I ngaihtuah ho teh ang u khai

May 31st, 2009 2:09 pm by chhana

Lei leh vante leh thildangte siam hma hian engtinnge a awm? Evolution Theory-ah chuan atira ‘organism’ awm atanga lo intan a ni tih kan hria. He organism hi engtia lo awm mai nge? Atirin ‘thu’ a awm, thu chu Pathian a ni. Thu chu engtinnge a lo awm tehrenga, Pathian a lo nih maitheih? Thu reng reng pawh chu engtia lo awm mai nge a nih?

Thu vekin, thu bawkin van leh khawvel leh a chhunga thil awm zawng zawngte hi a siam a ni sia!! Engtia awmtheinge niangle? Tin, mihring hmasa ber Adama kha Pathianin leia vaivut atanga a siam a nia; engtinnge a hrual mum vel? Evi pawh kha, Adama nakruh phawichhuaka a siam a ni sia, engtinnge ruh chu tisaah a lo chhuah theih? Eden huana rul pawh kha a tirin a bawkvak silova; engtinnge a kal ang? Huan lai taka ‘ei phalloh thing’ kha engvanga Pathian hian dah tel ve khernge a nih?

Khawvel finna leh thiamna hmanga zir mite chuan khawvel leh achhunga thil awmte hi ‘thu’ chauh hmanga Pathian siam a nih hi an ring thei manglo. Chung mite chuan ‘Evolution Theory’ an rawn phuhchhuak ta. Mihringte hi zawng atanga lo piangchhuak kan ni, 1974 khan Africa ram ‘Afar Basin’ an tih hmunah chuan ruhro pakhat an hmuchhuaka. A hmingah ‘Lucy’ an vuah. An chhuichhuah dan chuan kum maktaduai thum vela upa a ni. Lucy pianhmang chiah adang an hmuhchhuah belh zela; heng ang chi (Spices) hi ‘Autralopithecus Afarensis’ tiin a hming an vuaha;

khawvel mihring lo pian chhuahna pui ber niin an ring. Ke pahnih hmanga tungchhova kal hmasa ber an nih avangin. Mahse, hun a lo inher zela; September 1994 chuan American Scientist Tom White leh a thuihhruaite chuan kum maktaduai 4.4 zeta upa ruhro, ‘Awash Basin’ (Ethiopia) ah an hmuchhuak leh ta. ‘Andipithecus Ramidus’ an tih takmai pawh hi tungchhova kal hmasa ber a ni tih an finfiah leh ta zela; Lucy leh a unaute atanga ngaihdan lo piang kha a lan leh ta tlat.

Tin, I 1998 bawr vel lawk khan Australian Scientist-te chuan ruhro pakhat an hmuhchhuah chu an han zirchianga; (DNA Exam) kum maktaduai ruka upa niin an hre leh ta zela; anni phei hi chuan mihring hmasa ber Evi leh Adamate kha an ramah ngei hian an lo cheng thin niin thutlukna an siam hmiah mai. Lo ni ta se, Euphrates leh Tigris lui chhehvela Eden huan an zawn mekte hi midang hian an bansan mai angem? Ngeni an zawnna lai vel hi a lo ni tak tak zawk?

Adama chuan fapa upa ber Kaina a neia; nau Abela a nei leha, Kaina chuan a nau Abela a thah tak avangin leiah hian mi vakvai a lo nih tak thu leh a hmu apiangin an thah mai theih thu a langa; chumi hnu chuan khawchhakah Nod khuaah a chhova; chutah chuan nupui a han neia; thlah tamtak a han nei ta a ni. Chutichuan Mosia lehkhabuah Genesis bung 4&5-ah hian fiah taka lang kan hmuh chu:

1: Kaina khan a nau Abela a thah tak avang khan miin an thah ve mai a hlauva; Evi leh Adamate chu mihring hmasa ber lo ni tase anmahni hringtute pahnih bak mi an awm silova; a nu leh pain an thah a hlau em niang? ‘mi’ a tih chu tunge niang? Midang, Adama thlah nilo an awm tihna em ni?

2:Nod rama nupui Kaina’n a han neih kha tu fa nge niang? A farnute nupuiah nei ni sela Nod rama han kal ngai lovin a nu leh pate inchhungah inneih mai awm!! Chuvangin mihring dang, anni ho lo hi an awm tawh tihna a ni lo maw?

