Zirna in a chhut dan a mihring tuar theih chin thenkhat te:
1. Mihring taksa lumna hian 107.06.F a thlen chuan a kir leh thei tawh lova, thihna a thlen thin.
2. Hmun sangah ( high altitude ) chuan mihring hian a tlangpuiin a harhfimna te hlauhin (boruak pan (thin) vangin) an buai fo thin. Mahse, tlang rama cheng thang te chuan chuap an neih len zawk vangin an buai velo.
3. I thisen 30% i hloh chuan i la dam leh maithei. 40% i hloh erawh chuan thisen pek nghal i mamawh, nih loh chuan thih.
4. Riltam avangin kan taksa rihna 30% kan hloh chuan thih a hnai. Mahse, hetiang ah tawh hi chuan riltam a thih aiin dam lohna avangin i thi hman tawh ngei ang!
5. Kan taksa cell te hian tui an mamawh vek. Nitin i thlan a chhuak zat emaw tal kha in leh ziah rawh. A nih loh chuan karkhat i daih ngut lovang.
6. Tui hian mihring taksa lumna hi a hip ral ve avangin, tuifinriat 40.F a vawt ah minute 30 vel chauh nungdamin i awm thei. Life jacket te hian tui pawn ah min tih kan avang erawh chuan tlem a damrei theih deuh!
7. Mihring hi a tlangpuiin oxygen tel lovin minute 2 vel kan nung thei. Zir (training ) erawh chuan minute 11 thleng pawh a awm theih.
8. Hmanraw tel lovin tui chhung feet 60 chin a thuk ah minute 2 ah chuan a tlangpuiin nikhaw hre lovin kan awm ang, tih a ni. Khawvel a thei ber chuan feet 282 a lut thei thung.
9. In kang (burning building) ah emaw, thil laihchhuahna khur ah emaw hian puitlingin, 300.F a sa hi minute 10 chhung a tuar thei. Naupang erawh chuan car chhung ah ngawt pawh 120.F an tuar tawh lo.
Source: National Geographic, October 2009 issue.
Similar Posts:
- Mihring nge ramhuai pawh hriat loh che thin!
- Inhalral ve tawh mai ang u
- NLUP atan rawtna chhete!
- Ka Di, Ka Di, ka ngai em a che!
- Chhanlet loh hmangaihna
September 20th, 2009 at 11:52 pm
A bengvarthlak e.
3. I thisen 30% i hlauh chuan…
4. Riltam avangin kan taksa rihna 30% kan hlauh chuan…
Heta hlauh hi hloh tih zawk tur a ni ang.
[Report abuse]
September 21st, 2009 at 6:45 am
Alo ni maw. Ka lawm e
[Report abuse]
September 21st, 2009 at 6:48 am
HLOH (loss/lost) leh HLAUH (dare/fear) hi thumal inlaichìn hauh lo an ni! Zofa dik tak tân hriat hran mawlh chi!
Thu bengvàrthlàk, HLOH phal chi rual an ni lo, HLAUH ngawt atâna knowledge uiawm a tling viau bawk ang.
[Report abuse]
September 21st, 2009 at 7:14 am
chawnghilh, Nia mawle khi, ka ti diklo der a ni e. A zialo khawp mai. Hloh tih turah hlauh ka hmang der mai, in rilru in min lo tihdik sak mai a tul ta a nih khi. Ka type sual lova, a hawrawp ka hriat sual tak meuh2 a ni e.
[Report abuse]
September 21st, 2009 at 9:49 am
Bengvar thlak hle mai. Hriatrengna HLOH lo ila, kan tangkaipui ngawt ang. Hriatreng theih loh hi ka HLAUH zawng taka ni.
[Report abuse]
September 21st, 2009 at 11:29 am
PSM(public health) leh Hygiene ah chuan kan zir ve nasat thin kha mo le…hetiang hi!! han HLOH vel mah ilang……HLAUH nachang hre lo kan awm treuh ang a!!!
[Report abuse]
September 22nd, 2009 at 11:57 am
‘tlangpuiin a harhfimna te hlauhin (boruak pan (thin) vangin) an buai fo thin’ tih pawh hi correct leh law law a tha e.
[Report abuse]