Zo Thlifim leh NLUP

March 31st, 2009 9:31 pm by AmiGo VLR Hnamte

Fire Department chhinchhiah dan chuan kum 2006 kha kangmei chhuah tam ber kum a ni a, tum 130 chuang, kangmei chhuak tia sawi tham a thleng an ti. Kuminah hian April kan chuang kai chuahva, kangmei chhuak tia chhinchhiah tham tum 120 chuang Fire Department chuan an record der tawh a ni. Hei hian in leh lo bakah ramkang liantham te a huam vek a, mithiamte chhut dan chuan kumina ram kang hi Mizoram zauzawng teha za zela 10 a tling hialin an hria a ni.
Vanduai thlak takin kangmei chhuak avangin kumin hian nunna an chan an awm ta nual. Lo hal leh ram kang vanga meikhu chuan Mizoram boruak a ti chhe nasa hle a, ‘zo thlifim’ hip tur a awm ta meuh lo. Lo kan hal lai hian lo hal hmaa kan boruak hip let 20 velin boruak a bawlhhlawh niin Mizoram Pollution Control Board hruaitute chuan an sawi.

Department hrang hrang, a bik takin Agriculture,Horticulture, Minor Irrigation, Soil, Sericulture, Fisheries, Industries leh Rural Development Department te hian mahni seh seh mual hranah tiin, eizawnna ngialnghet siam tur in hei leh chen hi an bei tawh a, kumtin pawisa tam tak budget-ah an dah thin. Kan kalphung ngai ang bek bek hi chu kan chhiatpui zel zawk emaw tih tur a ni. Heng Deptt. te hi pheikhai rual takin, kuthnathawktute tan eizawnna ngialnghet siam tura an thawhho taka tak a ngai tawh a ni.

‘NLUP tha mi’ kan tihah pawh hian heng Deptt. te hi an inrawlh kim tho mai thei, nimahsela thawhhona tak tak, thawhtur chan insem chia he scheme hi kan kalpui loh chuan, NLUP hmasa aia danglamna a tam lo mai thei. Pawisa chu tamin, awm mah sela, a kalpui dan a dik tawk loh chuan a hlawhtling tawk lovang tih a hlauhawm a ni. Kawng kan dapna lamah ram tam tak kan ti chhe tawh a, dap leh zel turin a awm chhun chhun hi kan ti chhe leh dawn em ni ang ? Kan ram ngaw tlem la awmte hi chu tichhe tawh lo hram ila, rambua te pawh hi thing leh mau lo seilen nan veng him zui thei tawh ila duhthusam a ni.
Tuntum Budget session-ah khan NLUP atan cheng vbc 1000 bul tan nan ruahman a nih thu House hrilh a ni. Hemi hmang hian eizawnna ngialnghet kuthnathawktute’n an neih theih ngei beisei ila, chutichuan kan ram boruak leh leilung chhe mek hi thui tak kan veng him dawn a, a hlawhltinna erawhchu mipuite rinawmna leh taimaknaah a la inghat ta fan a ni.‘NLUP tha mi’ hian Zo thlifim a kokir zo dawn em tih leh a chelhding zo dawn em tih chu ngaihven hlawh tak a ni chho zel dawn a ni.

ZO THLIFIM LEH NLUP

.

Similar Posts:

Recent Posts:

24 Responses to “Zo Thlifim leh NLUP”

  1. 1
    lalmisualpa Says:

    Ram Za zela 10, tak tak ami. Ava kang nasa ve le. Jhooming cultivation hi chu(h)

    Report this comment

  2. 2
    lalmisualpa Says:

    Jhoom~ Jhum.

    Report this comment

  3. 3
    Kawlri Says:

    Kan Pi leh Pute hunah poh keini aia zau Lo annei a, ram a kang duai duai ngai hlei nem. Tunah a kang duai duai. A chhan :- 1. Loneitute kan in thlah dah. 2. Thuneituten dan omsa an lek koh tha tok lo. 3. Kangmei tihluihnaa tichhuaktu hremna a nep. 4. Silai nena ramvah ching kan la tam ltk/ Hnim chor no Sa in a tlan kah an duh vangin ram an hal lui thin…hengte ngat phei hi chu ngaihdam chi anni miah lo.

