Nu leh Pa te, fate tana sex video laka fimkhurna tur

August 26th, 2009 12:21 pm by adviser

Tunlaiin Information technology-ah kan sâng ta em em mai a. A tlangpuiin mi tinin computer (PC etc.) neih kan intihhmuh a, tangkai taka hmang lem lote pawhin Games khelh nan leh naupang lengchhuak venna chhuanlamin kan nei ta sup sup mai.

Internet pawh kan hmelhriat chho tanin tlawm zawk leh man man zawkin kan hmang tan thei ta a. Porn sites leh website tha lo te a hluarin awlsam takin, leh tum loh deuh pawha luh mai theihin a awm ta hel hûl mai le. Hengah hian mi tin, a bik takin nu leh pate kan fate tan kan fimkhur a pawimawh ta hle a ni.

A bikin naupang kum tlinglo te’n hetiang lam thlalak (still image) leh movie ang chi an en nasat hian an rilru ah rah tha lo a tuh nasa thei hle tih chu kan hriat vek kha. Chuvangin an en theih loh tawp tura kan venpui leh kan fimkhur hi nu leh pate, rual û zawkte mawhphurhna a ni. Kan computer te kan check fo tur a ni.

Dawr thenkhat atang phei chuan thlalak (still image) tha lo pui pui i harddisk ah khan an rawn thun tel sak fo a nia. Heng hi hrilh ngai lovin an hai chhuak zung zung thiam a ni. Computer i lei sak hnu khan enpui fo rawh, duhtawk mai suh. Kan thil hmuh leh kan hriatte hian SUAL lamah min hruai avangin hmuh tam lohtir hi thil sâwt tak a ni tih kan hre tur a ni.

Naupang tê tê mah nise engkim an hre vek tih hriat tur a ni a. Heng video te hi nu leh paten an duh lo a ni tih hriain an thukru thiamin puitling nazawng hian an hmuh chhuah sak mai mai thei lova. A awm ang tih ngaihna pawh an rinhlelh loh turin an dah thukru thin tih hriat tur a ni.

Hetiang video ang chi i computer-a awm i zawn chhuah duh chuan a hnuai amite hi i ti mai dawn nia, hun pawh I sên ve deuh a ngai ngei ang. Chuan chung chu I hmuchhuak a nih chuan i DELETE zawh fel hnuah Recycle Bin hi i EMPTY hmaih miah tur a ni lo bawk, emaw SHIFT Key hmet chunga delete mai a tha bawk.

[A hmasa berah chuan Programe pakhat lâr tak, folder lock, folder hide, folder access etc. an thun (installed) anih chuan hetiang lam video hi an dah tih a rinhlelhawm phawt mai. Chutiang an thun leh thun lo hi hriat duh chuan Start >> Programs hnuaia program in-thun te en kim thlip thlap la, paih (Control panel >> Add & Remove atangin) vek ang che. Mahse hemi paih nan hian password an hmang ngêi thin tih hria ang che, a thuntu hnen atangin zawt mai la.]

A bul berah chuan tunlai video lâr ho hi eng file nge (eng extension/format) an hman lâr tih hriat a tul phawt mai. A hnuai amite hi video file lar zual, heng laiah pawha kan hmuh tam ber te an ni. An extension hian an format/ video nihna (eng ang quality nge an nih) a tilang.

Extension Video nihna/format (hriat ve mai² atan)
*.dat video compact disc (VCD) files
*.mpg mpeg/mpg files
*.mpeg mpeg/mpg files
*.avi Audio Video Interleave File
*.vob DVD Video Object File
*.mp4 MPEG-4 Video File
*.3gp 3GPP Multimedia File
*.flv Flash Video File
*.swf Flash Movie
*.wmv windows media video
*.mkv Matroska Video File
*.mov Apple QuickTime Movie
*.3g2 3GPP2 Multimedia File
*.qt quick time file
*.rm real media file

(1-na atanga 10-na thleng hi a lâr zual hle…. a bikin Mizoramah)

A hmasa pali te hi Windows Media Player 9 in a en theih a, *.vob file erawh Windows Media Player 11 (WMP 11) a ngai a. Mahse VLC Player emaw K.Lite Media Player Classic emaw, WMP 11 a awm chuan heng file zawng zawng hi a en theih (support) vek a ni.

Column hmasa ami 1-na example atan: Avseq01.dat ( i hrethiam mai turah dah ila)
An extension anga i computer chu i search chhuah vek a ngai dawn a, a file awm an gang chu a rawn lang (list) tuar mai dawn a ni. Hun sên ve deuh a ngai ang kan tih kha.

A: Kan zawng tan tawh ang, zawn hma-ina hmasa berah hidden files/folder kan show hmasa vek ang.

1. Open My computer
2. Tools
3. Folder options
chuan dialog box a rawn inhawng ang
4. View tab-ah kal rawh
chuan a hnuaia (show hidden files and folders) a inthlang
em tih finfiah la, select rawh le.
5. APPLY, OK, OK.

