2009 Mizoram Sports Meet:TVS Racing vs YAMAHA Racing

December 12th, 2009 3:09 am by bawlakawlni

2009 MIZORAM MOTOR SPORTS MEET, TVS RACING vs YAMAHA Racing

MPCC Sports Cell leh ZOSPORTS buatsaihin December ni 17 leh 18 hian Tuirial Airfield-ah Bike racing neih ani dawn. YAMAHA Racing Ridetech Challenge Nov 21-a helai hmun thoa neih kha kan la hre reng ang a, kan thalaite motor sports lama kan lo tuihal tawh zia mai bakah kan lo thiam ve tawh zia kan hmu theuh awm e. YAMAHA Racing-ah kha chuan YAMAHA siam bike chauh tel phal a ni a, tun tumah chuan bike chi hrang hrang mai bakah Scooty thlengin tel theih a ni dawn.

Tuna a buatsaihtute hian tunhma deuh atang tawha buatsaih tumin an lo buaipui char char tawh a, tunah atakin a lo thleng thei dawn ta hi a lawmawm tak zet a ni. YAMAHA Racing kha a vawi khatna a nih angin helama a buatsaihtute pawhin an duh angin an ti felfai tawk thei lo kha pawi an tih thu an sawi a, tun tuma a buatsaihtute hi khami tuma buatsaihtute tho kha an niin kha aia felfai zawka buatsaih ngei an tum ani. Hmun zau zawk entute awmna tur buatsaih an tum a, a hungna fel tak siam vek an tum ani.

He intlansiakah hian Team a tel tur an awm nual a, Tualchhung team hrang hrang mai bakah India rama racing team ropui ber pawl TVS Racing team chuan lo kal ngei an tum ruh hle a, TVS Racing Team hotupa ber Pu Arvind-a pawhin a buatsaihtute hnenah rawn tel ngei an tum thu a sawi chiang tawh a ni. Hetih lai hian tunlaia India ram bike intlansiaka TVS Racing team in a elpui ber YAMAHA Racing team rider te pawhin tel an duh thu Organiser-te an hriattir tawh a, YAMAHA Racing lama an hotu lu te phalna an nghak mek a ni. YAMAHA versus TVS hi India motorcycle racing-ah na na na chuan hmaih phal chi a ni lovang.

He bike intlansiak lo awm tur hi chi hrang hrang 6-a then a ni ang :
a) Scooty hmeichhe tan
b) Scooty Open Class
c) Motorcycle 160cc chin
d) Motorcycle 161cc atanga 250cc thleng
e) Open Class (A duh duh tan)
f) Skill Class ( intlan muan siak)

YAMAHA Racing neih tuma haw lam zinga mi nunna chan ta hial an awm te kha , he intlansiak buatsaihtute chuan pawi an tiin tun intlansiak lo awm leh turah hian intlansiak a lo tel zawng zawng te leh a entute him tak haw theuh thei tura fim khur taka an lirtheite khalh theuh turin a ngen a ni.

Tin, Motorsport-a tui tak tak inthup thin ho pawh hetiang racing event-te buatsaih a lo nih takah leh Association te hial a lo din chhoh takah chuan an rawn inlar tan a, Sumdawng liante zingah pawh Rider sponsor tum pawh an awm nawk ta mai. He event-ah pawh hian Motorsport-a tuite chuan kan thalaite tana a lo chhenfakawm zual theih nan Advertisement man tlawm te tea tar theih a ni dawn a, a tar duh tan a buatsaihtute biak theih reng an ni e.

He intlansiaka tel duhte tan Aizawla Two wheeler Dealer hrang hrangte dawrah leh LBS Bike Bazar, Bawngkawn; X-TREMA, Dawrpui leh RAMTHAR AUTOMOBILES, Zarkawtah te ENTRY FORM lak theih reng a ni e. Hriat chian lehzual duh tan heng ahnuaia Technical Committee-te hnenah hian zawh chian theih reng a ni e.

