Nizan Jan 16th, 2010 Zan Dar 8:45 vel khan Lalsangzuali te In, Champhai Vengsang a mi chu a kang. A kan chhan hi hriat mai theih a la ni lova, Lalsangzuali hian 29th Senior Taekwondo Champhionship, Bangalore a neih zawh takah khan Mizoram aiawh a kalin Gold Medal a rawn hawn a.
India Ranking ah No. 1 nihna chelh mektu a ni. Lalsangzuali leh a kalpui C. Lalrochhara te hi Champhai khaw mipuite chuan Inrinni tlai Dar 2:30 khan Champhai khawpui lun lai, Darthangvunga Traffic Point ah Ropui takin an lo hmuak a, Hemi function hman zawh hian LCN Zokhawpui te chuan amah hi Interview neih puiin, Interview an nei zo anmahni in lama an hawn chuan an in hi a lo kang tan tawh a, thelh tumin mi tlawmngai hrang hrang ten theihtawp chhuah mahse, a kan nat em avangin an thelh hman ta lo a ni.
Lalsangzuali te inah hian A nu leh pa bakah a chenpui unaute an khawsa mek a, State, National leh International-a a medal lolak tawhte leh a certificate lo neih tawh te chu a kangral vek a, tun tuma a medal lo hawn chu Interview na ah hian a awrh avangin leh a certificate chu a la chhuah loh avangin a chan awmchhun a ni. Kangmei a chhuak tih hriat a nih rual hian Champhai North Bialtu MLA Pu TT Zothansanga chu a hmunah hian a kal nghal a, A ni bakah hian Sub-Hqrs YMA, Champhai President Pu C. Lalawmpuia bakah mi pawimawh tam tak te a hmunah hian an thleng nghal a ni.
Mizoram leh Champhai tihmingthatu Lalsangzuali hi kan tawrhpui hle a, Pathianin awmpui se kan duh hle a ni. Mi(sual) a lut thin zawng zawng te in Tawngtaipui-na kan dil e.
Similar Posts:
- 14th National Jr Kickboxing Championship ah Mizo titha
- Zirna In Tha Chu….
- Pi Lalsangzuali Sailo
- Hlakungpui Website hawn a ni ta
- YMA in a nihna a theihnghilh em ni?
January 17th, 2010 at 1:29 am
Thil ropui tak, mi naran leh thatchhe tih theih loh, mi tumruh leh huaisen leh thiam bik te chauh chan theih a chang, a ropui vei nen a aw, an hlimna chu tih tawi sakin a awm ta hrih si a.
[Report abuse]
January 17th, 2010 at 1:32 am
a van zialo tak em!!
[Report abuse]
January 17th, 2010 at 1:45 am
Mizo pa rilru takah,tu thikthu chhiat in an halh te a ni lo ang maw?engpawhnihse an chhungkuah tan ka tuar pui e
[Report abuse]
January 17th, 2010 at 1:47 am
ceeagch, i sawi hi ka ngaihtuah mek, a nih loh i beisei ang.
[Report abuse]
January 17th, 2010 at 1:56 am
Nimin Vanglaini chhuakah khan an chanchin hi ka lo chhiar a, ka lo chhuang rilru teh asin mawle.. Vanduaina tawh na’n hian eng hun pawh hi a duhawm chuang lo na-in a hlimna tawng san lai taka hetiang a han tawk hi ngaihtuahna a ti thui hle mai. Ka tuarpui takzet e.
[Report abuse]
January 17th, 2010 at 2:15 am
Mahni chenna In, mihring tana lehpek awm miah lova kan inhumhimna leh kan innghahna bul han kangral miat mai chu hrilh a hai duh dawn em asin, a pawi teh e. Ngaihthatna leh thlamuanna a kanral bakah neih leh theih tawh ngai loh tur chhungkaw ro engzat tak ral ang maw…
[Report abuse]
January 17th, 2010 at 2:22 am
A van poi trhin tak em In kang a van tam mawlh 2 ve maw le.Kang mei lak ah hian zoram hi a himlo ta hle mai .Awlsam zawk a kang thelh tu ten an trhelh zung 2 theih dan ngaihtuah thar a ngai ani ber ta mai.
[Report abuse]
January 17th, 2010 at 2:25 am
In kang a rapthlakin a tuar tu te an lainat awm mahse, Lalsangzuali hian eng ang martial arts style nge a zir leh lawmman lakna hi kan hriat chiah loh takin. General Choi Hong Hi hmuh chhuah niin June ni 15, 2002, 8:35 pm ah khan North Korea khawpui, Pyongyang ah kum 84 mi niin a boral.
Tae-Kwon-Do http://www.youtube.com/watch?v=pOQa_OlH5S8
Demonstration http://www.youtube.com/watch?v=8klTtpYLFJk
[Report abuse]
January 17th, 2010 at 2:48 am
a van pawi tak ve aw… tih bak tih theih ka nei ve bawk silo.
HV I link dah hi a hmuhnawm khawp mai.taikawngdawm hi eng vak ah mah ka lo ngai lem lova.tleirawl trha leh ila zir ve ka chak khwp mai.ka khing pui te ka tlawh lu hai ngun ngawin ka ring.
[Report abuse]
January 17th, 2010 at 3:04 am
A va rapthlak duh dawn tak em !!
