Chiahpuam lar zual lai khan Forex hi rawn sawi rik leh zauh a awm ṭhin a, mahse chiangkuang taka a chanchin chhiar tur chu a awm lem lo! Stock market leh Investment ṭhenkhat chu a chanchin kan hre nual tawh hlawm anga. A chanchin ril deuh hlek a ziak an awm loh vangin ka han ziak ve ta mai a ni e. Khati taka chiahpuam a ron lar hluai na chhan pawh kha mi tam takin Forex emaw an tih vang niin a ngaih theih. Forex Market chungchang hi a chipchiar chuan sawi sen a ni lo vang a, a tlangpui chauh han thai lan kan tum ange.
Forex tih chu enge ni a awm zia? Forex chu FOReign EXchange Market tih na mai a nia, FX Market tih pawn sawi a ni bawk. A awmzia ber chu mi ram pawisa in lei/hralh tawn sak na a ni ber mai awm e. Khawvela financial market lian ber a ni a, ni khat ah hian $3 Trillion transaction hi a awm reng a ni. Rampawn zin dawn a, kan Indian Rupee ken US Dollar/Euro te travel agents (Thomas Cook/Cox and Kings) a kan thleng hi Forex nen chuan hriat pawlh loh tur a nia, heng hi chu Foreign Currency Exchange an nia, an in ang lo. Indian Rupee leh Myanmar Kyat te Tiau a thleng pawh hi Foreign Currency Exchange an ni.
Forex Market a thu hman lar then khat te:
1. BID/ASK: Forex market ah chuan Currency hi pair zel a trade a ni a, EURUSD/ USDJPY/ EURJPY/GBPUSD etc. Currency hmasa zawk hi Base currency ti a sawi a nia, a hnuhnung zawk hi Counter Currency tih a ni. Base Currency hi BID/ASK price chhut na ber ani. BID price hi EUR a USD kan lei na a nia, chutiang bawkin ASK price hi USD a EURO kan hralh lehna tur rate a ni. EURUSD ah hian EUR hi Base Currency a nia, USD hi Counter Currency . He thu ziah lai hian EURUSD chu 1.3366 ani. Eur 1 leh $ 1.33 a in tluk tihna ani.
2. PIP (Percentage Interest Point): Currency khat emaw pair a unit te ber sawi nan a hman ani . USD ah chuan 1 cent nen a in tluk. EURUSD hi 1.3366 atangin 1.3368 ah in sawn chho se la, 2 pip in a sang ti a sawi a ni. 1 pip = 0.0001 for EUR/USD, or 0.01 for USD/JPY
3. LOT: Transaction awm apianga Unit Size sawi na a ni. Standard Lot, Mini Lot leh Micro lot a then leh a ni. EURUSD ah chuan Standard lot 1.0 = $10, Mini Lot 0.1 = $1, Micro lot 0.01 = $0.10
4. Spread: Spread chu Bid Price leh Ask Price inthlauhna na ania, hei hi Broker in an commission lo lak ve thin a ni. A tlang pui thu in 2-5 Pips an la thin.
5. Trading Hours: Forex Market hi 24 hour market a nih avangin engtiklai pawhin trading hi a tih theih reng a, Saturday leh Sunday tih loh ah chuan. New York ah Market a in close hian Tokyo ah a in open ve leh nghal a, hemi vang hian 24 hours market a lo nih phah ta a ni. Trading Session ah chuan GMT (Greenwich Mean Time) hi hun enna ber a nia, Aizawl ah hian +5:30 GMT kan hmang. Trading hours te:
• London Session 8:00 AM to 5:00 PM GMT,
• New York Session 1:00 PM to 10:00 PM GMT
• Tokyo Session Midnight to 9:00 AM GMT
• Sydney Session 10:00 PM to 7:00 AM GMT
6. Broker: Broker ho hi chi hrang hlawm lian tak in an in thliar hrang leh a, ECN (Electronic Communications Network), MM (Market maker) leh IB (Institutional Bank). Broker hi thlan fimkhur an ngai hle mai, khawi ram mahin Forex Broker tan hian dan leh dun a zam theih loh avangin thlan fimkhur a ngai hle. Thlan sual chuan pawisa kan chiahpuam a ni mai. Broker hi ram tinah an in zarpharh a; USA, UK, Norway, Japan, Russia, Australia, Cyprus, New Zealand, Kuwait, Ukraine, UAE etc Forex scam pawh Broker atang hian a om thei a ni. Mahse hemi karah hian Broker rintlak tak tak poh an awm. Forex trade dawn chuan sum tam tak neih hran a ngai a lo, broker in a minimum amount an tih zat atang in a trade mai theih a ni. Broker then khat chuan USD $1 – $100 atangin trade an phal ani.
