Mizo footballer ten India tan an thawhhlawk

November 30th, 2009 2:45 pm by hmingsanga

India U – 19 team chu AFC U -19 championship ah final round khel turin in hlang kai zo lo mahse, India aiawh a khel Mizo tlangval panga te hi an fakawm a; an chhunawm bawk a. Qualifying round ah India chuan a pumpui ah goal 11 an thun a, heng zinga a goal 10 hi Mizo tlangval te thun hi a ni. India team ah an tel ve a ni satliah lo a, first XI a khel phak vek an ni a. Nakin lawk a India senior team khel phak tur a beisei te an ni.

Hming : Jeje Lalpekhlua
Position : Striker
Jersey No : 10
Height : 172 cm
Weight : 78 Kg
Previous club : Dinthar FC, FC Kulikawn
Present Club : Pune FC
Fav. player(India) : Baichung Bhutia
Fav. player(In’tl) : Cristiano Ronaldo

India U – 19 captain Jeje Lalpekhlua hi F Liankima leh Hnunpuii te fapa a ni a, Hnahthial Model Veng-a cheng an ni. Unau pathum niin tunah hian I-League club Pune FC-ah a khel. 2007 atang khan India team-ah hian a tel tawh. India footballer zingah Bhaichung Bhutia a ngaisang ber a, India ram pawnah chuan Cristiano.Ronaldo a ngaisang ber.

India striker zingah chuan hmabak nei eng ber pawl a ni phak. Pune FC a zawm hma hian Mizoram aiawhin Mizoram XI hmingin Sikkim-ah te , Mizoram U -19 team hmingin Noagong (Assam), Mizoram XI hmingin (Kailasahar), North East Sport Festival(Sikkim), Mizoram U-21(Guwahati), Santosh Trophy 2008 (J&K), Santosh Trophy 2009 (Tirchy) ah te a lo khel tawh. State pawna a kal hmain FC Kulikawn leh Dinthar FC-ah te a lo khel tawh bawk.

India aiawhin .(AFC U-19 2007& 2009) ah te a khel tawh. India tan vawi ruk khel tawhin goal thum a thun tawh. India ram pawnah Iran leh UAE ah te a kal tawh. Jeje hi SAFF Cup, kumin December thlaa tan tur-ah India in U -23 team a tirh turah a tel ang. Hemi hnu hian AFC Challenge Cup February 2010 leh 2010 Asian Games-ah te India aiawhin a kal dawn bawk a ni.

————————————

Hming : Malsawmfela
Position : Striker
Jersey No : 20
Height : 169 cm
Weight : 77 Kg
Previous club/ Academy : Mohun Bagan Football Academy
Present Club : Salgoacar
Fav. player(India) : Baichung Bhutia
Fav. player(In’tl) : Paul Scoles

Malsawmfela hi Power Department club lar vanglaia an winger tlan chak ni thin Vanlalliana fapa kha a ni. A nu chu Lalawmpuii niin, Zarkawt, Aizawl-ah an chhungkuain an cheng. India aiawh hian U-16 atangin kum 2007 khan a khel tawh. Kum 2007 khan Mohun Bagan Football Academy a zawm a, kum khat pawh a awm hmain India tan a khel. Academy lamah a kir tawh meuh lo. India tan vawi 29 khel tawhin goal 30 a thun tawh. India aiawha a khelh apiangin goal a thun ziah tihna a ni.

India ram pawnah Germany (Exposure trip), Saudi Arabia (AFC Qfy), US (Exposure Trip), England (Exposure Trip), Uzbekistan (AFC U -17 Championship), Bhutan(Exibitionmatch),Dubai (Exposure Trip),Iraq (AFC Qfy) ah te a kal tawh. Mizoram aiawhin U -13 (Kol), U-14 (Chandigarh) U-16(Chennai) U-21(Chennai) leh ONGC Cup (Tripura) ah te a feh chhuak tawh. Mizoram pawna a awm hmain Lungmual FC-ah a khel tawh thin.

Malsawmfela hian India aiawha a kal reng rengin goal a thun ziah a. Irag atanga a lo haw veleh I – League club Salgoacar-ah contrct ziak tur a beisei a ni.