3: Gen 5:1 ah chuan ‘Hei hi Adama thleahte chuanna lehkhabu a ni’ a tia. Adama hi mihring hmasa ber ni dawn sela hei hi ‘Adamaa thlahte chuanna lehkhabu chu a ni’ tih ziahlan tel kher a tul emni? Hetatang hian Pathian hian mihring dang a siam ve a ti ang lo maw?

ngaihtuah ho mai mai teh ang u. A mak angreng tlat.

Similar Posts:

Recent Posts:

19 Responses to “I ngaihtuah ho teh ang u khai”

  1. 1
    laysia Says:

    Pathian a awm hi ka ring a ni. reasin a tan lutuk.. A thilsiam kan en hian.. Ka ring tawp.

    Report this comment

  2. 2
    XaiA Says:

    “Mihring mi fin na hianin, a ngaihtuahchhuak zo lo a che, ka chhandamtu i thu ruk hi” Original version of Pu Chawngkhupa.

    Report this comment

  3. 3
    Kawnga Says:

    Kaina nupui neih chungchang hi chu, zawhna awm fo tawh thin. A chhanna lar ber chu, Bible-ah hian chipchiar takin thil engkim a inziak hran lova. A bung leh bung inkarah te, a chang leh chang inkarah te hian kum tam tak a tla hman ang tih hi rin dan a ni. Kaina leh Abela pian hnu-ah khan Adama khan fa dang tam tak a hrin belh a ni thei a, khawchhak lamah a thlah thenkhat chu an lo han pem tawh a ni thei ang. Chung zinga mi chu a han nei niawm tak a ni.

    Kan Bible-ah hian a thuhrimin, hnial kalh zawng leh a bawp lawka lak tum zawnga chhiar chuan hrilhfiah mai harsa hi a awm nual thei ang.

    Pathian lo awm tan dan hi chu ngaihtuah loh law law a hahdamthlak ber. At mai a hlauhawm.

    Report this comment

  4. 4
    drake Says:

    “Kraws thu chu boral mek-te tan chuan Atna” tih anih kha mole…….!!!! Mihring/thilnung taksa hi en/zir chian chuan a mak ngawt mai….. a do tu leh a siamtha tu vek awm khawm ani!!! Siamtu Pathian hian a lo duang fel khawp mai…. zir chian telh2 hian a mak tulh2 mai ni!!

    Report this comment

  5. 5
    mzvision Says:

    khang hunlai khan kum 800 vel lek lek kha an dama, indanna a la awm si lo an hrisel sia, sakhi pung chu nep te an niang. kan punchak dan hi kum 100 chhung rengin mi an pung chak mai.chuvangin Bible thu hi awih hmaks mai tur :P:

    Report this comment

  6. 6
    caribou Says:

    Pathian nihna leh a thil siam dan hi chu kan lo chhut ve chiam kher a tul lovang. kan planet chhunga Pathian siamsa ringawt pawh kan la chhui zo lo ani si a. Pathian hi a ropui ani.

    Report this comment

  7. 7
    sekibuhchhuak Says:

    He is Alpha and Omega ! :-)

    Report this comment

  8. 8
    ThaiBoy Says:

    Pathian thu hi hriatfiah a hrilhfiah phak ani lo tih ka pawm a, keimahah hian Pathian chuan chiang takin thu asawi tih erawh ka chian thung ani.

    Report this comment

  9. 9
    chawnghilh Says:

    Nod rama Kainan nupui a han neih chungchang a ni lo va; a nupui a han PAWL-na (chi thlah ngei tura record tur bik) hmun sawina a ni zawk e.

    “Tichuan Kaina chu LALPA hnên ata chu a chhuak a, Eden chhak lama Nod ramah chuan a awm ta a.4:17 Tin, Kaina chuan a nupui a pâwl a; tichuan a rai a, Enoka a hring a: tin, khua a siam a, a khaw hmingah chuan a fapa hming chawiin Enok a ti a.” —Genesis 4:16

    mzvision sawi ang khian —inthlahpung hman tak tur chu an ni; mipa lineage ringawt chhuina bu a ni mai pawh a.

