Heti taka kan mamawh, kan vei leh duhthu kan sampui tam ber KAWLPHETHA hi kan lo intodelh ve thuai theih nan rawtna mawlmang tak tak ka han thlasik mau puah pui ve phawng phawng teh ang! Heng rawtnate ka sawi hmain mahni ka han insawifiah hmasa ang e:
(a) Hetiang Kawlphetha chungchangah hian Technical lam thil engmah ka hre lo, mi mawl ka ni e!
(b) Tu sawrkar leh tu party mah hi tan leh tan loh bik ka nei lo. Mizo ka ni tawp!
(c) Mizoram hi ka ram a nih avangin a thatna tur nia ka hriat, mawl tak takin ka sawi.Tumah tih bik leh tih loh bik ka nei lo ve! Huat chi a ni lo!
Awle, rawtna mawl pasarih:
1. TUN atangin Mizorama sawrkarna chelh apiangin thil dang zawng zawng aiin KAWLPHETHA hi kan intodelh hma loh chuan ngaihpawimawh hmasak berah neih zel rawh se. Tuna kan sawrkar pawh hi “kih hnawk thian” ringawta an term an hman zawh hmain KAWLPHETHA chungchang hi home-work ah neih tak tak se la, mut mawh hnar mawhah neih rawh se. Eng sawrkar pawh, tlak phah tawp hial huama KAWLPHETHA min petu sawrkar chu RAM HMANGIAHTU an nih avangin mipuiin kan vote tling zel ang!
2. KAWLPHETHA siamchhuah nana Hydel Project emaw, Project dang reng reng ruahmanna a awm reng rengin a hnaivaiah TUMAN ram neih awih loh! Ram nei sate chu Compensation a awm tawk chhungah A TLEM THEI ANG BER pek ni se, a bak chu RAM TAN an thawh veah ngaih sak ni mai se, he kawlphetha hi a chhawrtu an la ni ve tho dawn si a. Project ruahman laia RULING lam hnaivai/ u leh nau/party mi emaw ten ram inpe chawpa Compensation an lo ngiat ve a nih chuan PEK MIAH LOH TUR an ni. Hengtianga tih chingte hi RAM HMELMA an ni e! NI LO pawh in ti se AN NI E !!
3.KAWLPHETHA siam chhuahna tur Project-a thawktu reng reng ten sum an tihchingpen avanga hna a sukuk phah a nih chuan an hna atanga ban nghal bakah, an ina Electric connection zawng zawng tihtawp sak ni se la, Chapcharkut niah AR Lammual lai takah banah phuar betin an lu meh kawlh sak ni rawh se! 
(A rum lu deuh em? )
4. Ram tana tha tur sawrkar hmasain a duan reng reng, Party dang hma lakna a nih avanga chhunzawm duh lo chuan RAM aiin PARTY an hmangaih zawk tih a chiang a, mipuiten paih thlak nghal zel tur!.
5. KAWLPHETHA hi heti tak hian kan mamawh a, ram pum mipui kan phun mur mur chung leh, kum 30 dawn lai STATE puitling kan nih ve tawh lai hian he ti em em maia kan han intodelh thei mawlh lo mai hi a ZAHTHLAK bakah a TLAWMNGAIHTHLAK em em a, engemaw DIK LO chu a awm tih a hriat! Tunah hian Mizoram Power & Electricity Board website-a a lan danin Mizoram hian Mini Hydel project 16 leh Diesel khawl neuh neuh 22 atangin MW 29.335 a tichhuak ve a, kan mamawh erawh chu MW60 vel. Chutih lai chuan Tuirial HP MW 60 siam chhuak tur te, Tuivai HP MW 210 tichhuak tur te, Bairabi HP MW 75 tichhuak tur te, Bairabi Thermal P MW 20 tichhuak tura lang, a vaiin MW 265 tichhuak tura ruahmanna awm te hi enge an dinhmun chiah??
Engatinge a thawm chauh kan hre thin a, A TAK hmuh tur a awm theih ngang si loh?? Heng Project zinga pahnih khat pawh hi tipuitling thei sawrkar chu awm se kan intodelh ni mai tur! Kan ram hnar kaitute ho khan IN VEI TAWK LO a ni lo maw?? Chuvangin, TUN atang hian heng project zinga pakhat tal tihlawhtling turin Pu Hawla hruai Congress sawrkar hian HMA LA ringawt lovin, A HLAWHTLIN thlengin bawhzui rawh se!! Tichuan, Zoram mipui zawng zawngin lawmthu kan sawi ang a, Pu Hawla pawh Jyoti Basu lal chen zet a CM mai thei a sin!
Rawtna pasarih ka siam hmain ka insawh thinur dawn tlat mai! Panganaah hian tawp mai teh ang. A bak chu han rawt chhunzawm ve tawh mai teh u!
Similar Posts:
- Broadband Mizoram in kan mamawh
- Mizoramah Zu a vang em?
- Thalai te tana Eizawnna Tlak- “Sangha Dil Siam”
- Mizo thalaite eizawnnan : Brick siam
- Tlawng Khuah leh Rel kawng
February 9th, 2010 at 9:11 am
rawtna tha tak a ni.. a zawm tak erawh hi a har zawng a ni e
[Report abuse]
February 9th, 2010 at 9:25 am
Thu ziak chu a va han pawm awm ve le. Ram hmangaihtu thu ziak a nih khi.
[Report abuse]
February 9th, 2010 at 9:37 am
#.3 khi full support ka pe e.
[Report abuse]
February 9th, 2010 at 9:51 am
Sawrkar hian Kawlphetha kan neih thuai theih nan kawlphe ang a rangin hma la rawh se!!