Currency Pair trade theih hi broker in an phal zat a zir a ni mai a, a tlangpuithu in currency pair 30 vel a ni thin, hei bak ah hian Commodities (Gold/Silver/Oil) ho ah a trade tel theih bawk. Gold & Silver market poh hi Currency pair ang tho a BID/ASK price nei an nia. Inchei nan a kan hman ang Gold zuk lei ni lo hian, Forex market ah chuan Currency pair angin a lo tel ve thin ani. Currency pair ah hian Fully Convertible Currency ho hi a ni tlang pui a, tah chuan Indian Rupee pawh hi a la tel ve lo a ni (Mahse Indian Rupee hi Fully Convertible ah telh an tum hnai tih thawm te pawh a awm). Myanmar Kyat phei chu a tel lo leh zual. Ram economy hniam lutuk Pawisa hi Forex market ah chuan pawm a ni lo tawp. Broker then khat ah phei chuan, Trader tur Nationality a zir in Live account hawn phal lo te pawh an awm! Currency Pair trade theih lang sar zual te chu:
EUR: Euro
USD: US Dollar
GBP: British Pound
JPY: Japanese Yen
CHF: Swiss Franc
AUD: Australian Dollar
CAD: Canadian Dollar
NZD: New Zealand Dollar
Forex Market a zuk trade dawn a thil ngai te:
1. Computer: Configuration sang a ngai lem lo, Minimum requirement ah chuan 256 mb DDR Ram, 40 GB HDD, 900 Mhz CPU (Intel Celeron), Intel 845 Chipset motherboard, Windows XP vel tal chu ni thei sela a tawk mai.
2. Internet Connection: Internet connection chak tak a ngai hran lem lo, mahse 24 hours market ah zuk trade ve tur a nih avangin, connection rintlak a ngai a, Server down ngun deuh hi a pawi duh khawp mai. Dial up Connection atang ringawt pon a trade theih a ni. GPRS hmang pawhin a trade theih tho, mahse Windows OS based mobile (PDA phone) hman a ngai thung.
3. Bank Account: Broker hnenah hian Pawisa thawn leh dawn nan hian Bank Account neih ngei angai a, a nih loh chuan Broker pangai deuh ah Live account a hon theih loh thin. Broker ah Live account hawn hnu hian SWIFT code min ron hrilh ang a, tah chuan Bank kal tlang in pawisa kha zuk thawn tawh mai tur a ni. A tlang pui thu in USD hi hman thin a ni. Broker thenkhat EURO accept thei an om zeuh zeuh bawk. Credit card nei tan chuan tlem in broker in kan pawisa thawn an lo hmu hma ringawt a ni mai, Credit card hman vangin commission pek extra a ngai fo. RBI in kum khata Pawisa thawnchhuah a phal zat chu USD $100000 thleng a ni. (RBI Annual Policy Statement for the Year 2007-2008, Point 137, Page No 45)
4. PAN Card (Permanent Account No): PAN card hi Bank atanga pawisa thawn chhuah dawn chauh in a ngai a, chu pawh kan bank account neih na ten an demand chauh in a ngai, chutiang a nih lem loh chuan broker lamah tangkai na a om lem lo. Credit Card a remittance ti tan phei chuan PAN card a ngai miah lo.
5. Passport/Telephone Bill/ Electrcity Bill: Heng ho hi keimahni min identify tu atan a ngai thin a. Passport hi duh thusam ani, Computer scan image zuk email in a tawk mai.