YouTube Preview Image

(emaw a chunga video play chhin la, a lem atang hian en la, i hrethiam mai ang. Tin,  hidden files i show theih lohva, a ngaia a lêt leh zel anih chuan i computer-ah virus a awm a ni mai thei tih hriat bawk tur)

B: video file hrang hrang kan zawng ang:

1. Search Program-ah kan lut ang, Start >> Search >> For Files and Folder, (emaw Shortcut Key: Windows Key leh F hmehin a luh mai theih bawk)

2. A lem ami ang khuan vei lam hnuai deuhva All files and folders ah click rawh

3. Chuan Box hmasa berah hei hi dah rawh: (*.dat) emaw (*.mpg) (bracket tel lovin, chutiang zelin, file extension pakhat i zawn chhuah hnuah a dang zawn chhuah leh vek a ngai dawn a nih chu. Kan tarlan zawng zawng te, zawng chhuak vek ang che.)

4. ENTER hmet rawh

Chuan a file zawn chhuah chu double click mai tur, a zawn chhuah file te chu video/movie an ni em tih finfiahin i duh loh chu paih (DELETE with pressing SHIFT Key) mai ang che. A awmna ‘In Folder’ column hi ngun takin en la, hetiang sex video te hi ‘C: drive’ chhungah ni lo an dah tlangpui ang. A rih zawng (len zawng – size column) atang pawhin video files chu i hre mai thei ang, a KB a tam tlangpui thin. Mahse tunlaiin *.3gp / *.mp4 / *.swf file te hi an te thama a, en chhuah vek (play chin vek) a tha ber mai.

Sawi tawh ang khan file type chi khat i zawn zawhah a dang hi B: atang ang khian i lêt anga, extension dang khi i zawng leh mai dawn nia. Tin, thiam loh i neih chuan computer hmelhriat deuh ten awlsam takin an pui thei bawk ang che, râwn hreh suh.

Hetiang hian thla tin emaw i computer check thei la, nasa takin i venghim thei anga. Sex Video lâr kan thutak khûkpui viau pawh hi a reh duakin ka ring. Engnge in ngaihdan ve le?

Hriattur: * hi heta tan hian asterisk a ni lova, ‘wildcards’ an ti thin. A thawh/tum ber awmzia chu *.mpg i tih chuan eng mpeg/mpg video pawh, i computer chhunga awm zawng zawng a rawn tarlan sak dawn che tihna a ni e. A bikin *.dat file hi system file dang nen a extension an hmanpawlh avangin Video ni lêm lo a zawng hmu teuh mai thei a, buai lem lo la, sawi tawh angin a size atang leh a awmna (In folder column) atangin Video a nih leh nih loh chu a hriat theih mai, a KB a lian zel anga, Drive C: ah a awm lo tlângpui ang. A dangah chuan buaina a awm êm lovang chu maw.

NGENNA NI PAH FAWMIN, HENG HI CHANCHINBU/MAGAZINE TE HIAN CHHUAH/TARLANG VE THEI SE KA TI NGAWT MAI,HMUN AWL AN NEIH THEIH CHUAN… KAN TANGKAIPUI NGEIIN KA RING. A LEM NEN LO PAWH HIAN A CHIANG TAWK THAWKHAT TURAH KA NGAI…. Hetianga chhuah chhâwng duhte tan a hnuaia mi click la, Microsoft Words file in i download thei ang, Your files hnuaiah khan SEX VIDEO PAIH DAN.doc kha click mai la.

http://www.transferbigfiles.com/Get.aspx?id=e3e75fa6-1570-49f5-9220-0576e9dc47f1

thanks: adviser

Similar Posts:

Recent Posts:

41 Responses to “Nu leh Pa te, fate tana sex video laka fimkhurna tur”

  1. 1
    Sandman Says:

    hehehe… he post chu a thra vung vung hle mai… Post of the Year hial lo maw? :D

    Kan naupan lai min ti hre chhuak ngawih ngawih mai a lawm. lolz. As the saying goes, it takes a thief to catch a thief. hehehe. :D A pawimawh ber chu technology thar lo awm zel ah hian up-to-date thei ang bera awm tur a nia, chuan kan fa te pawn min bum theilo deuh mahna.

    i rawn thawh thra hle a, chuan “trick” pakhat i hmaih kan rawn belh ve lawks.

    Folder options ah khian, view file extension ti u la, chuan a extension rawn lang .jpg, .avi, .mov etc etc kha system file extension (eg: .bat, .exe, .ico etc ) in thlak daih chuan system file angin a detect nghal a nga, chuan search ah pawh a rawn lang lovang, default search criteria chuan.

    Example:

    1. Change “paris_hilton.avi” to “log.sys”
    2. File is now detected as system file.
    3. To view the video, all you’ll have to do is simply drag this “system” file to VLC player etc.

