Chepahakhata

August 17th, 2009 8:30 pm by Kawnga

Chepahakhata hi tlangval hmelchhe tak mai a ni a. A hmel chhiat em avang chuan nupui pawh a hmu zo lo va, rei tak mai nupui nei lova a awm hnuin a tawpah chuan a hmu ve ta tawk a. A nupui chu dawithiam a lo ni hlauh va, changel hmun nasa tak mai hi khaw ropui deuh maiah a han dawi ta mai a. Chubakah a nupuite chu lal an lo ni reng mai a, Chepahakhata chuan nuam a ti em em mai a.

Nakinah chuan fanu an han nei a, an lawm hle a. Chepahakhata chu khawlaiah a va leng a. Mite chuan an lo ti tha em em a, zu te an lo zuk a, a then chuan rante an lo talh a. A khawlai leng chuan haw leh nachang a hre ta lo va, rei tak a leng ta a. A fanu kha thing phur thei a lo ni a, a nu chuan a hnenah, “Chemte, i pa leng a lo haw har em mai, va ko rawh,” a ti a. A fanu chuan a va ko va, “Ka pa, ka nuin lo haw rawh a ti,” a va ti a. Chepahakhata chuan, “Aw le,” a ti a.

Nimahsela rei tak hnuah pawh chuan a la haw duh ta chuang lo va, a nupui chu a thinur hle a. A fanu hnenah chuan, “Chemte, i pa va ko leh rawh,” a ti a. A va kal leh a, “Ka pa, lo haw tawh rawh, ka nu thin a ur hle a ni,” a va ti leh a. A pa chuan, “Aw le, ka lo hawng ang,” a ti a; nimahsela a hawng duh leh ta chuang lo va, rei tak a la awm ta fo va. A nupui chu a thinur em em a, “Chemte, i pa va ko leh la, a lo haw duh loh chuan kan kal bo daih dawn nia,” a ti ta a.

A pa hnenah chuan, “Ka pa, lo haw tak tak tawh rawh, i lo hawn loh chuan kan kal bo daih dawn e,” a han ti leh a. Chepahakhata chuan, “Aw le, ka lo hawng tak tak dawn e,” a ti a. Nimahsela hawn reng reng chu a tum leh ta lo va. A nupui thinur chuan an khuate zawng zawng chu changel hmunah a chantir leh ta vek a, an nufa chuan Pu Vana hnenah an chho ta daih a.

Chepahakhata muhil chu a han harh a, a awmna chu ramhnuai changel hmun hlir a lo ni ta mai a, “Ka mumang lam em maw ni chu le !” a ti a. Nimahsela a mumang chu a lo ni si lo va, ei tur nei lo chuan a vak a vak ta mai a. Chutia a vak a vak chu van atangin a fanu khan a zuk hmu a. “Ka nu, ka pa chu riltamin a vak a vak mai,” a ti a. A nu chuan, “I khawngaih em chuan belte phai thei lo kha thlak ta che,” a ti a, a zuk thlak ta a. Chepahakhata chuan a riltam apiangin ei tur a nei thei ta a.

Ni khat chu vai lalpa khuaah hian a va kal a, a hmel a chhiat em avangin chu lal chuan a lo haw viau mai a, “Chepahakhat, chaw khawrhah inel ang, kei aia i khawrh tam zawk loh chuan ka tihlum ang che,” a ti a. Vai lal chuan a khuate chu chaw a chhumtir teuh a, an han khawrh ta a. Tam tak an khawrh a, vai lal chuan a khawrh zo ta thuai a. Chepahakhata erawh chuan a khawrh zo thei ta lo va, vai lal chuan, “A bel kha vuak kehsak daih rawh u,” a ti a, an vuak kehsak ta a, amah chu hmawng lerah an zep ta daih lehnghal a.

Chutih lai chuan a awmna thingah chuan vaivaho leh vakulhovin ro an rel a. Vaiva chuan vai an tan a, vakul chuan Zo an tan a. An thurel tur chu, “Mizo nge fing vai?” tih hi a ni. Vaiva chuan, “Vai chu an fing zawk ang. Nufa ni si inang reng hi an lo kal ang a, Mizo chuan a nu leh a fa zawk an hre lovang,” an ti a. Vakul chuan, “Chungte mai mai chu an pahnihin han vaw vak ila, a nu chuan, ‘Awi Chemte’ a ti ang a, a fa chuan, ‘Awi ka nu’ a ti mai dawn a lawm,” an ti a.

