Engtinnge Chanchin Tha hi kan hril?

May 31st, 2009 6:33 am by elldy

Pentecost Special: Lal Isua kha vana a lawn dawn khan a zirtir te hnenah khan khawvel zawng zawnga kal a thil siam zawng zawng te hnenah Chanchin Tha hi hril turin thu a hnutchhiah a. Kha a thu hnutchhiah kha Kristian ten in rochun chho zel in tun thleng hian khawvel zawng zawnga Kristian te hna thawh pui ber chu Chanchin Tha hril a ni ta zel a ni. Chanchin Tha hril hi Kohhran hnathawh pui ber a ni a, engtin chiahin nge khawvelah hian Chanchin Tha hi kan hril a, tuna kan dinhmun hi enge ni tih i lo bihchiang teh ang.

Lal Isua vana a lawn atang khan Kristian te chuan Lal Isua thu min hnutchhiah chu in rochun chho zelin vawiin thleng hian khawvel hmun hrang hrangah vak darhin chanchin tha hril hna hi kan la thawk reng a, mahse tun thleng hian khawvel hmun kilkhawr zawka mi tam tak te chuan Chanchin Tha hi an la dawng lo mai pawh ni lovin Lal Isua hi tunge a ni tih hi an la hre lo hrim hrim. Tunlai khawvel kan chenna hi a changkang tawh em em a, chanchin thar te pawh khawvel letliam atangin hmun leh hmunah kan thlir zar zar thei tawh a, inbiak pawhna lah a tha tawh bawk nen, mahse heti chung hian chanchin tha hian khawvel hmun kilkhawr tam tak a la fang chhuak ve lo a ni.

Kum 2000 dawn lai chanchin tha kan hril hnu hian hetiang hi tuna kan khawvel dinhmun a ni-
* Khawvel mihring tluklehdingawn 5.8 vel te zinga tluklehdingawn 1.2 vel (20%) hian Chanchin Tha hi an hre tawh.
* Tawng lian zual 370 ( mihring maktaduai 1 aia tamin an hman chin tawng) zinga tawng 210 te hian Kristian hi an la hre miah lo!

Hetiang hi kan dinhmun anih avang hian chanchin tha hril kawngah hian Kristian te hian hma kan lak chak sauh sauh a tul hle a ni. Tunah hian chanchin tha hril na kawngah pawh hian tun hma ai chuan hma kan sawn khawp mai, chanchin tha kan hrilna kawnga kan hmasawn dan chu hetioang hi a ni-
* Kum AD 100 hunlai vel khan mi 360 zingah Kristian hi pakhat zel awm ang a chhut a ni.
* Tunah chuan khawvel mihring 5 zela pakhat vel hi Kristian kan ni tawh niin chhut a ni.
* Pathian thuhriltu 70% vel hi ram hnufual a chengte an ni bawk.

Bible Society a thawhlawm kanthawh thin vangte, harsat tak chung pawha Tirhkoh chawmna kan pek tang tang vang te leh an tana tawngtai sakna hun kan neih thin avang te hian khawvel ah hian Krista chanchin tha puandarh hna hi ngawrh taka kalpui mek a ni. Tuna khawvel puma n Missionary te dinhmun chu hetiang hi a ni-
* Khawvelah hian Missionary 332000 vel an awm a, heng zinga 328000 vel hi chanchintha hre tawh te bulah an khawsa a, ramthim Pathian la hre miah lo te bula awm tak tak chu mi 4000 vel chiah an ni.
* Tunah hian ringlo mi 400000 tan Missionary 1 zel awm ang a ni.