[Report abuse]
February 9th, 2010 at 9:55 am
Vawin hian MNF in Kawlphetha awm that loh vang in, zirlaite mamawh phu hruk nan Aizawl khawpuiah Mombati an sem dawn ni lawm ni
a tih zia khawp ang a
[Report abuse]
February 9th, 2010 at 9:59 am
Pu Hawla hruai Congress sawrkar hian HMA LA ringawt lovin, A HLAWHTLIN thlengin bawhzui rawh se!!
a va han tha teh lul em!! mipui hi kan tangrual lo nge? sawrkar hian kawlphetha intodelh hi a duh lo? kawlphetha hi politics em ni? compensate tih hi mi duham tihna mi? kawlphetha hnianghnar ram an changkang tih hi ram hruaitute hian an hre tha duh lo a mi? engkimah hian kan mamawh a ni ber a, engtinmmaw tal tihdan awm lo maw le…
[Report abuse]
February 9th, 2010 at 10:10 am
Diklo tak a Compensate lo la tawh hote kha; chuh let leh ila vaw nek ila; Tuirial Hydel Project hi din thar leh ang u tih ka rawt e.
Tun a kan ram hruai tute hmalakna hi chuan awmzia anei tan viau dawn in alang; mi pamham tlemte vang a kan thiltha tur hluihlawn a awm hi chu zialo thin ngawt mai.
[Report abuse]
February 9th, 2010 at 10:16 am
Rawtna pakhat chauh kan thawh ve keuh -
Kan ram te reuh te-a Power potential hi, ka hre chiang, sum awmin clearance te fel se’ng 1000MW hi neih mai theih ani. Tuna kan budget NLUP atana ruahmanna ang type hian Power ah in concentrate ila, department dang hi chu hrek te roih ila. Chuta kan sum leh IMF/FI hrang2 atrangin leh Pvt investor te atrangin sum kan hailut ang.
Chumi titur chuan Power Regulatory Authority Central duh angin P&E Dept hi sumdawng Company angin leh a ngai ang. Chuta tan chuan tuna thri beh zozai hi mamawh vek an ni lo. VRS apply mai tur, chuta la retire hreh ho kha chu Dept hran hran-ah chhawr theihna mual-ah an pension thleng chhawr tur an ni ang.
Power potential tap tak tak tur hian Bridge leh kawngpui thra tello chuan a tih mai theih thrin loh. 50MW chin khawl hi chu Bridge hi support a ngai duh khop. A Alternator ringawt poh hi ketaminu truck in an phurh a ngai 80MT aia tlem khawl chu a vang ngawt ang.
Bakah construction materials leh Machineries lian tham luh zut zut a ngai chung kawng te chu sial lawk hian Power kan neih leh neih loh-ah kum 2/3 in a tihma thei ania
Tuna Power Transmission lines ho hi 132KV line an ni an te tham lutuk Power Grid ho hi helama sumdawng nasa an ni. Chuvangin kan Power potential awmna lam pan hian 400KV D0uble Ckt line hi thlur sung tura Central govt kar chhuah thiam a trul ang. Chung chu tunah hian mumal taka survey a la awm loh phei chuan tih lawk chi tak ani.
Tuna Gas exploration hi an hlawhtling ngei ngei dawn tih hi ka rindan ania chuvangin Gas Based Power hi khawi-ah nge kan bun ang tih hi Compensation lam thangkam nan ni lovin hual lawk neih vat a trul. Kei chuan Sairang velah Rel a luh chuan Sairang chheh vela bun ka duh.Anih loh chuan Rel hian kolasib lam hnaih thei ang berin kal tir nise, phaizawl ram rai thra lai te khu hauh lawk ta ila. Hmun pilril lutuk ah hian kan officer leh staff te hi zuk awm thra peih maih lova
NOI
Mizorama Power intodelh sawi hi chuan ka phur over mah mah thrina min lo hrethiam dawn nia. Post danga ka lo tihrik tawh te kha chu thuhran an nia auh
[Report abuse]
February 9th, 2010 at 10:18 am
keimah, “mimawl” i intih hi i hre viau si
tra la la la la zualko a kal, thi tawh reng si, ” a na viau a ni awm e,” ti hram thin kha min ti hre chhuak hairehai 
NOI huat awih hauh lovah tra la la
Rawtna tha tak chu a ni chiang alawm
[Report abuse]
February 9th, 2010 at 10:54 am
@Pu keimah, i rawtna (post) leh Pu MZ comment hi mizo mipui zawng zawng ten kan chhiar theih nan chanchinbu hrang hrangah chhuah atan thawn teh u. A tha em mai, kan duham ve hlek e
[Report abuse]
February 9th, 2010 at 11:13 am
[Report abuse]
February 9th, 2010 at 12:30 pm
Va rawt tha thuaih thuaih ve. No.5 na “TLAWMNGAIHTHLAK”, tih khian awmzia ka man pha lo, “Tlawmlakthlak”, tih ni zawk se a inhmehin a dik thlap duh hmel.
Tlawmlakah Vanzema a thi.