    Hemi zawng chhuah dan awmchhun ka hriat chu full system search, chuan search hidden folders and system file option kha click tel u la, chuan search tur keyword chu *.* tih a ni.

    Hei hian i system a file zawng zawng a search anga, chuan a result kha en la, system file 800MB vel a awm chuan, kha kha a ni mai. Mahse full system search chu a hautak angrenga, hun pawh a duh rei viau ang. Midangin tiang ang detect dan in hriat chuan rawn thawh ve u la.

    Thanx for this post, adviser. misual.com senior members ho tan a pawimawh leh zual.

    Report this comment

  2. 2
    funny Says:

    tha khuupmai. mahse hetiang hi an ven sen tak tak emawni le.. rilru puitling tak pu tura enkawl hi theih chuan a tha berin ka hria, khitiang in a tih nghin zawhloh rilru an put kha a tha ber maiin ka hria (theih chuan).

    Report this comment

  3. 3
    ramstein Says:

    a thuhruk dan dang hi alo awmleh mai thin hetiang hi chu…

    Report this comment

  4. 4
    lianchhiara Says:

    tha khawp mai. Hemi hmang hian kan fate computer-a thil thalo awm zawng zawng paihsak thei lo mah ila, nu leh pa tam takin hetiang hriatna nei tura tan lak phah nana kan hman chuan a lawmawm ang a. Tin, ‘ka thiam ve lo, engmah ka hre lo,’ tia kan fate computer khawih kan ngaihvenpui loh chhung hian kan khawtlangah nghawng thalo a nei ang tih a hlauhawm.

    Report this comment

  5. 5
    Sandman Says:

    Kan belh leh lawks… khing hidden folder etc technique te khi in fate (emaw hostel warden in nih chuan in hostel a naupang ho te) computer a tan chauh hmang ru. Thiante PC a hidden files a ruk a lo zawng hi chu a nice vak lo a nia, a hnu a an hriatchhuah leh phei phei chuan :D (looks at VaiVa)

    Report this comment

  6. 6
    samuelapa Says:

    Ka chhiar chhuak dap a, a tha ka ti hle mai.

    Report this comment

  7. 7
    VaiVa Says:

    Sandmand quote

    A pawimawh ber chu technology thar lo awm zel ah hian up-to-date thei ang bera awm tur a nia, chuan kan fa te pawn min bum theilo deuh mahna

    :P

    Pu adviser a chu rawn thawh tha hle mai. Hetiang deuh a kawng inkawhhmuh hi a tha a ni. Tam tak hi chuan computer te hi kan leisak tawng a. Engtin nge an hman kan ngaihsak zui mang lo a nia.

    Amaherawhchu, a fimkhur thei ang ber a tih chu a ngai ang tih ka rawn belh duh e. Thalaite hian privacy in run sak hi an duh vak lo thei a. Tin, a sulhnu i chhuizui tih hriat theih turin i kalsan chuan nghawng a ni lo lamah a nei thei bawk ang. Tin, hetiang thil tha lo nia i hriat hi i hmu a nih pawhin an mahni hrilh lem lo in delete mai ang che. An mahni pawh direct taka i hrilh tawng chuan an embarrassed viau mai thei a. Inthlahrunna leh zahna in an khah phah thei bawk.

    Tumah hian kan privacy in thiah sak kan duh ngai lo a. Thalaite pawh chutiang bawkin. Hei aia pawimawh ni a ka hriat chu “Naupang chu a kalna awm kawngah zirtir rawh u, tichuan a puitlin hnuah pawh a thlah lo ang” tih hi vawn tlat a tha berin ka hria. :P

    Report this comment

  8. 8
    chhangte_ll Says:

    Ha ha ha ha…..’Child Lock’ dah mai a thazawk lo maw :D

    Report this comment

  9. 9
    LN Says:

    Comment #2 ka thlawp e.

    Report this comment

  10. 10
    Zorunpuia Says:

    Hei aia pawimawh leh tlo zawk chu kan enkawl danah a innghah thei ang. An naupan lai atanga an moral tha thei ang bera kan siam sak a, thil tha titura kan tuhsak a pawimawh ber. Zu khap chungchang kan sawi ang chiah a ni. A in mi chuan intur an hmu zel tho ang hian, in ve duh miah lo tan chuan Chite luiah hian Zu hlir pawh luang se, an in chuang lovang.

    Heng avang hian thil tha lo tih duhna nei ve lo tura fate zirtirna pek that leh enkawl that hi an tleirawl, puitlin thlengin an vawng thin a. Enkawl tha mang si lo va, khirh taka khap sak leh thut si hian awmzia a nei thui thin lo. Chuvangin an naupan tet lai tak tak atanga hetiang thil tha lo laka an fihlim theih nan leh chumi kawnga thil tha tinreng nena chawmlen hi nu leh pate mawhphurhna dik tak zawk chu a ni a. Nula an ni emaw tlangval an ni emaw, khawiah pawh kal se, thlemna lakah an fihlim nalh fo ang.