    Report this comment

  4. 4
    Maverick Says:

    A ai thra thlawt kan la hrelo chu anih ber hi.. Hetiang chung pawh hian threnkhat chu an tram lek lek reng ania.. tawngpawng hnualsuat ngawt chi pawh ani lo. Kan ramngaw kang te chu a uihawm ngei mai, mahse heng te hi mi threnkhat tan chuan an nupui fanau te chawm nan an hman ber te a la nia.. mahni chanah hian han indah ve ila…

    NLUP thra mi hian a tam zawk hi a chawikang zo angem tih hi beisei sang takin thlir phawt mai teh ang u’n.. :)

    A tir atrangin kan kal fuh tawh lova, a ler atranga siam thrat tum hi chu a harsa in hun chu a duh rei khawp ang le.. Tun Congress sorkar hian a siamthrat hna hi bul han tran teh se..

    Report this comment

  5. 5
    chawnghilh Says:

    Kangmeia nunna chan rau rauvah pawh ‘khua leh tui’ dik nih a lo pawimawhzia chu kan hre thei mai awm e. Kuthlei leh pawikhawihtute avangin mimirin nunna kan chan ta fo mai … an lainatawm hle.

    What burns never returns!

    Forest Department-in eng thu leh hla nge a chhakchhuah ve tak le? An Department hnaah engtia hmalak zel nge an la tum le? Hriat a va trul em! Mahse, kan inmawhchhiat kual chiam loh nan, tangruala kan ramngaw kan humhalh a ngai a ni. Ram neitute kan la awm alawm!

    Report this comment

  6. 6
    VaiVa Says:

    Fire Dept. hian ramkang zat chhinchhiah hna an thawk em ni? Nia, khawchhung kang mah thelh a buaithlak a nia. Khawpawn kang chu chhinchhiah tawp chi a nih dawn hi!
    NLUP zet hi chu aw!

    Report this comment

  7. 7
    caribou Says:

    A huge amount of Carbon dioxide lock-up in the plant biomass in the form of organic carbon compounds that is formed by carbon fixation during photosynthesis has been released into our atmosphere by forest fire.

    Report this comment

  8. 8
    Raltebengchhenx Says:

    Tunkum zet chu lohal in ram a ti chereu nasa hle mai. Mei kawng sial hi kumin hian an ngai pawimawh vak lo in k hre ve mai mai a. jhuming cultivation hi kan sawisel teh chawk a, nia ram a tichhe nasa mahse a thlakna tur a nawlpui loneitute chhawr theih tur a ngaihna hria kan la awm vak lo emaw ni.

    Report this comment

  9. 9
    lalmisualpa Says:

    #17 contd/- ….Leading to green house effect,Global warming and acid rain… Nia jhum cultivation hi chu thlak a chakawm. A thlak theihna hmun hmun ah hi chuan abolished hmak ka duh. Mi ram te hian engtin nge an tih bik? Northeast India lo hi Jhumming cultivation ti ngai an awm ve pawh ka hrelo

    Report this comment

  10. 10
    lalmisualpa Says:

    #17 ~ #7 :( my bad

    Report this comment

  11. 11
    lalmisualpa Says:

    #17 ~ #7 :( my bad…

    Report this comment

  12. 12
    Lily_parmawia Says:

    keichu thra ka tihve mai pakhat:

    Ninawm khopa thangduang duh thlai/hnim ho hi ahman tangkai dan zir ta zok mai ila. NLUP a hlohtling mai lawng maw.. athang duh lo2 hi kan ching tlat boksi a. :)

    Report this comment

  13. 13
    funny Says:

    lalmisualpa, NLUP chu ka rawn post e, chawnghilh teho khan an duh duh in han crotic teh se. hehehe, (critic tur zawnga ka ziak pheichu ani lova.hehe)

    Report this comment

  14. 14
    rily_ralte Says:

    NLUP scheme hi a tha a..mahse NLUP hmasa kha chuan eng kan nihpuui lo chu a ni a… Tun tum ami hi chu NLUP thami an ti leh a….a la that leh chuan loh chuan a lehpek ami chu engtin nge a hming an vuah tak ang..tih ka lo ngaihtuah ve mai mai a..kei mi mol hian….

