Eiin siam dan awlsam leh siam dan thenkhat

February 28th, 2009 2:02 am by chepahakhata

Purun var hi a kheh dan awlsam chu, chem lian ve deuhin chandam chungah a phek zawngin han vaw per deuh sawk ila, a kawr/pil hi awlsam takin a lak thei mai. Purun var khehsa hi or chansawm sa hi sahriak(tel) nen um chhungah dah la rei tak a dah thei a, eirawngbawl a piang kheh bua ngai loin hman mai theih.

Purun sen & ser kan hman ban hi thleng dar(flat) a bawk zawngin dah ila a chhe har deuh. Purun sen hi a zung leh a kuang lam hi tan bung ila, a laiah phelh phawk ila a kheh a awl bik.

Sawhthing hi a pil vel loin faitakin sil ila, a pil hian a rim a ti tui zawk.

Badam kan(fry) densawm sa hi siam teuh ila um chhungah dah i la, thil Tauh(bawl) a telh dawnah awlsam takin a hman mai thei a hun a heh lo. Sahriak kan hmui(purun var/sen & aieng nen kan hmui) sa pawh siam teih ila um chhungah dah ila a chhe thei lo a, thil siam dawn a siam buai chung a ngai lo a hun a heh lo.

Bawkbawnthur(tomato) pil hi kan ei tel chual pum hian a thial chip thei ngai meuh lo a, a pil kheh a hman hi a tha. A kheh dan awlsam chu a hnun awmna hi chemte hmawrin kher chhuak ila, tui so bawrh bawrhah seconds-7/8 vel(a helh deuh chu chhum rei a ngai) chhum ila, a pil a rawn khikheh velah la chhuak ila vurtui/tuivawtah chiah dai nghal vat ila, a daih vel leh tui chhungah khan kheh ila, a tak tel miah loin a pil pante hi awlsam takin a kheh thei mai.

Kep & chengkawl siam dante:

Kep/chhengkawl fai tak a sil, khawnghu,sawhthing,thinghmarcha,China saum(Sui Tau Hoo/bean curd)tlang-5 vel,chi & hmehhanna/chicken powder te nen chhum pawl hlauh ila a tuihang hawp a manhla

one1
Mussels(Kep hring)

two1

three2

Um chhung a mi hi China saum(Bean curd ) chu a ni, ram dangah pawh China/Asian dawrah lei tur a awm, Aizawl-ah pawh lei tur a awm.

Kep & cheng kawl buhchiar/sawhchiar

Kep/chengkawl, khanghu, bawkbawnthur(Tomato) pum-3/4, sawhthing, buh fai(thirbel a chhuan hmui sen deuh tham hnu, a kem ang vel a den sawm deuh ni se a tui duh), chi, hgmehhanna/chicken powder & sahriak kan hmui te a ni. Buh fai hi a chhiar tawk thleng i chhuang hmasa a nga, thil dang ho a hnuah i thlak a nga, sahriak kan hmui hi a hnuhnung berah i pawl ang.

four1

Similar Posts:

Recent Posts:

36 Responses to “Eiin siam dan awlsam leh siam dan thenkhat”

  1. 1
    Zorunpuia Says:

    Ekhai, chil a put mai dawn a lawm le.. Engtinge in thiam bik aw… Artui chhum leh a kan hi chu ka thiam ve viau chuan ka hria a. A thiam lo in lo awm ve takin hetiang hian: Tui hi chhuang so ila, chuan artui chu thlak ila, minutes 10 velah chuan a lo hmin a, tui vawtah chiah ila, a ei theih nghal deuh mai a. Artui kan erawh hi chu tel a ngai a, tel hi chhuan sat phawt tur a ni. Tel a sat hian purun tlem thlak hmasa ila, a tui duh bik an ti a, mahse artui kan velah hi chuan baibing rep tih ang reng, lengser rep tih ang reng vel hi telh loh tur a ni. A tui duh vak lo tlang pui a..

    Report this comment

  2. 2
    funny Says:

    chepahakhata chu i pherh ve deuh anilo maw :D Pi BMW i te i dah NIL thrak mai aa :D

    Report this comment

  3. 3
    chawnghilh Says:

    “Chepahakhata Belte phai thei lo” … an tih kha i rawn chhawp chhuak fuh hle mai. Ka hre sual em? Kawrdumbela belte phai thei lo em ni ta zawk? Ka chiang lo … Mizoram-a Ambassador Car a rawn tlan luh hma daiha ka hriat tawh kha a ni a, ka theihnghilh deuh tlat … PS Dahrawka Thawnthu Bu ka chhiar zui tawh bawk si lo. Lalhmachhuana Zofa lahin Mizo thawnthu chhiar theih turin a blog-ah a up-load sa pawh ka hmu zo tawh bawk si lo!

