World Record atan Cheraw
-B. Lalthangliana
Kumin (2010) Chapchar Kutah a tam thei ang berin Cheraw kan a World Record siam tum a ni a. Hemi kawnga mawhphurhna laho Central YMA, Art & Culture Department leh sawrkar te hi an fakawm hle mai. Ngaihtuahna zau deuh hlekin i lo zir chiang teh ang.
Hmanlai atangin Cheraw hi pi leh puten an lo kan thin tawh a. Lai lam chuan ‘Rawkhathlak’ vuahin raicheha thi te thlarau thlah nan leh hmun thenkhatah chuan buh za aih nan te an kan thin a. Mara-te chuan lal emaw, mi khawsa thei deuh emaw te an thihna sial emaw, vawk emaw an talhin an kan thung a, ‘Rahkha tla’ an ti. Titi phungleng tak pakhatah chuan, Baptist Missionary Pi Zirtiri (Miss Chapman) chu a naupangte nen Phawngpui bial an fan laiin Sangau khaw kiang Cheural khuaah he lam hi a hmu a. Serkawn an thlen leh hnuin an kan ve ta a, ‘Cheural’ tih chu an lam thiam loh avangin ‘Cheraw’ an ti ta mai atanga ‘Cheraw’ hi intan anga sawi a ni a. Hei hi kum 1932 vel a ni a. Engpawh ni se, a pawmawm lo hle a ni.
Lusei zingah chuan hman lai atangin zan thla engah naupangten intih hlim nan an kan thin a, suk te leh thingfak te an khawng thin a. A chang chuan tleirawl leh nulate pawh an tel ve thin. Tichuan, a tlanglawn deuh deuh a, Mizo hnam lam zinga lar leh hmingthang ber, hnam dang pawhin hmuhnawm an tih ber a lo tling ta hial mai.
Culture hi a tobul hriat a pawimawh hle rualin nunna nei ang deuh a ni a, a che reng a, hma a sawn ve zel tur a ni a. A bul thut bo chuang loin a danglam hret hret zel hi pawm thiam a pawimawh hle. Entir nan, tunlaia nulaten Cheraw an kan a, an b^n, an l< leh an taksa te an lam nen inrem tura an han tiche vel te hi a tha thlawt a, an Cheraw kan lai a tinung lehzual sarh a ni.
Mi thenkhat ngaihdan fuh tawk lo deuh te sawi lang zawk ila. Mizoramah thil mak danglam deuh eng emaw a awmin hnam dang sulhnuah puh kan ching a. Entir nan, Biate leh Lungdar inkarah ‘Lung vando’ a awm a. Tualcheng khaw bulah chher ni awm tak lung lian pui pui a awm a, ‘Lungphunlian’ an tih mai lung lian tak phun a ding bawk a. Tin, Aiduzawl tlang chhipah lung phun a awm bawk a. Heng lo pawh hi hmun dangah a la awm mai thei. Hengte hi hnam dang sulhnuah dahin Meitei emaw, Mirawng emaw tihah sawi a ni thin. A nih dan sawi chiang thei emaw, finfiah thei emaw kan awm lawi si lo.
Hnam dang sulhnu tih kan chian leh kan fiah, anmahni ngei pawhin an sulhnu nia an hauh hi kan rama mi pawh ni se kan chuh tur a ni lo a, a ni lo na na na chu neih tuma beih beih tur pawh a ni lo. Thu dikah kan ding ngam tur a ni a, chu chu a tlo ber bawk. Amaherawhchu kan pi leh puten tithei lo emaw, tithiam lo emaw ang ziazanga ngai leh sawia Mizorama thil mak leh danglam deuh apiang hnam dang sulhnua bel ngawt chin hi chu a fuh chiah lo, sim atan a tha khawp mai.
Chutiang zel chuan Darkhuang te, Darbu te leh Darmang te pawh vawiin thleng hian Mizote zingah chhung thiam leh chher thei an awm lo tih chu kan hre theuh a. Mahse kan hnam ro, kan musical instrument pawimawh takah i-he loin kan pawm thlap a, kan thanlenpui a, kan hla nen kan rem a, kan lung a tileng a, kan lunglenpui bawk. Hei hian hnam dang ta kan seng luh chawp mai mai a ni lo tih a hril chiang hle.
