Lawmna kim

April 29th, 2009 7:30 pm by funny™

Ka zin tur insiam velin ka article pakhat ka haichhuak nawlh mai a ka rawn post nghal ani e.

Vanneihna kan nuna alo thlen chang hi chuan nun hi a nuam kan han ti viau thin a, vanduaina vethung alo thlen hi chuan hlim hmel put ringawt pawh hi har kan ti hle thin. Thinrimna nen a’n inpawlh leh lek phei hi chuan a sawhkhawk chu nasa tak ani. Hetianga mihring nun chipchiar tak, hlimna te, lungngaihna te, thinrimna te nena han in chingchivet kual vel karah hian lungngaih tuarlova thi erawh sawi tur an vang hle ang. Chutianga tumahin thih chan ah pawh an ziah ngai lemloh, nimahsela thenkhat in intihhlum phah nan te, thilsual tih phahnan te a kanlo hman lawisi, lungngaihna leh a chhehvel ho hi kan Pa van ami khian min hmangaih viau e tilovin kan tuar a phal tlat si ani.

Mihring mize hrang hrang zingah engkima lawmzel thei hi chu an tamlo hle a, lawmna famkim phei chu Pathian atang chauhlo chuan mihring tan neih rual anilo. Pathian mi diktak te tan erawh chuan lungaihna te hi Pathian an mamawh zia hriattir tura an ‘chaklohna‘ ah changin, an neih leh thil tawn engkimah lawmthu an sawi zawk thin. Chuvangin mi thenkhat in ‘vanduaina‘ a kan ruat hi rinna a awmte tan chuan ‘lawmna’ ah alo chang thin ani. Pathian hnaih lehzual phahnan an hmang hlauh thin a, chu chu Pathian duhzawng tak leh a thiltum ani si a. ‘Rinna a awm’ han tih hian, va thlarau mi ta viau anga in hmuam up tak viau lam kha a kawk lova, Dan lam kawnga thi tawh a, rinna a Piangthar te tan chuan awmdan pangngai ani.

Engti zawng chuan nge lawm zel chu kan tum tak ang?

Lungawi leh lawm hi tum hranpa vak angailova, lawm thruai mai tur ani( Pa takin :D ). Tirhkoh Paula’n “keizawng eng ang pawhin awm mahila lungawi zel ka ching tawh si a” alo tih angin Rinna a kan awm chuan, kan chuangah engpawh lo thleng se, mosian thlalera dar rul a khaikanga, a en apiang an dam ang khan, Pathian lam kan en tlat anga, kan tum vang leh fel vang lam ni tawhlo in lungawina leh lawmna kan hmu zel dawn alo ni. Engkim chua n, Hmuhsitna te, Mualphona te, Exam a fail na te, Thihna te thlengin a huam vek tih hriat a pawimawh hle.

Phil 4:4-7

Lalpaah chuan lawm fo rawh u: ka ti lehpek thin ang, lawm rawh u, in dawhtheih zia mi zawng zawng hriat ni rawhse. Lalpa chu a hnai e. Engahmah mangang suh u; Engkimah tawngtai leh dil in, lawmthu hrilh tel selin, in duhnate chu Pathian hnenah hriattir in awm zawk rawhse. Tichuan Pathian thlamuanna, rilru reng renga hriat sen loh khan, in thinlung leh in ngaihtuahna techu Krista Isua ah chuan a vensak ang che u.

.

Similar Posts:

Recent Posts:

11 Responses to “Lawmna kim”

  1. 1
    Irreplaceable Says:

    Mi hlimthei tak leh lawmthiam tak nih hi a pawimawh ka ti ve thlawt. Engkima lawm zel thei mi leh thil a thim zawng nilo, a var zawng leh hlimawm zawnga thlir thiam zel mi hi khawvela mi awhawm berte zinga mi an ni.

    Kan thinrimna chhan te, kan lungawilohna chhan te hi ngaihtuah chian chuan a lo chuti tehvak lem lo fo thin,kan hlimna min laksak thintu hi kan phal chin chinah a lianin a te mai alo ni. Traffic jam avanga thinrim ringawt te, midangte kan duhdan anga an awmloh avanga lo tum ve ringawt te, kan ngaihdan min tawmpui loh avanga thinrim deuh roh te,auto/cab driver phakar avanga mood tih chhiat ve ngawt te hi ngaihtuah chian hian keimahin ka nui leh vur vur thin! :)

    Report this comment

  2. 2
    Fonzcsailo Says:

    hlim reng hi a har mai poh a

    Report this comment

  3. 3
    wonderboy Says:

    Great post!!

    Hash/grass zuk hian hlim chu a awl khawp mai, a rei lo my poh a!! :D

    Report this comment

  4. 4
    Darius Says:

    Lawm hun leh ngui hun a awm. Mahse thil reng reng a eng lam zawnga thlir thiam a, inti hlim chawp thei mi hi chu vannei tak an ni.Mihring chu kan in ang chuanglo nang a, hlimloh chang nei thei theuh kan ni, kan chunga thil thleng a zira hlim theih zel hi a lo tha ber mai.

    Report this comment

  5. 5
    Fonzcsailo Says:

    tirkoh pawla a soi lang bawk a, tirkoh pawla kha kawm a nawm ka ring ani, kawm ka chak ngawt mai, trawngkam a thiam hmel si…..lolzz…….a escapade te han soi se…..heheh ….ngaihnawm viau ka ring ani..lolz

    Report this comment

  6. 6
    chawnghilh Says:

    Mangan nachang ka hre mai thin lo hi ka mangang!

    Report this comment

  7. 7
    chawnghilh Says:

    @funny : Bon Voyage! Be back soon.

    Report this comment

  8. 8
    Calvin Says:

    Lalpa a lawm fo thin hi a tha in atluk a awmlo reng a ni

    Report this comment

  9. 9
    XaiA Says:

    Hla siamtu chuan Lawmna kim chu rawngbawlna hi ani,a lo ti a.Engkimah tawngtai leh dilin….. atia,kanduhna te kan kawl tir khan kan dil min pe dawn tur ah kan ngai thin,mahse kan thinlung leh ngaihtuahna Krista Isua ah min ven sak dawn zawk a lo ni a,Krista Isua a ven sak a kan awm miau chuan kan dil kan hmuh leh hmuh loh lam a ni tawh lova,Engkim mai hi a lo thra vek e,miin a lo ti thei thin zawk ani.

    Report this comment

  10. 10
    Asteric Says:

    He thu hi alo tha ngei mai…..a post chhuah tlai khawhnuah ka chhiara a thu hi thu thar ala ni reng e. Ka mamawh tak ka va hai chhuah chu. Hlim teh ang :-D :-D :-D

    Report this comment

  11. 11
    CFL Says:

    Chhiar a nuam dap dap kher asin post tupa. Hetiang ziak thiamte chuan a dang pawh rawn ti leh thin la maw le. (I)

    Report this comment