Bawla : 9862564791/9863385099; Patea : 9856443104; Tea : 9615335019

Similar Posts:

Recent Posts:

23 Responses to “2009 Mizoram Sports Meet:TVS Racing vs YAMAHA Racing”

  1. 1
    spa jongte Says:

    A mipui in an hlut vang nge hmasawn tum na vang ??eng pawh ni se a tha ve viau tho mai hmasawnna chikhat chu ani e.a hma ai ngawt chuan a zia ang chu…mahse fimkhur teh u.nunna hi a hlu ania……………

    Report this comment

  2. 2
    chawnghilh Says:

    Lushai Chhokra pawh a tel hman chuang lo vang! :oops:

    Report this comment

  3. 3
    rangers007 Says:

    a thain lomom poh ka ti vieu a,mahse nunna chan kan om leh ang tih ka hlau ber ani,airfield ah chauh lo,kan kongpui lun leh zim tak2 ah hian anin race chhunzawm leh vak thin sia,yamaha hoin antih hnu trang ringawt poh khan engzat in nge bike accedent vanga nunna chanta le(h)

    Report this comment

  4. 4
    H.Vangchhia Says:

    Mizo film, Miss thlan etc siam ang lek khan an chhuah ho ange. Min an hlut deuh hi kan ti sup sup a a common thing/hlulo zo vek zel.

    Report this comment

  5. 5
    ZerO Says:

    “Scooty hmeichhe tan” :-) Hmun dangah hetiang racing a awm ve em le?

    Report this comment

  6. 6
    Awzzman Says:

    kan hlawm pui a ngem? tuirial bio-diversity/environment in a tuar ngei ang le….! global warming in support tra hle mai…

    Report this comment

  7. 7
    RTPA Says:

    Aizawl khopui ah in la tlan chak ho khi an top speed eng zat nge ni ang le?

    Report this comment

  8. 8
    Aryan Says:

    Scooty intlansiak te khi a van tullo tak em, intlansiak na tur chi a desgin pawh ani awm silova, mahse Patil hovin nuam an ti ngawt ang chu. Mi eng zat takin thih phah leh ang maw :(

    Report this comment

  9. 9
    H.Vangchhia Says:

    RTPA, 1984 chho vel kha chuan Red Rose vel kawng an siam that tirh khan 80+km/hr chuan ka tlan ve thin, khaw chhungah chuan zanlai ah 80km/hr chuan kan tlan ve zeuh2 tho mai, lirthei a la vang deuh bawk a. Speed a lo chak lo ve khawp mai hairehai, helai ah ka hnathawh kawngah hian 70-80 miles/hr (115-130 km/hr?!) hi ka tlandan tlangpui ania; kawng duang tu te hian an lo plan lawk tha ngawt mai.

    Tunlai angah chuan 40km/hr chu khaw chhungah chuana chak viau ang ka ring,a chep si.

    Report this comment

  10. 10
    RTPA Says:

    Pu HV kei pawh chennai ah chuan ofs kal chuan ka tho tlai thei sia ramhuai speed in 80-90 kar vel in ka thleng pheih ngai thin a:) leh ka zin chuan highwy ah chuan bike in 110-115 in kar ka tlan thin.. Kan hamara desh pawh hi highwy pawh nuam in mawi tawh khop mai ka rawn la post ang..

    Report this comment

  11. 11
    H.Vangchhia Says:

    RTPA, nupui fanau neih tawh chuan, bike in highway ah ka tlan ve ngam tawh lo :D 100+ Miles/hr vekin an tlan ka ring, 80 miles/hr a car kan khalh pawn, a rawn thum phei vung2 a, min rawn lehpel fua zel. :(

    Report this comment

  12. 12
    RTPA Says:

    Pu HV Ka lo hriat ve dan ah chuan in awm na ram ah kha chuan, a tlan chak zawng in tlan na tur bike zel awm ni lom ni.. free 4 all ni ve lo an tia..

    Report this comment

  13. 13
    H.Vangchhia Says:

    RTPA, ka van hrethiam lo i sawi dan hi! kan risk chhin ange a dik loh leh min correct dawn nia.

    Kawng hi lane 2/3/4 ten emaw an then a (pan lam inang), lane ah khan kual vel thiak thuak phal a ni lova mahni lane ah kan tlan tur a ni, lane kan thlak (change) dawn a nih loh chuan tin, mi zui hnaih pawh phal a nilo, hmuh i nih chuan fine emaw warning emaw a nih ngei ka ring.