    MHIP nu fel tak Chhingpuii, ZONU Editor-in i thuziak hi a duh khawp ang le!

    Thil hi a kawnghmang te te a awm ve thlep tak asin! Sawthingte pawh hi kan deng chip duh a nih chuan a dungsei zawnga phel tawp ni sela; den sawm a awl duh ngai … a per chhuak zen zen bawk hek lo. Purunvar pawh han tuai tril thla hauh hauh ila, chem phek zawngin han hem thlep thlep ila, a keh phuai sawk a … a hawng hih thlak a nuam mai a ni.

    A nih leh, purun sen tam tham tak mittui tla sur sur lo tura chan dan i hria em? Mi thenkhatin “Purun kawr hi kezungtang karah zep lut ila, min ur lo mai alawm,” an tih hi a practical-in i ti chhin tawh em? Kei chu eiphung bawl nuam ti mi ka ni a; tin, purun chan sawmnaah hian NUUUTS hmeltha fe fe an awm thin tih ka hre chiang bawk a, purun chan sawm hi nuam ka tih phah a … mittui tla lova chan dan riau rawn ziah tur i nei em aw?

    Hmarcha pum thum rawt nge —pum sarih rawt hi thak zawk ang? A thak dan pum tina a inan vek chuan rawt hnema a thak zual sauh i ring em? Baia thlak atan chuan “bai volume a chhah” dan azirin hmarcha thlak hnem a ngai ngei ang a; pir mai atan hrim hrim pum khat rawt nge pum riat rawt thak zawk ang? A formula riau i hria em?

    Kep (mussels) i tih hi Tuikep kan ti; Buffet-ah duhtawka lim ngheng mai tur; mi thenkhat chuan “mussels hi hmeichhe ta a ang deuh reuh a, ka ei ten,” an ti khanglang —Veg-ho lahtak hi!

    I thil rawn chhawp chhuah hi … fenthlir hiala hawp ka chak hle mai! Khanghu khian a pawlh hang rimtui teh ang chu!

    Mahse, Gorkha-hovin lungphekah a rawtna fung ngeia condiment inbuktawk tak mai an han rawt kawi ban thlarh mai leh an sa kan vel rim hi KA NGIAH BAWN TAWP! HV-a nen chaw eiah min sawm la; i thilsiam han eisak duh loh vel che ka va chak! Tak tak emaw ti la, min huphurh khawpin han ei leh tak tak mai ila …

    Report this comment

  4. 4
    luliana Says:

    Chepa : ril i va titam rawih rawih ve a :)

    Tips khi chu Pu Thaiboy a te leh Pu RTPA te hovin an chhawr tangkai phian ang ka ring :D

    Report this comment

  5. 5
    chawnghilh Says:

    Vaipaden/Vaipawden … Mizoram khawthlang lamah an ching hle. Engkim hi an thlak pawlh a ni deuh ber mai! Mosala rim nam deuh pawhin a tui vek tho …

    entirnan —sarep tlem, changlawng emaw tumbu, chi leh hmarcha, bawkbawn etc., chan-sawm mau-theiah i thun khawm ang a … mei alh bulah i hung ta a, a so ve bawrh bawrh mai a … a hu a chhuah vak loh nan hnahthial-hnah emaw changel-hnah emawin i hnawh phui ta a …a so hmin ve dawn ta maw tihin … a sawhfungin duhtawkin i sawh-kawi ta a … belthlengah i bun chhuak … i thidang lo chauh vang.

    A tui teh asin!

    Khawthlang Dish tui ber a ni. A thak tuiin a hmui reuh si, “Lui sain chaw a heh,” an tih ai pawhin i chaw-lak a titam zawk ang.

    Khawthlangho hi an dul a kiar tlangpui … khumah pawh saisir zawnga an mu kha an tawt lutuk a, “Dul i vawr ang,” an ti a; thawl takin an mu zangthal ta dial hlawm a ni.

    Chhim lama i zin chuan, “Tunge ka holdall tiphelh hi?” tih a ri zing deuh; hmar lama zin erawh chuan, “Khawnge ka suitcase?” an ti zen ang. Khawthlang lamah chuan, “Khawnge ka saiip —tunge ka nghawngkawl rap tliak?” an ti tlangpui. Khawchhak lamah chuan … ka sawi ngam lo, misual.com-ah hian Mikhual-kawlhrawng thlen in sawisel zui thin in tam em mai!