Chuvangin Kawlphaia pi pute an khawsak laiin Kawlho nen emaw, hnam dang te nen emaw an chhung ho a, an chher ho a, thlang an tlakpui a, vawiin thleng hian kan la roh em em lo thei lo. Kan chenna leilung leh chhehvel (enviroment)-in a zil loh avangin kan chher lo emaw, kan chhung lo emaw ni maiin a lang zawk. Kut themthiamna s^ng tak nih ngai hmui te, her-^wt te, tuibur (hmeichhiain an zuk thin) te leh hnahchawi thahnem tak tul hmar-^m kutchhuak an neih atang te hian, tun hmaa an lo thiam tawh, an chenna ram leh hmun (enviroment)-in a zir phawt chuan an tih theih zel atang hian a chiang hle a ni.
Cheraw pawh hi a kan dan inang chiah lo mah se hnam leh ram hrang hrangin an kan tih kan hre hlawm a. Burma rama Keren te, China rama Li hnam te, Thailand-ah ‘Ram gratop mai’ an ti a, Cambodia-ah ‘Robam kon araek’ an ti a, Malaysia-ah ‘Magunatip’ an ti a, Vietnam-ah ‘Mua sap’ an ti a, Phillipines-ah ‘Tinikling’ an ti tih kan hre hlawm awm e. Hnam dangte pawh an la awm mai thei. Engpawh ni se, hengte hian an lo neih ve avang hian an ta kan lak emaw, kan copy emaw, kan zir ve emaw tizawngin kan ngaihtuah tur a ni lo. Hengho te nen hian Tlangmi hnam hrang hrangte hmanlai atanga an lo awm khawmna, China ram chhim thlang Yunna Province-ah an chenho lai hian an lo chingho tawh a ni mahna!
Kan rilru chhungril berah pawh Cheraw hi hmanlai atangin kan pi puten an lo kan tawh thin a, thlang an rawn tlakpui zel a, kan hnam ro, kan hnam lam dik tak a ni, tiin nghet takin kan pawm thlap tur a ni ngei mai. Tin, ‘Cheraw’ ti mai loa ‘Bamboo dance’ tia dah hi duhthu a sam chiah lo na a, khawvel hriat kan hlawna tur a nih dawn chuan a pawm theih hram hram a. Amaherawhchu kan ziak leh sawi apiangin, ‘Bamboo dance (Cheraw)’ ti zel ila a fuh ber ngei ang.
Khawvel hriata Mizoram leh Mizo hnam kan inpho chhuahna tur zawnga kan hotuten hmalaa theihtawp an chhuah hi a ropui a. Mipui pawhin kan theihna lai apiangah tha thawhin phur takin i tanpui theuh ang u. Hnam dangte hi chuan an kan ve chauh zawk ni sela. Cheraw hi Mizo cultural dance, kan ta liau liau a ni a, kan ta hliah hliah tur a ni a, kan neitu vang tur a ni.
Source: Vanglaini.org
Similar Posts:
- Sonia Gandhi- i’n Mualpuia Stadium Lung a phum tur hi
- CHERAW leh Mizote
- World Record hming tur hi
- Cheraw hi eng hnam lam ber nge?
- Tawng Hman dik
February 9th, 2010 at 10:47 am
Khawvel hriatah Cheraw kan nei tih hi pholan zawk tur. Rap etc vela khawvel a ber nih kan tum a nih chuan thuhran, Mizo neih hlut, kan sawrkar calendar ilo ah pawh kan telh kai chiai chuai a hming nilo tawp a koh talh kan tum hi, intih dazat na a ni. Lehkha thiam zawk te phei chuan hnam thil hi a hming leh theih ang dang zawng2 hi roh in zuah tlat zawk tur asin.
Bamboo dance ti a world record an siam anih chuan an thehluh na ah, Bamboo dance a nih loh zia ka theih tawp in ka sawi ang, sawisel leh pha tu (point tha tak) an awm chuan record ah an dah mai ka ring hlek lo bawk.