————————————

Hming : R.Lalrindika
Position : Midfielder
Jersey No : 9
Height : 172 Cm
Weight : 72 Kg
Previous club/ Academy : IFA Football Academy
Present Club : Churchill Brothers
Fav. player(India) : Baichung Bhutia
Fav. player(In’tl) : Cristiano Ronaldo

R. Lalrindika hi India U-16 team-ah captain lo ni tawh thin a ni. Electric Veng, Lunglei-a mi niin, Rohmingthanga Ralte leh Lalmuanzuali te fapa a ni. Kum 8 vel a nih atangin football a khel tan a. Kum 2004 khan IFA Footbll Academy a zawm. Mizoram aiawhin vawi khat mah a la kal lo nachungin India aiawh chuan Germany (Exposure trip), Saudi Arabia (AFC Qfy), US (Exposure Trip), England (ExposureTrip), Uzbekistan (AFC U -17 Championship), Bhutan (Exibitionmatch), Dubai (Exposure Trip), Iraq (AFC Qfy) ah te a kal tawh. India tan vawi 32 khel tawhin goal 22 a thun tawh.

Didika hi India U -19-ah a chet that em avangin SAFF Cup, kumin December thlaa neih tura India-in U-23 team a tirh turah tel ang. Hemi hnu hian AFC Challenge Cup February 2010 leh 2010 Asian Games ah te India aiawhin a kal dawn bawk a ni.

————————————

Hming : F.Lalrozama
Position : Defender
Jersey No : 17
Height : 174 Cm
Weight : 63 Kg
Previous club/ Academy : Bawngkawn Chhim Veng FC
Present Club : Pune FC
Fav. player (India) : S. Malsawmtluanga
Fav. Player (In’tl) : David Beckham

India tana vawi 10 khel tawh F. Lalrozama hi F.Rumliana leh Lalpuii, Bawngkawn-a mite fa panga zinga mi a ni. Kum 2007 khan India team-ah a tel tan. Tunah hian Pune FC ah a khel mek. Kum 2000 vel atangin tih tak zetin football a khel a, Mizoram aiawhin U-16 (2006) Chenai, Santosh Trophy (2008) ah te a khel tawh. Rozama hi Mohun Bagan Football Academy-a a awm laiin South East Asia aiawhin Mohun Bagan hmingin Manchester United Premier Cup 2006-ah England-ah a kal tawh.

Tun tumah hian India U -19 team-a an defender rinrawl ber a ni. Tuna a khelhna club Pune FC tan II Division League atanga I – League I Division-a an kai theihna tur atana goal thuntu pawimawh tak a ni.

————————————

Hming : Malsawmkima Chhangte
Position : Midfielder
Jersey No : 17
Height : 179 Cm
Weight : 66 Kg
Previous club/ Academy : TFA
Present Club : East Bengal
Fav. player(India) : Baichung Bhutia
Fav. Player (In’tl) : Michael Carrick

Mizo footballer tha zinga pa lian pawl, Chhangte tlangval, Malsawmkima hi C Zairemthanga leh Darhmingliani (Ramhlun Sport Complex) te fapa a ni. Subroto Cup (U-14) atanga bul tanin, U-16 National Football championship-ah Mizoram tan vawi hnih a khel leh.

2005-ah TFA a zawm a. Hemi chhungin Jharkhand hmingin U-19 ah a khel pha. India aiawhin AFC U -19 Championship, Tehran, Iran-ah a khel a, India U-19 team German tour-ah a tel. England leh Wales ah India aiawhin a khel tawh bawk. Heading leh shooting skill nei tha tak Sawmkima hian season tharah East Bengal-ah kum hnih atan contract a ziak tawh a. India U-19 team-a player rinrawl ber te zinga mi a ni.

————————————

Similar Posts:

Recent Posts:

37 Responses to “Mizo footballer ten India tan an thawhhlawk”

  1. 1
    Jaspi Says:

    1st,….
    kal mai teh…. :)

    Report this comment

  2. 2
    StevenG Says:

    khawvelah chuan Kaka nih ka chak ber

    Report this comment

  3. 3
    funny Says:

    chumi khami ah chuan a kal tawh, chumi kha mi chu a ngaisang ber.. tihvel mai mai.. keipawhin ngaihsan techu ka nei ve tho lawm :D

    kal mai teh :D

    Report this comment

  4. 4
    funny Says:

    football kan tuipui ve lai (kum 10 vel alo ni ta rengmai :D ) kha chuan an footbal team hming tekha a mak thei khawpa, lunglei(or champhai ka chiang talo) lamah, Lenrual A leh B tihte, ngopa lamah nise, The polythene, The Varanda, tihte aizawl tlangnuam lamah, Peawem (pet rawh lem atanga lak) tihvel kha annia.. :D

    Report this comment

  5. 5
    Goldmember Says:

    an football thiam vang leh an taimak rah an seng mek e. ram hrang hrangah te an zin thei a. India club tha ber ber ah te an khel bawka. A lawmawm nasa e. Mahse Man Utd player leh player thin te an ngaisang mah mah khi ka ngai theilo kei Arsenal fan ruh deuh hian :)

    Report this comment

  6. 6
    lalpeace Says:

    An mahni hi ngaihsan turin han awm se la, an mahni ngei hi kan ngaisang sup sup dawn nia. Tang zel teh se.

