Jaipur IOC Fire

October 31st, 2009 12:25 pm by xollie

29th October 2009 a IOC Depot fire kha.

Dar 7:50 pm velah kan factory a awm te’n min rawn fone a, “Hei, petrol pump kha a kang a, kan in chung rangva chin kha a tichim a, factory hnung lam ah kan biru” an rawn ti a. Chutih lai chuan enge thleng kan la hre ve si lo a, kang ho te emaw tiin ngaihtha takin kan la awm a. A hnu lawk ah kan nau dang pakhat in min rawn fone leh a. “Kan awm ngam tawh lo, factory hnung lam atangin kan tlan chhuak” a rawn tih meuh chuan ngaihthah chi niin kan hre ta lo a.

Kan kal phei ta a. Kawng chanve pawh kan thlen hman hma in kawng an lo block vek mai a. Eng tin tin emaw kualin, ni dang a minute 15 vel a thleng thin kha, road block te nen, kawng hel kual nen, darkar khat hnu velah kan va thleng hram a.

Kan factory kan va thleng chu gate a lo awn rup mai a. Gate bul a kan security guard room chung a lo chim thla a, a kawngkhar a lo tla bawk a. Tukverh glass zawng zawng a keh vek a. Inchung chhohna step bula bang awng ser suar a lo tla bawk a. Kan naute ho awmna kawt a rangva kan zar a lo chim bawk a. Kan piah lawkah IOC a la kang vut vut bawk si nen. Din reng pawh ngam lo in kan chhuak leh a. Kan nau te ho kan han fone kual a. Kan factory piah lam a an lo awmna ah kan va kal a. Kan hruai haw ta hlawm a.

Tun thleng hian a la kang hluah hluah a, kan factory ah chuan awm ngamna chi poh a ni lo a, awm ngam pawh ni ila police lamin awm poh an phal lo.

Kan factory atangin IOC depot hi heti em em in a lo hnai tih pawh kan lo hre ngai em em lo a. Kan factory kawtah hian kawng a kal a, chumi piah ah chuan Electtricity department site office a awm a, chumi hnung leh chian chu IOC Depot bang a ni.

related – http://news.rediff.com/report/2009/oct/30/jaipur-fire-has-to-die-down-on-its-own.htm

Similar Posts:

Recent Posts:

12 Responses to “Jaipur IOC Fire”

  1. 1
    Goldmember Says:

    IOC ah chuan i thawk tihna ni maw. First Person account te kan lo chhiar ve thei zel a kan hlawkpui thin khawp mai.

    Report this comment

  2. 2
    KK Lova KK Says:

    Hremhmun aite-chhinna tluk zet alawm le. Xolie hi a pianthar phah em aw?!

    Report this comment

  3. 3
    H.Vangchhia Says:

    xollie, in factory chu eng siamna (factory) nge aw? Kan factory i ti deuh sek a, hanhriat ve mai2 atan kan ti kherbeu vel mai mai ania. NOI :)

    Report this comment

  4. 4
    kungawrhi Says:

    xollie chu IOC lo zawk a thawk anih hmel,a sawi dan kalhmang ah khian,,!! a rapthlak awm hle mai,,

    Report this comment

  5. 5
    mifellololo Says:

    kn xollie(a.jolie ni loin) chu i ron post har mah mah nih hi…i ti tha tho e… :D

    Report this comment

  6. 6
    xollie Says:

    IOC ah thawk lo e. A opposite ah factory kan nei a. Manufacturing unit. Interior Accessories kan siam. Example, chandelier, table lamps, etc.

    Ka lo post har nachhan maw…kan factory workers te thiarchhuak in kan buai a, kal a harsa bawk si a. Road block a ni deuh fur a. Kal kual nasa ta na na na chu kan va pawh leh thei hram thin zawk a. Vawiin phei chuan kan kawng hriat ruk zawng zawng an lo block vek tawh. Mahse police duty te hnen a tha deuh a sawi chuan min kaltir ve leh ta zawk a.

    Nimin kha chuan sawi pawhin awmzia a nei lo. Tumah an kal thei lo bur. Vawiin lam chuan hei, “Kan factory kan check duh a” tih chuan min kal tir.

    Kan factory kawt ah ditch an lai a, IOC depot hual chhuak khan an lai. Fire spread loh nan.

    Report this comment

  7. 7
    xollie Says:

    Pic post dan hi min lo hrilh ula, kan factory damage leh factory kawt atanga fire pic ka lo post ang.

    Report this comment

  8. 8
    Taikheri Says:

    kangmei a chhuak anih chu!

    Report this comment

  9. 9
    funny Says:

    in kang ah hi chuan rizai a inkhuh hi a tha..

    Report this comment

  10. 10
    Florence Says:

    a tuar tu te lampang chhungkua an khawngaihthlak hle mai

    Report this comment

  11. 11
    lalhmeltha Says:

    a va han zia lo em ve mawle! Eng vanga kangmei chhuak ta mai nge anih a hriat theih em le?

    Report this comment

  12. 12
    amanda Says:

    @Xollie in factory kangchhe vek lo chu ka lawmpui che tluang taka in chhunzawm leh ngei ka beisei. Goldmember xollie hi i hre nange Blore awm ve reng thin kha factory neiin Jaipur ah an awm lawm, Uk tanga lo let hnu khan M.Tech a rawn zir kha :-)

    Report this comment