Ka theih tlem viau mahse Mizo tan ka theih ang tawkin hetiang hi chu ka do tlat dawn. Ka lawm e
[Report abuse]
February 9th, 2010 at 11:22 am
Nia… chapcharikut a piangin lammualah ual rikawt kan siam ziah
Mahse ‘Bamboo Dance’ tiin ualrikawt buah a chuang dawn ni mai 
kei nin “Cheiraw” kan ti ang a, an nin “Bamboo Dance” min tih sak kumkhua nga ti nia
[Report abuse]
February 9th, 2010 at 2:29 pm
Wow! A ngaihnawm e. A thu hi chu chanchinbu lamah ka chhiar vek tawh a. Kawmen-ho ka chhiar kim vek. CHERAW hi CHERAW ni zel rawh se. Mau lam (bamboo dance) kan kan lo, Cheraw a ni kan kan ni tih hi ka ngaihdan mawlmang ve taka awm ve rauh rauh thin a ni.
[Report abuse]
February 9th, 2010 at 4:39 pm
Bamboo Dance min tihsak pawhin “Cheraw a ni e” tiin kan correct zel dawn nia! Cheraw hi awze tawnga sawifiah nan erawh “Cheraw is a kind of bamboo dance…” te chu an ti thei ang chu!
[Report abuse]
February 9th, 2010 at 5:11 pm
keimah, “Cheraw is a kind of bamboo dance…” te chu an ti thei ang chu!”
…ni lul love a
“In Cheraw, bamboo is usually used as an instrument of the dance,” te chu a tih theih zawk mahna, “lam” kha ni lovin. Cheraw chu Cheraw a ni tawp.
Bamboo is not the base of the dance… eg: “Tap dancing” hi little steel plate dance an ti lova, an pheikhawk a thir an dah, an per rik tlek tlek theihna a nih angin, tap dance intrument ang a nih tak ber chu. Thir an hman khan a lam hming a pu lo. Cheraw kan hi “Mautak lam” a ni ngai lo. NOI
[Report abuse]
February 9th, 2010 at 9:45 pm
A hming an vuah chu thu hran ni rawh se! Kan hnam nun leh phung kal pel mi reng reng ngaih san ka nei lem lo, ngaihsan ka tum bawk hek lo. “Cheraw” tih hi “official takin”{tu-te maw(?) trawng kam tak in} tlak law law teh u, hnam ziarang tih-khaw-loh hreh lo ho hian!
Trawng trial hi in va lo thiam hlawm tak em!?
[Report abuse]
February 9th, 2010 at 10:58 pm
World record han tih kher! Kum tin in kan BREAK ziah lawm ni? Hnam dangin min khum har awm! an nei ve si lova. LOL
[Report abuse]
February 9th, 2010 at 11:05 pm
A tha e……World Record holder kan ngah dawn bawk siah…an inpel suau suau anga ni mai alom….:D
[Report abuse]
February 10th, 2010 at 2:23 am
Nep em mai! nep em mai. Khawii veng pakhat in tih tum se emaw khawii club in emaw tih tum se a zia, a sawrkar pakhat ve riang ruang! ka tih chu ka tih ti pha ve thiau in a CHERAW-KAN a world record, mizoram record!!! tih vel hi chu e! hei ai a nep hi ngaihtuah chhuah a har khawp mai!!
[Report abuse]
February 10th, 2010 at 7:40 am
Cultural Homogenization hi chu alo thleng don chauh ang; bamboo dance/cheraw vela world record siam tum ringawtah poh heti khopa kan ngaihdan a in persan anih chuan kan inhnial luih luihna tur issue hi chu kan la ngah don khop.