Chanchin Tha hril hi a hautak a, sum tam tak a ngai. Chumi chu hriain Missionary te kan chawm a, pawisa tam tak chanchintha hril nan leh Kohhran enkawl nan kan hmang thin. Mahse heng kan pawisa te hi a tam zawk chu chanchintha hrilna ai hian Kohhran inrelbawl nan hian kan hmang thin a ni, hemi chungchanga mithiam te hmuhchhuah chu hetiang hi a ni-
* British pawisa a pound 1000 zela pound 999 hi khawvel a Kristian Kohhran ten kan hmangral a, a bang zinga pawisa 90 hi Kristian nilo ten an hmangral a, a la bang leh pawisa 10 chauh hi chanchintha la hrrelo te zinga hmanral a ni.
* USA ramah chuan mission rawngbawl nana an pawisa hman let 60 a tam hi zu manah an hmangral a, missionary chawm nana an pawisa hman let 18 zeta tam hi an ran enkawl nan an hmang nia!

.

Similar Posts:

Recent Posts:

11 Responses to “Engtinnge Chanchin Tha hi kan hril?”

  1. 1
    XaiA Says:

    Pentecost lo thlen hian kan nun theuhah Thlarauthianghlim lo leng leh se,chanchintha rawng bawl hna chu Krista hmangaihna a tangin lo chhuak rawh se.Direct leh indirect evangelism an sawi thin,ka rilruah chuan direct evangelism hi a tlana zawk reng fo thin. Mahni kal thei lo mah ila tawngtai, thilpek tein chanchintha kan hril thei a ni.Tin, kan nun hian chanchintha hril mawlh rawh se.

    Report this comment

  2. 2
    chawnghilh Says:

    http://img177.imageshack.us/im.....manilo.jpg

    Chanchin Tha hrilin heng Burma ram kawng nem tak te hi zawh chhuah a ngai hial asin! Paula te kha chuan Rome-ho kawngpui chhuat lunga rem vekah sakawrtawlailirte nen an la duk thei zar zar ni khan a hriat a … hnam tin (ethnos) zingah Chanchin Tha (gospel) hrilh kim tur a ni miau si!

    Hrilh kim a nih chauhvin —Lalpa Isua Krista a rawn kal dawn chauh bawk si a; hril kim chu kan bat a ni ta. Awih kimtir vek tur chuan min bat lo; mahse zirtir (mathetes)-a siam turin minc hah ngun a; Krista hnuaiah hian tumah kan graduate pha dawn chuang lo va; chuvangin, disciple-zirtir (to learn, alearner, a pupil, an adherent) tala chhuah kim tur chuan mawhphurhna kan kovah a nghat a ni.

    A dik lova Chanchin Tha hril pawh a tam a; Chanchin Tha dik kher kha hnam tin zinga hril turin min ti miau si a … kan hril dan leh hrlh zat chu thu dang —eng Chanchin Tha ber nge kan hrilah pawh hian kan chiang lo vang tih a hlauhawm khawp mai! Paula phei chuan II Korinth 3-ah khan “another Gospel, another Jesus …” tih a rawn tarlang hial a —that same Jesus, that original gospel kher kherte thlavang a hauhna a tina hle —eng pawh ni se, kan phak chin zelah kan hril zel ang.

    Report this comment

  3. 3
    chhana Says:

    Vawiin Penticost ni hian kan thinlungah Lal Isua’n hmun a chang em? tih hi in enfiah theuh a tul in ka hria. Tunah hian Askelon khuaah ka awma, Penticost hmangin Jerusalem-ah ka kal dawn.LAL ISUA ropui zual zel rawh se.

    Report this comment

  4. 4
    mzvision Says:

    @chhana
    ekhai i awm hla hle mai, mahse hei misual kaltlangin i thil hmuh leh hriatte min han share ta che

    “Thilsiam zawng zawng hnenah chanchin Tha hril rawh u” a tih hian tunlai green brigade ho hian an ei fu bik em ni le :?:

    Report this comment

  5. 5
    mzvision Says:

    @chawnghilh
    i kawngawlsamlo chu tough hmel triah triah hle mai maw :-(

    kan post hi ani ka lo ngaihtuah ngai loh ram chu, thawh tur a tam thawktu an tlem si, thawktu chawm a ngai, sum chanchin tha hril zel nan thawh belh zel a va trul triap triap ve le

    Report this comment

  6. 6
    adelfos Says:

    A bengvarthlak hle mai. Ni e, “Lal Isua tan khawvel lak kan tum ber lo ni se,” tih hla ang khan chanchintha hril hi kan hnapui ber chu a ni e. Hna lah a la tam si!

