Ka Hla Phuah Pakhat

February 28th, 2010 10:04 am by Ngurthansangi Pa

L.V
- Jonathan Lianhmingthanga Sailo (Hmingtea Sailo)

1. Vanhnuai aleng Hringfa zingah,
Kei aia riang an awm nem maw?
An sawi hmangaihna parmawi vangin,
A ring nun ka chang mai ta si!

Chorus: Ka hawi vel a, Chungleng Sirva,
An leng dial dial- Thangvanah khian,
Thlazarin hmangaihna par mawi chu,
Hram chungin an ‘inhlan’ e.

2. Keizawng ka riang hluan em e aw,
Tu dang aiin ka riang bik em?
Hmangaihna vanga han chul mai chu(h)!
Tuarzo hian ka mawi mawlh si lo!

3. Min hnemtu han tawng mai ila(h)!
A va nuam dawn em- Ka tan hian!
Ka hrilthiam ve mawlh dawn si lo, Kei
Chantur ka han dawng chang hian.

4. Ka hmangaih che a ni Lv,
I tan tlinglo mah ilangin,
Ka hmangaih ngawih ngawih che avang hian,
Tlawm leh zah pawh ka dawnzo silo!

Phuahni: 25th February, 2006

Phuahchhan: Khi hla khi a phuahtu hian a hmangaih leh a duhber chu hmangaihna veka chhanlet a nihloh avangin hmangaihna avangin a nei zo lova, a rethei hle a ni. A han hawi velte hian Sava te chu hram chunga hmangaihna inhlanin an thlawk siau siau a.

Mahse, chhanletloh hmangaihna avang hreawm taka nun hmang mektu hian zahpawh dawn zolovin a hmangaihzia chu vantlang hma-ah hla thu hmangin a rawn puangchhuak ta a ni.

Similar Posts:

Recent Posts:

19 Responses to “Ka Hla Phuah Pakhat”

  1. 1
    sma Says:

    1st stanza atang khian a thu a tha tluan thak mai

    Report this comment

  2. 2
    chawnghilh Says:

    Fanny Browne leh John Keats in iang e … ka mu rih dawn, ka la rawn tlai lam um pawng par ang e.

    Report this comment

  3. 3
    mzvision Says:

    Luck lo hla hi a runthlak ber zel Tv luck lutuk ho hi chuan phuah tur an nei ve ang em le. Mahni la tawn hriat loh ram ani chungin – duhlotu chu duhloh ve maia midang zawn mai chi ;)

    Report this comment

  4. 4
    chawnghilh Says:

    @mzvision : “Luck loh hla,” ka chekin a mil!

    1968 vela Saiha-a SDO (Civil) vaipa, English literature-a nep lo tak kha tunge ni ta kha aw?

    Luck loh hla, mipa phuah, “luaithli ka nul leh thin” ti vel kurh kurh kha chu, a ngaisang hauh bik lo!

    “Mipain hetiang hian an phuah thei a maw?” a ti he haw!

    A chiang tawk mai em?

    Report this comment

  5. 5
    mzvision Says:

    @chawnghilh
    a thren luck lutuk vangin nula dang an ti riang thlawna, a thren in hnutchhiah hrai an nei, vui programme a hming kima thlalak pui an nih hian mi an lo kiai sek thrin. Grand total ngai chi hi mipa awm ve re re ania auh ;)

    Mahse pakhat-a nghet tlur duh ber nei pawh hian a hnu-ah duh ber dang a neih theih heihi tu design tak niang mawle Love laknat hi mahni intihhrehawmna chikhat chu ani tho mai nia :!:

    Report this comment

  6. 6
    H.Vangchhia Says:

    Mizo hla hi a riang thei. :( Tumah phu loh kan neilo, rilru milpui erawh an awm hran.

    Report this comment

  7. 7
    buhchangrum Says:

    hmingte bawngkawn chhimveng lama lang riau in ka hria……tha hle mai…….keep it up…

    Report this comment

  8. 8
    Teleptuama Says:

    Hmingtea chu i phuah thiam hlemai,mahse ng ti nge mizo hla re2 hi luck l0 hla,inthren na lam leh inkawp remlo lam hla hlir anih le,
    keini ang tlangval luck tan saktur avang emai..Haha
    i phuah leh hun ah chuan ‘hlimten i lengdun zelang ,hmangaih a indi rial in ‘tih lampang chi kha phuah tawh la… hahaha

    Report this comment

  9. 9
    paeia Says:

    Hla phuah tur hi chuan lunglen deuh emaw rilru vei tak neih emaw hi a ngai ve in ka hria.

    Report this comment

  10. 10
    Maverick Says:

    A hla thupui enge? chang khatna tlar hnuhnung ber khi ka se themlo.

    Report this comment

  11. 11
    D.zofa Says:

    A thra hle mai..antia lawm..Nula chu thei pawp ila mi ngai ngawih mai.kanta anni tawh mai.saum tah ngei2 tur..anti thrina.tak tak emaw tih a awl khawp mai..mhse ka ngaihdan pel anitlat,,
    Hmangaihtu hmangaih let veloh tlat hi mihringze pakhat ani si a..tawrhthiam chu ahar anih hi maw.

    Report this comment

  12. 12
    Puii Says:

    @mzvision commentno 5 hi a hit lutuk!! ka duh lutuk

    Report this comment

  13. 13
    meester Says:

    Vanhnuai aleng Hringfa zingah,
    Kei aia riang an awm nem maw?

    Ka chhiar zawm peih lo nghal. A reng reng thuah Mizo hla kalhmang hi ka ning, an luck lo thei lutuk a, ‘Ka phu lo che, Ka riang bik chuang e’ ‘Ka liam mai ta’ng e’ tih vel te hi a tam thei lutuk, hlaphuahtute khan sim hmak tum teh u.

    Report this comment

  14. 14
    muantea Says:

    HV, ‘phu loh nei lo’ hi a dik!! Prose nena chawhpawlh hla sak mi lem loh bawk tur hi chu a khawngkhawbai deuh hu tlat! Anyway, a tha tho e.

    Report this comment

  15. 15
    chawnghilh Says:

    Marie Osmond fapa M Blosil, kum 18 mi pawh … in chhawng atangin a zuang thla tawp, phu loh a nei ve em ni?

    Report this comment

  16. 16
    hmingteas@gmail.com Says:

    He Hla hi ka phuahchhan chu LV. Zothankimi D/o Rualkhumi, Bawngkawn a ni a. Pasal a nei tawh a. A pasal chu Liansuama, Ex- MLA fapa pakhat a ni( ahming ka hre ta mai lo!)

    Report this comment

  17. 17
    badboy Says:

    e khai aw, hmingtea chuh… a tawpah chuan i rawn in puang ta hlawl mai ni maw :lol:

    Report this comment

  18. 18
    hmingteas@gmail.com Says:

    A tira tarlan ka tum viau na a… Hetia in Comment han chhiar hnu hian han sawilan ve reng reng hi thra ka ti a ni. Thanks for your Comments.

    Report this comment

  19. 19
    badboy Says:

    Mimi Lalzamliani hla min liamsan mai rawh tih hla kha ka va duh tak em aw….

    Report this comment

Leave a Reply

You must be logged in to post a comment.