Hei hi kan tlai lam hmeh tùr ni se

August 30th, 2009 10:39 am by chawnghilh

Inawhthìk hi a ninawm lek lek, a tak tak thil awm mang si lova, a ‘RAU ram ringawta thil in-e-mail te hi. Kan hmu ve ruau va; kan hisâp a. Chil hâng lem mai kan chantàwk a ni vei maw? Duhthu kan sàm belh chiam anga a ni mai alàwm!

Nia le, a thlarau lam ang riau-ruau thil mai ni lovin, rilru-mitthlâ mai pawh ni lo —heta a làn ang ang hian —a tak ngei, ahring ahràn ngeiin khuai-no, koh duat nâna “KHUAI BABY” ka lo tih hial thin chu —zanriah hmeh atân han chhùm sàwk ila, zo-anthùr-kau hnah tlêm han thlàk tel sek bawk ila. Bula kìl vete’n han ràp riau mai se, mahni èm lo pawhin—a duh vetu an awm loh pawhin—han hâwp zo vek mai ilah!

Zo-hmarchàtè, han râwt chìp nial hlawm ila … a va tui dâwn tak èm! Thilpèk ka dàwn azawngah chuan ka la làwm ber pâwl a ni nghe nghe asin!

Khuai-no season hi engtik hun lai nge? Champhai-a an khuai-no zawrh a chùm deuh ber thìnin ka hria … Reièk leh Ailàwng lam product a sîn deuh … no khat man hi ni elh-awlh tak a tling zèl bawk. Inbelh vak an ti lo tlângpui! A hlu bawk a niang!

Khuai làk hi thil namai a ni lo va, thi lo aruangin an rawn kìr leh hi a ni ber a. Khuaino hmeh theih hi thil namai a ni lo.Zu chiah-puam tawh tih hriat reng rengte pawh hi, “E khai! Khuai la hàw lam ang châr i ni tawh mai —i tui tlàn thlàk vat a ngai tawh a nih kha!” tia infuih hi a mawi lo hran hauh lo zù’nia.

Similar Posts:

Recent Posts:

72 Responses to “Hei hi kan tlai lam hmeh tùr ni se”

Pages: « 1 [2] Show All

  1. 51
    caribou Says:

    @Muantea: tlangzarh chi ani lo, Fan a ni tlat.
    Khuai note hi ka nel lo khawp mai. Khasi hovin far (pine tree) pangang lian pui pui, pangrem tiat the thaw, an man khawm a, tuisova an chiah hnua an han kang rep that mai te kha, ka ti hlei thei lo.

    Report this comment

  2. 52
    samuelapa Says:

    Khuai no ka va ei khat ta em! Hmuh fuh veleh lei ve nghal teh ang. Vaihmarchate chu kan nei ve

    Report this comment

  3. 53
    caribou Says:

    Tihdikna:
    @Muantea: Tlangzarh chi ani lo. Fapa nilo vin, Fanu a ni tlats. Mipa nilovin hmeichhia ani tlats. kha daih kha asiiin. Comment ka edit thiamloh man anih hi.

    Report this comment

  4. 54
    chawnghilh Says:

    Bakthak-ho Far-pangang ei mawlh khu chu … ka ti thei lo khawp mai! Mahse, zawngtah mu pum eng awng kan han ei hmiah hmiah angte hi an tèr thei lo ve tho.

    Manipur-ah phei chuan …zawngtah ei season-ah èk-paihten an hlawh pùn an ngiat ve ziah thìn. Hrawk hi a lo inchen lo thei khawp mai!

    Report this comment

  5. 55
    chawnghilh Says:

    TLANGZARH tih tawngkam hi Pu James D-a sawi ka ngaithla tawh a, thil thup tùr ni ngawih ngawih —kamtam zualte leh rintlàka ngaih rintlàk si lohte thil lo tih-LEAK ang thàwthângin a sawi. Chuvàngin, “lehkhabu tlângzàrh” tih pawh hi dik tùrah a dah lo. “Mite hriat ngei ngei atâna kan duh thil tlângzarh a ni ngai lo,” a ti tlat!

    Lehkhabu tharlâm kan release chungchânga hman tùr chher thiam kan mamawh ta hle, tlangzarh hi chu —uire rù-te awm se, tuma’n an hre lo emaw tih laiin tuemaw hrerutuin lo TLANGZARH ta sela, se’thiam mai em?

    Report this comment

  6. 56
    caribou Says:

    Khuaibu hi a tu mai pawh hian hmu se, “laka a note ei” chiah an rilru ah zu han awm a maw le. Khuaino hi tlem tlemin, ei khawp lek leka lak theih ni ve se a tha tur. Heti taka khuai kan suat chung pawha ala rem mai lo hi chu a mak ang reng.
    Khuai ina a note a hmangaih zia leh englai pawha a note chhan nana a nunna thap a huam zia hria kan awm em aw?

