ATM hmangtute tana fimkhur a tulna

January 28th, 2010 3:00 pm by ZoRawks

Tunlai chuan ATM hi kan hmang deuh fur tawh awm e. Bank a pawisa la chhuak tura intlar ai chuan thil awlsam tak pawh a ni. Nikum kum tawp lam khan ka thiannu pakhat chuan a SBI Account atanga a cheng 2000 bo thu min hrilh a, mak ka ti khawp mai a.

Mahse a zawh chian hnu ah khami ni khan a vawikhat na ah pawisa a lak chhuah theih loh avangin vawi hnih a try na ah a la thei chauh a, mahse a account atang khan vawi hnih a lo in debit vang a lo ni a. Bank ah a complain a, harsa vak lovin a pawisa a hmu let leh a.

December thla khan ka thiannu pakhat dang leh chuan a SBI nilo Bank dang ATM card hmangin SBI ATM ah pawisa a la chhuak a. A vawikhat na ah a theih loh avangin vawi hnih a try ve leh a. Tichuan a vawihnihna ah chuan a la chhuak thei ta a.

Mahse pakhat zawk ka sawi ang tho hian a tum hnih ah khan a account atang a pawisa a lo in debit ve ve leh a. Hemi ah ve thung chuan bank dangah a account a neih si avang leh SBI ATM in vawi hnih a account atang a debit avangin a buaithlak ta deuh hlek a. A lo hrechhuak har bawk nen, a tifel lawk thei lo a ni.

Hei hi ATM hmang tute tana kan fimkhur theuh nan ka rawn sawilang a ni e. ATM hmangtute fimkhur ila, pawisa kan lakchhuah dawn a a vawikhatna a a thei lo te a nih phei chuan kan balance uluk takin check thin ila a pawimawh. Tin, transaction slip zawng zawng dah tha vek ila, a hnu a mamawh hun a awm leh thei.

Link that tawk loh vang te in hetiang hian a awm thei a ni. Hetiang kan tawng palh a nih chuan Bank ah complain vat tur a ni. Bank in an tifel duh lo anih chuan Consumer Court ah te pawh a kal theih ngei ang.

35 Responses to “ATM hmangtute tana fimkhur a tulna”

1
kawlhawk Says:
January 28th, 2010 at 3:15 pm
a thain pawimawh khawp mai, ka la tawng ve lo hlauh mai pawha, lo fimkhur ve tawh tur anih hi.
[Report abuse]
2
^-||RaLtE||-^ Says:
January 28th, 2010 at 3:16 pm
Keipawh hman deuh khan ka buai tawh. Transaction slip kalo dahtha hlauh a, application letter ziakin ka theh lut a, ni hnih hnuah min tihfel sak leh hram.
[Report abuse]
3
hmingtea Says:
January 28th, 2010 at 3:27 pm
Kei ka lo buai lo ve
[Report abuse]
4
benjamin rualthanzauva Says:
January 28th, 2010 at 3:30 pm
customer care call vat tur. ATM boot ah khan phone te pawh a awm ve em Aizawl ah khan?
[Report abuse]
5
Ruatmawia Says:
January 28th, 2010 at 3:46 pm
Dik khawp mai,hetiang a buaina neuh neuh sawitur ting chu an awm nual mai, tin, kan GPF Account Sheet pawh hi check a tha khawp mai, mamawhna ah tum khat singhnih thum lek ka withdraw a, mahse….a hnuaah ka Account Sheet ah chuan
Rs 200,000/-(Nuaihnih ) chauh ka lo balance chauh ta mai si, makthei ngei mai
[Report abuse]
6
Ruatmawia Says:
January 28th, 2010 at 3:47 pm
Dik khawp mai,hetiang a buaina neuh neuh sawitur ting chu an awm nual mai, tin, kan GPF Account Sheet pawh hi check a tha khawp mai, mamawhna ah tum khat singhnih thum lek ka withdraw a, mahse….a hnuaah ka Account Sheet ah chuan
Rs 200,000/-(Nuaihnih ) chauh ka lo balance chauh ta mai si, makthei ngei mai,Nuai nga nei above nei tura ka ngaihlai khan ….
[Report abuse]
7
keimah Says:
January 28th, 2010 at 3:58 pm
@Ruatmawia, Nuai khat chu min lo puktir ve!! iPAD lei nan!!
[Report abuse]
8
Irreplaceable Says:
January 28th, 2010 at 3:59 pm
Ruatmawia chu va neinung ve aw!!