6. Trading Platform: Trading platform hi Software a ni a, broker te website ah download turin a awm mai thin, an software download hnu chuan Forex market zuk li luh na tur hmanrua chu lo keng tel nghal deuh vek mai a ni. Mahse broker then khat chuan download ngai lovin online platform nei nghal mai an om bawk. Online platform hmang ho that ve na chu Cyber café atangin eng browser poh (Internet Explorer/Netscape/Firefox) hmang ila a trade nghal mai theih a ni, anni ho hian Java an hmang tlangpui. Mobile based platform a om leh a, hei hi chu mobile atanga hman mai theih ani. GPRS connection a ngai a. CELLONE GPRS poh hi a hman ve tlak, mahse handset ah Windows based mobile a ngai, O2/imate/HTC/HP/Asus etc
Engtin chiah nge Forex market ah hian an trading thin tih tlem han sawi leh i la. Registration tih zoh vek hnu ah Broker ho in account no, password, SWIFT code, Broker Bank Account no leh server IP min ron hrilh anga, chumi hnu chuan trading platform ah khan kan login anga, tichuan helai ram kilkhawr te tak te atangin internet hmangin khawvel a financial market lian ber ah kan zuk trade ve thei dawn ta a ni. Tuifinriat a tui farkhat zuk thlak ve zeuh ang kan nih ber mai chu.
Forex market price hmathlir dan pawimawh tak chi hnih a awm a:
Fundamental Analysis:
Hei hi MacroEconomic factor in a Currency a tih dang lam dan hmathlir a zuk trade na a ni. Inflation, Unemployment leh Industrial Production te hi en ber an ni tlang pui. Factor pawimawh zual bik te chu:
(i) Interest Rates: Engram pawh an central bank in lending interest rates te lo ti danglam ta sela, hei hian Currency value a ti danglam nasa thin hle a ni
(ii) Employment: Unemployment rate hi ram economy tehfung tha tak a ni a, unemployment nasat na ram currency chu a hniam thin a ni
(iii) Geopolitical Events: Politics inlumlet nasa tak a awm hian Foreign Exchange Market mai bakah market dang pawh a ti che nasa hle thin. Eg Obama an thlan tlin hlim khan EURUSD chu 100 PIP vel in a che a ni
Economic news hi lo thlir a pawimawh hle mai a, heng news avang hian Currency pair hi 100 -150 PIP velin an danglam phah thin. Economic news item pawimawh zual te:
• Trade Balance, Import Prices m/m
• Nonfarm Employment Change
• Producer Price Index m/m, PPI excl. Food and Energy m/m
• Durable Goods Orders
• Gross Domestic Product q/q (p), GDP Deflator q/q (p)
• Nonfarm Productivity q/q
• Retail Sales m/m, Retail Sales excl. Autos m/m
• FOMC Interest Rate Statement
Fundamental Analysis hi currency pair, Long term Trend lo hmathlir nan leh hril lawk nan a tangkai hle a ni.
Technical Analysis:
Hei hi chu Forex market price movement chart hmanga lo zirna leh future price awm dan tur lo hriat lawk theih na a ni ber mai. Technical Analysis ah hian factor 2 atanga zir thin a ni a, Price leh volume.
Technical Analysis hmanraw pawimawh zual then khat te
1. Chart: Chart hmang hian Price movement hi thlir thin a nia. Chart hman thin te chu Candlestick Chart, Bar Chart leh Line Chart. Japanese Candlestick hi hman uar ber a ni.
2. Indicators: Price movement ennan a hman vek an nia, chung zinga hman lar deuh te chu Moving Averages, RSI, Stochastics, MACD, Bollinger Bands, Parabolic SAR.
3. Support and Resistance: Price san ber lai leh hniam ber lai, ngaihruat na hmang line rin na a nia. A san tawp leh a hniam tawp ngaihruat nan a hman ber a ni.
4. Fibonacci Retracements: Italian Mathematician lar Leonardo Fibonaci hmuh chhuah Fibonacci numbers beh chhan a market om dan tur lo chhut na a ni. A dik duh khawp mai.
Tlangkawmna:
Forex hi a thiam tan chuan consistence income neihna tha deuh a nia, Professional trader ho phei chuan hna dang thawk miah loin Forex hi an buaipui a ni. Tunthleng a Speculative market vanga hlawhtling ber a ngaih chu George Soros a la ni e, karkhat chhung vel lek in Pound hralhna ah $1.1 billion a hlep hman a ni. A pun dan hi a san ber laia chhut chuan Chiahpuam pung aiin a tha zawk daih. A leh lam zawng ve thung chuan sum hlauh na awlsam lutuk a ni ve thung. 95% in an hlawhchham a, 4 % in income pangai tak hmuh nan an hmang a, 1% chiah in an dinchhuah pui a ni. Tuichilh leh chhiarpeih a ngai a, ngaihtuahna tam zawk sen ngaih na a ni a, chutiang tan lo chuan luhchilh chi a ni lo e.