    Report this comment

  7. 7
    StevenG Says:

    @funny, mahni veng tana khelh phak pawh hi har deuh asin..tih vel mai mai anilo..an hlawh tam ania awm india club a khel ho poh hi..a sing a sing asin thla khatah an lak luh..

    keinin hlawkna awm miah lovin, inhliam hlauhawm leh pawisa chawiin kan inkhel peih a..mahni nuam tih zawng tak football a ei zawn hi chu ka va chak ve tak em!! ka thiamna in a tlin silo..lolz..

    kan ngaihsan zawng miin an post theih tur khawpin thiam kan nei ve lo ani ange.. NOI

    Report this comment

  8. 8
    funny Says:

    StevenG: ka hria lawm :)
    local footbal chungchang hi kala rawn ziak leh ang nakin deuh ah, kan kal dikloh nalai te, media ho min kalpui dan fuh chiahlo tihvel te.. ka vei ve tho lawm keipaw’n

    Report this comment

  9. 9
    lalpeace Says:

    Inkhel thiam ho hi an ngaihsan awm a, mahse inkhelhthiam piah lamah hian an personality hi a pawimawh khawpin ka hria. Inkhel thiam viau mahse TV interview leh media hmachhawn tura an nawi viau chuan an lar tur angin an lar phak lo ang tih a hlauhawm thin.

    Kan mizo tlangval chhuanawm tak tak te hian an theih chuan sap tawng leh hindi te pawh nal deuh hlek a tawng thei turin zir sela, nakin an upat deuh hun, club a an inkhelh theihloh huna an awm dan tur pawh hmala lawk thiam se.

    Report this comment

  10. 10
    StevenG Says:

    mak ve deuh chu MFA(mizoram football association) ah hian pawisa a tlem nen nen corrupt an lo la awm tho mawle..an President hlui kha kan veng ami ania..a bang ta nih kha..a ban chhan kha an ti public lo na chu..kan naupan lai hmanah subroto under 14 trial ah hian ka tel ve a,kan team captain ka ni ve a..final ah kan chakloa..mahse goal kha vawi 7 ka thun ve a.midfielder ka nia,ka inhriat dan chuan ka khel tha khawp mai..selection ah pawh ka tling ta reng a,mahse final selection ah khan ka tling ta loa,ka position a khel ve tho pakhat hi a tling ta a.mahse chupa chu kan practice naah pawh a rawn kal mang lo,an team kha chu quarter final ah an tla a,tah pawh chuan a sub tih ka hria..amah nen hian kan inhre sa a..ka position hi defensive midfielder a nia,pakhat aia tam kan duhlo a ti tawp mai a kan coach khan,ka tla te der!! a hnu ah hian ka ngaihtuah ka ngaihtuah a,khatih laia sports director U fapa alo nia lawm mawle!! lo tling ta ila tunah chuan Messi te ho nen ball kan pet ho miah lo ang,tih pawh a sawi theih loh..a va ho e!

    Report this comment

  11. 11
    Ku Muanga Says:

    Kan naute’n hlawhtlinna an chang a, kan lawmpuiin kan chhuang takzet. An hlawhtlin chanchin chipchiar taka chhiar theiha Hmingsanga te’n an tarlang hi a ropuiin a bengvarthlak e. Anni hi Mizo thalaite infiamna khawvela phochhuaktu ‘pioneer’ te an ni. Kan naute hlawhtlinna an lawmpuiawm em em rualin a fuihphurtu leh remchang siamsak thintute, mipui hriata fakawma phochhuak thintute an chhuanawm bawk tih i hre tel ang u. An tel lo chuan kan footballer tha leh hlawhtling, kan nau chhuanawmte hi ‘nula hmeltha tak thim zinga thu’ ang mai an ni ve bawk dawn asin. :)

    Report this comment

  12. 12
    Ku Muanga Says:

    Hmingsanga leh Tetea hi an naupan lai, sikul kal lai chuan ‘by-heart hmasa ban theih’ tih velah an bang hma thei ngawtin ka ring, thil an chhinchhiah thei a, a chipchiar tha viau zel lehnghal a…. :D NOI

    Report this comment

  13. 13
    funny Says:

    keipawh ka inkhel ve thin tho lawm, (mahni techuan). :D
    http://img163.imageshack.us/im.....386298.jpg

    Report this comment

  14. 14
    Pc-a Says:

    Avan thlamuan thlak thin ve. Tunhma kha chuan phai lamah te kan intir thla ve a, hlawtling takin an lo haw a. ‘Zu ngawl an vei zui ti tih deuh mai thin kha a ni a.