    Report this comment

  6. 6
    pcmemory Says:

    chepa: in zanriah chawhmeh thlalak i ron tar ringawt e lo. i no mawi dah te khi excise ho mawng a ti za duh awm hehe :)

    Report this comment

  7. 7
    pcmemory Says:

    chawnghilh: khawnge nghapih bur… ka hlau ve lo a tui tui nen hehe:)

    Report this comment

  8. 8
    chawnghilh Says:

    @pcm : Nghapih i pir lai mek lai nen—YMA takin—Tiau thleng rakin ka um chho mai tur che a nia!

    Report this comment

  9. 9
    pcmemory Says:

    cawnghilh: hahahaa a hlet kua om loh na lamah an in um truk truk ngai law

    Report this comment

  10. 10
    chawnghilh Says:

    Rihkhawdar-ah kan cham dun ang a

    Report this comment

  11. 11
    pcmemory Says:

    thil ziahdan a i tar hmel2 nen mi um phak i ring rok rok mi hehhee :)

    Report this comment

  12. 12
    chawnghilh Says:

    Bawng tar pawn Luang no tho! Luang no pet tur hian a ring a fan thui thei em! I tlan chak bik vakin ring hek lo!

    Report this comment

  13. 13
    pcmemory Says:

    Ka tlan chak theih loh hi chuan ka thlawk deih zel maw le :) eeeh rih soi takah chuan an chei thra an tia nilo mi Bawngtar luh te chu kan phal ve ringawt dawn mi funny?

    Report this comment

  14. 14
    funny Says:

    kei hi ka tlan chak leh khawwwp maii :D
    hmanah ka thiante nen Sakhi kan uum a, keimah chiah in ka umphak sia han tih ngaihna vak hre heklo, Sakhi tlan lai kha ka tlan hual vel mai mai :D

    Report this comment

  15. 15
    chawnghilh Says:

    Sanghal ka um a, a chak kher mai! Kawr pasarih vel a zuankan a; kawr pariatna a zuankan zo ta lo va; kawrah a tla thla a. A lawn kai leh tur kha a mawngah ka dawmsak vel! Ka la um zel a … a tawpah chuan ka paw-bahlat a … ka la tlan zel maw le! “I tlanchak lutuk, ka rui…” a ti vel, a luak vel!

    Report this comment

  16. 16
    chepahakhata Says:

    Eirawngbawl hi ka thiamna chhan chu ka pa hian mipa leh hmeichhia thliar hrang loin eirawng a chhawkin min bawl tir thin a, kei a naupang lam ka nih vang hian ka u mi-3 te hian min biakbum thin a,”Ka ram vak dawn a, erawng ka bawl ai bawl la sava, thei,etc.. ka hawn ang.” an ti thin a, ka awih tak tak zel an tih ai hi ka tih sak ngun a, ka ute ai hian ka thiam phah nata berin alang. Chuan keimah hian nuam tih vena deuh ka nei ve bawk a, kum-10 ka nih atang eirawng ka bawl tan tawh a, thiam ve awm chu ka ni ve tho in ka hria.

    Report this comment

  17. 17
    chepahakhata Says:

    Tin, chhawhmeh han phuahchawp chin velte hi nuam ka ti a, khawdang/hmundang a ka thil ei te hi ngun takin ka chik a, a tui deuh hi chu In-ah ak siam ve chin thin a, tih fuh deuh phei chuan mi siam ai a tui a, tihfuh loh deuh chang chuan tui lo ve thei khawp mai.

    Report this comment

  18. 18
    ammi Says:

    @chepapakhata Mipa leh Hmeichhia thliar hran loh hi a tha hnathawh leh tihtur lamah chuan engkim thiam a awl ngei ngei…recipe hi ka lo la thla malh malh zel a nia..thanks :-) am sure u’ll make an excellent chef..keep up!!!

    Report this comment

  19. 19
    Patriot Says:

    Eirawng bawl hi hmeichhe tih turah kan ngai deuha, mahse mipa eirawng bawl thiamho hi hmeichhia hian an tluk lo zawk tlatin ka hria. My observation. :)

    Report this comment

  20. 20
    Jaan Says:

    Chepahakhata chu i tilawmawm hle mai. Vai ramah hun engemaw chen ka ‘Parawl’ rih dawn si a ka tangkaipui dawn khawp mai. I phal chuan chawhmeh siam tui dan tlem min han rawlhruk leh la maw le. Hriat belh zel va chakawm ve…..

    Report this comment

  21. 21
    chepahakhata Says:

    @ammi thanks.