    Mahse, Genesis 5:4-ah hian mipa a hrin ruih thu ringawt a inziak lo va, “fanu leh fapate a nei LEH hlawm a,” tih thu Mizo trawng Bible-a kan hmuhah hian LEH tih thumal hi trawngbul lamah a awm ve lo, “and the days of Adam after he had begotten Seth were eight hundred years: and he begat sons and daughters …”

    Adama’n fanu leh fapa a neih khi kum 800 a niha Seth-a a hrin hnu lama thleng ta chauhva ngaih tur a ni lo. Fapa Seth-a a neih khian kum 800 a nih hman tawh thu a ni a; fanu leh fapa a neih hi sawi tel ve leh ngei a ni mai zawk.

    A fateho chu an nupui pasalah an innei tih hi rin ngam chi a ni. Species dang, lineage dang daih Eden chhaka an lo awm thu sawina leh chuta chengte zinga mi Kaina hian a han neih thu a ni lo va; fa nei leh ngei tura chi thlaha an han inpawlna hmun a nih thu tarlanna a ni zawk e.

    Piece-meal bek bekin aw …

    Report this comment

  10. 10
    chawnghilh Says:

    Lei leh vante leh thil dangte siam hma hian engtinnge a awm?

    Vante leh lei, thil siam zawng zawng siam a nih thu account hi Genesis 1-ah hla thu inthluang-kawp (paralleism)-in kan hmu thei a. Beresith (Atirah) tiin Mosian a lo record aia la hmasa lehzual daihin Hmangaih Johana’n Thilsiamte Siamtu bul zawkzia Johana 1-ah a rawn tarlang leh thlap a — a chunga zawhna “Lei leh vante leh thildangte siam hma hian engtinnge a awm?” tih chungchangah khi chuan Siamtu Pathian (ho Theos) leh a Fapa (chutih laia Thu [logos]), theos chu an awm hmasa phawt a ni —thilnung kan hmuh theih ang te hi chu siam an la ni lo tih a hriat a; he leilung pawh hi a chhia a, a ruak a, a thim vek a, tuiin a khuh vek bawk a, Thlarauvin a uap thu kan hmu chauh a ni. Chuvangin, leilung upatzia-te hi chu phat rual a ni lo. Thilnung creation atanga fossils awm thei chuah erawh hi chu Bible thu atrang chuan awih chi a ni lo; Darwin-a meuh pawh —a thih dawn meuh kha chuan a Theory, rinthu maia a lo ti’lu deuh hi chu a rumpui ve halh halh tho an ti!

    Leilung, boruak leh tuipuia thilnung leh thilnunglote siam an nih hma daihin Pathian chuan thu pein vantirhkohte a siam hlawm thu Sam 148:5-ah kan hmu —“Let them praise the name of the LORD: for he commanded, and they were created,” tih a ni.

    Report this comment

  11. 11
    chawnghilh Says:

    hla thu inthluang kawp parallelism … tih zawk tur, Hebrai-ho hla hi parallelism vek a ni a; Genesis 1 pawh hi poetic form-a ziak a nihzia hre chiang pah ila.

    Report this comment

  12. 12
    donnylee Says:

    Pathian hian mihring dang a siam ve ani thei angem tih khi ka lo ngaihtuah ve fo tawh a. Sap ho zingah chuan Alien awm ring tam tak an awm a, chuatiang deuh bawk chuan keipawn ngaihdan ka nei ve.

    Pathianin khawvel (earth) ah mihring (human being) te cheng turin min siam a, he kan universe zau zawng leh len zawng hi scientist te pawhin an la teh chhuak thei bik lo ania. Chuvang chuan he kan awmna Planet nilo, Universe-a kan hmuh theih phak chinah hian minung dang, keimahni ang sakruang pu kher lo hi an cheng ve thei tho ang tih hi ka ring tlat a,an cheng ngei e chu ka ti loa, thil awmthei chu niin ka hria.

    Chung ho chuan tuna kan Bible hman ang hi an hman ve kher a tul loa, Pathianin anmahni ro a rel sak dan leh anmahni a enkawl dan chu chi dang daih pawh ani theiin ka hria. Lal Isua pawhin huang dangah beram ka la nei a ti a, (a bung leh chang ka tarlang thei mai lo). Mahse kha2 chu mi thenkhatin, Israel fate nilo Jentail te a sawina a ni te an ti a.