Forex Chart
http://www.dailyfx.com/charts/Chart.html (Chart kha detach la chuan full screen ah dah lehin a lan dantur ang takin a rawn lang ang)
Forex Broker
http://www.compareforexbrokers.com/
Similar Posts:
- ATM hmangtute tana fimkhur a tulna
- Mizo Freelancer te tan Paypal hi
- Credit Card vs Debit Card
- Chiahpuam changkang
- Mizo te leh Investment!
May 9th, 2009 at 7:10 pm
Bengvar thlak khawp mai.
[Report abuse]
May 9th, 2009 at 7:37 pm
Too risky
[Report abuse]
May 9th, 2009 at 7:41 pm
Forex hi mizo tam tak te hian tui chilh in luhchilh tak2 ila chuan mizoram economy pawh hian nasa takin hma a sawn phah ngei ang… A ngaihnawm in a bengvarthlak khawp mai.
[Report abuse]
May 9th, 2009 at 7:55 pm
Thangthar mithiam ten Forex trading hi chu tih chi a ni. Sum neih tren trawn a ngai ang le
[Report abuse]
May 9th, 2009 at 8:11 pm
Trade, Professional ho tan a tih chi khawp ti lo zawng i Lost tawh chuan, in chhir in awmzia a awmpui hoh lo ang le.Gambling anga tihchi mai ah ka ngai sum neideuh tan chuan Lost pawn pawitham em em lo ti tan a tih chi tak khawp asin!..
[Report abuse]
May 9th, 2009 at 10:31 pm
Ngaihnawm hle mai , bengvar thlak , zo fate hian luhchilh teh u , hausa ula , zoram ah te hian invest leh ula , Sorkar ngai lo hian min siam teh u
[Report abuse]
May 9th, 2009 at 11:42 pm
Bengvar thlak khop mai…mahse luhchilh tur tak2 cuan inchhiar peih gai khop ang….hetiang lam hi ron post belh zel teh u…a ngaihnawm e…
[Report abuse]
May 10th, 2009 at 6:23 am
Forex broker ho zawng zawng hian Demo account an siam vek a, tah chuan Virtual money in trading hi a in practice theih a ni. Mahni pawisa 10 paisa pawh sen ngai lo, eee!!! BSNL internet connection charge Rs 250 per month kha chhut tel chuan Rs 250/- sen ngai leh si, mahse hei hi chu in practice lo pawn kan hmang ral tho, Rs 250 atanga 10% vel hman ngai ah ngai phawt ang Rs 25/-, chuan thla khat ah Rs 25 vel chu in practice nan sen ngai dawn nih ber chu. Demo a practice fe hnu ah, $25 (Rs 1230) bawr vel atangin Mini Live account a hawn theih ta. Hei hi afford lo tan chuan luh chilh reng reng loh chi. Mahse Rs 1230/- hmang hian Forex trader ho chuan thla khat bike petrol man tur vel chu an tum tir ve reng thin a ni awm e.
Professional trader ho in an sawi thin tlangpui hi in ngaihdan a ni ve em? i thlir ho chhin ang u:
Forex chu 90% speculative market a nia, tah chuan charting technique a pawimawh overbawn tawp an ti. Charting hi man tawh chuan normal market condition ah 70-80% a forecast theih an ti nia!!!
