Buhpawl!

September 30th, 2009 5:31 pm by sekibuhchhuak

Buh thar hma;trai, trai-sanghar kan tih hote chu an thar tan a. Pawl tlak erawh ala hun lo. Buhpui ching tan awllen hunlai ani awm e.

Pawltuam hi tunhma chuan kan uar thei viau thin. Tunlai hian kan ching ta meuh lo anih hmel. Zu-pawl thau tak tak bazar vel a zawrh pawh hmuh tur a awm ta mang lo.

Similar Posts:

Recent Posts:

11 Responses to “Buhpawl!”

  1. 1
    benjamin rualthanzauva Says:

    buhpawl chuan ka u mumang min ti hrechhuak

    Report this comment

  2. 2
    Kawnga Says:

    @ Ben, i u Josefa kha maw? :)

    Zu pawl tuamna ah hian vawi khat chiah ka tel ve nain, nuam ka tiin ka hriat reng tawh tur zinga mi a ni pha ve tlat.

    Report this comment

  3. 3
    Saitawk Says:

    Zirlai Bu a “Zu Pawl tuam” tih bak kha a chanchin sawitur ka hriat tlem nen, Sazu sa hi tui ka ti khawp mai, Lo kan neih laia Buhseng a kan riahin Zu pawl hi vawi 5 zet Thangchep ah ka awk ve tawh. Tunah tak phei hi chuan eng ZU mah ka hnar tawhlo :)

    Report this comment

  4. 4
    Kawnga Says:

    Helamah ka sazu a lian tha
    tia au lauh lauh hriat tur an va vang ta em!

    Report this comment

  5. 5
    chawnghilh Says:

    A va han mawiin lung a va tilêng reuh èm? Buhpâwl intung suau mai khian Ben-a û min tihrechhuak khawp mai! Ka lo save keuh leh mai teh ang! Thlalàk mawi a tling takmeuh e.

    Tùkin zîng khân, mit-èk nuai chawt chawtin misual.com hi luh vat ka tum a, ka lùt thei miah lo va, ka chirî tawp!

    Thil danga ka ninhlei hlànin a lo awm leh hman a; buhpâwlten min lo hmuak a … kan hmuingil hlawm dâwn a niang! Bawngpui chèr zet zet rawn post zui nghàl ula … :(

    Evergreen pine kiang lawkah deciduous thing hnah tlakawlh, ràlkhat tlâng paw chiai … kopanga phaitual hnim, buhpâwl intung suau … hmabàk leh hmatiam a hlimawm hmèl hle mai.

    Chhûngkaw berh ve deuh pakhat —buh thar tlêm riau kha … an nu khàn Pathian dem lek lek rawngkaiin a trawng hlàwk dâwn ta deuh riau va, an pa —khumlaizâwla pumpui nâa let reng zàwk khàn, “Mâmi nu, zahngai zahngai, a sî pakhat èm pawh i siam thiam loh kha. Buh tîn sawmhnih lawih min petu Pathian chu fakin awm mawlh rawh se,” a tih thàwm, Aizâwl Vêng tlabirh deuhva ka lènnaah ka beng ngeiin an thusawi ka hria a, ka theihnghilh phal lo hle a. Remchângah ka rawn tilang zauh a ni!

    Report this comment

  6. 6
    muantea Says:

    “Hlim takin kan haw ang,kan buhphal kengin” tih hla Kristian Hlabu No-383 hi Zaipawlin kan sa thin a, min ti hrechhuak thut mai.

    Buhpawl/ buhkung thar lam tak chan sawma chhum tui hi zun kawng leh kal tha loten an ngeih khawp mai tiin a tichhin tawhin min hrilh a. Thar rang chi ho seng a hun dawn tep tawh a, tihchhin ngei ka tum, keima tan chuan a ni lo. A that viau chuan ka rawn hrilh ang che u, hetiang problem nei in awm/hriat takin.

    Report this comment

  7. 7
    H.Vangchhia Says:

    A mawi dangdai riau mai ka ti. Ngaihtuah pawh a ti kalthui ;) tra la la la la

    Terrace hi Mizoram tan chuan atha asin mawle aw. A siam kum an harsat deuh dawn avangin an peihlo ni berin ka hria. Thingtlang zinna vela han zawh ve chang a min chhanna atang chuan.

    Report this comment

  8. 8
    Kawnga Says:

    Pu HV, lam ang lo let tawh mai teh. Kan ram hian a mamawh che a ni. I idea tha tak tak kha a takin han apply la, kan Model-ah lo tang la… kan ram tan hian far khat tal han ni thei la, i hlim zawk ang.

    Report this comment

  9. 9
    Saitawk Says:

    Tun atanga reilo te ah “Vawiin chuan ram tuan kan rel e vangkhaw zau ah, lawm lungrual kan ngir e chhuahtlang mual mawiin” an ti leh thep thep dawn a nih chu, 1986 kuma Burma Tape, Eng de chiai chiai thei nen a kan Lo zawh tum kha ka hrechhuak ve leh hnuhnawh. A hunlai kha chuan tun hun hi kan ngai biklo teh a nia.

    Report this comment

  10. 10
    samuelapa Says:

    Hetiang pic hi ka la hmu tam lo khawp mai. Buhpawl telkhawm chu chibai buka kun siau2 thei hmel an lo pu ve reng a nih hi maw! Khawi lai hmun nge ni ang aw? An thlam sak danah chuan Mizoram chhung chu a nih loh hmel (ti rawk ila)

    Report this comment

  11. 11
    H.Vangchhia Says:

    Kawnga, em em thin a, tar lamah biang i ti sen tawn tawng mai dawn alawm. Pathian zarah kan dam anga, ram te kan la nei zo ve ta te anih ngai chuan, ka pianna Zoram nuam ah ngei hian a ni kalo kir leh dawn.

    Report this comment