HRING NUN

May 24th, 2009 9:50 am by chhimkeite
  1. Ka nun, ka hun hlu zawngte,

Koh kir theih chang se aw,

Nun khua bul tan leh turin;

Hun rei ka kham lovang.

Ka Duh loh kha ka duhin,

Ka hriat hi ka hre duh lovang,

Ka buaina a dang dawn si.

Tih loh tih zawk tur ka nei fo,

Sual dai lo tura duan lah ka ni si lo

Ka hneh loh, ka ngam loh hunte,

An liam ta, siam that theih an ni ta lo.


  • Aw, hring nun lamtluang zawh hi,

Tlang sang lawn ang mai maw ni,

Khua chuan a, Kawng tum vai zelin

Thlifim leh daifim te awm mahse;

Thlipui, ruahpui an hrang fo si.

Kham leh Suar chhia hrut zain,

Ruh meuh pawh a tliak si thin ;

Kan tah ni te a va tamin;

Hlim ni pawh awm mahse,

A belhkhawm chu Hring nun zia:

Thim leh Eng in zawmna chu.

  • NUN hi .. A hovin, a va khirh em !

A tawiin, a va hlu si em.!

A engmah lovin, a va pawimawh si em.!

Kan Hlim a, kan rum bawk thin.

Kan Lungngaih leh nuih a in zawm a,

Nuih leh tah chu thil in zawm a lo ni,

Chutiangin Ruah sur leh Ni sa pawh.

Chhuk leh chho pawh chu tiang zelin,

Vanram a awm a, Hremhmun a awm,

Nimin chuan Vawiin a hring a;

Vawiin chuan Naktuk a hring si.

  • Siamtu hian Hring mi Nun Khua ,

A vul tirin , a chuai tir a,

Hlobet par ang chauha tawiin a din si..

Mahse hei hi dawn chiang ve la,

Nun khua Rei lo deuh pawh ni se,

Fak tho tura siam leh din,

Nang leh Kei kan lo ni.

Kan hlim lai leh tah ni te,

Chhiar mawl ngawt tur hian,

Pek mai kan nih ring suh la;

Awmzia, hlutzia nei tura din,

Dam Chhan nei ngei tura duan kan lo ni …

-  Chhimkeite.

Similar Posts:

Recent Posts:

13 Responses to “HRING NUN”

  1. 1
    caribou Says:

    Nick i nei pa kher mai.

    Report this comment

  2. 2
    ThaiBoy Says:

    A tha lutuk

    Awmzia, hlutzia nei tura din,

    Dam Chhan nei ngei tura duan kan lo ni …

    Chhungin khawmna ah la sawi rual thin tur anih hi…

    Report this comment

  3. 3
    grady Says:

    A tha e.

    Report this comment

  4. 4
    mzvision Says:

    Pathian hian min siam chhan a nei vek, mahse a inang vek lo tih hi ka ngaihdan a ni e. ka lawme

    Report this comment

  5. 5
    ThaiBoy Says:

    @mizovision i ti dik Pathian hian min siam chhan anei ani, Thusawi turte ngaithla turte, thu awi tur te, hnatlang chi te rorel chite… chu tiang zelin nag i hmunah kei ka hmunah tih ang deuh khan..

    Report this comment

  6. 6
    amanda Says:

    Chhimkeite chu i reh vang vang a, va rawn thawh tha leh si ve !

    Report this comment

  7. 7
    mzvision Says:

    Anih leh thil tha ti turin nge thil sual ti lo turin min siam ang le? a nawlpui hi :?:

    Report this comment

  8. 8
    ThaiBoy Says:

    Pathian hian mihringte hi Sual tur pawh asiam ani mai thei e, sual hlen tur erawh chuan min siam ka ringlo; a hriakthih Lal Davida te ngei pawh in pal palh chang chu an nei ve bawk e….

    Report this comment

  9. 9
    mzvision Says:

    Lal davida hriak thih meuh pawh kha a kross put kha a awm mai ni lovin a thlauh ve fo hmel a, keini hriak thih loh phei hi chu min hrethiam viau ang em le :?:

    Report this comment

  10. 10
    jeletin Says:

    i thu zaih chu a tha kher mai CHHIMKEITE mahse, kan ti teh ang………….. thu leh hla a mi ril chu ka ni lova, duh aiin i tawngkam hman leh thurem hi a in ruallo deuhva chhiar a ti nuam lo :-)

    Report this comment

  11. 11
    blackmagicwoman Says:

    Ka van duh reuh e aw, he thuziak chu. Vawiin ah vawi 3 ka chhiar chhuak tawh!

    Report this comment

  12. 12
    emperor Says:

    a va han nalh em….

    Report this comment

  13. 13
    awzoram Says:

    Hring Nun hi jelibi ang a ni a changin kan tifuh a kan lut a changleh kan tisual a kan lut chhuak ti vel mai kha a ni e, make best use of life it’s your life :-) or :-(

    Report this comment

Leave a Reply

You must be logged in to post a comment.