    Engpawhnise, keini hringfa te piah lamah hian Pathian hian a chatuan ram luah tura a din minung dang hi Planet dangah hian an awm ve hi ka ring deuh tlat thin. An awmlo anih pawhin an awmlo a ni maia, mahse an awm ve tho hi ka ring tih ka han sawi ve mai a ni e. Khublei shibun

    Report this comment

  13. 13
    Matt_Dad Says:

    Ni e Christian Bible-ah hian chiang takin Khawvel leh a chhunga thil awm zawng zawngte siam a nih dan (Processing) tarlan vek nise chu inhnialna awm hauh lo tur a nia le, mahse Bible hi han chhut han chhut ila, khalam kha a sawi tum ber ni hian alang tlat lo, ‘A tirin thu a awm, thu chu Pathian hnenah a awm, Thu chu Pathian a ni’ a ti mai a, chumi zawm zel chuan kan awmna lei (earth) leh tuifinriat, chutiang zelin mihring leh thidangte siam a nih thu a sawi mai a, A thulaimu (thu tum)hi a mak reng a ni. Sakhaw thurin bu a nih ang ngeiin Pathian leh a thilsiamte inlaichin dan, mihring suala a tluk thu leh chhandamna a buatsaih sak dan leh a thilsiamte tana thil a lo ruahman sak dan tarlanna niin Genesis atanga Thupuan Bu thleng hian Isua Krista-ah engkim hi a hmawr bawk vek a ni a, chuvang chuan… Thlahtu (Evi & Adama – Isua), chumi chuan chumi chu a thlaha, chumi chuan chumi chu a thlah tia a sawi chhoh zar zar pawh hi Isua Krista ah a hmawr a bawk tho tho… Chithlah (Seed)in a rawng an bawl ang a, thangthar lo awm zelte hnenah chuan a tizo tawh tiin a chanchin an la sawi ang tia a lo sawi pawh hi.. tun hunah hian Isua Krista a Nunthar nei, Isua Krista Chithlah kalzel (Ringtu) a sawina a nih hmel chuvang chuan.. engkimah hian Isua Krista hi a pawimawh ber leh a thu lairil bera a nih avangin a bawp lawka lak dawna lak tur tamtak (chhuizui vak loh) hi a inphum tel teuh tih hi hriat a poimoh khawpin ka hria…

    Report this comment

  14. 14
    mercy Says:

    Bible hi ‘Pathian Thu a ni’ tih hriat a poimoh ber. History, Schience bu a ni lova, chutianga chhui tur poh a ni lo. Chanchin Tha thu te pawmin, Pathian thuin ringtute nun dan tur min zirtirte zawm ila…a tawk e. Thuthlung Hlui Zirchianna by Rev.Lalfakzuala lehkhabu chhiar ila…

    Report this comment

  15. 15
    Ditto Says:

    Bible zir tirna kan pawm loh in kan pialral beiseina chu tuifinriata thlak ang vang vang a ni mai.

    Report this comment

  16. 16
    taia-pa Says:

    Khitiang i ngaihtuah vak vak chuan i rilru a buai har miah lo ang.i A vat mai ang.

    Report this comment

  17. 17
    Epistemology Says:

    Bible-ah pawh Midian ho pa lian pui pui an awm thu ziak a nih kha. Hman lai hnam/band thenkhat pawh an hmel hi zawng alo ang deuh pawh ni thei a. Chuvangin, thil mak lutuk niin a lang lo. Darwina ngaihdan hi “theory” tih a ni, Darwin fact a ni lo tih hi hrethiam bawk ila…!

    Species khat chhunga group khat atanga group dang inthlahpawlh emaw environtment avang chuan hmel danglam chu a chhuak thei. Mahse, species khat atang species dang hlak (zawng to mihring) piangchhuak tih hi chu scientific circle atang pawhin pawm hleih theih or solid evidence a awm lo.

    Report this comment

  18. 18
    Thirkut Says:

    Awm thei e epis… “speciation” an ti.

    Ni e theory chauh a ni. In duh chuan in ti tlu thei. Tun ah erawh chuan tuman an la ti tlu lo… Lo tum ve chhin teh. “opinion” leh “theory” i lo hriat pawlh ange.

    Report this comment

  19. 19
    chhana Says:

    Ka hrethiam tawh e.

    Report this comment