Vaiva chuan, “Bawng an rawn kai leh ang a, a lu lam leh a mawng lam hriat loh a ni ang a, Mizo chuan an hre leh lovang,” an han ti leh a. Chutah Vakul chuan, “Bawng chu an han hnawt ang a, a lu lamah chuan a tlan mai ang chu,” a ti a. Vaiva chuan a dang an sawi leh a. “Thul a ke lam leh a chhip lam hriat hauh loh an rawn zawn ang a, Mizo chuan an hre hauh lovang,” an han ti leh a. Vakul chuan, “An hria ang. Thul chu an han letling ang a, a chhin chu a tla ang a, an hre mai ang,” an ti leh a. Chung zawng zawng chu Chepahakhata chuan a lo hre vek a, ro an rel zawh chuan savate chu an thlawk darh leh ta vek a.

An darh hnu chuan vaiho leh Mizoho chu finna inel turin an lo kal khawm ta chiam a. Savaho rorel ang tak khan vaiho chuan nufa inang reng hi an rawn hruai a, Mizo chuan a nu leh a fa chu an hre hrang thei ta lo va. “Chepahakhata pawh khian ring ve rawh se,” an ti a. Chepahakhata chuan tiang a la a, a han vua a. A nu zawk chuan, “Awi Chemte,” a ti a, a fa chuan, “Awi ka nu,” a ti a, an hre ta a. Tin, bawng a lu lam leh a mawng lam hriat loh chu an rawn la leh a. Chepahakhata chuan a han hnawt a, a lu lamah chuan a tlan ta a. Thul pawh chu an rawn zawn leh a, Chepahakhata chuan a han letling a, a chhin chu a tla ta mai a. Chepahakhata avang chuan an hre ta vek a, an lawm em em a. Chepahakhata chu thing kakah an zep leh ta lo va.

Note : Chepahakhata anga khawngaihna hmang thiam lo hi kan tam awm asin, malsawmna tam taka min vurtu Pathian ngaihsak duh lek lo va tal mai mai, koh haw theih loh hi kan ni ve mai lo maw? Changel hmuna kan thangharh hlawl hnuah khua kan tlai tawh si ang tih a hlauhawm mange..

‘Uisa ei thluakin IAS a pha lo’ tih tawngkam pawh a la awm hma daih khan, kan thawnthu lamah chuan vaiho chu kan lo dah Nil chiang tawh hle a ni.

Sawi zawm ang…

Similar Posts:

Recent Posts:

20 Responses to “Chepahakhata”

  1. 1
    chawnghilh Says:

    Hmèlchhiat bàkah beisei phàk loh malsàwmna hmang zui thiam lo, daw-thei … amah hmangaiha dàwmkàngtu hre duh lo, mahnî thluak-fîm hman tùr tlachham … mî (vakul) bàhhnùktè a hman thiam palh hnuah REWARD a nei hranpà vak chuang lo … CHEPAHAKHATA

    Mizo-te hi “RACIAL in RACES” tak kan lo ni ve trhìn tih he thawnthu atrang hian a lang chiang viau! Tin, a ‘NUPUITE’ tih tak mai hi RICH takin a lo hman theih a nih hi, nupui pakhat aia tam sawina ni lovin, a nupuia vua-leh-vàng chhûngkhatte sawina a lo ni daih mai! Ka hre belh leh ta!

    Riddles lam hi kan pî leh pûte pawh khàn an lo uar ve hle a nih dâwn hi! Tin, a thawnthu kalphung hi FABLES a hâwl viau, Grik hnam fingho ringawtin Fables an lo nei bìk lo! Tin, “dawi thiam” tih leh “vàn atrangin” tih thawnthu rèng rèng Zofate’n kan neih kha chu —thawnthu namai lo an tling ve tlat! 1970’s laia Evan Vànlalnghàka’n hrawk ziat ték tàwka, “Australia ramah chuan …” a’n tih tawh kha chuan … NGAIHNAWM BER a ni trhìn ang khân!

    Chepahakhata leh Kàwrdumbêla hi ka lo ngaihfin hle tawh a ni àwm e, ka han chhiar a, Chepahakhâta thawnthu zàwk chu ka chiang thar leh ta. Thanks, Kâwnga. Rich and ambiguous!