“Charting is a sciece” “Technical Analysis is a science” te an ti bawk a “The chart never lies” te an ti. Mahse tools hman thin an lo nei reng lawm le.
heng ho te hi an nia
1. Japanese Candlestick Charting
2. Candle formation (Doji/ Shooting Star/ hanging Man/ Bearish/bullish engulfing pattern/ Harami/ Morning star/ Evening star etc)
3. Chart Pattern (Wedges/Channel/Head and shoulder/ Flag/Double top/Double bottom etc)
4. Fibonacci retracement,
5. Elliot wave Theory
6. Pivot point,
7. Support and Resistance,
8. Moving average (Simple and Exponential)
10. Gartley Pattern,
11. Murray math
12. Oscilator
(i) RSI
(ii) Stochastic
(iii) William Percentage
(iv) CCI etc
A dang pawh a la tam lutuk
leh an ngaih pawimawh em em mai chu “STOP LOSSS”
Stop loss chu Rs 100 in trade ta se, rin loh lamah market kal ta thut se la Rs 100 kha Rs 90 ah a tla thla ta a, tah chuan stop loss chu a tangkai hle a nih hmel.Chuan Rs 100 loss loin Rs 10 chiah loss dawn ta nih chu.
Risk reward ratio hi an ngai pawimawh khawp mai, 1:2 or 1:3. A awm zia chu Rs 10 a trade chuan Rs 20 tal hlep tum tur, hlep theih loh pawn Rs 10 bak loss duh loh tur an tih na ang deuh a ni. Anih chuan Emotion control, discipline, patience leh Money management te pawh a pawimawh tel dawn niang. technical analysis hriat hnu pawh in la luh chilh mai chi loh an la ti ta cheu, in practice tur an ti. Enge in ngaih dan ni ta le? Gambling emaw martingle System http://en.wikipedia.org/wiki/M.....ng_system) an tih hi Forex stragtegies hrang2 han en hian an hmang ngai miah lo mai ah, gambling chu a ni chiah lo niang. Chhiar tu ngaih dan ah innghat tawh mai teh se
[Report abuse]
May 10th, 2009 at 6:54 am
@maawma Forward Trading an tihdan te Commodity trading te pawh han thram tel law law teh
[Report abuse]
May 10th, 2009 at 6:57 am
Ni e, Gambling nen chuan dang e, Profit leh Lost ah khan Gamling nen ka han Compare mai mai ania. Rish huai huai tan chuan a chie, Kum thum ka ti tawha tun ah chuan Autotrading ah account ka hawng daih. Hun in mi a pe ta lo!, Hman deuh ho tan leh Ei jonna a tan hmang tak tak thei tur in in zirpaih mi tan a tih chi ngawt asin.
http://www.forex.com ah hian Free practice account $50000 in a practice theih reng ania.
[Report abuse]
May 10th, 2009 at 7:27 am
Spikey leh Aryan te hi in va reh ve. maawma sawi bak belh tur chuan nangni te Ditto te Lily te kan va ngai che u ve le
[Report abuse]
May 10th, 2009 at 8:35 am
i’m not a forex trader so i dont really know what more to contribute, im an equity trader
and i don’t do derivatives (except Options which we are offered every now and again by corporations when they are issuing new shares).
[Report abuse]
May 10th, 2009 at 12:45 pm
@Mzvision: Commodities a an invest na langsar zual te chu Energy, Metals Livestock & Meat. http://money.cnn.com/data/commodities/ Tahchuan Metal hi a lar ber te a ni. Metal bik ah chuan gold leh silver hi an uar zual bik. Gold bar emaw ornaments lei lam a ni lo (Ngun Zungbun, bengbeh etc). Nimin market close khan 1 ounce chu $914 in an close. 1 ounce = 28.3495231 grams. Commodities ah invest dawn chuan Broker kal tlang thovin a nia, Forex broker ho hian an trading platform ah hian currency pair ang chiah in Gold/Silver/Platinum buy/sell na an lo dah tel mai thin.
Tips: USA a Gold market a hniam emaw a san apiang in India Gold market a rawn effect nghal zel ani. NSE (National Stock exchange) ah hian ETF (Exchange traded Fund) hi hmanni khan india ah pawh an rawn tan tawh a, tah chuan UTI Gold ETF hi NSE ah chuan a lo invest ve theih ani. Hei hi Demat account hmangin mahni inlum atangin a lo buy ve mai theih. ETF hi company dang pawhin an nei tho va Gold kha thlan tur a nia. NSE a ETF hi commodities market a invest na ni loving ETF Gold bik hi USA a Commodities Gold market chet hnu deuh ah a che ve thin tihna ani. USA Gold market price kha indicator tha lutuk tih na ni mai,
Hei hi NSE ah UTI ho ETF Gold scrip name a ni e
UTI Gold ETF GOLDSHARE
[Report abuse]
May 10th, 2009 at 1:18 pm
@maawma Commodity Trading hi Share Market te, Forex te ang tho-in zir tham a ni. Commodity leh Share Market a holding hi STOCK an ti ve ve.