    Report this comment

  15. 15
    StevenG Says:

    grass chu a va sang ve!!lol

    Report this comment

  16. 16
    funny Says:

    a sir anih vang anih khi :D

    Report this comment

  17. 17
    kook Says:

    Football an lawm ang hian ZU hi an lawm leh thin a.Buaithlak zawng anih hi. Kai pawh Football hi kalo khel ve toh thin. Ka position chu ALL ROUND a ni daih. An vang khop mai..

    Report this comment

  18. 18
    keimah Says:

    An ngaihsanawm e, kan naute ho chu! An career zel atan Duhsakna ka hlan e.

    Report this comment

  19. 19
    XaiA Says:

    A lawm awm hle mai,nakin lawkah a Zo hlang in India kan la represent thei mai awm e.. Kan fa ten tawng ve phak tak ang maw le :?:

    Report this comment

  20. 20
    Awzzman Says:

    Under-19,21 velah hian an tawp leh mai ang tih ka hlau!

    Mizo footballer thahnem tawk tak phairam club tha tak2 a khel te pawh an awm ve ta nuk mai,mahse nga ti nge kan footballerte hian India Senior team ah hian hmun an chan ve ngai loh? Thenawm ram manipur khian senior team ah player 7(3 in team 11 an chang a) an nei thei.
    kan Mizo footballer te pawh hian under 21 tih vel ah hian lungawi mai lo in..India senior team ah tal in vawrh kai ve se…..

    Report this comment

  21. 21
    hmingtea Says:

    kum 25liam ta te kha chuan inkhelh ka thiam ve rap trhin a a lo kan lian deuh a in khelh khelh kan thiam chho zel in khulh khulh a tawm ah chuan a ngawl vei ah kan chhuak leh daih .khang lai te kha chuan han khel trha deuh ilang tlailam ah trhian ten thiam man ah sil reh nan min khilai trhina khelh trhat zin leh in zin hahaha kan naupang te ka lom pui in ka chhuang e zu lam ah tuan ve lo hramse

    Report this comment

  22. 22
    drake Says:

    Hetiang lam news hi rawn pe zel teh @Hmingsanga, a tha tlat, ka chhuang hlawm ngawt mai!!
    @Xaia sawi ang khian Mizo hlir hian India kan la present theih hun a awm ka ring tlat, kan Sorkar hian sports lamah thangtharte han puih belh in care deuh se, chuan mizote telna lam sports hi media lam hian han thai tial nawk nawk reng se, a mizoram a awm thalaite a ti phur zual sauh bawk ang a….. Lehkha zir tlut tlut chauh hi eizawnna ani miah lo nia….

    Report this comment

  23. 23
    mach3 Says:

    kan mizo footballer te hian hma an sawn lohna chhan pakhat chiang tak chu an kum sawi aia an upat thin vang ani, naupang tan lo hi chuan in zir hi thil awl a ni vak lo. Kum naupangte a khel tan sap ho chu kan hmuh phak ringotah poh an improve nasa ani lom ni.

    Report this comment

  24. 24
    lalpeace Says:

    Media ho hian kan mizo tlangval ho inkhel chanchin ai chuan internet atanga lak theih mai sap ho inkhel hi an ziak peih zawk an ti.

    Inkhel chung hian an theih chin chinah inzir zel rawh se, an inchhir ka ring lo.

    Report this comment

  25. 25
    funny Says:

    lalpeace dik chiah, local football kal pelin sap inkhel lam ringawt mipuiin kan hlut phah a, kan kal dan a fuh tawkloh nalai tak niin ka hre thin asin. nakina post ah kalo ti deuha.. ka ngaihdan phei chu in agree hlawm lo maithei a.

    Report this comment

  26. 26
    mzvision Says:

    Thawh thra khupz detail bawk hetiang tur hi ani. Football hian kan ram hming a chher lar hle, an contri thra khupz.

    Hmatiang i sawn zel ang auh. Moral support kan lo pe ve keuh mai e.

    Report this comment

  27. 27
    I.Hnamte Says:

    @hmingsanga i thawh tha hle mai. kan state an ti hming tha hlawm khawp mai.

