Lent: Khawngaihna hun duhawm tak chu!

February 28th, 2010 6:31 pm by H.Vangchhia

By Rev. Fr. Denis Lalfela SDB

Lent hun kan hmang leh ta reng mai. He khawngaihna hun hi vawi tam tak kan lo hmang liam tawh a. Nidang aia nasa a hmangaihna tihthar tumin, inlamleta Chanchin Tha ring tura sawm thar leh kan ni. Ni khat chu misual pathum hian Father an lo ambush a. Sum tam tak an dil a. Father chuan sum a neih loh thu leh Father a nih thu a sawi a. An zah ta em em mai a! An kal dawn chuan, Father chuan misualte chu meizial a dil ve thung a. Katholik an lo ni ve chek aniang chu. ‘Father, Lent hun a nia, mei kan zu lo’ an ti daih mai.

Sual lian tih hreh loh khan meizuk erawh an insum tlat! Dan ang chauha Lent hun hman hi a hlauhawm reng a ni. Kan sualna avanga Pathian leh vengte nena kan inlaichinna keh chhe fo chu tihdam kan tum thin a. Lent hunin min sawmna chu i ngaihtuah ho dawn teh ang.

1.Tawngtaina: Pathian nena kan inkar chingfel turin Lent hunah hian nasa lehzuala tawngtai tura sawm kan ni. Kraws kawngzawh te pawh hi kan tana Krista tuarna ngaihtuahna piahlamah, thildang zawng aia hmangaih phu Pathian thlan thar leh kan duhna puanchhuahna a ni. Lal Isua meuh pawh ni 40 leh zan 40 thlalerah a tawngtai a nih kha! A Pa nena inlaichinna tha tak a neih tlat avangin hmelmapa Setana pawh a hlau lo. Zing takah thovin tlangahte a tawngtai a.

Pathian biak nana hun kan inpek phal tam ang zelin kan thinlungah Pathian a rawn lal mai dawn a ni. Mimal leh chhungkaw tawngtaina kan neih loh chuan Pathiannia inkhawm ngawt hian kar tluanin min chawm hlei thei lova. Kan inrin hmain kan tlu leh duai thin a ni lawm ni? Tawngtaina chuan harsatna min lak kian sak vek lo mahse a pawm dan leh thlir dan min zirtir zawk thin a ni.

2. Thilpek: Kan vengte hmangaih duh theuh mah ila chaklohna hrang hrang avangin kan intina tawn a, inbe hlei thei lovin thenawm khawveng kan awm fo awm e. Heng kan unaute nena inremleh kan duhna hi thilpek hmangin kan hlen a. Kan chak em em te ei lovin kan insum a. Thawmhnaw leh pawisa te pawh chanhaite hnenah phal takin kan sem thin. A lova kan awm theih, midangte tana malsawmna nasa tak ni si tih nachang hriat hi Lal Isua duhzawng a ni.

Sum leh pai chauh hi midangte kan tanpuina leh thawidam theihna a ni lova. Khawvel changkang zelah ngaithlatu neilote pawh an tam tial tial a. Chutianga harsatna tawkte ngaihthlak leh chhawmdawl chu a Pathian thu a, Lent hun pawhin min sawmna urhsun a ni. Vengte hmangaih lo hian Pathian kan hmangaih thei tlat si lo.

3. Chawnghei: Mahni mahmawh, duhzawng tak mai tlachhama insiam hi thil har tak a ni. Chaw ei peih loh avanga chaw ei loh chuan hlawkna leh awmzia a nei hran lo. Krista thlan thar leh hmangaih zual zel duh vanga chawnghei erawh Pathian ngaihin a ropui a, a hlawkna ataka hmuh zel theih a ni. Mahni chungah theuh sual kan ti thin a; kan sual apiangin keimahni kan intina a.

Siamtu min kohna kan hawisan thin. Taksa hrehawmna chuan Pathian min auhtir a, mahni inthununna min pe a, tawngtai chakna thinlung min pe bawk. Fate tana tawngtaite, mamawh bik leh damlote tana chaw nghei a hlawkin rah tha a chhuah ngei ngei thin. Lent hun hi kan tan khawngaihna kan temna leh Krista kan thlan tharna hun lo ni mawlh rawh se.