[Report abuse]
February 9th, 2010 at 12:34 pm
tun sorkar chuan Tuirial Hydel prjct dik lo tak a compesation lak vang a, hluihhlawn toh chu kih hnawk thian fai chungin a revive mek a, hna poh tan thuai ani don.tin Tuivai Hydel project poh 75% grant 25% ADB loan hmangin a be fel an tia ni lawm ni? Koladyne project poh a thawk tan tu tur an riah luh ve tak saw,
[Report abuse]
February 9th, 2010 at 12:40 pm
pu keimah, i rawtna chhe tè hi a va tha hlawm kher ve le. A thu hrimah nang hi thuhla lama i ril zia leh thuk zia chu mipangai chunglam a mi i ni tih tlang hriat a ni a, post i submit khat riau mai ka ti. Tun ai hian han thawh tam deuh teh, i hman chuan… Nangni ang chin thu hla hi chuan nun a chawm tlat ania. Kan pute hian tum tak2 ni se’ng chuan kan luituite hmang hian kan ram zim tè hi chu kan intodelh thei mawle. Manganthlak ka tih ber chu; Ram pilril leh tuma la tlwhpawh loh nia ngaih te pawh “Tuikhuah chim chin/Effective area” a nih dek2 tawh chuan Lal chhugkaw hnaivai leh thianthaten a ram pata anlo nei hman ziah hi…
[Report abuse]
February 9th, 2010 at 12:53 pm
Kan ram hi chu kan lazia a lawm, kawlphetha intodelh kan thenawm State te hi zirchiang ve ula, mipuiin power engtianginnge an hmang. Ka zawh tawh te chuan Mizoram state hi min awt ngawih2 Power ah kher2 chuan.
[Report abuse]
February 9th, 2010 at 12:59 pm
Solar energy leh Wind energy ah hian sorkar in hma la se ka ti khawp mai. Tuikhuah ah kher lo kawlphetha a siam theih dawn a. Compensation a buaina pawh a tlem deuh ka ring
[Report abuse]
February 9th, 2010 at 1:01 pm
@Keimah & MzVision : In phawrh tha dun e, a chhiar thiam turte chhiartir tam chi pawh a ni. Thu chhia-tha tak takin mithiamten Laloo Yadav-a an piai thin, Laloo khan pawi a tihchuan loh nachhan kha—a State mipui tam daih zawkten an chhiar thiam chuan loh vang a nih thin kha!
MNF Mombati sem tum vel chu a motive a tha fu angin lang mah se, in hrethiam daih zawk ang!
@Chepa : “Tlawm makah Vanzema a thi” ka lo ti ve vel!
[Report abuse]
February 9th, 2010 at 1:08 pm
Vawiin Vanglaini LINK ah NE Power dinhmun an tarlang
State…………. Mamawh zat ….. Dawn mek ….. tlemna %
Mizoram ………. 66MW ………… 29.99 ……… 53.86%
Arunachal …….. 80MW ………… 53.54 ……… 33%
Assam ………… 830MW ……….. 392.02 …….. 52.76%
Meghalaya …….. 280MW ……….. 98.88 ……… 64.68%
Nagaland ……… 85MW ………… 48.81 ……… 42.57%
Tripura ………. 135MW ……….. 12.64 ……… 90.60%
Manipur ………. 90MW ………… 55.44 ……… 38.40%
Power kan dawn mek leh mamawh pawh a tlem ber. Power mamawh tlem hi changkan-na nge kan loh-na
[Report abuse]
February 9th, 2010 at 1:14 pm
He post tupa rawtna leh Pu Mzvision a rawt belhna chu a va han tha teh lul em! Hetiang hi mi(sual) nih ti nuam tu a ni. A har, a theih leh chuang loh ang tiha tang tawh loin, a mawl emaw a thlir thui lo ta deuh a nih pawhin kan ngaihdan hian kan ram hnuk vuantu te hi i han deng ngheng mai teh ang u. Hats off to keimah & mzvision
[Report abuse]
February 9th, 2010 at 1:18 pm
#18. Mizoram-ah chuan chhunah computer atan kan hmang a, State dangah chuan industry etc etc ‘run’ nan…
[Report abuse]
February 9th, 2010 at 1:47 pm
Pu mzv, kawlhawk,leh thiante u, in comment chuan min va hnem ve le! @aijal1, i thu sawi hi a tak tak a nih chuan ka lawm nghal veng veng!
Pu mzv, khi ta i sawi ang khi a lawm ngaihthlak kan chak! Nangni ang duang mi thil hre tak tak chin, keini anga thim thama duh thu sam ve satliah mai mai lo te thu leh hla hi a lawm awmzia nei thin chu.
Pathianin heti zat lui min pe a, Pu mzv sawi angin Gas lam te nen …KAN LA ENG NGEI NGEI DAWN E! Tha thlah lovin bei zel ang u.
[Report abuse]
February 9th, 2010 at 1:53 pm
Power nghiangnghet tak, engna mai ni lo, hnathawh tak tak nana tlak tur hnianghnar tak hi chu neih a hun ve tawh khawp mai. Tunlai sumdawnna technology reng reng mai hi POWER supply tel lo va nung thei lo a ni deuh vek tawh si a.. Arunachal te pawh khian an nei tha tawh khawp mai a. NE ah chuan a nei chauh ber kan la ni. Mahse fashion lamah chuan a sang ber kan ni.. kan ropui lo rih khawp mai.
[Report abuse]
February 9th, 2010 at 2:21 pm
Arunachal leh Manipur te khian
[Report abuse]
February 9th, 2010 at 2:40 pm
West Bengal state khuan tunah an thar chhuah mek 4,200MW vel duhtawk lovin Bhutan sorkar nen inberemin 650 MW project an chai leh mek !
Bakreshwar Thermal Power Station 1050 MW an sual chhoh lai vel 1988 bawr khan an buai ve thin teh a sin le!Central sorkar puihna an hmu thei si lo,soviet Union an beisei a tlawlh si!!,state sorkarin mawh a la ta tawp mai a, state Plan fund tamtak sawkkhawmin huaisen takin bul an tan chho hep hep mai maw le.Japan company Loan nen delhi tlang puihbawmna tel miah lovin an puitlin chu a nih der khu.Zir tur kan va ngah em!!
