Thla hnih chhung teh ngawt kartin mai, Thawhlehni leh Nilai zan a an neih ziah thin, Americas Got Talent in elna chu September ni 16, 2009 zan hian tunkum atan chuan a zo ta.
Mi tam takin, an thiam an rawn pholang a. Hetah hian a tir lam chuan judge pathum, Bay Watch leh Knight Rider changtupa, David Hasselhoff, Piers Morgan leh Ozzy Osbourne nupui Sharon Osbourne ten an duh an thlifim thin a. Hun kal chho zelin in elna pawh a tang chho telh telh ta tihah chuan mipuiin, Txt (sms) emaw phone call siamin an vote ta thin a ni.
Tunkum Americas Got Talent thlanna ah hian pa pakhat pawr ve fahran hian tingtang nen a lo tei chhuak ve a. Judge te chuan,” enge min tih sak dawn,” an ti chu a ni chuan hmui sawi nung a inthlahrun hmel pu tak chuan, ” ka thinlung chhung atangin ka zai dawn a ni,” a ti ta. Mipui chu judge te tiamin an nui ta dur dur mai, a then an kiu, a then in a telve ngam chu mak ti niawm takin an phawk hra hlawm bawk a. Chu a karah, enge i thawh tia an han zawh lah chuan, ” ar man thin,” (chicken catcher!) a nih thu an sawi ngat mai phei chu, an deu sawh hle mai.
An zai ta chiah mai chu, an khabe hi an thlauh ang tih hlauhawm khawp chuan judge leh mipui te chuan mak ti a phawk chuan an beng-dar li pe sangin a zai chu an ngaithla ta a ni.
He ar man thin hi Kevin Skinner niin, thingtlang mi rethei ve tak thin chu, hemi zan hian American mipui chuan, tunkum chhung a America a talent nei tha berah an vote tling ta a ni. A lawmman hi USD million khat a ni a, tichuan Las Vegas ah mi hausa ten man chawiin a zai hi an en tawh thin dawn a ni. A van lawmpui awm tak em.
A zai tirh chanchin an ziah dan:
http://www.rantrave.com/Rave/Kevin-Skinner-Americas-Got-Talent.aspx
heipawh
http://www.nbc.com/americas-got-talent/video/episodes/#vid=1153447
Similar Posts:
- Talent Hunt ka en ve
- Zoram tan engnge i tih ve theih?
- Tunlai khawvel celebrity lar thar Susan Boyle
- Skylinks-ah TALENT HUNT
- Lalmuanpuia lam
September 17th, 2009 at 4:55 pm
http://www.youtube.com/watch?v=to_dareBr5Q
[Report abuse]
September 17th, 2009 at 5:03 pm
America’s Susan Boyle ani maw?
[Report abuse]
September 17th, 2009 at 5:27 pm
Chicken catcher han nih top chu… he really can sing, he deserve it…. Congrats @ Kevin Skinner
[Report abuse]
September 17th, 2009 at 6:29 pm
Hetiang ang mi hi mizoramah pawh kan Cable operator te hian an zawk mek nge sumdawnna aw!! Icon, Idol etc
[Report abuse]
September 17th, 2009 at 7:51 pm
Thia Megia Kum-14 pawh hi thiam ka ti khawp mai.
http://www.youtube.com/watch?v.....re=related
http://www.youtube.com/watch?v.....re=related
[Report abuse]
September 17th, 2009 at 8:08 pm
Chicken-catcher is meant to mean CHAN LOH KHAN ATANGIN …. minute 4 lek a hman dàn HLU TAK ni ta chu … “If tomorrow never comes …” tih thu derthàwng a rawn keng lùt a, tingtang kawrawng a rawn khai phei … an lo bâwl phuan hle. Huihphai bàwlin an lo bâwl, a tute mai pawhin nuih inkauvin an thlîr, elsènna nèn … hna mumal vuan lo … AR ZIM HURH HURH-a SIK leh CHIRI tia a hun hmang thina chu … thlîrtute ban phàk lohvah a inhûng chho ta thut. Vaiho nèna inhauh a, “Murgee Chor” han intih chiah mai chu, thin hi a sa bat bat duh khawp mai, India ramah zet kha chuan!
Ar-thla-ki hi helamah chuan ‘Buffalo Wing’ an ti daih; a inhawih lo viauvin lang mah se, Buffalo khua hi ‘finger food’ an siamchhuahna khawpui a ni a; chumi khaw hming leh WING dah-kawp mai a ni tih erawh chu i hriat tho kha … restaurant-ah “Buffalo Wing” i tih chuan, ar-thla-ki kan an rawn hlui ngei ang che … i kutbawrin i ei thiang bawk, finger food ni miau hek … kha daih kha asin!
A talent inthup chu tuin’nge haider lui zèl tà ang le, Las Vegas a luh nî chuan a mit a hàwkdàk ve khawp ang …
He got his better TOMORROWsssssssss! Congrats Kevin! Skinner, Nangmah thlirtute chu an vun i va FLAY chiang zàwk ta ve le, “chicken hearted” lo kher mai, bane or boon —Caught all chicks and the roosters that gave applause of him!
[Report abuse]
September 18th, 2009 at 3:59 am
Mizo ten Kevin Skinner atanga kan zir theih ni a ka ngaih te:
1). Mahni nih/nihna ang anga midang hma a in lan ngam. eg: Hlawh/thawhchhuah phu lova inthuam te, hlawh phu lova rosum neih te, mahni nihna diktak aia insawi mawihnai zeuh chin na ang te leh thil dangah. Mizo kan nih zahpui loh te pawh ani tel thei ang.
2). Thil kan tih reng reng hian a lang maia theihtawp chhuah ni mai lova, thinlung chhung atanga kan thil tih apianga tuina/inpek zawhna neih a pawimawh zia.
3). Ingaihtlawm hian midang, min lo thlirtu ten kan lakah a tha zawngin ngaihdan an put phah thei.
[Report abuse]
September 18th, 2009 at 6:38 am
A zai hmasak ber, Gary Brooks hla, If tomorrow never comes tih asak kha youtube ah recording tha deuh ka hmuh zawh der loh chu a.
[Report abuse]
September 18th, 2009 at 8:43 am
A thiam hle mai,thanks for posting !
[Report abuse]
September 18th, 2009 at 3:55 pm
Hei hi Kevin Skinner pakhatna a an puang lai.
http://www.youtube.com/watch?v=cGVM332c_14
[Report abuse]
September 18th, 2009 at 10:15 pm
Mifate chuan Talent hi an lo nei deuh tak tak bawk thin chu anih hi!!!!! kan ram riang te ah hian zai chuah hi emaw talent kan ti ang tih hi a hlauh awm khawp mai
[Report abuse]
September 19th, 2009 at 8:13 pm
http://www.youtube.com/watch?v=NlP6edhxU9s
[Report abuse]