    Kawng veilam hi “Beltway” ( khawpui hual a kawngpui lian awm) ah chuan fast lane kan ti mai a, speed sang ho tlanna a ni, dan ah a ni em ka hre lo tlat :D mahse mi tinin kan hriat a ni. Tin, veilam atang chauha in lehpelh a ni a, lane hnih chauh (hmalam kalna kawng) kawngpui a nih chuan left lane hi fast lane emaw motor tlan chak bik deuh tur kalnan a tih a ni deuh thin tin, right lane a mi te lehpelh nan hman a ni bawk. Speed limit hi 65 Miles/hr ni ta se, 75 vel hi chu an la hrethiam ni berin alang, 80 M/hr (km nilo) ah pawh min la man lo hlauh ka vannei pawh ani mahna. Traffic dang ruala tlan thiam apawimawh, speed a san pawn traffic dang anga kan tlan a, kan hma a mi te kan hnaih lutuk loh bawk chuan kan him hairehai :D

    Report this comment

  14. 14
    RTPA Says:

    A speed sang a zir in tlan na tur bik zel kha awm ni lawm ni kha in highwy ah kha chuan.. 80 tlan ln khat 80 hnuailam ln dang ah ti khan

    Report this comment

  15. 15
    H.Vangchhia Says:

    RTPA, #14

    Report this comment

  16. 16
    RTPA Says:

    K Pu HV kan bharat ah chuan duh duh tlan nia, mahse khopui chhung ah chuan a speed ai in a motor len dan zir in lane an siam ve a tlan na tur chu.. But bike tan chuan duh2 la ni tho..

    Report this comment

  17. 17
    H.Vangchhia Says:

    Highway ah motorcycle lane a awm hran biklo, car, SUV, van etc vel ania ka sawi khi. Bicycle hi chuan khaw chhungah tlanna tur bik an nei thung, motor tlanna leh sidewalk (ke a kalna) inkar ah a ni tlangpui awm e.

    Report this comment

  18. 18
    mi_sual Says:

    A hmuhnawm leh ngawt ang chu….

    ##rangers007 i ti dik khawp mai…

    http://www.misual.com/2009/11/.....rs-yamaha/

    han thlirlet mai mai ila…

    Report this comment

  19. 19
    The_Chhamanator Says:

    A hmuhnawm khawp ang helama tui tan chuan. Nia, kei poh Scooty intlansiak chu ho ka ti khop mai, chu ai chuan an siam chhan fuel efficiency etc. ah te khan inel tir zok se eg. Litre 1-a tlan thui thei ber etc. ka lo ti ve mai mai.

    Tin, huau huau in a kentel mi mawl fe fe intihbuai lohva kim lova hre tlat ho hi vaw darh tur security fel tak siam bok se. Tu tan pawha thlamuang tak leh felfai taka en theih turin siam thei se a tha ngawt in ka ring..

    Report this comment

  20. 20
    st Says:

    NUNNA hlu tak chan kan awm leh ang tih a hlauhawm hle mai. Mahse kan tleirawl, pawisak nei lo, tha za ho tan chuan a nuam lehpek ngot ang le….kan nau-a pawhin tel a tum a, ka khap ngat2 mai le!!!!

    Report this comment

  21. 21
    st Says:

    Engzat nge lawmman atan an tawktarh dawn a?? Hriat a va chakawm ve..kan naute hi poisa tlem tham te te ah hian an nunna an thaptir leh ang tih a hlauhawm e

    Report this comment

  22. 22
    R15 Says:

    Nunna kan chan belh zel lohnana thaa ka hriat chu……Racing hi chu nuam ti a tui tan chuan a nuam m a,a addict theih titih hial si a,chuvang cuan,sawisel loin,track tereuhte tal neih thain ka hria. Thalai tamtak racing atchilh tak2te tan hmasawn zawknan leh nunna kan chan my2 tawhlohnan a tithei kan awm ve tawhin ka ring a.e.g: MIMSA.. te hian track ngytuah dan ngytuah angyin ka hria. Kei poh ka tui a,track hi ka mitthla vawng2 thin. Kawngpui zawng a hlauawm c..ka thianpa pohin nunna a chan phah tawh a,ngytuahdan hria in awm cuan han ngytuah teh u khai….kan tui a hal e..!!! Ka vei em a ka lo post ve hnuhnawh ani e. Ka lawm e…

    Report this comment

  23. 23
    troxx Says:

    Vei rei awm tiah2 hleee my … kum 2 hnuah .. (Y)

    Report this comment

Leave a Reply

You must be logged in to post a comment.