Pro Fight update

May 31st, 2009 6:57 pm by thugDevil

Fight dang ka lo post lawk thei lo a pawi khawp mai. Vawiin nileng in ka BB a chhia a. Hetiang vel hi nia kan la chan tawk.

Bantam Weight : Hlutea vs chhuanvawra ( hetah poh hian an buai khop mai ) In en zawh ah in rin zawk a sawi chi khawp ang
YouTube Preview Image

YouTube Preview Image

Light Weight : Simon Hlychho vs Lalmuanpuia
YouTube Preview Image
YouTube Preview Image

Light Heavy Weight : Vanlalhruaia vs Abel Lalawmawia
YouTube Preview Image

Similar Posts:

Recent Posts:

33 Responses to “Pro Fight update”

  1. 1
    H.Vangchhia Says:

    Chhuanvawra hi an level ah chuan a tha angreng fu a ni… A guard duhthu sam vaklo mahse…!

    Report this comment

  2. 2
    H.Vangchhia Says:

    Abel Lalawmawia, i hnek tha fu mai…congrats.Vanlalhruaia pawh i vanduai mai mai a nih kha…i hnek tha lutuk tho :)

    Report this comment

  3. 3
    Zorunpuia Says:

    Tang tha duh se H.Vangchhia pawh hi Lalduata cho pha tur a ni a, mahse a tha leh zung hi hetiang lamah hian a hmang lem lo nge ni . :) hareihai..

    He thil hi nizana post daih tawh kha a nih ka ring a. Lawrkhawmah chuan a hlui hle tawh mai. Admin lam hi tlemin in tuan a muang deuhin ka hria. Post a kal muang mah mah tlat.

    Report this comment

  4. 4
    H.Vangchhia Says:

    Zorunpuia: Fedex an hmang lo aniang…

    Report this comment

  5. 5
    H.Vangchhia Says:

    Zorunpuia, kha Lalnunpuia te in hnek ah khan an kawmentetawr khan, vakul chang a rawn tawn ang khan a sawi a… Mizo pasal tha ten an diar a an tawn thin kha, Vakul chang ni lovin, a hming kha CHHAWN niin ka hre si a… a sawi sual tihna em ni. A sawi sual a nih ngai chuan apawi ka ti khawp mai, hetiang media etc te a Mizo thil sawi hian dik chiahlo sawi hi a thalo viau ah ka ngai. Naupang lehzual ten/upa lam pawn, kan culture/tradition thil ni lova an hriat hi a thalo ka ti.

    Report this comment

  6. 6
    mzvision Says:

    guard, jab, hook, upper cut, fit, fit lo, one-two, duck, unanimous decision, split decision, ring girl, ring, corner,knockout, knock down tih vel a ri hnem hle hairehai HV :P

    Report this comment

  7. 7
    ThaiBoy Says:

    Pu HV, ka hriat dan mai maiah chuan Mizo hunpuiah miin Vakul chang atawn chuan “Nufa ngai thei” tihna ani awm e.. i tawnve thei tihna anih chu :) hairehai

    Report this comment

  8. 8
    sekibuhchhuak Says:

    Tha zat zer zawr lai avan ngaihawm dawn ve ! KA en ve theih tlat lo, youtube hi an blocked a ! Enve theih a chakawm khawp mai a. UFC te pawh min ti hrechhuak e a.

    Report this comment

  9. 9
    chawnghilh Says:

    “Diar khim, Vakul-chang tawn; Arkeziak trawn …” tiin ka lo hre ve trhin a! Ka hriat ve dan a dik lo em?

    Clip ka la en hman lo … hun awl fe lovah chuan, ka en zuai phal lo. Ka en hi chuan ka sawt theuh theuh tel ve ngei a; gesture nen lo chuan ka la en thiam bik lo. Step mak pui pui pawh ka step ve kher zel si!

    Ka en zawh hun chuan, ka rawl ve leh khawp ang!

    Report this comment

  10. 10
    H.Vangchhia Says:

    Thaiboy, pasal tha te tawn kha ania ka sawi.Sawi nawn leh ta ila, Chhawn niin ka hre tlat, Mizo pasaltha te khan an diar ah khan an tawn kha!

    Report this comment

  11. 11
    ThaiBoy Says:

    Chhawn chu tawn e Trawngka ah pawh “Kiang rawh ka chhawnin a hem ang che” anti thin.