    Report this comment

  2. 2
    VaiVa Says:

    Khawnge Mi[sual] chepahakhata hi a awm a. Ka zarah thingkung atangin an lo la thla ve ani maw? :P VaiVa hian vai ka tan ve lo nia aw…. tunlai Vaiva ka nia kei chu :D

    Report this comment

  3. 3
    Kawnga Says:

    Ha ha ha ha ha. @Vaiva, ka lo ngaihtuah tel hauh lo che u. Heta mi hi chu hmanlai Chepahakhata leh hmanlai Vaiva an nia lawm. Nangni chu tunlai mi in nia, in hmel chhe ve lo va, Mizo tan tlat in ni tih kan hre vek e. :)

    Report this comment

  4. 4
    VaiVa Says:

    Ka lawm e Pu Kawnga… khati lo zawngin vai tan deuhah hian min label ang tih ka lo hlau deuh a! :P

    Report this comment

  5. 5
    sonju_a Says:

    Chepahakhata ha khat zawng sawi thei kan awm em?

    Report this comment

  6. 6
    sonju_a Says:

    Ka comment ve thei ta e.
    Ben, tukin zing khan jojoi chungchang comment ve ka tum a, ka submit apiangin search box-ah a lut zel a, enge a awmzia?

    Report this comment

  7. 7
    chawnghilh Says:

    sonju : I la comment chuang em ni?

    Report this comment

  8. 8
    XaiA Says:

    A la tawp lo a,a tawpah lalah a awm ta a ni lawm ni :!:

    Mizo te chuan he thawnthu ah hi chuan ‘Belte Phaitheilo’ hi kan duh leh ber in ka ring,thawhrimna lam ni lo a hahdam chi bawk kha, :lol:

    Report this comment

  9. 9
    chepahakhata Says:

    Hmanah Chepahakhata thawnthu hi keimah Chepahakhata ngeiin ka post tawh kha mole. http://www.misual.com/2008/12/21/chepahakhata/

    Report this comment

  10. 10
    VaiVa Says:

    Ka chunga mi hian a post chhan ber chu hmelchhe deuh pawh an len an len chuan nupui an hmu ve mai tih hi a ni awm e! :D

    Report this comment

  11. 11
    Irreplaceable Says:

    Misual tunlai Chepa chu zu satliah chuan an thlemthluk theih ka ring lo!! :)

    Vaiva chu hmanlai atrang tawhin tran bik i lo nei ani maw? Pu H.V a hrilh miah suh aw i tran lam khi :)

    Report this comment

  12. 12
    Lily_parmawia Says:

    Mizo te hian thawnthu kan nei tha phian in ka hria..

    Pu Kawnga zarah kan chiang leh ta uar2 mai.
    Vaiva leh chepa te pawh ka hriat chian belh, hetia an comment bak hi chu han rindan vak ka lo hre ngailo aa :P

    Report this comment

  13. 13
    sonju_a Says:

    U chawnghilha chu kan hmuipui ber tih takah, laipuimu ngeia mi kahna lai i hre thei bik em mai… Kan nu ka velh tir mai tur che ania, i ngam miah lovang, keipawhin ka ngam chang chang ania aw…

    Report this comment

  14. 14
    chepahakhata Says:

    Vakul hi YMA symbol-ah khan hman thin ani em khah? Vakul hi sava lal tih te pawn an ko a, a chenna tawhah hi chuan sava dang hian an zui dam dam zel nia mawle. Kan thing laknah ka veh a, ai a nei ve ngei ni tur a ni, hnai tete a mi pawh ka perh fuh hlei thei der lo nia. Sava dang chu khang ang hnaiah khan chuan ka threlh ngai lo a nia. Vazar rual, thloh, varung rual hian an zui a, a thlawhna a piangah an um zui ve zel nia.

    Report this comment

  15. 15
    chhana Says:

    Mizo thawnthu hi in hrilh hriat thar kan mamawh reng a ni.

    Report this comment

  16. 16
    Kawnga Says:

    @chepa, sory.. I post tawh tih ka lo hre lo a ni.

    Report this comment

  17. 17
    chepahakhata Says:

    @Kawnga a pawi lo e, ka ti ve mai mai a nih kha, post tawh pawh nise, hre lo an la tam a lawm.

    Report this comment

  18. 18
    chawnghilh Says:

    Hmàna post tawh leh tùna post tharah hian —a tù’ hâ nge khât zàwka in rìn ve mai mai le?

    Report this comment

  19. 19
    elcee Says:

    Chepahakhâta ha khât zawng maw? A hahmai pakhat chu an kawmthlangpa dulah a to :-)

    Report this comment

  20. 20
    Mizo Thawnthu List Directory - All Mizo Says:

    […] Chepahakhata […]

    Report this comment

Leave a Reply

You must be logged in to post a comment.