    @Patriot, i hre dik ka ring, restaurants ropui deuh deuh ho a, Chief Chefs ho reng reng hi mipa deuh vek a ni duh tlangpui, internation chef i elnaah pawh hian mipa deuh hlir a ni pa-1na la thin ni.
    Tin, hmeichhia thawh chi a kan ngaih fashion disigning,beauty parlour hmingthang ang chite hi khawvel a ber kai hi hmeichhia aiin tuai an nih duh khawp mai.

    @Jaan, a va lawmawm ve ka Mizo puiten an lo tangkaipui besei a rawn post ka nia, i lo tangkaipui chuan ka lawm khawp mai. Tunhma a ka lo post tawh ho hi lo en la, a dang pawh ka la rawn post leh zauh zauh dawn a nia.
    http://www.misual.com/2008/10/.....-hnai-tak/

    http://www.misual.com/2008/12/.....-a-tui-em/

    http://www.misual.com/2008/11/.....m-bawk-aw/

    http://www.misual.com/2009/02/.....s-gourmet/

    Report this comment

  22. 22
    Jaan Says:

    Thianpa Chepahakhata, i ti lawmawm lutuk. Ka lo en nghal e, a tangkai leh dawn khawp mai. Ei leh in ka duh si, ka siam thiam bawk si lo hi ka buaina lian tak a ni thin a. Tunah chuan mahni inringtawk takin hnamdang karah ka lo siam hmui ham ham ve tawh ang.

    Report this comment

  23. 23
    chepahakhata Says:

    Jaan, a then kha chu a siam dan vel chu comments ah ka ziak a, i lo zawng chawp mai dawn a nia.

    Report this comment

  24. 24
    drake Says:

    Chepa uisa siam dan te lo sawi ve la!!! i lo thiam zek lo maw!! :)

    Report this comment

  25. 25
    chepahakhata Says:

    Ui, zawhte, sazu,etc.. ahmul kan rawh kawn dawn hian tui ti huh ila, han rawh ila a sat laiin han ziat ila a hmul ho hi a tla duak dauk a, a var sar mai ang. A hmui tui deuh i duh leh i ziah var sar hnuah i rawh belh leh deuh a nga, a vun a hmui tui duh.

    Ui sa sawngbawl dan:

    Ui sa chan sawm kha belpuiah chi,aieng, sawhthing, purun var/sen(densawm), dirunhmui(lemon grass) bul-7-10 vel & sahriak(tel) no chanve vel nen i chawk kawi a nga, i chhuang so deuh bawr bawr a nga, a rim a rawn tui ta tih a, tui i duh ang tawk i leih a nga, suan dawn hnaihah phuihnam i tlak a nga tui tak a ni ringawt.

    A battery siam dan:
    Buhban fai hi rei tak chiah lawk hmasak tur.
    A ril faitaka i puah hnuah a thi, a thlauk, a chuap, a thin,etc.. ho kha i satsawm(dip hlarhin) anga, purun sen/ver, sawhthing(densawm), chi, hmehhanna te chu buhban fai chiah puam nen i chawkkawi a nga a rilah thun( thun tam lutuk chuan a hmin hunah a ril a keh duh) a , a hmawr ve ve hrui nen tawn anga, nalh taka phia a chhum a ni mai.

    Report this comment

  26. 26
    amanda Says:

    @Chepate: I va rawn chhawpchhuak tui hmel leh ve a, la tihchhin ve leh ngei tur a nih hi :)

    Report this comment

  27. 27
    H.Vangchhia Says:

    Chhum tawp, kan tawp tih vel a ni ka thiam ve chhun chu…. sausage hi tel tlem te ah thlak ila, alu zaiphel phawk phawk thlak tel bawk ilang, mei sa em em lovin, chutah pepper etc han thlak heuh heuh ila….. so berh berh kha han chawk nawk nawk ila…a hmin chuan tui tak a ni :D ka thiam ve chhun… :D

    Report this comment

  28. 28
    Thirkut Says:

    Purun var hi, US a mi leh kan ram lam a mi a in ang lova, kan ram lam a awm saw kheh a har bik riau in ka hria… a tui zawk nangin.

    Ti daih i la, chepahakhat, Mizoram a chawhmeh hi a tui zawk vek an ti hi i hre ve tawh ngai em? Sa a ni emaw, vegetables… a tui zawk an ti zel… “Kan rawp zawk vang alom” ka ti thin a “a ni lo” an ti zel.