Similar Posts:

Recent Posts:

69 Responses to “Lent: Khawngaihna hun duhawm tak chu!”

Pages: « 1 [2] Show All

  1. 51
    darchhunval Says:

    DUET 32:10 Thlaler ramah a chhar a,
    Thlaler ruak rum vung vungah;
    A vela awm chilhin a enkawl a,
    A mit naute angin a vawng:
    (he kept him as the apple of his eye).

    Apple of an eye tih hi Idiom sawi fe tur awm a ni reuh !
    **Mizo tawngin – mit naute,mit chhung a dum bial
    **Hebrai tawngin ‘iyshown ‘ayin (אישון עין), literally a translate chuan “mit chhung a mi naupangte”
    **Latin chuan pupilla –naupang,milem tereuhte,sikul naupang-pupil.

    MIT hi hnai tak zeta en chuan mahni hlimthla hi te reuh te in a hmuhtheih a.Pathian hian hnai takah min han en a,ama hlimthla a hmu ta ngei reng a ni ang e.Chhandam tlak,van khawpui meuh kalsanna tlak,Fapa neih chhun pawh zuah lohna tlaka mihringte min hmu leh min ngai hi a mak tawp thei love.(duhaia tui a awl, LENT pualin..)

    Report this comment

  2. 52
    D.zofa Says:

    Crusadders team din teh u Pathum vel khi chuan..in hlawhtling ngot in ka ring..
    @21…kan kohhran upa pakhat thusawi kha ila chhawng chu ani silova..ava ropui ve o..
    Lent…khi Presbyterian chuan kan serhve ngai silova..a serh thrinte tan chuan athra ngot ang..THIL TIH ropui tak ani dawn sia..han sawita mai2 ila tuhuat thusuh ah, Hindu te leh Muslim tehian Braath antih an serh thrin hi maw.

    Report this comment

  3. 53
    Jaspi Says:

    #51
    Heivang hi a lawm Sam ziaktuin “Mihringhi engnge mo a niha, i hriatreng thin” tia, Pathian hmangaihna a lo au chhuahpui ni.

    Report this comment

  4. 54
    darchhunval Says:

    #42 jaspi, Paula ngei pawh a hun tawp lam chauh a ‘Engkima lungawi’ zir puitling ta a ni tak a lawm !.Nitin a ngai bawk a thi leh thin ringawt ni lo,famkimna lam a nitin thihna a zara thanglian leh thianghlim deuh deuh lai bawr hi hrilhfiah aia chan fiah ngai zawk,chhui fiah aia tem fiah a ni fo te hi..A mak

    Isua tho leh nun ‘Thlarau nunna DAN’ rinchhan chauh lo chuan tih rual a ni lo ve.

    Report this comment

  5. 55
    PimPom Says:

    In comment te ka chhiar chhuak dap a, a chhiar a nuamin inlo ril hle mai. #48 Diktea comment khi ka ring ve mai ang e.

    Report this comment

  6. 56
    H.Vangchhia Says:

    D.zofa, Lent hi Presbyterian in observe ve tho a ni asin.

    http://www.pcusa.org/lent/

    Report this comment

  7. 57
    Jaspi Says:

    Rinna avanga khawngaihnaa chhandam kan nia. Chumi hnuah pawh mawhphurhna huphurh awmtak kan la hmachhawn zel dawn, kan hmachhawn mek bawk. Christian kawnghi awlai lo tak zawng a ni Christa tel lo chuan!
    #54 darchhunval
    I Pathianthu pawmdan a zau, a fing. Mahse, fimkhur rawh! Thianghlim FAMKIM ah i lut palh a nge O! Nge, Thianghlim FAMKIM hi i lo pawm reng zawk? ni dawn :roll: Christian Perfection hi chu ka pawm ve tho a…!