Hman deuhah phei kha chuan SBI-a account nei ka thriannu balance a lo pung thut a, a withdraw ve hmiah a, mahse a hnuah a rul leh.

OT:
Zawhna: Orkut-ah account i nei m?
Chhanna: Nei lo,SBI-ah chiah ka nei
[Report abuse]
9
Stallion Says:
January 28th, 2010 at 4:16 pm
Va mak tak ve.ka la tawnglo hlauh a mahse lak chuah teih loh na na a pawisa lo in cut cu hriatiam a har ka va ti ve,pawisa kha khawiah nge a awm tak ang!bank lamin an lo nei daih tih na em ni ang?kan thianpa pakhat pawh a account ah singkhat lo awm a,hmang huau2 a a hnu ah a rul let leh zeih mai heh.Bank a pawisa dah hian kan account no.kan ziak dik lo thin ni ngei ang!bye heart mai loin en mil thlap zel ila kan him deuh mahna.
[Report abuse]
10
Pisceans Says:
January 28th, 2010 at 4:45 pm
Egmah kala buai v gailo. Tiag lampangah chuan til ka then lemlo!
[Report abuse]
11
paeia Says:
January 28th, 2010 at 4:45 pm
Fimkhur viau tur anih chu, buaina ka la tawng ve lo nain, a lawmawm ka ti hle mai.
[Report abuse]
12
You Says:
January 28th, 2010 at 4:47 pm
Thiannu lam pang chu ava hou ve? Thianpa teh hian ATM hi kan hmang vak lou ni ang.

keipoh thiannu ATM a poisa tamtak han hmet chuak thei nei ve ila ka va han chak tak em.
[Report abuse]
13
Maisek Says:
January 28th, 2010 at 5:35 pm
keipawh ATM atangin ka la chhuak a, Rs 100 note chauh a lo awm niin, ka lakchhuah duh zat, a slot-ah aleng lova, ka lak chhuah duh zat aia tlem a rawn chhuak a, ka complain nghal a, mahse slip ah khan ka lak chhuah dik tak leh balance dik tak kha a lo inziak a, ka lak duh bang zawng chu a hranin card insert lehin ka la leh mai.
[Report abuse]
14
Talkman Says:
January 28th, 2010 at 6:07 pm
SBI branch threnkhat chuan internet banking an hawng tawh a, hei hi apply ngei tur ani e. I bank deposit, transaction engkim a detailin i phone atrangin i en khiau thei dawn tihna a nih chu. Kan branch ah an ti ve tawh em ngaihven vat ila.
[Report abuse]
15
riangtleii Says:
January 28th, 2010 at 6:07 pm
kei ka vannei nge, nikum khan 15000/- draw ka tum a, vawi khatna-ah a dik lo a, ka hman khât vangin a buai deuh aniang tiin ka ti tha leh a, a dik ta a, a hnu-a account ka update chuan 15000/- vawi hnih Debit leh credit vawi khat a lo awm a, ka buai hman tep a, vawi hnih ka la chhuak si lo ka ti a, mahse credit a lo awm leh avangin anmahnin an siam leh mai a nih ka ring ta a, ka vanduai ta lo hlauh.. hei hi ka sawi ve theih tawk a ni, Ka lawm e
[Report abuse]
16
waitowai Says:
January 28th, 2010 at 7:39 pm
post tha khawp mai.. vawi khatna ah pawisa kan lakchhuah theih loh chuan a vawi hnihna kan tih hma in balance kha check leh phot tur tih kha i hre reng ang uu..