    Report this comment

  29. 29
    chepahakhata Says:

    Thirkut, Mizoram or Burma lam thlai leh sa hi a tui chu a tui zawk deuh vek, a chhan chu Organic deuh vek a nih vang a nia. Ram changkang zawkah chuan an ran vulh te hi damdawi an pe or chiau nasa, Genetic Engineering te pawh a tam a, a khung a khung beh tlat ang chi phei chu exer an nei lo a vangin a tui lo duh.

    Report this comment

  30. 30
    Thirkut Says:

    A dik viau ang… “Ram chankang” a vawk leh bawng leh ar te chu a lian em em ringawt a… hormones, zection, chemical etc vang… an chawm thau em em a… an thau chak lutuk an tha a chawlawl (spelling?) muscle atrophy, vek a a din pawh an ding thei lo… ding thei mahse an awm na a chep lutuk a chet na hmun an nei chuang lo… khang kha kan ei ta a nia…. het sala…. vawin chaw ka nghei dawn.

    Report this comment

  31. 31
    H.Vangchhia Says:

    America leh Canada a an ran vulh te hi Europe lam khan an import tha duhlo thin an ti. Ka google peih lova, ka chianglo… a chhan pawh astrogen tam lutuk vang a ni awm asin.

    Report this comment

  32. 32
    chepahakhata Says:

    http://video.google.com/videos.....8;start=10

    Heng hi han en chhin teh u farm ar ei in chaklo zo vek ang.

    Report this comment

  33. 33
    Viking Says:

    lal-chehpa -a hi chu awwwww..ei siam te hi i thiam leh lutuk mai..ka star tran deuh tlat che :-)

    Report this comment

  34. 34
    chawnghilh Says:

    UI SA HOTEL tih hi Zodin Cinema Hall kiangah ka hmu thut a; USA HOTEL tihna emaw ka’n ti pek a!

    Vanneihtluanga fiamthu nge ni —a sawi ka hriat reng chu, “Miin chaw eia min sawmna piangah hian an chawhmeh tui deuh recipe hi kan nu hian a zawt ve ziah a; lehkha-themin a ak haw ve ziah naa —a siam zui ngai tak tak chuang lo…” a ti. HV-a te nen Church Service-ah inkhawmho ta ila; chutiang ang vel chu a ni mai awm e! LOL

    “Nia le, tui thiam chu tuiah … thing thei chu thingah … an THI nge nge thin,” an ti ma’thlawn lovin —Aizawl Chanmari-ah khian tumkhat chu thianzahovin ui an talh a, an ti! An hlim khawp a; an hmabak a ko khawp bawk! Fiamthu pawh a thiam hlawm a.

    An thianpa pakhat khan uisa bel so nghawr bawrh bawrh chu a va suan ta a; a chesual palh ta hi a ni awm a. Uisa tui chuan a inleih ta chiam mai a; Damdawi In thlenpui ngai hial a niin, chumi hmunah chuan a hnuk a chat zui ta hial a, an thianho zinga a tuemaw ber khan, “Tui thiam chu tuiah, thing thei chu thingah … kan thianpa pawh hi UISA-THIAM a lo ni ber e,” tiin a ruang chungah a sawi e an ti. Tak tak ni maw?

    Ei-rawngbawl hi ka naupan laiin ka misa lo ve khawp mai! Fehnaah hangso turin min tir liam a; mai-an an sihsa min pawm pheitir awk a. Thlamah chuan mai-an hnah chu ka hik ta ngauh ngauh a; darkar 1 dawn thuakah ka hik zo ve chiah a. Vau atang chuan, “A hmin dawn tawh em?” tiin min rawn zawt a; “Mei ka la chhem lo,” ka’n ti chiah mai chu an rawn trek nasa teh mai!

    Mei chhem hmasak a; bai tui tur — a so nghah paha mai-an hnah kha hih tur a nih thu min INSTRUCT chawpchilh leh ta a; chuta tang chuan ka theihnghilh ngai ta miah lo va; hangso tur erawh chuan ka che chhuak nawn leh chuang ngai tawh hek lo. Ka thil hriat khiau hi ka hmang practical lo ve ru ra! Min tirtute khan min instruct hmasak nachang an hre lo kha … fing zawk an intimawl thiam ve tho!

    Report this comment

  35. 35
    ÄÅÌÎÍÒÀÆ ÑÒÀÐÎÃÎ ÄÎÌÀ Says:

    ÓÑËÓÃÈ ÄÅÌÎÍÒÀÆÀ…

    minny…

    Report this comment

  36. 36
    shailendra Says:

    He post chu a va tuiawm ve le (Y)

    Report this comment

Leave a Reply

You must be logged in to post a comment.