    CHutiang taka an naupan lai atanga enkawl that mang loh leh, nu leh paten enge an tih thin pawh hriatpui lem loh, a hnua thil tha lo an ti thin tih hriat tawh hnua khirh em ema, enkawl zui hi kan tam awm e, mahse awmzia a awm tlem tawh a, an rilruah a remchan phawt chuan tihchakna lian tak a awm tawh thin.

    Entirnan: Ka fanu/fapa lerh zauh mai chu ka hrechhuak a, inchhungah tuma kawm phal lovin ka tawm tir reng thin a, rualpawl hleithei lovin ka siam ta a, mahse a moral lamah erawh sim duhna a nei hauh tawh si lo, Khap theih thil zawng zawng ka khap sak a, mahse khap thil zawng zawng tihchakna hlirin a khat lawi si, inchhungah hian a dam chhungin ka khung reng dawn em ni? chu chu thil theih loh a ni ngei ang. Chuvangin naupangte hi an naupan tet lai atanga an moral tha taka duan chhuah hi zirtirna tha pek hi a hringtute mawhphurhna a ni a, leia kan rohlu ber te an nih avangin kan uluk hle tur pawh a ni.

    Report this comment

  11. 11
    adviser Says:

    @@@@@@@@@@@@@@@@@@

    In sawi tam tak hi a dik ngei mai. Nu leh pa fate enkawl tha tan chuan he thil hi a ngai lo mai thei. Tin, an mizia leh awmdan pawha zawn ngai lem lo tur hi tam tak an awm a. Tam tak pawhin an dah kher lovang tih chu hriatsa a ni. Mahsela, kan ti teh ang… sawi leh sawi hnu.. mahni fate tana computer lei ve ngawt, an hman dan leh an thiam dan pawh hre lem lo. Games a khel nge a leng chhuak leh ta tih pawh ngaituah vak lem lo thinte, hetiang sual kawngah hian an rin aiin an lo lut thuk lutuk palh ange tih hlauhthawn thil thu atan a ni e.

    Tin, kan subject ah chiang ila, naupang kum tlinglo leh…. tih a nih khi.. Thalaite PRIVACY tihchhiat nen chuan thil hrang daih a ni e.

    Hetianga kan fimkhur na na na chuan sex, aids etc… te hian engngemaw chenah zia lam a pan ang. A pawimawh ber chu rilru puitlin hmaa an career ti chhe thei vensak hi a ni e.

    Tin, hetiang video te a lo awm palh anih chuan nu leh pate pawhin fate tha taka hrilhin, an zah ngawih ngawihna tur ni lova, an thatna tur kan duhzia tilang chunga ti tawh lo tura kan CONVINCE thiam a pawimawh dawn a ni. Naupang hian nu leh pate bak lo chu an thatna tur duh dang an awm lova, nu leh pate’n an hmangaih ber thin tih an hai bik lo a ni. Sawi tawh angin, ka rawn tarlan tum ber chu fate kan ngaihtuah tak tak anih chuan engkimah i fimkhur thin teh ang u…. tihna a ni e..

    KHUA A TLAI HMA-IN NU LEH PATE U, I HARH ANG U. A LA TLAI THUI LOVE.

    @@@@@@@@@@@@@@@@@@@@@

    Report this comment

  12. 12
    Zorunpuia Says:

    I sawi chu ka pawm thlap mai. Ni e, mizo nu leh pa tam tak hian fate it zawng lei sak hi an chak ber emaw tih mai turin a tuan a rang a, an fate ai mahin an rualawt zawk emaw tih mai turin an cherang nangiang mai. Thenkhat nu leh pate phei chuan an fa neusen mobile phone khalhtir lauh lauh tawk an awm. Naupang tana a a him leh him loh lam kha an hre lo nge, a ngaihtuah duh lem lo erawh a hriat loh. Mahse thil pawi tak zawng a ni. Heng mobile phone chhunga hmanrua tam tak hi naupang kim tlinglo taka him lo, hriselna khawih pawi thei tam tak a awm si a.

    Tin, computer lei sak ngawt pawh hi a pawi thui thin khawp mai. Kum 5 a lo ral leh anga, a result kan hriat theih nual a rinawm. Games khalh nan ngawr ngawra leisaktu nu leh pa hi a tam zawk chu an nih a rinawm e. Hemiin an zirna a nghawng dan leh inchhung thila naupangte mawhpurhna, an tih awm tawk tihtirna kawnga an tha a thrum zo va, kan faten Sikul an kai a, an rilruah erawh computer games khalh thuai thuai ngawt a lang a, in an hawng a, games an khel nghal a, mut a lo hun leh mai thin. Chutiang ringawta nitin hun hmang naupang hi an pung chak hle mai a. Kan fimkhur a hun khawp tak mai. Lehkhabu tha chhiartir te, a tha zawnga rualawhna lam hawia an thinlung tihpuitlin sak tumtu nu leh pa erawh an la awm pheuh pheuh chuan ka hria.