Ginger, Chllies, Pepper,Crude Oil ,Turmeric ,Sugar,Copper ,Pepper .Refined Soy Oil .Jeera .Cotton,Sugar ,Copper, Gold Platinum etc hi India ramah a trade ve theih. Heihi a taka phur luk luk a hralh lam a ni lo, Online Auction a Buy leh Sale a ni.
National Commodity and Derivatives Exchange (NCDEX) 2008 a tan tihte leh Multi Commodity Exchange (MCX) India hi 2003 a tan a ni tih te pawh hi hrechiang tu i ni ang.
Miram NY leh Spore ah te chuan an tihna a rei tawh hle. Keini Insurance Unit-link leh Mutual Fund Advisor pawh kan la nei mumal si lo. Heng te hi nang miril deuh tunlai thluak hian min han hrilh belh teh i hriat tak mial in.
A taka an trade na hmun pakhat Hang Sheng Building Singapore ah karkhat chu ka han thlir ve tawh asin kum 1996 khan.
[Report abuse]
May 10th, 2009 at 1:45 pm
@mzvision
Forex hria chuan Forex bak (Commodity, Equity, F&O) a hriat theih tak2 loh. angaihna a omlo. Chutiang zelin adang i hriat chuan a hriat vek theih loh tluk a ni. Practise lem lova a theory ringot-a chhiar/zir tan chuan thuhran.
A trade dan theory/technique
Fibonacci retracement,
Elliot wave Theory
Pivot point,
hemi te 3 ringot hre bel tur pawn a kum fe i practise angai ang.
Kan damchhung hun hian adaih mawlh love tih ang vel a ni
Forex chu ka bo hlawm hlak keizong, ka interest lo hlom hlak bawk. hehe
Equity & Arbitrage Trading bak hriat ka neilo. Commodity phei hi chu Commodity Future lei an khap zuk2 ze leh nghal a tih chi vak pawn ka hre ve lo. Hmanni a man san vak lai khan Future & Option a lei/hralh ho khan an hlokpui ltka, aman an tihsan belh nasa bawk sia Hamaradesh Sawrkar khan a khap daih.
[Report abuse]
May 10th, 2009 at 2:14 pm
A va bengvarthlak em! A taktakin kan tangkaipui ve kher lovang a, mahse, thil nihphung tam tak kan lo hriatthiam phah ve a, a hlawk reng reng e. Kan hriat loh thil a tamzia han hriat ringawt pawh hian ‘Intellectual humility’ min pe thin a, ‘Intellectual modesty’ kan neih phah a, hriat lohzia hriatna khan mawina thuruk min pe thin a lo ni. Thanks Maawma!
[Report abuse]
May 10th, 2009 at 2:21 pm
@ Mizvision: Lily Parmawia sawi khi dik chiah, Finance Market chu a zau lutuk a, hriat vek sen pawh ni lo, mahse mahni mamawh khawp kha hriat chuan tawk mai lom. Commodities ah chuan kha bak hriat ka nei lo, mahse Gold man tlak leh chu nghak mek. US a gold market leh ETF Gold hi chu a in link chiang lutuk
@ Lily_Parmawia: India Stock market vawikhat swing nghah tur chuan a tlem berah kum 1-2 vel tal a ngai, Upat hnuah chuan luhchilh chi loh reng reng, stock market din chhuah pui tham khawp a luh chilh hi chu an tar bawih zel. Forex ah hian vawi khat swing hi 3-4 months vel a ni hman, a rang deuh hlek, leh Fibo, EW, Pivot etc vel hi Forex ah chuan thlakhat chhung hian a thleng ve hman thin, mahse charting practice chhung a rei bawn raps. Kum 60+ velah chuan khawih tum lo rengs. Hei pawh hi Money Management nena chet chuan a hlawk tam thei lo, mahse nitin thingpui inna tur te a lo tum ve kha a tha a. Bakah Experience tan te a tha a, buaipui tur te a awmphah a, a subject hi a nuam ve hrim hrim
[Report abuse]
May 10th, 2009 at 2:37 pm
Ka Lawme kei tu-mawng-beng hian thrantharte kan cho phawk vel cheu ania – nangni ang hi kan va la mamawh hnem em
[Report abuse]
May 10th, 2009 at 3:06 pm
Eng Financial market ah pawh thil in ang awm chu: Speculative market an nihna ang ngei in Buyer(Bull) leh Seller (Bear) hi chu an in tawm tlang vek a, tah chuan Charting or technical Analyze hi a rawn khai khawm tu chu a ni. Hemi tak hi a nia Market Psychology pawh hi an sawi cham chi reng ni. Weak Bear candle, weak Bull candle etc Technical Analyze a market thlir chuan Japanese Candlestick hi an hmang tlang dial dial zel. “Open High Low Close” hi chu an in ang tlang vek a ni. Charting chu “easy to understand difficult to master” an tia lawm.