cuan tunlai ah bank zawng2 deuh thaw in internet banking facility an nei tawh a, ka hmang tangkai ve khawp mai… bank ah va kal kher ngai lovin in/office atang in kan balance leh kan account hi a check zung2 theih a ni.
[Report abuse]
17
kawlhawk Says:
January 28th, 2010 at 7:58 pm
Ruatmawi, nang hi rin ai daihin i lo nei hrep ka ti…SBI nilo, Bank dangah pawh NUAI engzatnge tak nei ang che maw
[Report abuse]
18
buhchangrum Says:
January 28th, 2010 at 8:11 pm
SBI a acc hrim hrim ah hian pawisa abo thei a ni em aw,hmandeuh 2007 khan kan awmna a awm ve tur lo kal thar te pawisa kha amah in 10000 vel alo in withdraw a,tin kan thianpa lunglei ami ta pawh aduh hun ah alo in minus a,alo bo then bawk a,tin Andaman lama mi pawh a a chhungten an thawn 10000 vel bawk a bo leha(an complaint a ahmu leh ni in ka hria)…henghi enge a chhan niang le..
[Report abuse]
19
H.Vangchhia Says:
January 28th, 2010 at 8:56 pm
Bengawli ATM siam a nih duh hmel hle mai.
[Report abuse]
20
Teatak2 Says:
January 28th, 2010 at 9:30 pm
Khoilai ATM ber nge ni ang le? An la repair lo anih chuan trih hle tur anih chu, Zorock chu i zai dan a dang viau na a, kan trangkaipui hle dôn a ni. Khoi lai ATM nge tih khi i ron tarlang leh thei mai m?
Bengali siam chu hmang toh lo thei se o, hai re.
[Report abuse]
21
ranjitsailo Says:
January 28th, 2010 at 10:39 pm
18.buhchangrum

bo thei lo ve,kn la chhuak te anih ngawt loh chuan..kan a/c chungchang hriatthiam loh kan neih cuan,a/c neihna branch ah zawh fiah theih reng..
SBI internet banking bakah hian SBI mobile banking poh atih theih tawh a,aizawl a awm tan te chuan branch tinah hian a zawh fiah theih..
[Report abuse]
22
lalhmeltha Says:
January 29th, 2010 at 1:27 am
a pawimawh khawp mai! ATM hi hman a nuiam si a, hmanna receipt dah that loh a,chhinchhiah that loh a;a nei tlem deuh tan phei chaun over draw te pawh a awl phian mai thei bawk.Chuvangin,fimkhur a ngaiin kan ram angah te lek phei chuan fimkhur a ngai leh zual a,hetianga information in pek zung2 hi a tha khawp mai.
[Report abuse]
23
Tetea Says:
January 29th, 2010 at 7:47 am
Nikum lam khan ka thianpa ATM-a pawisa la chhuak tur pawh a pawisa Rs 5,000 rawn chhuah hma chiah hian current an awmlo mai anih kha! A buai nasa khawp mai.

[Report abuse]
24
kanidar Says:
January 29th, 2010 at 8:12 am
@Irre, I SBI account ni lo, Orkut account chu min lo hrilh ve la

