Vai ho thluak in..

February 27th, 2009 7:16 pm by helen pari

Hnamdang ho, abik takin vai ho bula i awm rei deuh chuan an mizia i hrechiang tulh tulh ang a, i ti theilo tawlh tawlh ang. Engang pohin an zingah intulhluh poh tum la, a tawpah chuan i hrang ran ani tih i inhre em2 tho ang. Hei hi thildang vang teh chiam pawh ani lo, pakhatna ah chuan tawng kan thiam loh luat hi ni phawt se, a dang ho zawng chu kan culture, traditions, etc hi a ni ang.

A tlangpuiin Mizo ho hi hnamdang bula kan awm hian kan tawngtam em em lova, tin eng emaw ni khua a intihthinrim chang pawhin ring deuh deuh a inhauh leh in aukhum vak vak bakah a hnu a nasa thei ang bera zawi te te a inrel zui hrep hi kan ching tam vaklo, chu ai chuan kut han inthlak deuh pawp mai ila, ‘fair fight’ kha ani leh deuh tawp mai. Inkawm hran leh group ang zawnga inbiakloh tih vel phei chu kan naupan laia kan tihloh chu hnathawhna hmun ah phei chuan kan ti meuh lova. Mahse, vai ho bula hna han thawh tak tak hi chuan high-school kal lai ang vel chiah hi ani leh thin a. A hmun leh hun a dang ani mai a, a bakah chuan an conservative lutuk na avang nge maw ni hian, at deuhna chin riau hi an nei ve thin a, chuvangin an zinga i awm dawn chuan an awm anga awm a ngai leh thin. Heng a hnuai a mi tlem hi zawm ve atan a tha phian:

1. I theih anga tam an tawng thiam rawh. An tawng i thiam tam dan azirin arukin an zahin an zah lovang che.

2. Vai ho hian an intihthiamloh deuh tak tak hi chuan phuba lak hi an tum ran thin a, chutih rual chuan ‘direct combat’ lam chi hi an ti ve ngailo tluk ani. Chuvangin, an chet hmasak hma khan rang deuh maiin an pute hnen ah khan hrilh khalh zan a tha. Chuti anih loh chuan i hriat aia tamin an lo sawi phar hman tawh ang che.

3. Vai ho hi power ngaisang tak mai anni a, chuvangin an mahni aia thil tithei zawka an hmuh che chuan an bawk zul zul mai thin a, chuvangin an zingah hi chuan inngaihtlawm lam ai chuan thiam zawng kha chu ring deuh lehlawh a sawi zat2 tur. Mizo-in ‘insawithei’ kan tih hi vai ho chuan an ngaisang tlat.

4. In puten an hauh che in emaw hna thawhna a inhmuh thiamloh deuh emaw pawh hian thinrim lutuk a ngawih daih emaw tihbur ang chi hi tihloh a tha. Hnaih theih ang bera han din chilh a an mit taka na deuh kelkawla kan dikna sawi hian an ngawi duh khawp, i awki erawh san a chi kher lovang. Chumi hnu chiah chuan i lungawi lohna kha i hauh pui superior officer hnen emaw a tha zawk tak chu a superior officer boss hnen ah khan tlan khalh zan mai la, thil tithei zawk ah an ngai ang che nga, an tlawm duh khawp. ‘I aiin ka kal thui ngam zawk’ tactic kha hman mai tur.

5. Eng hnam pawh hi kan sakhuana leh rindan hian min siam em em tih hre ranin an hnam danah chuan indahhniamna leh tlawmngaihna hi a om ve vaklo a, sap tawng takin, ‘If you are in Rome, do like the Romans do’ tih hi hriat ve ran mai chi.

6. Intihthiamloh hnu deuha an biak duhloh che kha chuan an la hlauhawm vaklova, chumi nilova an biak that a an nuih deuh sang che kha chuan a dawt leh tur atan khan inring em em ringawt mai rawh, a chet leh dan tur a insiam mekah ngai la, a dik phian thin.

7. Bible chuan thatna a hneh turin min ti a, hei hi tactic tha ber ani. In ni vek lovang a, kei chu vawk hma a tuikeplung paih hi a tangkai ka ti lo leh thin a, mahni ngaihdan dan le.

Similar Posts:

Recent Posts:

34 Responses to “Vai ho thluak in..”

  1. 1
    Lily_parmawia Says:

    Tha hle mai… Vai zia chu keini mongolian thlah nen chuan a in mil theilo kumkhua don a ni.
    Traffic ah hmanhmoh em2 in horn an hmet ri a, an hnathohna ah muang mangkheng lehsi.. kalkawng ah chiah hian an hmanhmoh a maw ni.