[Report abuse]
February 11th, 2010 at 3:03 am
He thil hi mi pakhat in a rawt chhuah, a hnuaia miten an zah avanga an chawi vung chhoh pui mai2 niin ka ngai. World Record siam kan tumna line hi a fuh lo thlawt. Kan Ram Hruaitute hi tih at in an awm leh tlat zel hi a buaithlak a ni. Khawvel khawi ram mah hian an Cultural Dance hi World Record siam nan an hman ka la hre lo, World Record-ah an lo awm anih pawhin engti kawng zawng takin emaw Extraordinary-na a nei tihna a ni mai. World Record (WR) hi chu, theihna emaw thiamna emaw a in compete theih thil a ni tlangpui a, Khawi ram mahin kan Cultural Dance hi min copy sak thei lo va, min compete tur pawh a ni lo. Chuvangin WR huang ah hian ‘Cheraw Kan tam Record’ hi a awm thei lo hrim2, an website (http://www.guinnessworldrecords.com)-ah pawh Cultural Dance lam Category a awm lo. Kei chuan he attempt hi chu ka dodal tlat. Record-ah lo dah ta pawh nise, mi Hnam Lam Record siam khum tumin khawi Ram mah an phi buai duh lovang. Kan Ram Hruaitute hian an ngaihtuah chiang lo a ni. ‘Cheraw’ tiha ziah lan ani dawn lo lehnghal a, kei chuan ‘Cheraw’ tiha khawvelin a hre darh lo tur hi ka ui ngawih2. Hnam changkang apiangin an Cultural thil an roh laia keinin a hming lem ‘Bamboo Dance’ tiha World Record-a kan phal rai mai2 tur hi ka ui. Tin, in tam hneh lama Record siam tur nise kar lovah kan Record min lehpel tur Hnam hrang2 an tam lutuk. Bihar State-a naupang school kallo zawng zawng ringawt pawh khuan kan Record min lehpel var2 thei tih lo hre ve mai2 teh u. He thil hi Sawrkar hian sut leh se ka duh khawp mai, a zahthlak ka ti. World Record siam hi Ram leh Hnam changkanna a ni lo. Tin, thil dang daih, tuna Red Ribbon Football an khelhna Field-te hi Europe-a kum 1950-a an Football khelhna aiin a letin a changkang lo zawk. Kum 2010 kan chuangkai tawha hetiangah hian kan la inkhel nia! Ram Hmangaih in ti tak tak, Ram Hruaitute kha harh mawlh te u.
[Report abuse]
February 11th, 2010 at 3:05 am
He thil hi mi pakhat in a rawt chhuah, a hnuaia miten an zah avanga an chawi vung chhoh pui mai2 niin ka hria. World Record siam kan tumna line hi a fuh lo thlawt. Kan Ram Hruaitute hi tih at in an awm leh tlat zel hi a buaithlak a ni. Khawvel khawi ram mah hian an Cultural Dance hi World Record siam nan an hman ka la hre lo, World Record-ah an lo awm anih pawhin engti kawng zawng takin emaw Extraordinary-na a nei tihna a ni mai. World Record (WR) hi chu, theihna emaw thiamna emaw a in compete theih thil a ni tlangpui a, Khawi ram mahin kan Cultural Dance hi min copy sak thei lo va, min compete tur pawh a ni lo. Chuvangin WR huang ah hian ‘Cheraw Kan tam Record’ hi a awm thei lo hrim2, an website (http://www.guinnessworldrecords.com)-ah pawh Cultural Dance lam Category a awm lo. Kei chuan he attempt hi chu ka dodal tlat. Record-ah lo dah ta pawh nise, mi Hnam Lam Record siam khum tumin khawi Ram mah an phi buai duh lovang. Kan Ram Hruaitute hian an ngaihtuah chiang lo a ni. ‘Cheraw’ tiha ziah lan ani dawn lo lehnghal a, kei chuan ‘Cheraw’ tiha khawvelin a hre darh lo tur hi ka ui ngawih2. Hnam changkang apiangin an Cultural thil an roh laia keinin a hming lem ‘Bamboo Dance’ tiha World Record-a kan phal rai mai2 tur hi ka ui. Tin, in tam hneh lama Record siam tur nise kar lovah kan Record min lehpel tur Hnam hrang2 an tam lutuk. Bihar State-a naupang school kallo zawng zawng ringawt pawh khuan kan Record min lehpel var2 thei tih lo hre ve mai2 teh u. He thil hi Sawrkar hian sut leh se ka duh khawp mai, a zahthlak ka ti. World Record siam hi Ram leh Hnam changkanna a ni lo. Tin, thil dang daih, tuna Red Ribbon Football an khelhna Field-te hi Europe-a kum 1950-a an Football khelhna aiin a letin a changkang lo zawk. Kum 2010 kan chuangkai tawha hetiangah hian kan la inkhel nia! Ram Hmangaih in ti tak tak, Ram Hruaitute kha harh mawlh te u.
[Report abuse]