Kan ramah hian potential a awm tih kan hrechiang a nih chuan bul i tan ve rawih mai ang u. Sum a tul a nih chuan sorkar deptt te pawh sawi zim ila (Agri hnuaiah-vety,agri,horti,seri,soil etc),a tul a nih chuan P&E deptt pawh coporation ah dah nghal bawk ila.Mipui pawhin sum thawh angaih pawhin an tlanchhiat ka ring lo.
Pu Brig Sailo nen power khaihlak awm leh hun nghakin darkar khat dawn kan thu dun tawh! A rilru tur awm ka suangtuah nasa hle !
[Report abuse]
February 9th, 2010 at 2:48 pm
@keimah… Solar city ni tur pawh buaipui ve mek ania, chairmanah P.L.Thanga IAS [retired] ania, central lam poh voi duai lo an meeting pui toh kha, hlawhtling thei se an duh pui om khop mai
[Report abuse]
February 9th, 2010 at 3:07 pm
Power chungchangah chuan Brig. T.Sailo kha a tenawm ber ang, mahni Policy tih hlawhtlin nei miah lo a ni. Bairabi a sawi ve fo lah chu a hnua sawrkar tan, paih dawna a sa ni si, ei dawna a chhu ni si. Kawmtlang ten khuanga an kaih tak mai2 ang vel a ni.
[Report abuse]
February 9th, 2010 at 3:20 pm
solar energy lam sawi takah chuan, hei lo en ve chhin teh u.
http://www.suryagen.com/overview.htm
an prototype design eng eng emaw han post ka chak thin viau a, mahse net a lo pho chhuah sak chi ani silova, a tha hlawm reuh lutuk.
[Report abuse]
February 9th, 2010 at 3:25 pm
Solar power hi chu han innghah nan ber chuan a tlak ber dawn emaw ni le? ,mahse thingtlang kilkhawr tih enna leh belhchhah nan chuan a tha tho,production & maintenance cost a tlem hmel a.
“4-7 kilowatt-hour of solar radiation per square meter per day with 250-300 sunny days in a year. But the Mizoram falls short of that.” (http://www.thaindian.com/solar-energy-)
[Report abuse]
February 9th, 2010 at 3:31 pm
@Pc-a, kan hydel power source lian ber Serlui Project A & B hi tu kutchhuak nge? Bairabi chauh hi Pu Thena hunlaia tih a ni hauh lo. Lengpui Airport te hi tu bul tan nge? kum 4 pawh sawrkar tling lo hmachhawp kha zirchian tham a awm, ram buailai leh budget tlem em em lai ngaihtuah pui a tha. rambuai a reh a, mahni kutah thlamuang takin congress leh MNF ten kum 10 ve ve ro a rel a, ram tana thil lian tak an chawhchhuah kan hria em? stadium pakhat pawh kan la neih theih loh hi.. mithar, policy thar, rilru thar, thangtharte rilru leh khawvel thiamna er phak hruaitu kan mamawh.
[Report abuse]
February 9th, 2010 at 3:41 pm
Zorunpuia: thums up ka khilai a che
[Report abuse]
February 9th, 2010 at 4:03 pm
Mizoram hian kan power mamawh hi 70 megawatt vel niin an sawi a, kan thar chhuah ve hi chu 30 approx. MW vel chauh a ni. Power project tenau te te 2/3 megawatt generate thei (Serlui A& B, Maicham etc.) kan nei ve a, tui a tlem a, an power siamchhuah a hniam veleh zel bawk a; kan mamawhna nitin a sang zel bawk si. Aizawl khawpui chauh hian 36 MW vel a mamawh laiin khawpui dang zawng zawngin 30 MW vel an insem ral ang a ni. Indaih thei zia kan ni lo.
Power project lian tham (turbine) han bun dawn ila, khawl phurh luhna leh kan kawngpuiah harsatna a awmsa nghal bawk. Mombati chhit leh thin mai hi kan inhmeh tawk vel rih a ni awm e.
[Report abuse]
February 9th, 2010 at 4:19 pm
Hman deuhah khan kan khel ve chiam tawh a, Aizawl hi eng ngawr ngawrah chuan a ziaawm ber a, thingtlang lamah phei chuan meihawl leh thing nena eirawngbawl an la tam em em a, chutih lai chuan kan power dawn tlemte atang hian state dangah zu han hralh chhawng leh a, chuvangin minister lo ni ta Pu sawta pawh hi ka khak ve hlak nghe nghe. Tui nena siam chhuah chauh ni lo, Wind te, Solar te etc.. a hrang hrang hi kan dap ve tur a ni a. Kan mamawh zat ngaihtuahin kan power tawhchhuah theih hi a tam em em a. Antirnan, mi hausa leh neinung ho hian Solar te intihhmuh se la, an bill tlem dawn bakah mirethei zawkte an chhawmdawl tihna a lo ni dawn a, engkim mai sawrkara kan innghat vek mai hi a dik lo va, inzirtir kan la ngai a ni.
[Report abuse]
February 9th, 2010 at 4:36 pm
Mizoram Gazzete 2008 a a lan dan nen hian a inanglo deuhin ka van hre em!!! nge ka hriatthiamloh vang zawk aw…
http://img188.imageshack.us/im.....900647.png
http://img534.imageshack.us/im.....420038.png
installed capacity tekhi 37.17 MW ni toh si.. maintenance lam a thalo nge..
[Report abuse]
February 9th, 2010 at 4:52 pm
Mizoramin 66 MW kan mamawh a 30 MW kan dawn theih chuan, kan installed capacity 37.17 MW hian tunlai hian 20 MW vel pawh lo pechhuak ta se 50 MW vel ani anga chuti em ema indaihloh natur ani emni le… kati deuh mai mai.
ka chhut dan khi a mawl angreng khawpa.
Tin, MNF sawrkar khan engtinnge an manage theih bik ???