    Mahse Vai ho hi kan mil lo viau nanga, an thatna lai hi hmuh thiam ve a tha khop mai… tlin lohna lai nei vek kan ni si a :-)

    Report this comment

  2. 2
    Jaan Says:

    Dik khawp mai, mizo dang awm miah lohna hmuna VAI HO bula kum engemaw chen han awm chuan eng VAI pawh an NULA ho thlengin kan hne em2 tawp mai a ni. Tin hausa leh changkang tak2 pawh KRISTIAN an nih loh chuan a rukin an bal tlangpui.

    Report this comment

  3. 3
    Borat Says:

    “Vai” in tih hian Bengali ho in sawi anih hmel. Kum tam tak Gujarati leh Malaylee bulah ka cheng a, in sawi chu ka pawm chiah lo. Mizo zingah pawh tenawm fe e ka hmu teuh.

    Report this comment

  4. 4
    Thirkut Says:

    “Mizo ho hnam dang a kan tawngtamlo[h]” nachhan pakhat chu kan confident loh vang. Kan lai hma lutuk. Confident deuh chu an tlirr ve pawp2 tho in ka hria.
    “Mizo zia” kan tih thin hi…. Mizo te pawh hi kan in ang tawh lo… Zo khua a mi te hi an innocent em em a, an zo rilru em em a, khawpui (eg Aizawl) a mi te nen an teh khin theih tawh loh. Keini khawpui a seilian ho hian tluk loh na kan ngah. Mizo leh zo lo ni lovin city leh city lo lampang a ni zawk in ka hria. Vai ah pawh, rural deuh a mi chu an innocent ve lutuk. Mizo ah pawh city a sei lian an (kan?) phakar duh zawk.

    Report this comment

  5. 5
    Wish_Bone Says:

    Piont ho khi a tha hlawm khawp mai.

    Keima side ah chuan fel leh sual kan awm theuh, a fel leh kan mize milpui kha kawm mai tur. Min kawm duh a nih phei chuan kan vannei hlei hlei.

    Min hmusit tute pawh ka tawng ve tho. Ka ngei thei hlawm khawp mai. Nikumah pawh ” My Asshole Side” ka chhuaha, mi 2, ka ngei deuh ve ve, thudik tar vei virin ka “in-grrrrrr” tir tawh. An inseh lo chauh leh nghal. Ka khisung mai. A
    Power nei hi an ngaisang khawp lahtaka- mi hausa/ pate dinhmun sang luah. Chuvangin thian thil tithei deuh deuh 3 ka insiam bawk. Hetiang neihloh hi chuan kan thute hi a tlang har bik tak tak, rilru a na thlawn. Phakar thiam mai tur. Ka vannei a, an ni hian ka ngaihsak aiin min ngaihsak zawka, chi phian.
    Inthlahrun hi a ngailo bawk, vairamah. An hrethiam chuanglo. A thlawn mai2.

    Report this comment

  6. 6
    beethugs2 Says:

    A dik…Vaiho ka ning ania..ti ila nin avanga awm bosan theih an ni silo.Vairama lehkha ka zir tirhin kei mi pali panga vel chu ka tuk hlak tawh…
    In sawi turu hi a ngai thin..an ngaisang bawk…

    Report this comment

  7. 7
    wonderboy Says:

    off-loks

    BD-a tribute kha live feed in an pe a niawm a, a link hria in awm mail m???

    Report this comment

  8. 8
    burgerstud2005 Says:

    Pu R.Lalzirliana,Minister in Mizorama Burma mi suahsual rawngbawl leh awm tha duh lo chu sawrkarin a dim dawn lo a.Sipai sawrkarah hlan let zel an ni ang a ti.Ka duh khop mai.Hei hi vawiin a officer ho hma a Vanapa Hall a a sawi a ni.

    A tir khan Minister hian police in constable an chhawr thin poh a ti tawp a.He minister vek hian thingtlanga Minister zin sikul naupang hmuah tir thin an ni chu CM leh Education Minister bak hmuah tawh loh ni se a ti bawk.Pu Zira nge nge.A chhuanawm reuh khawp asin.

    Report this comment

  9. 9
    d0n_vit0_c0rle0ne Says:

    DI LTK…KA POM LTK…a thra top..nktk ah ron chhunzom ang.. sala.. vai ho hi chan…aaaaaaaaaa………an ngam zong te hi chu an han ngam khop a, an nek sor boi2 mai niin ka hira… an hlauh leh an ngaihsan te lakah chuan over topz…
    kan van inang lo tak… ram khata cheng threuh2 hi kan va han dan bik tak m?
    European mi nen hian kan inmil feee… an polite cc, an bula om nuam topz..

