Kana khua a inneihna

August 30th, 2009 4:50 am by hmingtea

Lawrkhawm ah khan Pu HT a khan a ziak a ka comment theilo ka login thei lo tlat mai a misual lam ah hian kan tuihnih ve teh ang.Isua khan engvang yan(wine) kha tipung nge anih tih te a rawn ziak a a chhan a sawi te kha dik ah ngai vek phawt ilang  ka ziah belh ve duh mai chauh ani.Isua  kha Juda sakhua bia Israel hnam ani a .Inneihna ah khan an kal ve a mo lawm tu te kha an thahnem deuh ni tur ani wine kham khawp a awm tak loh ah khan a ti pung ta ani mai a.

Juda te hian an inneihna ah hian wine hi an hmang nasa em em a duhtawk in tur an hlui thin a ni.Wine hi sakhua thil tihna kawng tin reng a an hmang thin.Wine hian atlangpui thu in 12% alcohol a pai tlangpui. Beer aiin an chak zawk tihna anih chu.Mizoram ah an siam tur pawh 14% alcohol content an siam chhuak dawn a 6%vel beer erawh chu khap bur a la ni tho dawn anih maw kha!

Similar Posts:

Recent Posts:

13 Responses to “Kana khua a inneihna”

  1. 1
    bawmrang Says:

    Pu HTa ziak chu misualah hian rawn ziak tel nghal la trha tur a nia..

    Lawrkhawm a comment ho deuh deuh chhiar turin hun chuang liam kan nei bawk si lo.

    Report this comment

  2. 2
    samuelapa Says:

    Vawiin chu Sunday a ni bawk a, harhfimin inkhawm teh ang
    Chawhnu inkhawmah kan Pastor-in Lalpa zanriah sakramen a theh dawn

    Report this comment

  3. 3
    laysia Says:

    Isuan Wine pawh lo mahse inneihna hmingchhiat dawn ai chuan a tipung a ni mai. Leh a nu Mary in Isua tanpui ah a dil vang chauh a ni.. Isua kha tumahin tanpui dillo tase Isuan a tanpui kher in a rin awm loh a ni he inneihnaah hian.. Mahse Isuan a in leh inloh chu a langlo.. Grape tui chu a in theih e. Grape tui a wine tawh hi chu zu ang a ni mai.. Chuvang chuan Grape tui na zawng pawh hi wine a ni veklo.. Tin, sekremen atan chuan Grape tui sawr hlim emaw hmangin in thin theise a tha.

    Report this comment

  4. 4
    XaiA Says:

    samuelapa te angin kei ni pawn vawiin chawhnuah sacrament ‘Lalpa zanriah kan chang dawn a,engnge maw chu kan in ngei ang..Wine tak tak ni ang maw le :?:

    Report this comment

  5. 5
    Mercedes Says:

    Wine an sem elo? Ka duh ve, case 2 tal.

    Report this comment

  6. 6
    hmingtea Says:

    wine an tih ho hi chuan alc % an nei tlangpui a heng grapes tui ang chi hi chu mitz an ti thung a engpawh nise Isua khan atih pun chu wine ani tih pawh bibble ah khan an ziah kha maw a in leh in loh lam chu thu hran ni se a in thu chu kan hmu lo a ti pung tih kan hmu

    Report this comment

  7. 7
    muantea Says:

    Wine chu a tha a, Zu erawhchu a tha lo a nih ber awm hi maw!! Alcohol content lam thluk lo hian Zopa tan chuan in pawp, ruih pawp kha a ni mai a..Wine/Uain han tih hi chuan a biblical deuh ruih mai em maw ni dawn le! Chutianga alcohol content sangte a nih chuan kan Zawlaidi chuan min zawl buai hle dawn a nih chu! Zu rim a nam phei chuan zuin tawh phawt chuan ‘wine alawm ka in’ an ti angaMLTP Act lakah chuan an fihlim zel mai dawn em niang le?

    Report this comment

  8. 8
    chawnghilh Says:

    http://img42.imageshack.us/img42/7540/dsc0039h.jpg

    Kanna khuaah khân GOLDEN BULL hi lo awm ni se, tuibèl paruk-a tui bun luh kher kha a ngai lo tùr!