    An vai hian an careerah duhsakna ka hlan.

    Report this comment

  28. 28
    zooroo Says:

    local football chanchin ziah tlak mipui chhiar peih tur hi ziah tur a tam lo ve bok em ani…media ho thiamloh na ka hre hauh lo mai keicu….

    Report this comment

  29. 29
    lalpeace Says:

    @funny, rawn post keuh teh khai. Kan sports writer te pawh hi EPL writer an ni deuh maiin ka hre thin. NOI. Hmingsanga hi chuan a rawn thlawhfuh thin khawpin ka hria, a fakawm e.

    Report this comment

  30. 30
    hmingsanga Says:

    Heng Mizo tlangval chhuanawm tak tak panga te zingah hian India U – 19 team captain Jeje Lalpekhlua chu SAFF Cup khel turin Bangladesh ah a kal ang a. I – League defending champion Churchill Brothers left back rinawm Robert Lalthlamuana pawh India team ah hian a tel dawn bawk. India chuan U – 23 team he tournament ah hian a tir dawn a ni..
    Mizo Football chungchang hi sawikhawm theih chakawm khawp mai.. India ram chhung leh India ram pawn atang te pawh khan ngaihdan thawhkhawm na hmun tur siam thei in awm em ?

    Report this comment

  31. 31
    funny Says:

    zooroo: a boruak tih HOT angai reng alawm: YMA leh VC ah kan player ngai teho tho an khela, mahse mipuiin kan hlut viau tho si, club league ah, a tha tha thlankhawm ang deuhin an inkhela, hmuhnawm zawk daih tur anih laiin, mipuiin hriat pawh kan hre ngailo. media ah hian tamtak a innghat asin. MFA kal dan chungchangah te… tunlaiah chuan football hian sports ai mahin, business leh entertainment lam a hnaih tawh zawk mah a, kan MFA league tihvel hi chu chuti lam ah chuan a FAIL thak thung.. sawi tur a tam mai.. kala rawn post ange remchang ah..

    Report this comment

  32. 32
    awmawmpuia Says:

    Tetea te Hmingsanga te hi Mizo footballer te promote tu ropui ber ber te an ni in ka hria, tang zel teh se. Player lar thar te pawhin Malsawmtluanga character hi entawn hram i tum ang u khai, mizote hming titha tu te ka ngaisang e

    Report this comment

  33. 33
    awmawmpuia Says:

    Hmingsanga hian Lajong FC neituten Club tha tak India ram league sang ber a khel thei khawp an chherchhuah dan te , sponsor an zawndan/neihdan te leh tun dinhmun thleng tura financially leh technically a an beihdan han zirchiang se han tlangzarh thei se ka va ti em. Stadium tha deuh kan neih ve hunah entawn tur atan. Mi ramah chuan kan ti tuah hum zel a, an tihdan detail kan zirchiang thin silova, keini mimawl chu kan bo thin tlat ani

    Report this comment

  34. 34
    chawnghilh Says:

    A tha e —pet gawl zel rawh se! :cry:

    Report this comment

  35. 35
    Mr Vox Says:

    An ti tha thlot a, nia, an personality hian a zir chhoh zel a ngai a ni.Chuti lo zawng an Maradona ve mai pek ang. A chawi liantu Mizoram te kha an phatsan ve reu2 ang e.

    Report this comment

  36. 36
    Turu^lo Says:

    In ziah loh lam,in thlir loh lam daih kan thai kawi ve. heng kan nau te hian Mizo hming an ti tha,an chhuanawm thlawt…Mahse under 19 a khel hi kum 19 aia naupang tak2 vek anni angem?Ka hriat sual loh chuan,kan mizo player tam tak,under 16 leh under 19 a lo khel tawh te kha kum 20 pel tawh te an ni an ti…A dik tak2 anih chuan an category tur ni lovah an khel a ni ang a,chuti anih chuan dan ang lova khel annih chuan Mizo ti hmingtha tu nge an nih ang,Mizo rinawmlohna lantir tu?A selection atangin nge,aplayer atangin nge….a khawi ber atanga diklo tan nge ka hre lo….Mahse,under 19 ah na na na kum 20 chuang tawh an tel anih chuan a lawmawm dan a famkim theiin ka hre tlat lo…in lo ngaihtuah ve tawh ngai em? “Kan thlen chin atang hian hma i sawn zel ang u…”

    Report this comment

  37. 37
    lalhmeltha Says:

    a lawmawm e. mizo infiam miten tan i la sauh2 ang u.

    Report this comment