    Report this comment

  13. 13
    mzvision Says:

    Post of the month Award ka hlan e :idea:

    Report this comment

  14. 14
    XaiA Says:

    Naupang hian Parent’s lock te hi an thiam riau zawk mai ang a,kan lo zawng kan lo zawng kual zawk mai ang tih hi misual zingah hian awm theih zawk zuk nia :lol:

    Report this comment

  15. 15
    VaiVa Says:

    @XaiA: :P A dik phian ang a? :D

    Report this comment

  16. 16
    samuelapa Says:

    Hman deuh lawk khan ka thianpa, college-a ka zirpui thin, officer lal ve tak ni ta nen Computer dawr pakhatah kan inhmu a, a lo thaw pawr angreng khawp mai a, “Computer chak ber chi, internet awm ka duh, ka fanu tan”, a lo ti deuh lung2 a. Computer chak ber chi chu enge ni ang? A fanu chuan eng atan nge a mamawh ang? tih leh thil dang tam tak mi ngaihtuah zui tir….

    Report this comment

  17. 17
    XaiA Says:

    VaiVa ,Nia, hawi deuh zuk zuk hian kan lo click kual nasa mai ang a :lol:

    Report this comment

  18. 18
    chhangte_ll Says:

    @samuelapa, “Computer chak ber chi, internet awm ka duh, ka fanu tan

    Lolzzzz…Computer chak ber chi leh Internet awm nghal chu a va vâng awm raih raih ve :lol: Ka hnathawhna hmun hrang hrangah computer thahnem tawk tak ka lo enkawl ve tawha – “India to Australia, Pan-Indian Ocean Expressway” siam a awlsam hmel zawk e..Lolzzzzzzz….

    Report this comment

  19. 19
    Zorunpuia Says:

    Kan mita kan hmuh leh benga kan hriatte hian kan rilru a hruai kawi thei khawp mai a. Kum tling lo, chhia leh tha pawh la hrehrang lo kan fate enkawl chungchangah hian Mizo mipui kan harh a hun hle tawhin ka hre fo thin. Nu leh pa tam tak fate enkawldan thlir hian a hnam ang zawng pawhin kan hmahun a thim hle mai hian ka hre thin.

    Fate it zawng leh ngen apiang lei thei PA nih kan chak a, ka sum lakluh zat lam a lang meuh tawh thin lo. Chumi kawngah chuan nu berin a mawhphurhna a hlen bik chuang lo, pasal fate duhzawng leisak thei lo neih mawlh kha an hlau emaw tih mai turin pasalte waring an pe duh hial mai thin bawk.

    Kumtling lo mobile kan lei sak a, kum tling lo internet kan thlun zawm sak a, he technology hian a tha zawnga hmanraw pawimawh tak tak a rawn thlen laiin a chhe zawnga thil thlengthei tam tak inphumah hian kan inveng ve leh thiam tawh si lo hi a la pawi ber tur chu a ni. Chhungtin hi inzawt ila, kan mobile leh internet hman man (Bill) hi inchhut ila, kan thlatin sum lakluh nena chawhrualin kan lung a awi chiah em? ngaihtuah tham a awm e.

    Baibulin fate zirtir dantur a duan sa te hi chu kan tlan pel daih a ni ber mai. Kan duh angin kan fate kan enkawl ta meuh lo, fate duhdan danin kan enkawl a ni ta zawk mah. Hei hian a tawp chu mualphona tawpkhawk bih luih luih chi a ni fo dawn. A society anga kan piangthar a hun ni berin ka hria.

    Report this comment

  20. 20
    samuelapa Says:

    @chhangte_ll, computer chak ber, internet awm nghal chu Kulkhut lamah khan lo zawng teh. Lucas atan leisak la, Samuela te unau pawhin an la duh ve mai thei asin (pawisa kan neih chuan) :))

    Report this comment

  21. 21
    tukhumvilik Says:

    Tha triah triah khawp mai. Chanchinbu ho khan han chhuah chhawng chur chur teh u..

    Tin, Misual trhian te u, Porn Site blocker tha deuh deuh download na tur leh download dan tha deuh te pawh min lo kawhhmuh ula…

    Report this comment

  22. 22
    keje Says:

    Tha khawp mai, Mozilla ah website pakhat block ka duh a, engtin nge or free website blocker hria in awm chuan khawngai takin min lo hril ve turin k rawn ngen a che u..