    Chu lam chu duhtàwk ta rih ila, Kanna khua hi hmun hnihah a awm a; chuvàngin, hriat hran a nih theih nân “Cana of Asher/Cana of Galilee” an ti kher thìn a, KANNA khuaa Inneihna kan tih pawh hi Galilee bial chhûng zàwka mi a ni nghe nghe a.

    Chanchin Tha Johana ziakah hian, Isua nu hming ‘MARI’ tia ziak fak fakna hi a awm lo —chu chu hriat tel ve mai mai atân a pawi lo. Tin, Isua nû thusawi record hnuhnùn bera awm chu Johana Bung 2-ah hian, “In hnèna a sawi apiang chu ti zèl ang che u,” tih thu Mari’n inneihnaa fatute hnèna a sawi hi a ni.

    Tin, Isuan a nu meuh, “HMEICHHIA,” a’n ti khawl mai hi, tawng-chaltlaia ngaih a awl viau; mahse, an culture kalphung atanga thlìrsak erawh chuan, zah thiam taka, “Madam,” a tihna tluk tho a ni. Sapho pawh hi an mak khawp mai, nu leh pa’n fuihna thu tha an han sawi tak tak chuan, an fate’n, “Yes, Sir,” “Yes, Madam,” an ti thlep thlep mai!

    Thuziak kan chhiar rèng rèng leh thuziak bul kan tanna phrase hi hman uluk a lo ngai khawp mai! “Very arresting” a nih a ngai, chhiar chhunzawm chàkawm ngei ngei tùrin!

    Johana 2 thu kan chhiar pawhin, “Ni thum niah …” tiin a rawn intan pang a. Tute thàwnthu/chanchin nge tih leh an culture kan ngaihven hmasa ngei bawk tùr a ni. Juda culture-a kan thlìrsak pawh a ngai. Europe kutchhuak chu an Europe Culture angin, Mizo thawnthu chu kan Mizo Culture nèn … chutiang zèlin.

    Bible thu kan zir hian keimahni tribal culture nèna hlin khàwm mai mai tùr a ni lo. Kan chîng lutuk a, Mizoram-ah rin dàn a tam ta lutuk rèng a ni. Pâwl a piang ngheng ngheng ringawt mai!

    Juda-te kalphungah chuan INNEIH hi vàn lam thupèk leh vàn lamin a din, mihringte inthlahpunna tùra duan a nih miau avàngin an ngaipawimawh hle —Genesis 1:28 changchawi khân! An ngaihpawimawh luat avàngin Rabbi-te meuh pawhin hetiang hian ro an rèl chhunzawmna dàn a lo awm a, Torah zir lai pawh ni laklawh rawh se; inneihna chhim tùr chuan a thil zir lai chu a dah kiang rih mai tùr a ni, tiin an phalsak (Katubot 17b). Tin, leilung dintirha thilsiamte kha, “Tha a ti èm èm a,” tih thu hlìra delhkilh chhoh an nih hlawm kha … mahse, hrilhhaithlàk letling takin, Pathianin THA A TI LO tih kan hmuh hmasak ber erawh chu, “mipa, amah chauhva awm chu THA A TI LO VA,” tih a ni thung! A nupui tùr Pathianin a siamsak a ngai dâwn ta. (Genesis 2:18 chhiar la, mipa tâna hmeichhia, Pathianin a siamsak dàn a inziak ngei ang). Talmud (Yevamot 62b)-ah chuan, “Mi, nupui nei lo chu hlimna tel lo, làwmna tel lo, malsàwmna tel lova nung lekfang a ni,” tih an ziak kher zu nia.

    Orthodox Jews-ho zîngah phei chuan … TUESDAY (chawlhkâra a ni thumna) hi inneihna ni atân an thlang bìk kher thìn. Chhan a nei ngei ang. Johana 2-ah pawh, “Ni thum niah…” tih a ni pang a, inneih chanchinin a rawn zui a, Orthodox Juda tân chuan bial kèlkàwla mèn a, chhiar chian ngei chi a ni ta!