    Report this comment

  7. 7
    sekibuhchhuak Says:

    Bengvarthlak hle mai.

    John Piper a chuan ti hian ati, ” Missions is not the ultimate goal of the church.Worship is. Missions exists because worship doesn’t. Worship is ultimate, not missions, because God is ultimate, not man.”

    A dik ani. He khawvela Chanchin Tha kan hril na chhan chu, kohhran din tur ringawtin ani lova, Lalpa la be ( worship ) ngai loten an lo biak hi ani.

    Report this comment

  8. 8
    donnylee Says:

    elldy chu post tha khawp mai, a bengvarthlak hle mai.

    Hmanah pa pakhat hi, “Eng nge chanchintha chu?” tiin an zawt a, ani chuan, “Matthaia, Marka , Luka, Johana” tiin alo chhang e an ti. Ringlotu te hnenah, “Matthaia, Marka, Luka, Johana” tiin va au ta chiam2 ila, a ngaihna an hre awm lo!!!

    Mahni kan fehchhuak theilo anih pawhin kan MIssionary te tan hian tawngtai tam kan ba in ka hria. A tawngtaisaktu te hi chu kan tam awm lo mange aw…ka ti thin, Kei pawh ka bang bik lo. Mahni tan pawh kan tawngtai tha peih lo ania mi tam tak hi chu….:)

    Report this comment

  9. 9
    mkima Says:

    Pathian hmuhtheih loh a kha tisa ah a lo changa a thi a, a tho leh a. God kan tih thin a kha a hming diktak mai ISUA a ni a.

    luke 24:44-47 a ma hmingin sualngaihdamna thu Jerusalem a tranga lo in tran dawn dawn thu a man min hrilh a. Mark 16:15-16 khawvel zawng2 ah chan chin tha hril a ringa Baptisma chang chhandamin an awm anga, a ringlo ( aringa changlo) chu thiam loh chanin a awm tur thu a sawia.

    a damm laiin MI TU pawh TUI ah leh THLARAU ah an pianthar loh chuan Pathianramah an luh loh tur zia mai kha asawi chianga.

    Chuvangin A thi a THo leh tih Ring ila A HMING in Baptisma Hnimphumin chang i la.Thlarau thianghlim chang bawk ila. a tawk chiah..

    ka sawi tam ve hle tawhin ka hria he thu hi.. a zawm duh lo chu an mawh. ka hna ka zo…

    Report this comment

  10. 10
    mzvision Says:

    bible society a invest hi chanchintrha puandar nana poimoh ber pakhat chu a ni mai lo maw :?:

    Report this comment

  11. 11
    digimalt Says:

    Wake the dead, wake the dead
    Take up the call and carry His commission
    Wake the dead, wake the dead
    Don’t be content and just walk away

    Wake up!
    There’s a job to be done
    You’ve got a calling that you haven’t begun
    For too long you’ve been coasting along
    You think salvation is the end of it all
    (The fields are ready but the workers few)
    You’re not heeding the call
    (It’s time the body starts to shout the news)
    And wake the world up to God’s invitation

    Wake the dead, wake the dead
    Take up the call and carry His commission
    Wake the dead, wake the dead
    Don’t be content and just walk away
    There’s too much to do to just walk away

    Darkness blinds a new generation
    Searching for its place
    Banished by their own choice of living
    From His shining grace
    (But even with such hardened hearts)
    God cares that they will be found
    (He had a plan right from the start)
    To break their chains by His testimony

    Wake the dead, wake the dead
    Don’t be complacent with your own salvation
    Wake the dead, wake the dead
    Got to lead the lost searching for their way

    Report this comment

Leave a Reply

You must be logged in to post a comment.