    Report this comment

  7. 57
    burgerstud2005 Says:

    Aizawl:Ngeiawm/tawng tam
    Saiha:Nghal
    Lawngtlai:A hrawk a hrawl

    Aizawl:Saruak
    Zawlnuam:Ruak tang kawng
    Tuipang:Takruak

    Report this comment

  8. 58
    caribou Says:

    Khuai te chu chawhmeh alawm. Chahmeh hlauva patling, hniak pherh vunga kan tlanchhiat hian, khuaiin a note chhan nan amah leh amah a in sacrifice ani tih kan hrelo.

    Report this comment

  9. 59
    vlfanai Says:

    Mr H Vangchhia, khuaino leh thil dang vel chu ka sawi lo ang, zoram lam i ngai ve thin fu lo maw??? Thla en zana zemabawk dai te kha…..

    Report this comment

  10. 60
    chawnghilh Says:

    @vlfanai : Thla en zana zemabawk dai te kha…..

    A ngaihawm dawn tak chu le … Sihphir, Chite kam a ni ta hauh lo mai le …

    Report this comment

  11. 61
    chawnghilh Says:

    Khuai, amâ zû-a tla-hlum ka hmu tawh a, suangtuah tùr neuh neuh a titam zèk! A lainatawm khawp asin. Hringfate pawh —chutiang tho chu kan ni!

    Report this comment

  12. 62
    Veepee Says:

    Ekhai a, ka va hmu tlai ve. A phek hma lam comment ka chhiar hran lova, an chhang tawh che nge che lo chu ka hre lo. A tlangpuiin mizo in khuai kan lak hun hi chu thlasik hnaih september (a la hun lutuk lo), october leh november hi a ni deuh tlangpui zel ka experience ve tawh ah chuan.
    Nia, khuaino aia chawhmeh tui hi han sawi tur a vang ve khawp a nia. A lema i han tarlan khi eng khuai no nge chu ka hre thei mai lova, mizovin khuaino kan lak tlangpui leh tui/hang a kan sawi thin chu Khawidang, Khawivanrial (an kawlh hle), khawibel, khamkhuai(khawichhunmu), etc te hi ka hriatah chuan an ni.
    Ei lohna a rei ve ta hle mai, min awhfik ta rau rau khuaino ei turin rawn haw zuai ila a that dawn hi. :)

    Report this comment

  13. 63
    H.Vangchhia Says:

    vlfanai, mi lungleng mi ka ni. Mizoram ka ngaih hi a reh ngai lovang. Zorock in “mi ramah zawng lunglen a na e,” a lo tih kha,a dik chiah a ni.

    Zema dai…hairehai. Hmanni kalo haw khan ka va thu vang vang tak asin. :)

    Report this comment

  14. 64
    zuala12 Says:

    Naupang te ka nih lai atang tawha ka hriat ve thin dan “Awhfik” tih hi mi thenkhat chuan “Awhthik” an ti daih a,ka pian leh ka seilenna Aizawl khawpui ah hian chuan ka hriat dan ang nilo deuha he tawngkam hmang hi ka tawng teh chiam lo.Khuai no hi ka ei ngam miah lo.Vawikhat pawh kan u pakhat in min duhsak takin a rawn keng ve hram hram a,kei chuan ei chu sawiloh ka lo hlau nasa mai.Mahse ka causin pakhat hian a lo duh em em thung a,kan pe ta mai,a lawm hle a ni awm e.

    Report this comment

  15. 65
    Mack Daddy Says:

    Yuck!!!

    Report this comment

  16. 66
    lianchhiara Says:

    Min ‘awhfik’ mah ula ka ‘thik’ lohna lam tak che u a ni ang.

    Report this comment

  17. 67
    beziit Says:

    Tiang khi a tui asin.Han chhum hang i la e,lei hi kan lem tel lo chauh mai a ni.Sappui mingo ho pon ei se a tui an ti ve viau ang ka ring tlat

    Report this comment

  18. 68
    Irreplaceable Says:

    Ka insumtheihna chi ani ve tlats, awhfik,awhthik leh awhsik pawn’ keimahah chuan awmzia a nei thui lo khawp ang le. :)

    Report this comment

  19. 69
    Mack Daddy Says:

    @ Irre: same here …. a chung a mi phei khi chu min pe mahse ka paih vek tho ang…. :-P

    Report this comment

  20. 70
    drake Says:

    Ohhhh Crap!! who the hell eat those!! :) Almost puke….
    I heard some asian country eats Fetus! YUCK!!!!

    Report this comment

  21. 71
    Sandman Says:

    Yup exactly! I also heard some of these western countries eat pizzas and burgers! Ewwwwww… yuck! blech!

    Report this comment

  22. 72
    muantea Says:

    @veepee: phek hmalam comment i chhiar loh vangin tunah pawh khuai lak hi a hun tawh a ni tih ka rawn sawi i hmu lova ka hrethiam che.Mahse Khamkhuai leh Khawichhunmu hi chu a inang lovin ka hria. Khamkhuai hi chu Khawipui an ti bawk a,zu nei chi a ni a, Khawichhunmu hi chu a ni ve lo.

    Report this comment

Pages: « 1 [2] Show All