    Report this comment

  8. 58
    darchhunval Says:

    Lapua a rawng var vangin pem tuam nan a tlak ngawt lo ve,sterilised phawt zel a ngai.Nitin nun a kan thil tih hi a tha ber( a tha lo chu sawi loh) pawh hi THISEN a suk zel a ngai.

    Naupang fel thleng sil ve ang chauh kan ni. Engtik lai pawh a sul hnu chhui ngai kan ni .Kan theih tawp chhuah ve hi a lawm ,Matheilovin thatna leh ngilneihnain ka dam chhûng zawng hian mi zui zel a kan hnudawl a tiam,nitin kan in awm hnek hnek thin a nih chu .

    Report this comment

  9. 59
    Sandman Says:

    Pu HV, i sawi dik lutuk. Mizoram ah keini Pres hovin kan observe lo mai mai zawk a lawm. Hmun danga Pres ho chuan an observe vek. Chuvangin Pres system a nilo tih hi a diklo.

    Sap rama bloggers Pres thiante ka nei nual thina (Hmanah “Presbyterian Bloggers” tih group hi a awma, ka join ve thin a :D ), an ni pawn min hrilh khan mak ka ti ve viau.

    Heihi lo chhiar ve ru: What is Lent?

    Not all Christian churches observe Lent. Lent is mostly observed by the Lutheran, Methodist, Presbyterian and Anglican denominations, and also by Roman Catholics. Eastern Orthodox churches observe Lent or Great Lent, during the 6 weeks or 40 days preceding Palm Sunday with fasting continuing during the Holy Week of Easter.

    Sawi tawp chuan… huat tur a sawi pawh ka ni chuang lova, Lent hi chu ka hre chiang ve a, Catholic sikul a lo zir kan nih mai bakah Catholic thian ka nei hnema… Mizorama Pres hovin Lent kan follow loh na chhan hi sacrifice tur a tam lutuk a (meizial zuk theihloh, zu in theihloh, sa ei theih loh, dawt sawi theih loh etc etc), kan tlin dawn loh vang hi emni keini Pres ho hian kan practice ve miahloh, te ka ti mai mai a… No offense intended to anyone…

    Report this comment

  10. 60
    H.Vangchhia Says:

    Mizo chu kan tawngkam thiamin kan in keimah ni karah kan sawi fel zel alawm. ramdang Presbyterian kal dan pawn kan kal hleinem, inneih na ang te hi Biakin chhung a innei thei leh theilo te hi khawi ah mah ka hre ngailo, an thu chham a ngai reng lawi si a.

    Report this comment

  11. 61
    Jaspi Says:

    #58
    Thianghlim famkim tuma bei nasa chi a ang ka ti deuh a, chuvang a nia, ka han zawh che ni. I ni lova, a lawmawm..! Vawikhat chu “Thianghlim famkim” buaipui papakhat hi a thianpa’n a awih lo lutuk a, zan dar 11 vel ah, an chhuat lai tak mai Burma Zangin a va virh kawhak mai a :razz: tak tak a nia…! Mizo hi chu kan pui thei.
    Thisen chhohluan Theology te hi awmang tak si, kalsual ni hian ka hria thin a.
    Misual.com hi chu a hlu mangtak e…!
    #chawnghilh,
    I mu tawh maw ka tia,…! :razz:

    Report this comment

  12. 62
    chawnghilh Says:

    I borrowed from him … means … He LENT me something! Ha ha ha! :twisted:

    @Jaspi : Thisen Chhoh Luan i hre ve elo? Hebrai 6-10 inkar thu ka chhiar hian, CHHOH LUAN ni lovin, keng thlengtu Puithiam lalber Isua Krista, van hmuna kal tlang tawh kan neih chianzia hi ka hlimpui.

    Hebrai 11:1 Tin, rinna hi thil beiseite awm ngeia hriatna, thil hmuh lohte hriatfiahna a ni.

    Beiseite awm ngei chu engnge? Puithiam lalber hmun thianghlim bera lut leh a rawngbawlna hmu an awm em? Awm ngai lo, mahse —hriatfiah a ni tlat! Thuthlung hmasaa Biakbuk chanchin hre chiang tan Hebrai Lehkhathawn hian awmze ril tak a nei lehzual!