[Report abuse]
May 10th, 2009 at 4:25 pm
[...] See the rest here: Forex Market | mi(sual).com [...]
[Report abuse]
May 10th, 2009 at 4:38 pm
Mizo te sumdawnna hmasa ber chu Spices hi a ni. A bikin Vaihmarchate in bul kan tran. Kan pi leh pu te khan an hmarcha thar rep kha Hringchar-ah an phur thl an zu hralh thrin. Tunah hemi U awrh chiah kan la thleng. International a Spices rate leh New York Commodity trade na hmunpui pulse avanga aman tlahniam a pung thrin anih hriat tum kan awm lo. Bakah Spices an auction a an trade dan practice lah kan awm hek lo.
Cochin ah India rama sawhthing , aieng, hmarcha etc etc hi a man san leh san loh intran a ni thrin. Spices Board India hi zir tham ania http://www.indianspices.com/ A tui zual chu Cochin ah kal mai tur. Juda hovin 14 Century vel atranga an lo tihpui tawh khan tunah chuan Cardamom ah phei chuan e-Auction an ti der tawh
[Report abuse]
May 10th, 2009 at 4:49 pm
@mzvision
Kan sawrkar ah ber in nghah-na a om toh si lova, sum hmuhna dang leh ei bar hmuhna tur dang kan zawn angai toh a ni e. kan duh emaw duhlo emaw min la nang chin don chiang mai si a, tuna kan nu leh pa te ei hmuhna(sawrkar hna) hian tawp chin ala nei don si a, chutih hun ah chuan tuna inla changkang tak2 leh ka thei tak emaw inti te hian an la indap kuak chu angai tho tho don.
I ngaihdan hriat ka chak khop mai hemi chungchang ah hian.
[Report abuse]
May 10th, 2009 at 4:56 pm
Kan hmabak chu intichangkang taka tam thut a ni mai,
[Report abuse]
May 10th, 2009 at 5:05 pm
@Lily Politik-cian sawi pakhat min ti hrechhuak – Thil hi kan la dap tlem em a beidawng kan la tlem bawk sia intodelh hi chu a la har khop ang a ti nia. Ani chu a tum a hlohtling Minister ni tawh tunah Ex-Minister inti ngat mawle
Ka Thusawi ve http://www.misual.com/2009/05/02/ka-thusawi-ve/ khan ka thawi deuh em kha. Globalization hian min luhchilh dawn. Media chuan min luhchilh der. Global work-force zinga thawk poh India ramah kan tran ta Tribal Qouta lovin
mahse a % zawng chuan 1% Mizo work force pawh an la ni si lo. Sawrkar hna awm zel hi Kan ram HMELMA ania, hei hian kan competitiveness a tichhia. Ka fate hi pakhat mah sawrkar hna inthawk lovang ka tia, an la thawk rih lo chu ania. Ka thu nise GoM hian a theih apiang hi OUTSOURCE sela product hrang hrang ah thren ila. Huiham MI nei mai ang u. Delhi ah i awm niin ka hria i IP add atrangin, ka lo zinah kan inkawm dawn nia. Google talk or Yahoo Msgr ah off-line kan indah zeuh2 anga
[Report abuse]
May 10th, 2009 at 5:14 pm
Nie.. kan la inkom ang chu, inlak atang hian inzir tur kan la ngah nasa ania.. ka gtalk chu mawia.mizo@gmail ah maw. mahse mail chu inthon lo ah, ka contract notes leh doc poimoh receive nan-a ka tih ania,
a space hi ka ui zual.