    Report this comment

  12. 12
    chawnghilh Says:

    @HV : “Chhawn an tawn …” an tih tak kha maw le! I ril zek zel mai! Chhawn hi chu a dang hret lo maw? Vakiria leh Chhawn hi thil hran ve ve a ni lo maw? Chhawn lem ka hmuh ve tawh chu artist painting brush ang, chum bet bawt, ektum ip zuih ang rut hi ni berin ka lo hria a!

    Report this comment

  13. 13
    chawnghilh Says:

    Ka sawi tuihnai lo em mai, ice-cream zuih zum pet, corn-a kan dawm lerh lerh ang mai hian CHHAWN chu a awm lo maw?

    Report this comment

  14. 14
    H.Vangchhia Says:

    Hetah hian Chhawn chu an tawn chiang mai… Chhawn chu kel hmul atanga siam ania, chumi ah chuan vakul chang an thiat thin…
    http://www.youtube.com/watch?v.....re=related

    Report this comment

  15. 15
    ThaiBoy Says:

    ‘Pasalthate ni hnuhnung’ tih lehkhabu C.Lalnunchanga ziak hi ka chhiar ning theilo vawi tamtak ka chhiar tawh ram leh khawtlang him nan a hmanlai pasaltha lo trangkai zia kha aw….

    Report this comment

  16. 16
    H.Vangchhia Says:

    http://www.youtube.com/watch?v.....re=related

    Report this comment

  17. 17
    H.Vangchhia Says:

    chawnghilh, Vakiria chu Mizo hmeichhia te khim thin kha a ni. Tunlai an Vakiria hman te erawh chu lapaw (cotton ball)hnawih sen an ang hlawm khawp mai.

    Report this comment

  18. 18
    chawnghilh Says:

    Vakiria hi ka siam ve tawh, a nalh lo khawp mai! Hnang ka tah kual ve a; sakuh ka hmang a, yarn senlar leh eng te pehbukah ka trawn khawm a. Tlengtle aiah christmas decoration tle hring piat vial ngilh ngelh hi a size awm tawk lekin ka chep chhum a. A ang ve thuak; pingpih zawngin Aizawl khaw trhenawm velah kan chah a. Rawlthar chhass khan a’n khim ve chhak kha!

    A chungah khian vakulchang sawi mawlh mawlh laiin vakiria ka rawn tipalh a nih khi! I rawn tarlang nawn a, ka hrechhuak ve chiah!

    Report this comment

  19. 19
    Zorunpuia Says:

    Ka hriat sual loh chuan Vakul chang hi lal te chauhin an tawn thin niin ka hria. Mizo history ah chuan Vanhnuailiana leh Vanapa ten Meitei an run a, Imphal bula police out post check gate kiangah khian an in kap chiam mai a. Mizo lam chan a chhe zawk a, an tlan chhia a, hetah hian Vanhnuailiana hian a Vakul chang a thlauh a, Tin a tiang a khawh bur bawk a, he a tiang hi rua a ni a, a lo rei a, a chawr duah zela, tun thleng hian raw hmun a chan phah niin an sawi a. Hei hi Meitei history ah pawh a chuang a.

    Tin, Chhim leh Hmar indo lai bawk khan Hmar lamin Vanchengte an run a, mahse an chak lo zawk a. Vanhnuailiana phei chuan a Vakul chang a tihbo phah hial e, an ti a. Vakul chang hi lal te chhinchhiahna bik a nih hmel a, pasaltha ten an tawn meuh lo a nih ka ring, hriat tur a awm tlat lo.

    Report this comment

  20. 20
    chawnghilh Says:

    Chak loh thiam, manner nei mawi Vanlalhruaia of Rangvamual (ka Computer hmaah hian) ka hneh tlat lo mai! A pa-tirah chuan Vanlalhruaia hi a namai lo hle!

    Bout tinin mit a la char char hle —inbei hmasa berte kha chu ka point pek dan angin Judge-ten an pe lo ni ve deuh tlatin ka hria … a dang fight-ah te hi chuan ka point pek ang chiah a ni ve pawhin a lang e.

    Aizawl, Serchhip, Lunglei, Saiha dungtluana tlangval chak leh huaisen —thiamthil nei, thilthiam nei bawk kan nei hi ka chhuang hle. A tlangpui thuin Force-te awmna hmunah he game hi chu promote a samkhai bik niin a lang a; chu tak chu Sports & Youth Welfare lam ringawt hi chuan a la hmui kim zo ngang lo ni hian a lang. Tun trumah hian LPS Pro-Fight hi awm lo ta se, Sports Department chuan hetiang talented tak tak te hi hre ru kiau mah se, an in-show-na tur a hungchhuak neu deuh chuan ka la ring deuh tlat! Nia le, Zoram a thlamuang hawk turah ngai ila; challenge paukhauh zawk hmachhawn tur law lawin aw!