    Report this comment

  15. 15
    Arch Says:

    Kang hi duh vanga tihkan a nih loh chuan a pawi thin hle reng a ni. Kumin chu ka rilruah kan lo ram kangin nasa takin thu a sawi. Ram kang/lo halin a ngawng tha lo tak tak sawi tur a awm nual mai – miin nunna an chan phah a, hriselna a khawih a, kan airport neihchhun lengpui atanga thlawk leh tum tur te kar fe fe a ti buai a, tin thildang te pawh sawi tur neuh neuh a awm. Khua a ro a, kangmei a chhuak hma a kangin boaruak a tichhiain a ti nawlhhlawh hle a, tunhnaiah ruah a tla tan ta deuh va khua tinuamin boruak a ti thiang leh ta deuh. Kangmei chungchangah hian kan fimkhur lehzual a ngai khawp mai, ram/lo mai bakah in leh lo kang a nasa hle mai, a pawi takzet. Tin kan ram lo neitu te ina an hman ber ‘jhumming’ hi chu a ai awh tur kan neih a hun ta takzet a ni. Tu huatthu suh ah – a tunlai tawh lo khawp mai;hei hi sawifiah dan kawng thui tak a awm ka sawi zui lovang. Mithiamte leh sawrkarna fawng chelhtuten a aia tha, hlawk zawk, him zawk ngaihtuah chhuah a, hman a hun ta khawp mai.

    Report this comment

  16. 16
    Zorunpuia Says:

    Heng zawng zawng titawp a, eizawnna dang nghiatnghet tak nei tur chuan POWER kan neih that hmasak a ngai. Hei hi NLUP aiin ngaih pawimawh hmasak ber tur a ni. Tuna LO hal leh LO neih vak tumna thinlung hi NLUP sum beiseina atanga lo chhuak a ni ve thawkhat bawk. Miin project a hminga eng emaw tal a neih loh chuan nuai khat dawn ngawt kha a theih hmel si loh. Chuvangin miin a tihtheih chhun chu Leipui emaw Lo emaw vah chiam a, eng emaw chin nana hman ve kha a ni.

    Hei leh chen hi Lo kan siam a, eng eng emaw kan ching, mahse intodelh sawi loh, kan ei khawp pawh kan thar mang lo a ni a. Sawhthing leh Iskut tih loh phei chu hralh tham tak tak pawh kan nei lawi lo a ni si a.

    LO neimi te tana pawimawh ber chu TUI a ni a. Tui hi fur lai lo chuan beisei theih pawh a ni leh bawk si lo. Mahse Fur lai chauha Buh leh Bal kan chin chuan kum khatah vawikhat chauh kan thar emaw a ni ang a, hlawkna tham a awm leh bawk si lo. CHuvangin kan Huan or Lo siam dan, kumtin ring thar nawr ang hi chuan ei leh in kan hmu dawn lo va. Chuvangin NLUP atana nuai khat hi dawng pawh ni ila, hmasawnna tham a nih loh chu thuhran, kan scheme hian hlawkna a nei pha tlat lo.

    Hei ai chuan, mipui leh sawrkar tangrual ila, POWER hi atchilh ila, kan ramah power kan lo neih that a, hnathawh nan tak tak hman tham kan lo neih hunah chuan Huan leh LO siamten A fur a thalin POWER hmangin tui an pump chhuak thei tawh ang a. Petrol ngai lovin current hmangin khawl an tinung ang a. Kum khat chhungin vawi thum an thar thei dawn a ni. Tuna mihringin hah taka kan thawh thin tam tak hi khawl hmangin kan thawk ang a, sum tam tak kan save ang a, kan hnathawh man pawh tam tak kan tel thei dawn a ni.

    Tichuan, thlawhna hmanga eizawng sumdawng leh khualzin mite tan pawh a thawven thlak ang a. Huan leh LO chauha eizawng thin tam takte pawhin hlawkna tam tak an tel thei ang. Tin, chutianga POWER kan lo neih that chuan, Industry leh factory lian tham tak tak din theih a lo ni ve tawh ang a. Company te rawn lutin worker mamawh a na tulh tulh ang a, hna a lo tam a, mimir kan buai chhoh viau chuan, sum kan thawk chhuak tlang tihna a ni ang a. Zawi zawiin kan intodelh thei dawn a ni. Hnthawh tur a tam a, hna thawh man a awm viau chuan, ram chu a changkang lo thei si lo.