    Report this comment

  23. 23
    chawnghilh Says:

    Nupa tuak thar kan in-WISH-na, “Fanau mal tluan chawiin …” kan inti zen hi a tha fû nàin, a lo pâwnlawi. Fa ngah hi chuti takin a har lo. A har zàwk erawh chu fa kan neih zozai PUITLING taka chherchhuah kim hi a ni zàwk.

    Thu tha inzirtir hun lai hi a awm bawk.

    Hidden files vèl maw —an fate’n an nu leh pate files an lo paihsak thìn zàwk maw le … chhûngkua pawh hi kan inang lo teh-mai a nia!

    Fate computer thlìrsak apiang hian delete tùr hi a lo awm thei reng mai angah, nia le … chu pawh chu MISSIONARY POSITION a ni ve tho!

    Report this comment

  24. 24
    rotekawlasepa Says:

    Tih chi ve, misual.com family councelling class kan attend a ni ngawt mai!!! Bravo!!

    Report this comment

  25. 25
    blackmagicwoman Says:

    Parental security/control software thra deuh han suggest teh u..free a d/l theih mai tur chi. thx!

    Report this comment

  26. 26
    father_sphinx Says:

    hei hi download rawh u, WinMend – A free bawk.

    http://download.cnet.com/WinMe.....15630.html

    A hman dan hre duh tan –

    http://www.suankual.com/folder.....e-winmend/

    Report this comment

  27. 27
    Maramizodiktak Says:

    Hotupa chu i post tha khawp mai. Thanks.

    Porn hi naungpang, tleirawl, thalai te chauh ni lovin, nupui pasal neih tawh puitling te tan pawh a addictive latuk a; opium, damdawi, kuva, tobacco, alchohol te ai mahin a addictive zawk. Chumi vang chuan a ni ang, thuziak pakhat hman deuah a ka chhiar ah chuan, USA as pastor 35% vel chu porn addict anni, a ti tlat.

    Chuvangin kan fate en atan tha kan ti lo ani chuan, puitling tan paw tha lo ani a, en miah lo tur ani mai.

    Chhungkuaa en thei vai film bolywood movie thenkhat pawh hi porn ai mahin rilru tan a hlauawm zawk. Incomplete porn anni avangin en tu te imagination-in complete sak an ngai a, thil hlauhawm tak ani.

    Report this comment

  28. 28
    remruata_01 Says:

    Hetiang lampang hi ka lo vei ve tawh viau thin a,i rawn post chu a tha ka ti khawp mai.Mahse thiamna te a sang zel a,tuna file paih dan i sawi pawh hi a him reng lovang.computer ah shift+Del kan hmeh in recycle bin a in paih lovin direct in a in paih.tin recycle bin i empty hnu ah pawh i file kha ka la let leh thei…hehe mahse hetah hian chuan tarlang rih lo mai ila. @KEJE :- website chutianga block i duh a nih chuan a hmasa in an website te hrechiang hmasa phawt la,chumi zawh ah click Start-control panel-Network and Internet connection- Internet option-Privacy-Sites button click leh la- chuta dialogue box lo lang ah chuan website i block duh chu type la,Block button click la chumi zawh ah ok ang che…

    Report this comment

  29. 29
    chawnghilh Says:

    Condom hmang tùra kan infuihna ramah kan delete sêng dâwn em ni? “Saw Punjabi nula saw …han mai ilah … ti ve tho te a nia kan ram hruaitute …,” titu ka hre tawh tlats! A thei theiin delete ila, Computer nei ve lote kan la che fuh rih a ni mai!

    Tih tak èmah chuan, tùnhmâ zàwngte kha chuan India rama hàwn emaw luh emaw khân Custom/Excise-ho kha an hrâng thei bawk a; thil hawn chhuhsak theih amual mual kha chu chhuhsak an tum ràn a. Thlèm lungawi nân khân Kêngkûng Bu —colorful tak tak pèk rùk zauh tawh kha chuan, zun in lam an pan zàl zàl a …an FIHLIM ve mai zèl a nih kha! Thil a lo dang zo ta!

    Report this comment

  30. 30
    tualvungi Says:

    Pu, adviser hemi file tam tak a lo lang a ka delete vek dawn a mi,he mi delete hian computer tan a pawi na a awm ang em le kei computer chung chang eng mah hre lo hi min hrilh teh u a,Ka Fa te tan fimkhur ka duh ve si a .