    Nichina tàrlan tawh angin Genesis 1:10-12 inkâr thu hi NI THUMNA-a thilsiam chungchâng a ni a, Hebrai tawnga ‘ki tov’ vawihnih a inziahna bìk lai a ni. “Pathianin a en a, THA A TI …” tih thu vawihnih ngawt a inziak. Chuvàng tak chuan, THAWHLEHNI (third day) hi inneihna nî atân an lo thlang riau a ni.

    Inneih hi ni khat leka samlam mai mai an ni ve lo va; ni sarih awh mawp khawpte a ni thìn a, neinung tân pawh a hautak hle ang. Tin, ni thum nia lawi ruai chanchin sawi a ni a; ni sarih awh tùr a nih fo si chuan —ni li vèl la awh tùra ruaia in tùr wine a hul hiau tawh a ni tih a lang a. Heta Nazareth tlangvâl, a nu kàrluiha a rawn che-chhuak hi an nihlawhpui khawp chuan a rinawm.

    Juda bêl sil dàn a fai chuan lohzia kan hria a —pâwn lam ringawt tleuh puat, bêl chhûng bàl nàl silfai awm chuang lo, an sakhaw kalphung leh an mizia Johana hian a tàrlan chiansak hle bawk.

    Pastor HT-a inneih conduct lai ka chhim ve fo tawh a, a sawi ngei ngei pakhat chu, “Tuma len ve lohna tùr dungthùlin bêltung khat vûm pàrh parh vekin tui an chhùng lùt. Leng ve tùr awmchhun mi pakhat chiah a awm —tipungtu Nazareth Isua,” a tih ka hre tawh. A thlawh mawi hle.

    “Zàwlaidi” kan nghàkhlel tlâng hle, 16% alcohol tùr a ni leh nghàl. 6% alcohol Beer ai chuan a hralh a kal teh ang chu, Kanna khuaah kha chuan inneihnaa an haihchham mualphona a thlen loh nân wine kha tihpun a ni a; kan ramah erawh chuan —hmang thiam lovin, uirèna tipungtu, hurherhna tizualkaitu a ni ang tih a hlauhawm hle.

    Johana 8-a hmeichhe uirê kha Bung 2-naa inneite kha chu a ni em lo’ng chu!

    Ziak zèl chàkawm mah se, chàwl ve teh rih ang.

    Report this comment

  9. 9
    Veepee Says:

    A in leh in lohah engtinge kan buai le… Uaiin a tihpun chuan enge lo lang nghal, thil sual chu a tipung lovang. A in pawh a in ka ring bawk. Pharisai te pawn misual te bulah a ei in a in a tiin an criticise anih kha. Zu pawh hi enge kan huat em em le, a huat loh tur hi kan haw vak zel a, kei chu ka ngaihdan pawh a ni tawh lo. Vai ho conservative background atanga lo kal, a langa innocent a chhungrila pervert ni si, an hmeichhe en dan lah sex toys ang chauhva ngai ho hi kan ang ka ti mizo te hi zu context ah hian.

    Report this comment

  10. 10
    lianchhiara Says:

    @chawnghilh – i comment a ngaihnawmin a bengvarthlak hle mai, ka lukhum ka phawk e.

    Report this comment

  11. 11
    vlkhiangte Says:

    chawngchilh, i comment hi ka pawm thlap e. Mizote hian Pathian thu (Bible) kan chhiar nasa a, a bikin Lehkhathawnte hi a ziaktuin a ziah chhan leh a thawna te chanchin hre chiang lo hian kan ngaihdan leh nia kan lo hriat dan ang ang hian kan lo kuai her mawp zel hi chu poi tak a ni

    Report this comment

  12. 12
    bigcat Says:

    Mani chau te chuan Uaiin hi a buai hleinem, Ina ruih chheh ho chauh alawm buaithin chu.Kan inti BJP reitawh lutuk hi a buaithlak zawk. An kechheh tep tawh.

    Report this comment

  13. 13
    funny Says:

    Amah Isua ngei khan, “‘uaiin heh mi’ minti”, atih kha mawle,

    “johan an engmah a eiin a inlova(khaukhuap leh khawizu bak, ani mahna), ramhuai zawl anti a, keiin ka eiin ka ina, uaiin heh mi minti leh tho” tih velin a phun ve nuah nuah thin kha mawle :D

    Report this comment