[Report abuse]
February 9th, 2010 at 5:02 pm
Tun a kan sawrkar VIP(mirethei) leh sawrkar thu neitu tak tak VIP te nen hian kan power supply dawn zat hi chu a in ang lo viau ang ka ring.VIP theuh theuh si in sem rual i lang chuan kei ni VIP(mirethei) lam hian he tiang em em hi chuan kan hmu chhebik in ka ring lo
[Report abuse]
February 9th, 2010 at 7:00 pm
MIZO fate hi lawmna chang hre lo hnam kan ang, sawisel tur, mi dem reng reng hian mual kan liam mai don anih hi
[Report abuse]
February 9th, 2010 at 8:17 pm
#36: Mi a lawmna a hoh viau chuan a mah pawh a sang lem lo tihna
[Report abuse]
February 9th, 2010 at 8:24 pm
A hming chuan, Hydel project (Mini) (Maicham, Serlui ‘B’, Tuivai, Tuirial, Khawiva, Kau, Teirei, Tuipang, Lamsial etc ) kan nei ve tawh a. Kan ram population tlem zia ngaihtuahin, heng Mini Hydel Project-te hian kan mamawh zualpui min phuhruk mai awm tak. Mamawh zualpui chu sawi loh, ‘eng’ chhit tur ringawt pawh kan indaih loh dan hi kan hre theuh mai. Power awm that loh avanga Aizawl leh Lunglei vela kan lo insehruh viau lai hian khaw thenkhatah chuan thlakhat dawn te an nei lo thung a. Thingtlang khaw thenkhatte chuan electric eng hmel an hmu ngai meuh lova, awh ve ngaihna pawh an hre hek lo. Vuivai dan lah an thiam ve hek lo. Heng thingtlang kilkhawr ber te pawn an chhawr tangtai ve ngei theih tur electric power hnianghnar tawk hi engtikah tak nei ve ang i maw!
Awle, ka han sawi tum tak zawk chu hetiang hi a ni. Thenkhat te’n hydel project lian tham law law hi nei ila, kan zia zawk ang an tih fo laia, Mini hydel project hlir kan siam thin hi a ni. Kum 1989 atangin Mini hydel project chungchang thil reng reng hi Ministry of Power leh CEA (Central Electricity Authority), MNES, DNES (Department of non conventional sources te kuta awm a ni. Tin, mawhphurna leh enkawl chungchangah SEBs (state electricity boards)te kuta awm deuh thin a ni. A bul tak tumtu leh Sum-pai thehchhuak tu ber khawvel Bank lian tak tak te nena thawk ho an ni. An ni hian mi tanpui mai bakah tum an nei ru ran bawk. Tichuan, MNES te hian a bikin India hmar chhak tlangramah reng reng chuan ‘mini/micro hydel project’ turin anlo duang lawk vek a. A tarlannaah phei chuan, “hmun fianrial/hmun chengker zawkte (remote hilly regions) tih a ni. He ta hmun chengker (remote) tih an hmang tel kher hian ngaih ati tha chiah lo hle. Hmun chengker zawk (Remote areas) hrim hrimah mini hydel project a nihna tur bik hi zawhna awmthei tak a ni.
Hemi hnung lamah hian thil engemaw tak a awm ngei niin a lang. Hetiang hian ngaihruat theih a ni. (United Nations Development Programme/Global Environmental Facility) UNDP/GEF te US $15 million zet senga hydel project sponsor thin tu chuan Himalaya leh a chhehvel tlangram sik leh sa, nungcha leh ramngaw (environment/ ecology) chhe mek humhalhna atan Mini hydel project ang chauh min lo duan sak a ni. (“The project was approved to achieve reduction in global warming through the use of a renewable, perennial, non-fossil fuel-based energy source, namely small hydro energy, and protection of biodiversity in the Himalayan and sub-Himalayan regions, by reducing deforestation”.) Mizorama Hydel project din anih dawn pawh hian engineer ten he thuthlung awmsa mil hial Mini Hydel project tur chauh min lo tintuah sak thin niin a lang. Kan sorkar pachhe tak tan hian tih theih awm miau hek lo, an remruatna ang hi an pawmpui mai thin niin alang. Engpawhnise, Sorkar thiam loh tak pawh alo ni bik hauh lo mai. Kan sorkar hian hmun tam takah, heng mithiamte duansa mil hian hma a la rih a ni ber mai. Mipui te’n a chin chhuaka kan hriatpui thin erawh a pawimawh hle.
Thil awmzia lang thei ta chu; India ram leh Khawvel rampumah ramngaw kiam zelin sik leh sa a ti danglam em em a. He tih lai hian Himalayan tlangram bulthutah erawh mihring khawsa an tlem mai bakah ramsa chitin reng te leh ramngaw hring dup awmna hmun a ni. Heng ramngaw thingte hi damdawi siamna hmanrua tha tak tak a nih mai bakah khawvel sik leh sa (ecological balance)ah kawngro a su em em bawk si. Khawvel ramdang mihring pung chho zelah industry leh factory din nan ramngaw an vat chereu zova. Hemi thlakna tur awmchhun, ramngaw la awm mek abikin hnam hnufual tribal hote chenna hmun venhim chu an tum ber a ni ta a ni. Kan tunlai khawvel boruak chhe lutuk tawh compensate na atan an duh ngei niin alang. Ngaihdan dang pakhat leh ah chuan, heng hnam lian zawkte hian tlangmi te hi min tribal cheibawl lutuk deuh a tih theih. India ramah thil siam chhuahna factory leh industry hmun atan ‘tribal’ ramhnuaia khawsate chenna an chhuhsak nasa em em a. Hydel project liantham din anihna hmunah loneitute (tribal peasant) lo ram an khawih chhiat sak a. Compensation emaw hmuh let mumal nei hauh lovin lo neitu te leh ranvulha eizawngte kutbengin an awm fo thin. India ramah pawh hetiang thawm sawi tur a tam ta hle. Hetianga khawvel changkanna pawh chhimpha lo zawk tribal ho eizawnna ngaihtuah lek lova, mahni hma sial taka hma an lak thin avang hian India ram hmun tam takah (tribal-te zingah) buaina a chhuak nasa em em. Keini India hmarchhak ram hi tribal hlawmkhawm deuha awmna a ni. Hetiang thil thleng thei hi an veng thawng a ang hle.