    Report this comment

  17. 17
    grady Says:

    Lo neih hi kalsan mai theih a ni si lova, chuvangin ram tikang lo tur a mipui kan inzirtir a ngai a, Vai bawng chaw zawng thlengin kan inzirtir a ngai a nih hi.

    Report this comment

  18. 18
    grady Says:

    Picture khi Hmuifang tlang a ni em?

    Report this comment

  19. 19
    islander Says:

    Zo-thlifim NLUP buaipuitute leh Fire te kan sawi ve – Zo-thlifim ang hi chu khawvel hmun tinah aawm tlangram dang leh tuifinriat hnaih ah te poh. He thlifim hi nuam kan tih chhan chu loneih hahthlak tak thingbuk hnuaia an hah tidan tu thlifim hi a ziaktu mean ni ber mawle

    NLUP buaipuitu sawrkar department te hian objective thuhmun an neih chu intodelhna tluantling a ni hlom anga mahse anmahni department hmasial luat vangin midang te an DIP fo ang. Heng dept kalphung hrang hi thuikhawm thiam a ngai hle ang.

    Fire ramkang hi a chhan pui ber chu Slash and Burn lo kan vata kan hal thin hi a ni. A thatlohna tamzia kan hre teuh ang. Heihi kan tihtawp vat a ngai a ni. Chuchuan sum-chang-thlai kan chin FUH a trul. Thei leh Thing anchhaw dawng ang ching tawh lovin. Chumi ti-puitling tur chuan rawtna tlem – Industry dinchilh thamin hlawm khatah thlai ching ila. Chung thlai chi ang chu Israel mithiam te nursery Armed veng mawnga siam mek ang chi hi UAR hle ila. Ran vulh ho poh chuti tho nise. Kan thil chin tur hi PUblic hearing neiin debate neih nise a tha lawng maw le???

    Report this comment

  20. 20
    Amigo Says:

    to..grady says..Picture post hi Reiek tlang a ni e, khawpui hnaia kan tourist atraction awm chhun ve a ni a, senmei chuan a zuah bik chuang ta lo..

    Report this comment

  21. 21
    Amigo Says:

    to..grady says..Picture post hi Reiek tlang a ni e, khawpui hnaia kan tourist atraction awm chhun ve a ni a, senmei chuan a zuah bik chuang ta lo..

    Report this comment

  22. 22
    grady Says:

    Tourist awm laiin Reiek tlang chu a kang ang tih ava hlauhawm ve a, mei khu rim nam rum rum in an haw mai awm si a.

    Report this comment

  23. 23
    redrose Says:

    #16 khi ka support e. Shillong peak a in kal chuan zikhlum chu a tam a tam an ching a, an tui pump chhoh khan an chawm reng a, himachal pumpui deuh tho hi road in kan fang chhuak tawh a, kan thlen tawpah kan riak zela, power an neih that a vangin khawilai thingthlang ah pawh tui an pump thei vek a, Delhi leh chhehvel hi an thlai hian an chawm a, thingthlang pa Ram nei tha tak chu an hausa ani mai.

    Report this comment

  24. 24
    Epistemology Says:

    Jhum cultivation hi tha ka ti chu a ni miah lo..mahse, jhum hi engatinge kan dem vak vak bik le? Ecology zawnga kan en dawn chuan, plantation leh serthlum huan hian forest a ti chhe lo bik em ni? Tin, mizoramah forest hi chi4 velah then a ni. Village forest ah chauh jhum hi operate theih a ni. Tichuan, mizoramah jhum hman theihna hi forest area tlemte chauh a ni. Abak zawng hi reserve leh thildang a ni. A nih leh reserve forest hi a tha bik riau em? teuh lo mai….chuvangin..Jhum hmangtu dem hi myth ang vel a ni…!!! A bul thutah hian thil kan ngaihtuah a hun a ni…!

    Report this comment