    Hebrai 12 thu hi “Christian Sports Arena,” ka ti ve tawp mai a; Olympic pattern a nihzia pawh chhiartute tan mitthla loh chi a ni lo … Paula kha boxer mak dangdai tak, “mahni inhnek,” a ni ulh ulh thung a —Hebrai 12:12-ah phei chuan “Chutichuan, kut uai thlate chu char rawh u, khup zawite nen; 12:13 tin, kebai chu tihpelhsawlh lohva, tihdamin a awm zawk nan, in kete tan kawng ngilte siam rawh u,” tih thu kan hmu a — “kut uai thlate tichar rawh u,” tih thu ka chhiar apiang hian boxing-a chak lo zawk kut uai thla hnuang leh, chak zawk kut khing lehlam referee-in a phartir hi ka mitthlaah a lo lang ziah thin. Chumi phenah chuan mahni Club flag leh National Flag inkhai chho sang delh delh …a remna rimawi nen!

    Kut uai thlate pawh khan tihchar leh nan nasa lehzuala in beihngawrh ka duhsak che u a; chak lo zawkte point leh chak zawkte point inthlauhna hi a te tham teh a nia!

    Hlimen tlangval tuemaw ber hockey thiam riau an awm thei reng ang maiin Saiha, Lunglei pawhin tunhma daih atang tawh khan boxing hi an chhawm nung rei khawp mai —a hming ka thailang thei ta mai lo va —sam buang, pa lian thung mai; buangvuah mai pawh khan mawi taka an khelh thin kha!

    Serchhip, Aizawl, Lawngtlai pawh an hming a trha thei hle. Khawpui rim nam deuh atrangin boxing hi an khel uar a ang viau — Tuichangral lam thawm ka va hre lo ve le aw! Anni khi inban/insuk-phawi velah chuan an lawr fu.

    Final bouts phei phei —hmuh hlan a nghahhlelhawm hle mai, thanks … thugDevil!

    Report this comment

  21. 21
    chawnghilh Says:

    “Ali leh Hnery Cooper-a inbeih khan Muhammad Ali-a glove kha a thler hawk e,” tih kha kan rawlthar ve laia kan titi ngaihnawm hriat thin a ni. Nagaland atranga rawn kal Bishnu Kumar-a lah kha —awm khawm let let tawh chuan Muhammad Ali-a chanchin lo chu sawi tur a hre ngai lo … “a hnek na lutuk a, a glove a tret hawk a; a hnawh puarna sakawr-mei-hmul a rawn pawrh huang,” ti khan kan sawi ve fo va … chu em chu a ni lo mai thei bawk.

    A chunga inbeite zingah pawh khian glove phuai deuhzawk chang a awm em ni? Mahse, an namnul rang leh viau si a; ngaimawh tham a ni vak lo tihna em ni ta! Bandage erawh kha chuan Dr Lungmuana khan hman ni lam kha chuan a trawnsak mawp mawp kha chu ka hmu a; atir lama hmaia grease an hnawih nal lo kha chu a zia lo deuh chuan ka hria … inhnek hma hian glove (mitten) hi a dup fu hian a hriat a; inbeih meuh chuan a lo chang duh khawp mai! “Minute 3 azawnga rei ber,” tiin Amateur Boxing round hi kan chhut thin a … minute 9 chhunga fit for leh fit for ve ve —a chak zawk ni tur hian point a inthlau duh lo khawp mai! Trhahnemngaih hi a hlu teh a nia!

    Report this comment

  22. 22
    mzvision Says:

    lammualah lalnuntluanga college veng leh …. lakher (a hming kan ghilh tlats :-( ) an han inbei sipai an tran vanglaia boxer ve ve te inbei kha a va han hmuhnawm tak aw :P samson-a palian ngo sang deuh local boxer te kha an va lo trha e aw

    LPS ho hmalak hi ka tuipui lutuk misual kaltlangin an theme song ka play deuh reng ka tute nen kan lungrual khop mai :-)

    Report this comment

  23. 23
    thugDevil Says:

    aw glove tet chu a awm lalmuanpuia glove khi ni in ka hria a glove khi an thlak hlawk an thlak lai ka cut/paih deih anih khi a rei ltk a youtube ah 10 min ciah an phal sia a leng thei dawn loh vang zawk ania……an ngaihthah vang nilo in ka edit na ah ka cut vang zawk ani e.

