

    @shailendra : Hnek rawh … a hoh thlak mang e! :roll: Mualkawi piah, Hringlangtlang atanga Rih Dil thla kha la se ka ti khawp, a nachang hre tak maw! Thla lak hi a thiam a.

    Report this comment

  17. 17
    ninja Says:

    @kawlhawk, the Pa nuamsa… hi hi hu hu. Kan nu ka chhiar tir a, he tiang hi a nih fo dawn chuan mi(sual) vangin min hau tawh dawn lo. School naupang pawnfen chhing Topic erawh a chhiar lo!

    Report this comment

  18. 18
    H.Vangchhia Says:

    shailendra, #11 khi tleirawl lai kan lehkha inthawn min ti hrechhuak mang e. Inchi khat vel (thumal khat leng vel) hian lehkha hi sei deuh in kan zawm khawm a, chumi chuan lehkha kan in thawn thin (pen pal etc). A roll hian kan roll a chhiar peih a ngai thin khawp mai hairehai :lol:

    Report this comment

  19. 19
    kawlhawk Says:

    biak in atangin…

    Report this comment

  20. 20
    shailendra Says:

    @kawlhawk. keini chu kan bang tawh… :twisted:

    Report this comment

  21. 21
    chawnghilh Says:

    @kawlhawk : Mi dang tawngtai laiin, i rawn misual hman zuai em ni? :lol:

    Keini pawh kan tlar kan chhuti!

    Report this comment

  22. 22
    ThaiBoy Says:

    Ka la kai kim e,pawn a nula hleitling zehzuah thu hmuphak tawk vel chiah a thut chu; ngaihtuahna a kal bing mawh deuh e… tih mai lohah chuan vawiin kan Sande Sikul khai khawmtu chuan a sawi ngaihnawm fu mai.

    Report this comment

  23. 23
    shailendra Says:

    chawnghilh (16). Hringlangtlang kalkawng an chei tha a, ni e, va lak se a tha khawp ang. mahse tunlai chu romei a nasa luttuk a.scenery lak nan chuan a tuiawmloh theih khawp mai.

    Thim hlim a Hringlangtlang atanga rihdil thla

    http://img715.imageshack.us/im.....ght008.jpg

    Report this comment

  24. 24
    shailendra Says:

    @ThaiBoy. kumin chu kawm tawp lawmman sem aiah tanpui ngaite tanpui nan an hmang dawn… :lol:

    Report this comment

  25. 25
    D.zofa Says:

    Pi leh pu te u..Thu leh hla-a mi ril tak2 te inlo ni hlawma..kava lawm em,
    Misual a ka rawn luhna ala reilo..thil tamtak eroh zirbelh kaneita treuh mai…Sunday a dawr hawng ho dem thei erawh kannilo tlang anih hi..

    Report this comment

  26. 26
    ThaiBoy Says:

    @D.zofa;Sunday a Dawrhawng te chu kan fak ngawih ngawih zawk alawm :)

    Report this comment

  27. 27
    D.zofa Says:

    Thaiboy…in fak ar ek palh angê..ha3…thra ve tho mai,intihhmuh chi eroh anih hmel loh..zoram chhung ngeia MIZO PA te thu khawchang kanlo hmuve renga (misual.com) a hlimpuiawm thrin e.miram ah zawng lunglen ana e..

    Report this comment

  28. 28
    shailendra Says:

    mi(sual) ho hi in lungleng ve ngai lo a ni maw… ? Zanin chu ka va han lungleng ve le… mahse in reh thuap a, lunglen thu leh hla, mahriak te’n ka chakchhuak peih bik lo… :roll:

    Report this comment

  29. 29
    Jaspi Says:

    #Pu Shai
    leng lutuk a, sawi chhuah pawh harsa zawk a ni.

    Report this comment

  30. 30
    Diktea_Pa Says:

    @shailendra mal in i awm love, http://www.flickr.com/photos/c.....0/sizes/l/

    Report this comment

  31. 31
    PimPom Says:

    Kawlhawk, hetiang a, mahni thai te chunga lung si taka awm theih hi a tha ber mai. Lung silo mahse, sik tho tho a ngai thin si a. Ka mipa awh tak i ni. Dam reng phawt mai teh

    Report this comment

  32. 32
    hmingtea Says:

    Chhanchhiat vang lai han nih hi chuan lung pawh a leng hman tawh lo anih hi.

    Report this comment

  33. 33
    shailendra Says:

    ha ha ha…

    Report this comment

Leave a Reply

You must be logged in to post a comment.