Khawvel hnam lian zawkte hian min ngaih ang em hian kan tribal bik tawh lova, kan hawiher a zau chho mek zelin kawng engkimah khawvel intlansiakna um ve zel kan duh tawh a. Khawl thil (computer, T.V, washing machine etc) chhuak thar apiang neih kan tum bawk si. Heng hote nunna hnar ‘electric power’ kan mamawhna a sang chho zel dawn niin alang. Kan rama thlai thar chhuah ilo han sawngbawlna tur atan Industry khawl thil kan sawi ve reng tawh lai hian Mini hydel project atang hian kan hnianghnar thei tak tak angem tih hi zawhna awmthei tak a ni Hetih lai hian mipui mamawhna pawh a sang chho tual tual a. Hmakhua thui deuha kan thlir chuan, State dang atang electric power kan chawk chhuahna te hian khua reiah lak reng tur an nei zel angem tih hi zawhna awmthei bawk a ni. Engpawhnise, Hydel Project lian kan neih hleih theih lohna chhan lian berte chu kan state pachhe lutuk hian min ti dawihzep a, tumna (‘will’) min neih tir thei loh mai piahlamah hian a khuahna tur pawisa min sihchhuah sak tute duhdanah hian kan in awkbuai a ni ngei mai.
[Report abuse]
February 9th, 2010 at 8:31 pm
Electric Power siam chhuahna chi hrang hrang, thermal (Coal, Gas, Diesel) nuclear, hydro leh Wind te hi tunlaia hman uar ber ber te an ni. Heng bakah hmuhchhuah belh mek zel a ni. Heng zingah hian Mizo te’n kan hriatlar ber Hydro power hi India ramah a intanna alo rei fu tawh a. Kum 1898-ah hydro power unit chu Darjeeling-ah anlo din daih tawh a. India ram mahni a ro a inrel hlim hlawt khan, power siam chhuahna hrang hrang hmangin 1360 MW a siam chhuak nghal vat thei a ni. Tichuan, tunah hian India chuan power hrang hrang belhkhawm 107973 MW zet a ni. Tichuan kawlphetha siamchhuahna hnar hrang hrang atang a ka hmuhdan chu hetiang hian a ni. Hydro 26,910 MW 25%, Thermal 76,607 MW, Coal 63801MW 58%, Gas 11633 MW 11%, Diesel 1173 MW 1%, Nuclear 2720 MW 3 % leh Wind 1736 MW 2%. India ramah hian electric power siamchhuahna pui ber chu Lungalthei (Coal) atangin a ni. Elelctric Power kan hmuh zawng zawng atangin Hydro atanga kan hmuh chu 25% emaw awrh chauh a ni. Kum 2002-2003-ah khan India ramah a chhe berah electric power kan mamawh zat chu 545674MU niin, kan hmuh tak tak zat chu 497589MU chauh a ni. 8.8 % in kan mamawh kan phalo a ni. Kan mamawh bulpui tak phuhruk tur chuan a lo berah 81492MW kan mamawh laiin, 71547MW chauh ka tlin thei thung a ni. 12. 2% in kan kham khawp lo tihna a ni.
India ramah electric power mamawhna a sang chho tial tial a. Central Electricity Authority hnuaia Electricity Power Survey te’n nasa takin hma anla chho mek zel a. Heng power hnar hrang hrang atang hian, hydro, thermal leh nuclear hmanna te hi rualtlang zawk a chawhrual an tum chho mek a ni. Tuna a ratio chu, 25:75 a ni a, hei hi 40:60 velah siam chhoh an tum mek bawk. India rama boruak chhe zel venhim a nih beseiin tunah hian Hydro lamah tan an khawh nasa em em a. An survey na atangin Hydro atang hian 150, 000 zet hmuh theih an inbeisei a ni.
Tunah hian khawvel ram hrang hrang dinhmun chu hetiang hi a ni.
Country Potential MW Installed Capacity, MW
Norway- 47000 27360
Canada- 160000 65678
Brazil 170000 52427
China 31000 56000
India 150000 26910
A chung atang hian khawvel ram thenkhat dinhmun chu a chiang mai awm e. Mihring tamna ber India khian power supply a nei tam tawk lo tih alang a. Tin, keini Mizoram pawhin, hmasawn kan tum takzet anih chuan, kan ram uihum tia lek chawmna khawp chauh tal hi kan duanchhuah hi a hun ve takzet tawh a. Heng power hrang hrang kan sawi zingah hian Hydro hi a thlan awm berin boruak ti chhe lo thei ber tur a ngaih a ni. Tin, ramngaw (forest resources) venhim nan leh sum senso tlem ber tur a ni. India independent hlim khan power siamchhuahna hnar hrang hrang atanga hydro atanga power hmuh chhuah chu 37% lai niin, kum 1963ah phei chuan 50% lai a ni. Heta tang hian a tla hniam tial tial a, tunah chuan 25% chauh a ni. Tunah hian hydro lamah theihtawp chhuahin India chuan hma ala mek a ni.