Ka hnam tana mi chhuanawm tak a nia thil ti thei tak dinhmun chu chang ila a thlawn in in thar sak sak ka chak hel mai a…
[Report abuse]
January 17th, 2010 at 4:05 am
An va khawngaihthlak tak ve aw.Lalpan a let tam takin malsawmna vur mawlh teh se.
[Report abuse]
January 17th, 2010 at 7:20 am
aw.! Ka va han khawngaih teh lul em! “Lalpa, he thil thleng hi i ropuina lantir nan hmang la. An chhungkua thlamuan la, dinthar leh ang che. Amen.”
[Report abuse]
January 17th, 2010 at 7:41 am
Van pawi thin ve aw, khua a rova, kangmei a chhuak hma, mitinte fimkhur a tul takzet a ni. Lalsangzuali te chhung ka tawrhpui takzet a ni.
[Report abuse]
January 17th, 2010 at 9:08 am
Ava han rapthlak vele,ka tawrhpui hle mai.
[Report abuse]
January 17th, 2010 at 10:52 am
Ka va han khawngaih tak em, ka tawrhpui tak zet.
[Report abuse]
January 17th, 2010 at 10:54 am
A va pawi ve le! Misual thil tih ni lovin vanduai vang hrim hrim ni turah ngai phawt ila, ka lo tt pui ve e..
[Report abuse]
January 17th, 2010 at 11:45 am
Hlawhtlinna leh an nuna hlimna an tawnsan ber ni chu damchhunga an theihnghilh tawh loh tur chhiatna thlen ni a lo nireng si. Thinlung taka ka lainat zinga mite an ni e. Lalpa’n thlamuanna lo pe mawlh teh se.
[Report abuse]
January 17th, 2010 at 12:44 pm
zialo hle mai a.. a tlangpuiin electric leh gas hi ani duh phiana.. Lalsangzuali te chhung kan tawrhpui mai piah lamah mitin te’n fimkhur phah nan hmang ila a thra ang..
[Report abuse]
January 17th, 2010 at 3:04 pm
A va han pawi ve aw… thildang a uihawm loh ni lo vin a certificate te chu a uihawm leh zual hle mai..
[Report abuse]
January 17th, 2010 at 5:04 pm
An in chu a kang fai viau a nih khu! kan zu en ve a, lei kang ut bak hmuh tur a awm lo. A kan lai hian (9p.m vel) chhungkaw pa ber chu a muhil tawh a, miin an kaiharh chawp ni awm tak a ni,amah ka biaka min chhan danin. Tunah hian an in chhaka in hluive tawh tak luah turin an siam mek, thenawm khawtlang tlawmngaiten. Kohhran hmeichhe lamin thilpekte dawngin an lo buaipui bawk. Vengchhung YMA section hrang hrang atangin tanpuina thawmhnaw leh buhfai, pawisa te a lut mek. D.C leh sport lam hruaitute leh mimal pawhin an tanpui nual bawk a ni awm e.
[Report abuse]
January 17th, 2010 at 5:19 pm
paeia, i kal rau rau chuan a pic han la thei la a that dawn teh lul nen aw..
[Report abuse]
January 17th, 2010 at 7:39 pm
Lalsangzuali MIXED EMOTIONS tur chu, ka lainat hle mai! Kumin chhungin in kang a tam hman ta viau mai! Mite hi an va tha tak em, hetiang vanduai nikhua reng reng hian, kan Mizo Society-a kan lo piang hi kan nihlawhna chen a tam.
[Report abuse]
January 19th, 2010 at 8:33 am
nimin khan hnatlangin in thar an sak sak a, mahse an zo hman lo deuh. vawinah chhunzawm tum a ni… hman chuan va lan ve zawk ka tum…
[Report abuse]
January 19th, 2010 at 8:42 am
keipawh meikhu rim ka hrawk ah ala cham
[Report abuse]
January 19th, 2010 at 9:08 am
@HV: Sadrak, Mesak, Abednego te kha a let 7-a sa meipuia paih luh an ni a; mi 3 ni ta lovin mi 4 angin an hmu ta! Lak chhuah leh an nih khan meikhu rim pawh an nam lo, an samzai pawh a kang kir eih lo!
Fire proof religion hi kan va mamawh chiang em!
[Report abuse]
January 19th, 2010 at 9:17 am
chawnghilh, religion lam alang hman hlawl lo a ni. Ka “radio” ah, “please hurry up to #817, it’s is on fire, it’s burning up,” ti a au hriat chuan fire extinquisher bur lian pawm chhuah nawlh kha a ni tawh mai
Thla 4 chhung kar khat ah 2 ka lo train ve kha ka chhawr tangkai khawp mai. Theih chuan train vek theih nise alo tha dawn a nih hi.
[Report abuse]
January 19th, 2010 at 9:20 am
@HV : Alarm i respond tha e, ka lawmpui che, Alarm ngaihthah vangin extra punishment ka hmu nasa tawh a, 1971 khan … chumi chanchin chu ka ziak hial asin, tawi te ni lawi siin!
Training hi thil pawimawh a ni, ADVANCED COURSE a ni hrim hrim!
[Report abuse]
January 19th, 2010 at 9:24 am
In kang hi chu a te emaw lian emaw a hawihai theih dawn em asin.
Chawnghilh, Bah Saia haw kha Azl lamah kan training na bu eng eng emaw ka la neih te hi thawn ka rilruk ania, hawn tur angah hmel in ka hre leh si a , ka sawi chhuak talo a nih kha. Mizoram ah kan hman tangkai theih ngei ka beisei tlat.
[Report abuse]