[Report abuse]
May 10th, 2009 at 5:44 pm
[...] Forex Market | mi(sual).com [...]
[Report abuse]
May 10th, 2009 at 8:05 pm
maawma says: “Kan hmabak chu intichangkang taka tam thut a ni mai”
Kawr chhe tak ha cunga tam ai chuan designer suit ha chunga tam (starving) chu a ziawm deuh tihna aniang chu maw,
[Report abuse]
May 10th, 2009 at 8:25 pm
Pathian thu lam daih a tangin kan risk teh ang…Kan ram riang te kan ti a,thawh chhuah kan nei lo kan ti bawk a,duhthawh na lam ani zel ang chu!kan ram rethei tak hi Pathian RIN tlat na avang hian kan state pawn atang leh Foreign a tang te in mi riltam ten pur chawk nan an rawn hmang mek a, eitur an hmu zel.Kan ram a tang hian riltam vang leh retheih vangin khawi state nge kan pan tak kan hre lo mai thei!!Pathian khawngaih na vangin Malsawmna state kan ni tih hi ka rin dan mai nilovin mitamtak rindan a ni e.
[Report abuse]
May 11th, 2009 at 12:06 am
[...] Forex Market | mi(sual).com [...]
[Report abuse]
May 11th, 2009 at 12:13 am
[...] Forex Market | mi(sual).com [...]
[Report abuse]
May 11th, 2009 at 12:38 am
[...] Go here to read the rest: Forex Market | mi(sual).com [...]
[Report abuse]
May 11th, 2009 at 6:51 am
# 20 / 26 / 29 / 30 / 31 ang chi hi chu SPAM a lut awm an ni. Mahse keini comment hi a lut zauh thrin lawi si enfiah a va thra ve
[Report abuse]
May 11th, 2009 at 8:04 am
[...] Forex Market | mi(sual).com [...]
[Report abuse]
May 11th, 2009 at 6:47 pm
spam bakah rawn in comment double a awm nual mai, delete a ngaih kha a rawn in comment nawn tlat
[Report abuse]
May 11th, 2009 at 6:50 pm
@admin: comment rawn awm nawn hi va delete deuh ve
[Report abuse]
May 11th, 2009 at 7:06 pm
@admin: Comment # 13,14,15,16 hi min lo delete sak teh khawngaih in hei a rawn lang nawn teuh mai
[Report abuse]
May 11th, 2009 at 7:07 pm
@mzvision: min lo hrethiam lok mai, rawn lang nawn teuh va
[Report abuse]
May 11th, 2009 at 8:16 pm
delete tawh e.
[Report abuse]
May 15th, 2009 at 10:48 pm
[...] Forex Market | mi(sual).com [...]
[Report abuse]
May 15th, 2009 at 10:49 pm
[...] Forex Market | mi(sual).com [...]
[Report abuse]
May 17th, 2009 at 6:45 am
[...] Forex Market | mi(sual).com [...]
[Report abuse]
May 17th, 2009 at 6:46 am
[...] Forex Market | mi(sual).com [...]
[Report abuse]
May 17th, 2009 at 6:46 am
[...] Forex Market | mi(sual).com [...]
[Report abuse]
May 17th, 2009 at 6:47 am
[...] Forex Market | mi(sual).com [...]
[Report abuse]
May 17th, 2009 at 6:49 am
[...] Forex Market | mi(sual).com [...]
[Report abuse]
May 17th, 2009 at 6:49 am
[...] Forex Market | mi(sual).com [...]
[Report abuse]
May 17th, 2009 at 4:46 pm
[...] Forex Market | mi(sual).com [...]
[Report abuse]
July 15th, 2009 at 11:25 pm
[...] post: Forex Market | mi(sual).com Filed under: Uncategorized No Comments Comments (0) Trackbacks (0) ( subscribe to comments [...]
[Report abuse]
January 18th, 2010 at 10:19 am
nice, any way Forex should have source for forex brokers, robot forex trading, forex signal and forex strategy.
more http://www.forextradingsystems.biz
[Report abuse]