[Report abuse]
February 9th, 2010 at 10:51 pm
@Epis
UNDP hi GEF sum thawhin India sawrkar-ah UNDP Hilly Hydro project kha MNES chalai tir an ni. UNDP Consultant te pawh Mizoram a Small Hydro potential a hmuna kawh-hmuhin ka fan pui ve nasa. Mahse kha project kha ka hriat chinah Mizoram chuan kan avail ve ta lo, a chhan chu State sawrkar kha min dictate nasat lutuk bakah, an project India ram Consultant an rawih leh chhawn te’n (CES) thlan kha duhthusam ber ani lo bawk nen, an finance terms kha, MNES programme mek aia duhawmna a awm lemloh avang te khan kan hmang ve ta lo niin ka hria.
Khatih lai khan Small hydro hi 3MW below an ti a tunah 25MW below ani ta thung. Tuna Serlui B pawh hi 12MW hi MNES bultum chu niin ka hria. Kutdawh ringawt mahni own Resource neilo lutuk tax la duh bawk silo hi a chang chuan min duat zek ka ti thrin. Kan Pu te pawh hian theihtawp an chhuah e, duhthawh erawh a na, kalkawng dang deuh pawh dap zel a trul reng ani. Chu chuan Change trul tamtak kan nei bawk ang.
Himalayan Belt hi India ram boruak thra siamtu ani tih vangin thing kan tuah tlem nan Gas te poh mantlawm zawkin kan lei, Burma lam unau te thlengin an chhhawr hi, mahse kan ramngaw erawh a chereu zel tho. Thingtuah tlemnan hian UNDP Project pawh khan remote deuh-ah zan a eng atan chauha chhi mai lova, eirawng bawl nana Electric kan hman theih an beisei ani. Theory chu a thra mahse a practical meuh lo anih hmel
Environmentalist hovin Thing kih zawrh leh hralh te min han khapa, Teak thinning na pawh a hnawng mawih nghek nghuk kha. Thra kan ti dawn nge dawn lo tih hi inhnial nak nak na tur a awm e. Power renchem te leh kan loss 60% thuak reduce nana System Improvement te hi kan zir-chik-mi te hian zir tham a awm.
A tawp khar nan a sei lutuk dawn – Tihur zirtur kan va la ngah em
[Report abuse]
February 9th, 2010 at 11:02 pm
Kan State hian keimah ni tawkah Hydro Electric Generation potential kan ngah zia pawh sawi nawn a ngawi awm love. Kan State mamawh let tam kan nei ani. Power kan mamawh zia pawh thingtlang khawkilkhawr ber thlengin nitin kan experiance atrangin inhrilh thar ngai hauh lovin kan chiang tlang. Kum hei leh chen hnuah pawh hetiang a Power chung changa kan beidawn thu kan la insawh kan la insawh a ngai mai hi a lungchhiatthlak hle ani. Khawilaiah ber hian emaw ni chu FIX chu kan ngai.
Power enkawltu ber P&E Deptt. hi kan radar ah a lo lang lo thei lo anga. Power Plant te hi a Installationah maiah a tawp lo. Kum tam tak Economic taka operate tura duan hi kan Plan tel ngei ngei tur ani ang. Kan State P&E Deptt. hi chu tun an existing organization structure ang hi chuan beiseina a sang lo khawp mai. Deptt a kan Engineer te ka demna lam erawh ani hauh lo. A organization structure hian a zir lo hrim hrim ani. Pu MZ a sawi ang leh Central lam Sorkar pawhin an duh ang a, Sumdawng Corporation anga function thei tura restructuring an neih hmasak angai ani. A hnathawktu tur ber leh a enkawltu tur ber, P&E Deptt hi a bul tran nan RESTRUCTURING neih ni sela. Reilo teah kan State Sorkar tan chuan, Revenue Generate tu pawimawh ber, an lo ni thei anga. Kan Engineer te pawh an hawisang vah thei mai tawh dawn ani, kan State tana an contribute nasat zia hre ru ranin. Hei hi ramchangkang ho kal hmang pawh ani e.
[Report abuse]
February 10th, 2010 at 3:14 am
Ka sawi peih lo! A harsatna hmu lian a, a awlsam zia hmuthei si lo ho tih bak!
[Report abuse]
February 10th, 2010 at 8:57 am
Power mamawh tam leh tam loh hi ram changkang tehna pakhat a ni ve a, kan power mamawh dan en hian North-eastern state zingah pawh a hnufual ber kan nih hi.Hetianga Hydro-electric power siamna a tana ram tha kan neih lai a Proj. lian tham pakhat mah kan la siam puitling lo hi thil zah thlak tak a ni.kan sawrkar in mahni a tih a tum chhung chuan compensation ah kan buai reng ang.Chuvang in kan sawrkar hian PSU( NTPC, NHPC) te kutah dah tawp se,chutah engzat percent emaw hauh se, tichuan kan puitlin thei chauh ang.kan ram anga Tlang ram ni ve Arunechal, Himachal te hian power an tharchhuah hnem zia hi, an awh awm khawp mai.
[Report abuse]
February 10th, 2010 at 12:37 pm
Tuna kan sawrkar ah hi chuan beisei ka nei sang lo khawp mai, NLUP vanga kan vote tlin a nia, hei hi an chai tawk hmel hle. An election manifesto pawimoh zingah pawh power hi chu a lang lo hrim hrim ka hre sual a nih lo chuan.
Kan phunchiar viau tak naa mipui te hi kan thiam bik lo,
Tuirial project pawh compensation tam vanga pamtrul a nia, keimahni vang a ni, kan sum duh luat vang a ni.
Brig.T.Sailo kha vawi khat tal chance han pe leh ila chuan tun ang ngawt hi chu kan nih ka ring lo.
Congress sawrkar hi Tuirial project revive leh turin nawr ila, an sawrkar hmasak laia an bul tran a ni bawk a.