    Report this comment

  31. 31
    funny Says:

    min zawt lo na in, ka awm remchang ema kan lo chhang ang che.

    khatiang file lo lang teuh khan i system file chu a khawih buai lovang a mahse, delete vek mai love, i delete vek chuan file dang engemaw entirnan synod choir zai tekha i delete tel vek mai dawn sin.. a format atang ringawt chuan engmah a hriat theihloh a, a file content kha i en phawt angai. sandman a sawi ang khi a tha lutuk, a format lo thlak poh nise i zawng chhuak anga, a kung kung chin zawng kha i paih toh mai dawn nia.

    mahse kei hei hi chu sex education tepawh ani ve alawm le.. ka ti deuh. an mahni rilru a pawimawh ber, khitianga lo fimkhur vak khian kawngro a thlen vak ka ringlo an mahni rilru a dik tohloh chuan, in ven sen tak tak anilo, nu leh pa te pawng paw conservative vak hian an fate ah nghawng thalo a thlen ve thei tho asin. chuvangin khitiang poh khi hmu sela an rilru a nghin loh natura fate an naupan lai atanga uluk taka enkawl hi a fuh ber.. fa enkawl hi thiam theih tak tak anilo na chungin, tum tak leh an chanchin zir chunga enkawl chuan success rate a sang nge nge in ka ring.

    ka thianpa south india lam mi in a sawi ka hrechhuak zawk mai, sex lam hi an ngaih serious lutuk avangin an thalai tamtak ten sex lamah an theih toh vek chuan awmdan chintawk an hrelo(a ti ve tlat), entirna a pek chu “kut hi hum ta tlst ila, kan hum reng chuan alo rei ah mi in a chhungah engemaw tak a awm ringin hawn an chak ngei ngei dawn..(old is gold., tih ang deuhin kan thil la hmuh ngailoh leh experienced ngailoh chuan min thlem tlat thin zawk ani )” chutiang deuh chuan, pawngpaw forbid leh lutuk khan tleirawl ah experience chakna te, lo ti toh tan pawh thei ta riau a inhriatna te(entirnan hman deuh thleng khan nula thei tam chu an insawitheih thin kha). eng eng emaw thil thalo a tuh thei. hei hi chu inhnial fee tham ania vawi khat a sawi fiah sen vak chi pawh anilove.

    ka muhil theilovin kan rawn ti ta duah anih hi. hairehai. sorry ry :D

    Report this comment

  32. 32
    tualvungi Says:

    E,,, funny sorry love ka lawm lutuk file lang zawng zawng kha delete vek ka tum mai a sin.Mah se a file ho hi en theih ka nei miah lo a nia. chu leh ka computer pakhat zawk chu acer a nia window vista hetah hian search ka zawng hmu zo lo a ka thiam lo ve hrim hrim a computer chu.

    Report this comment

  33. 33
    mkima Says:

    kan tuipui zawng chu a in ang lo thei hle mai maw…..!!!!

    Report this comment

  34. 34
    lahratla Says:

    He post hi a tha hle mai, a bik takin rual u zawk, nu leh pate tan.

    Kei pawh hetiang lam hi ka lo vei ru ve hle a sin. Hman deuh khan veng dangah kan chhungte pakhat computer nei thar an awm a. Anmahni’n a mik-a-mak an hre si lo a, a khawih thin ber chu an fate, mipa 2 kum 10-12 bawr, games khelh nana hmang deuh ber thin an ni. Mahse, vawi khat kan len tumin an computer-a virus min delete-sak rawh an ti a. Chuta ka thil hmuhchhuah chu ka rin phak bak a ni. Chutia virus ka zawnsak lai pawh chuan an rualpui 3/4 bawr vel, games an share-pui tur hi DVD leh USB drive hum tat tatin an lo inhrilhru sar sar a. Games lo deuhte pawh an lo in-share ve hle thin niawm tak a ni. Tin, porn contents ho pawh a file hming te an thlak ve thin a, games folder ah te an sawn kual ve thin a ni tih ka hmu. Tin, files/folder lock-na pawh an hmang thiam ve hle tih ka hmu bawk.

    Ina kan haw thlengin ka ngaihtuah zui a, a tawpa tawpah chuan an nu ka phone a, ka hrilh ta ringawt.

    Report this comment

  35. 35
    lahratla Says:

    Hetiang hi kan tunlai dinhmun a nih avangin parental control te, supervision te leh content filtering lam kan ngaih pawimawh a tha khawp mai.

    Hetiang lam laka kan fate kan humhim duh a nih chuan tha ve ang reng deuha ka hriat thil pakhat kan sawi ve mai mai ang e:
    (i) A hmasa berah kan hard disk partition ah reng reng NTFS format hman ngei ngei tur. NTFS hian security feature tha zet mai a nei a; tin computer pawh FAT32 te ai chuan a ti-stable zawk deuhin ka hria.

    (ii) Multiple User Accounts – Nu/pa tan administrator right/account leh fate tan limited right/accounts siam ngei ngei tur. Password mi dang tana hriat har deuh tur hman ngei ngei bawk tur. NTFS format hman loh chuan multiple user accounts neih hian awmzia a nei chuang lo. Pvt. files/folder zawng zawng a in-access-sak theih vek tho.