    Rinna pawh hi mita hmuh theih chin Kalvary rawngbawlna leh Tholeh Krista Puithiam lalber rawngbawlna thisen THEH, awm ngeia hriatna hi a nih chianzia Hebrai 11:1 thu-ah hian hmu thiam lo an tam, ka hmu chiang si, ka lawm thin.

    Report this comment

  13. 63
    kawlhawk Says:

    He lai chu Topic a tha-in Kawmen a ngaihnawm hlawm hle mai, ka rilru-a awm leh sawi ka tum ve zawng2 insawi vek tawh a “Ka lawm e.” ka’n ti ringawt ang e.

    Report this comment

  14. 64
    Diktea Says:

    Mak deuh maiin LENT chu “Spring” (sik leh sa) tihna ni daih a. Mahse, Easter hi chumi hun a hman chu a nih avangin. Kristian hmasate chuan, urhsun takin ni 40 chhung inpuahchahnan, leh inlamlet nan an hmang thin a. Tin Catechumen (Baptist tur a training ni ber ang chu) te chu he hunah hian Easter a baptisma chang turin urhsun taking chawnghei leh tawngtai in an hmang thin.

    Report this comment

  15. 65
    Jaspi Says:

    #chawnghilh
    Thisen Chhohluan Theology ka la kawl reng a lawm! Hahaha…
    Lehkhabu puitling angin an publish lova, seminary paper ang in a nia, page 180 vellai chu ni ve. I lo tuipui ve viau mi? Isua thisen’n Vana Pa mit a va khuh tih vel te kha,…ka nuih a za.
    Theology hi tawngpawng sawi maimai chi ni lo, kalsual a awl tlat…! Absolute Perfection tih te hi rinloh karah a rawn lut tlat thin.

    Report this comment

  16. 66
    chawnghilh Says:

    @Jaspi : Ka va chhiar ve chak ve le … Thisen Chhoh Luan theory chu! Vana Pa mit a va khuh tih pawh ka la hre ve hlei nem, CHHOH LUAN an tih, ri khul khul chiah ka hriat … mi pe ve phal em?

    Thuthlung hmasaah pawh khan kel pakhat zawk thisen kha, Puithiam Lalberin Ethanim 10-ah chauh, hmun thianghlim bera a va luhpui a ngai a, Thuthlung Thar-ah pawh luhpuitu Puithiam Lalber kan neih chianzia thu hi Hebrai 6-10 inkarah chipchiar tak leh ngaihnawm takin a inziak a, ringtute hian kan sawi tam vak lo va …

    A rawn sawi ri feih feih te lahin CHHOH LUAN an han ti hi chu Puithiam Lalber an mamawh lo riau hian a lang lawi si! I thil neih bik chu chhiar ve ka va chak mai mai!

    Report this comment

  17. 67
    LakherAnthur Says:

    Calvina kha a theology chu a thra a, mahse hmangaihna leh khawngaihna erawh a tlachham deuin a lang. Amah theology (doctrine) pawm loh Michael Servetus a that tir mai kha chu… a zirtirnate kha ka ring duh vak tawh lo.

    Report this comment

  18. 68
    chawnghilh Says:

    #61 (Jaspi) — “Thianghlim Famkim” kha Champhai Zathangvunga thin kha a ni lo’m ni? La dam tak maw aw?

    Report this comment

  19. 69
    Jaspi Says:

    #chawnghilh
    Thianghlim Famkim ka hriat chu Pu.Lalchungnunga a nia, i sawi hi chu ka hriat zawng a ni lo. Thisen chhohluan Theology chu ngaihnawm (Vai film ngaihnawm) tak a nia,..Mizote zingah erawh apply chi nilo. 1995-6 chho vel khan, Evangelistic pakhatin a tuipui in, a buaipui hrep tawh a, kan buai pherh vek tep…!

    Report this comment

Pages: « 1 [2] Show All