    Report this comment

  24. 24
    chawnghilh Says:

    @mzvision : Lalnuntluanga pawh a biang a lo thep ve ta thaaan mai! A chhip erawh a la kawlh hnum ta reng a, a khuh bona lukhum sendang a la khum zui reng em?

    Kum li kalta velah tawh khan ka fak tlaikhawhnu a —a hmai hmaah. “Kum 1974 leh 75 vela sparring ka neihpui trhin lai che khan, i makna riau ka chhinchhiah reng thin chu —i jab trhenkhat leh i straight-punch kha guard trha hlea ka inngaih lai pawha i rawn zen tlang thei kha, i special-na riau a ni tlat,” ka ti a. A ni lah tak reng a.

    Ani pawh a inzep phal ta ngang bik lo, “Ka special-na ve riau a ni tak asin!” a ti. Titi dunte kha nuam kan ti khawp mai!

    Kan Mizo hmeichhe boxing thiam Jenny pawh a lar trantirh khan ka fuih a, “Lalnuntluanga hnenah kal la, thil chi khat zir belh teh,” ka ti hial a. Jenny pawhin, “Nia le!” a tih kha …

    Ducking zawh chiah a’n zi-mar chho zuai —kaiza tha mar awt khawpa upper cut a’n bei thinte kha chu … tu khabe ruhkawl mah hian Lalnuntluanga dawm kha neu setah an dah thei ngai lo; a truan trhatzia kha hmutu mai ni lovin, temtu ka ni ve tawh tlats!

    Report this comment

  25. 25
    muantea Says:

    HV,ka hriat sual loh chuan Vakul chang hi Lal leh Thangchhuah Pa in an tawn thin(tawn tih hi a dik e).Chhawn hi chu i sawi angin kel mei emaw an hmang a,ral that,mi lu late chauhin an tawn thei.

    Report this comment

  26. 26
    H.Vangchhia Says:

    muantea,a dik chiah a ni. A hei, a lem kan en chiang a Chhawn ni lovin, Vakul chang zawk a nih tak hi a, a tawn teh vauh chu. Kawmentetawr khan Mizo pasaltha sawi nan khan Vakul chang a tawn ti a, sawi angin ka lo interpret pek anih kha..hairehai.. ka tihsual a nih kha apology.

    Insual lam alo ni kher nen boxing hi, pasaltha ten an tawn, Chhawn a sawi tum na emaw ka ti a ni e. A nih chuan a thu hrim ah, Pasaltha boxer huaisen lam aiin, Thangchhuah boxer angin kha boxer kha a rawn inlan tihna lam a kawk ta daih mai….hairehai.

    Report this comment

  27. 27
    H.Vangchhia Says:

    In lama Thangchhuah a nih ka ring hairehai…ram lama Thangchhuah ni lovin….hairehai.

    Report this comment

  28. 28
    muantea Says:

    LPS sawihawttupa Vana khan Vakul chang tawna lo lut Boxer sek ve tak kha Vakiria a khim tir vel mawle! Hre lo chhah ve asin!

    Report this comment

  29. 29
    chawnghilh Says:

    Pro-Fight Championship ka va hmu chak tawh, ka en chik ngang mai! Hmasawnna thar hi acquire belh vat a har a; dawrawmna tihphuisui thiam vat erawh hi chu infiammite tana thil pawimawh hmasa a ni zawk trhin zu nia! Kan achilles’ heel (femna lai) ber mai hi kan khingpuiten min hriat fuhsak aiin, keimahni leh keimahni kan inhriatchhuah vat a hlu zawk.

    Report this comment

  30. 30
    taia-pa Says:

    Vakul chang tawn” tih trawngkam hi dik lohna pakhatmah a awm lo.CHHAWN chu an lo tawn(ka hriat dan chuan Chawn chu kawngah an hreng thin a,a dik lo maithei)thin a nih pawn Vakul chang pawh hi tawn thin a ni chiang.a tawn thei/thin chu thuhran.

    Report this comment

  31. 31
    H.Vangchhia Says:

    CHHAWN chu kawngah hreng lul love, a mak lutuk ang.. a hlutna pawh a bo vek ang. Mizo pasaltha in an diar ah chhuang takin an tawn vah thin a ni.

    Report this comment

  32. 32
    taia-pa Says:

    ka hresual anih chu…:)

    Report this comment

  33. 33
    ÄÅÌÎÍÒÀÆ ÇÄÀÍÈÉ ÑÏÁ Says:

    ÑÍÎÑ ÄÀ×ÍÛÕ Ó×ÀÑÒÊÎÂ…

    minny…

    Report this comment