Account Statement hi check ve zeuh zeuh a tha khawp mai.
[Report abuse]
25
The Flute Says:
January 29th, 2010 at 9:57 am
Keipoh hman deuhah ka SBI AC atangin Rs. 9000 leh Rs. 1000 hi withdraw slip hmang hian vawihnih lai an lo la chhuak a, ka AC kan check chu ka phu zok mai..chuan bank hotute ka be nghal a, Withdraw slip an dah that an phorh a, ka AC no ni lo kha an lo ziak tho sia, chutiang a in ang vak pawh ani hran lo kan AC no kha… duh ai chuan an lo fimkhur lo ve deuh ani SBI chu..
[Report abuse]
26
H.Vangchhia Says:
January 29th, 2010 at 10:05 am
India ramah hian ATM ah buaina vawi khat ka tawk ve tawh tak asin mawle. Aizawl SBI ATM, minister in ropui taka a hawn rup tuk mai khan ka hmang dawn a, pulit duty chuan tek (lightning) in a den chhiat thu min lo hrilh, ka hmang thei ta lo. tra la la la la
[Report abuse]
27
Maisek Says:
January 29th, 2010 at 10:21 am
Khawi ATM atang pawhin, man chawi lovin a lak chhuah theih tawh tih hi hria kan la tlem nge? SBI ATM ah hian an intlar puut zel a, a bul hnai deuh Axis, Syndicate, IDBI, etc ah hi chuan intlar pawh ngai mang lovin a lak theih reng si a…..
[Report abuse]
28
The Flute Says:
January 29th, 2010 at 11:28 am
mahse limit a awm ni lawm ni..eg. 5 times in a month tih ang reng vel..
[Report abuse]
29
Diktea_Pa Says:
January 29th, 2010 at 11:42 am
pin number a let/letling ( entirnan :- ka pin kha 1234 lo nise 4321 ti a chhut khan)police te’n rang takin tawhsual/thildik lo a awm a ni tih hriattir nan a hman theih tih hi a dik em? Hre chiang kan awm em aw?
[Report abuse]
30
Goldmember Says:
January 29th, 2010 at 11:55 am
@Diktea Pa – hei hi an sawi dan chuan a technology chu a awm reng tawh mahse Bank hovin an la hmang duhlo/theilo a ni awm e.

The technology that makes this possible does exist. However, so far, banks have not implemented it. Thus, at the time of writing, if you are forced to withdraw money against your will, the chance that the ATM you are using will have the reverse pin technology installed is virtually nil.

hetah hian chiang deuhvin a chhiar theih – http://www.hoax-slayer.com/reverse-pin-ATM.shtml
[Report abuse]
31
Diktea_Pa Says:
January 29th, 2010 at 12:16 pm
@Goldmember i ti lawm awm e. Nia pin number kha “Palindrome” lo ni se buaitlakna awm thei tih te… eng eng e maw kha awm chuan ka hre deuh a. Ka lawm reng reng e.
[Report abuse]
32
apatea Says:
January 29th, 2010 at 12:20 pm
@zorock, hmeichhia thian i ngah hmel huisss
[Report abuse]
33
Irreplaceable Says:
January 29th, 2010 at 1:25 pm
Boss: Ka nei lo, SBI-ah pawh ka nei chuang lo
[Report abuse]
34
Goldmember Says:
January 29th, 2010 at 2:38 pm
Report Abuse hi comment submit nana hmang kan la awm zeuh zeuh a. Report abuse hi chu mi comment mawilo admin te hnena report na chauh ania. A topic ah hian a rawn lang lovang.

hei hi tu comment nge kan hre thei lova mahse tah hian kan han dah phawt mai ange.

“ATM atanfa mini instalment atanga en in…cash book atang la chhuak ang in a in ziak thin bawk sia….tyin hman deuh khan bawngkawn atang in ATM ka tih tir a.ka card ka ti bo palh a.customer care ah ka lock ti ngawt pek a.a hnu ah ka hmuchuak leh si,unlock tir tur in bawngkawn kher ah khan angai an ti a,kei lah hmun hran ah ka awmsi vawi tam ka phon e a,chhungte ka kal tir a,unlock toh anti reng a ahman thei chuang loh a.athar siamtir leh ringawt a…tin biak an hahthlak ve deuh hrim hrim a thawkte thenkhat khi chu”
[Report abuse]
35
Chhakchhuak Says:
January 30th, 2010 at 6:48 pm
Bank dawr nuam leh nuam lo in sawi zauh bawka ka’n sawi ve, keichu New Capital Complex SBI tluka dawr nuam khu ka la hre lo….
[Report abuse]