NTPC in Chhimtuipui a hna an tran mek saw a puitlin ngei theih nan mipui hian full support i pe ang u, 450 MW pe chhauk thei tur a nia Saw saw a hnai vai thei ber tur chu a ni, kum 10 vel ah tluang taka an thawh chuan an zo thei ang. Supporting group/club te pawh indin ila, fan club nawi te te pawh kan din alawm le. Saw project saw eng harsatna avang mahin pamtrul suh se.
[Report abuse]
February 10th, 2010 at 1:10 pm
As_K
.. Supporting group/club te pawh indin ila .. i tih hi chu ka ei khoops. Tunlai transparency buaipui ho hi chuan hetiang hi an welcome zek asin. Tunah pawh hian hetiang Group ang chi ho hi Central Flagship Prog ah an rawih te poh an awmta hmelhriatte poh ka chhar. mahse mithiam tak takin an kaihruai thung.
Mahse As_K mi-pamham deuh hi chuan hetiang anga hre ve kir ker hi an duh miah lo asin, Minister tla tawh pakhat pawh hian “Ka nin thrin ber chu opposition aiin kan party worker zek zawk ho hi” a ti daih mai asin. Party office ami te lah hi Oath la ve mang si lo ho hi an thu leh zek zela, mahse constitutional Rights erawh an nei miah lo thung, mi-naran an nih ve tho a ngai.
Keini ramah chuan sawrkar lai ho chuan office re re an intithu em em, an ri ngalh mai, dairy thar an han lei ngeia
Opposition ho erahw hi chuan mipui sawrkar kha an ta ani lo emaw te an ti mai mai thung … by the people for the people .. tih awmze hrepha lo hi kan tam em ani. ziak leh Chhiar thiam chang chang hre tlem fe fe hi kan tam em anih hi. Master Degree nei ni deuh thrup ila ziaawm tak maw .. nge kan ngawng tolh2 ang 
[Report abuse]
February 10th, 2010 at 1:43 pm
@Pu mz Hetiang project lian tham hi chuan public support leh relation thra te pawh a mamoh a rinom a, supporting group/club te lo ding ta se khatiang atan khan a trangkai ka ring a. A thawktu engineer leh technician te pawh hnam dang ram hla tak tak atanga lo kal an nih hmel a, thrian tha te pawh an mamawh ang chu. Chu aia roll trangkai zawk te pawh a nei thei mahna, pressure pek an ngaih deuh hun pawh a om thei a, chu lo pawh thil dang dang pawh a om thei ang, Official ni si lo mahse trangkai ve tlat si.
[Report abuse]
February 10th, 2010 at 1:43 pm
Brig. T Sailo kha a tha ka ti. Mahse mawm, a tar tawh lulai a ni e.
An Ti:
“Term hmasa zawk a Opposition a a thut khan, Seesion chhung zawngin zawhna 1 chiah a zawt a,’MLA Pension leh Sipai Pension a lak kawp theih em’? a ti” … An ti tih a nih khi auh
Kawlphetha hi a tha. Mahse Project siam kan thiam lo nge, kan present thiam lo nge, approval awm tawh hnuah pawh Project kan execute thiam lo nge, ka hre tawh bik lo. Election tin a ‘Hydel Project’ lam ri ve ziah lem lo Arunachal te chuan 500MW(?) Project an nei dim diam tawh.
Kan ram tana thra a ka hriat chu, Mizoramah hian Nat.Gas Reserve a tam an ti a, tun atanga kum 3 velah chuan a thar theiha rin a ni. Chumi hmang a Gas Turbine lian/tam tawk bum hmiah mai a that ka ring.
Chu pawh kan sawrkar kut atang ringawt chuan a theih hauh loh anga, NTPC etc te Investment nei tura kan them luh thiam a ngai leh a nge, kan zuzi leh em a nge maw?
[Report abuse]
February 10th, 2010 at 4:33 pm
As_K
Indin rau rau chuan PR project enkawltu te nena neih chu a thra ber lo maithei, mipui leh project hlawhtlin nan leh mite (chi hrang2) rah beh an nih loh nan erawh rights claim pui te. Chutiang bawkin dan diklo taka LA Act 1894 an hman te pawh straighten tum nise.
3rd Party PMC angah te main contractor kitchen te an share mai chuan a dik thei lo. ZerO te hi Contractor te nen inhaw tur chu an ni miah lo mahse mahni hna kha dik leh fel takin an thawh a ngai, an inkawp chawt chuan a fuh lo khoops zel.
MI hunah kan la sawiho dawn nia Related OT ani na-in a kikawi em mai
[Report abuse]
February 10th, 2010 at 4:41 pm
@Pu mz: MI thuai a trul a nih chu
[Report abuse]
February 10th, 2010 at 5:11 pm
in comment ava ngaihthlaknawm hlawm eee. la sawi zui zel a chakawm hlemai a..
ziaka han dah chi ni rih silo eng eng emaw hria kan tam viau maithei ni power leh compensation lamah chuan..
tu pa titi in a sawi ang deuh, chhim lama an hawn hnu kha alo rei deuh hnu ah hmar lamah an phur pheia rawng te an han hnawih thar leha a thar anga hawn tlak alo ni leh mai a.. tih ang deuh tepawh minti hrechhuak rum rum mai.
kan thlan tlin duhloh hnu kha, alo rei chuan thlan tur dang awm heklo.. kan thlang tling leh maia, tun term ah hna an thawh thatloh chuan kan duhloh hnu te tho bak kha thlan tlin tur dang an awm chuang silo. fanghmir thawnthu, “a pu lut a apu chhuak leh a..” tih tepawh kan iang e a
[Report abuse]