    (iii) My Documents folder kha system drive ‘C’ atangin partition dangah sawn ngei ngei tur. Nu leh pa tam zawk chuan My Documents folder hi programs tam zawk tan default save folder a nih avangin, PageMaker files te, Word leh Excel files kan siamte dah nana an hman thin tlangpui a ni. Hetiang a nih avang hian Windows reinstall hunah Windows kan install-na partition-ah a awm loh chuan My Documents-a thil awm kha a bo ve nghal thei dawn lo a ni.

    (iv) Mahni My Documents bik theuhah khan pvt. files, midang nena share kan duh loh chu dah tawh mai tur a ni. Tin, share atana kan tih ho zawng chu Shared Folder-ah emaw folder dangah dah leh mai tur a ni.

    (v) Mahni My Documents bik midang tan access ve theih loha siam kan duh chuan right-click in a properties ah khan Security Tab-ah kal tur. Group or User names hnuaiah khan Everyone tih emaw a lo awmsa ang a. Everyone tih kha tu pawhin i My Documents kha an hawng thei tihna a ni. Tichuan a mawnga Advanced tih kha click leh la. Advanced Security Settings tih a lo inhawng ang. Chu window lo inhawnga a mawng lamah khan “Inherit from parent the permission entries…” tih lo in-tick kha tick loh zeuh la. Copy, Remove, Cancel tih a rawn lang ang a. Remove tih kha click la. Ok la. Do you wish to continue an rawn ti ang a. Ok leh la. A tawp nan Ok leh la.
    Hawn tum leh la, a theih tawh miah lo ang. Delete pawh tum la a theih chuang lo ang.

    (vi) Khitianga kan tih zawh hnuah mahni tana chuaha inhawng thei tur kan duh chuan a chunga mi ang deuh khan Properties>Security>Advanced ah khan luh leh phawt tur. Permissions tab lo langah khan Add tih kha click la, Select User or Group tih a lo lang ang a. A mawnga Advanced tih kha click leh la. Find Now tih kha click la, a mawnga lama Name tih hnuaih khan I hming (account/user name) kha click langsar leh la. Ok la. Object tab lo langah khan Allow tih zawk zawng kha click (thla vek) la. Ok la, a tawp nan Ok leh la. I tihdik thlap chuan hawn tum leh la, a theih tawng ang. Tichuan midang account atanga a access theih nge theih loh i chian duh chuan midang account ah lut la, open tum chhin la. Access denied an inti kulh kulh tawh mai ang.

    (vi) NTFS encryption feature kha i hman tel phei chuan i computer an rukbosak che emaw, computer dawrah i siamtir emaw pawhnise, i password an hriat miau loh chuan eng anga top secret thil dah pawh ni la, engti kawng hawi zawng mahin an access thei tawh lo ang. Hetianga i tih ngat chuan i siamtir hnu lawka (an ti thin ka tihna a nih kher lo a nia), i pvt. files (home sex video/pics etc?) :) a leak-out chiam theih i hlauhna thin paw’n a kiansan hmak thei tawh ang che. Mahse encryption feature tak hi chu computer hmangtu pangngai tan chuan ka recommend lo. Private key/certificate(.pfx) i lo dah tha lo a nih palh hlauh chuan, Windows i set-up tha emaw engtik hunah emaw chuan i files/folder te kha irrecoverable an ni hlen hmaks a ni mai. Chuvangin, encryption ti tel kher loa security privileges hman thiam kha a tawk viau ang.

    Hemi chungchang hi chu misual computer expert-ho khan han chip zui teh u.

    Report this comment

  36. 36
    lahratla Says:

    NTFS format i hmang tawh si a, Security Tab a lo awm nghal mai lo a nih chuan Tools>Folder Options>View tab ah khan luh phawt tur. Advanced Settings tih hnuaia a mawng berah khan Use simple file sharing (recommended) tih kha tick loh mai tur a ni e.

    Report this comment

  37. 37
    Viking Says:

    Veli veli gus pawst ! :-D A tha hle mai. Ni e, Mizoram chanchibu ah emaw megazine ah te chhuah tlak ani. Nu leh pa komputer thiam vak lo tan atha tlatss!!

    Ka lawm e

    — LVK

    Report this comment

  38. 38
    kanidar Says:

    Good post. Kei chuan ka la mamawh rih lo na chu :)

    Barbie games vel a free a d/l na ka duh zawk :D hahaha

    Report this comment

  39. 39
    benjamin rualthanzauva Says:

    hei Zozam Weekly ah

    Nu Leh Pate, Fate Tana Sex Video Laka Fimkhurna Tur
    adviser@misual.com
    http://zozamweeklynews.blogspo.....-laka.html

    Report this comment

  40. 40
    H.Vangchhia Says:

    misual a pop riau tihna :)

    Report this comment

  41. 41
    luliana Says:

    Zozamah ka lo chhiar…’a that dawn hi a, a hmang tangkai tur tan chuan’ te ka lo ti ve a…

    @kanidar : i mamawh tep tawh…hahaha

    Report this comment

Leave a Reply

You must be logged in to post a comment.