    Report this comment

  10. 10
    Khelawks Says:

    I rawn ziak thra hle mai. Vaiho zingah hian ka awm rei ve ta hle a, mil meuh loh chang hi ka ngah khawp mai. Mamawhna min neih hi chuan a loa luakchhuak hian min be thra a,tin, anmahni chiah hi an inngaihtuahin ka hre thrin bawk. Mahse, tluk lohna lai chu ka nei treuh tho thung.

    Report this comment

  11. 11
    beethugs2 Says:

    Kan tluk lohna lai ber nia ka hriat chu Life nei lek lo khawp a an hna/zirlai a tuipui hi,…Mizote hi chu kan nih chiah lo deuh.Vai ho hi chu,lal dan te hi an thiam ania..eng anga hna hniam thawk pawh nise,an hnuaia thawk an la awm chhung hi chuan an inti lal thiam khawp mai..aaaa…ka ning,ka ning teh mai nia Vai ho…engtia rei nge vai ramah ka la awm dawn pawh hriat bawk siloh…hui ha

    Report this comment

  12. 12
    Khelawks Says:

    Tin, tu huat-thu-suhah an hur deuh zawk bawkin ka hria..an hur dan hi a thring bik kan ti zawk dawn emaw ni..

    Report this comment

  13. 13
    d0n_vit0_c0rle0ne Says:

    ai ho zingah chuan ‘TLAWMNGAIH’ hi a tihchi ber em em lo khopin ka hria… engpoh thok se anmahni aia hlawh tlem chu an hnuai en mai2 khopin ka hria… harsa hle mah se vai ho zinga han intih thu vel hi chu a poi em em in ka hre lo..
    han khongaih ve bok thrin mah ila… mahse an aia h

    Report this comment

  14. 14
    d0n_vit0_c0rle0ne Says:

    hnuai te hi chu an chunga mi te tihdan dang thovin an ti in ka hria.. kan inang lo ve top chu ani ber eee… An superior bulah te hi chuan a enga mah hma hian ‘YES SIR/MADAM” hi an han ti thla ringot a… Sir/Madam culture a cheng chu vai ho hi khawvelah hian an sang ber hial ta ve ang.. te han ti vel duah ta ila… :)

    Report this comment

  15. 15
    Zorunpuia Says:

    Eng ang pawhin duhin duh lo ila, Vai kuthnuai leh Vai chawma awm turin kan hruaitu hmasa Mizo Union te khan duhthlanna an lo siam tawh a. Chuvangin Vai nena awmho dial dial dan te pawh zir ve a ngai tawh a ni. Central lamah Vai vek an lal si a.

    Khatih lai khan, Mizoram Bawrhsap A.Macdonald, India ram chu independent a lo ni dawn ta si a, chuvangin India ram chu British hovin kan chhuahsan dawn a ni awm si a, British chhuah hunah India mite hi an inti buai ang a, chutih chhungin tumahin an han chiaiau lovang che u, nangni hi in lo buai ve ang tih ka hlau va, chuvangin mahnia in din theihna turin hetiang invawn dan hi zirtir che u ka tum a ni, tiin India rorelna hnuaia awm rih mai lo turin a thlem a, mahse Mizo union aiawhtute chuan “Bawrhsap hian (Crown Colony) British hnuaia min dah rengnazia a ngaihtuah a ni e, an ti tlat a, an inhmu thelh hle ta mai a. rorel ho thei zia pawh an ni ta lo va.

    Bawrhsap chuan, he mi in duh loh chuan Mizoram chu a la bo mai dawnin ka ring a ni, a ti a. Mahse kan hruaitu hmasa thenkhat nikhaw hria inti deuh te chuan, a tum dan hi a tha lo a ni, an ti a, a hruai tumnaah chuan an zui ngam ta si lo va, an tiavai ta rih a.. Eng ang tak la ni zel ang maw.. tiin Pastor Liangkhaia chuan a ziak a.

    ILP te pawh hi kan hman reng theih loh hun a la thleng ang a, Vai hnuaia awm hreh lohna leh Vai ho chu chung en hrim hrima kan en hun a la awm ngei dawn a ni. A chhan chu Silchar piah zawng atang hi chuan Phai zawng zawngah Vai an khat tlat a, an tello chuan kan khawsa thei tawh lo ni berin kan in hre bawk a. Nepal rama an nepali tak tak Thapa leh Gurkhali ho dinhmun ang chiah khan, roreltu leh mi hausa sa hi Vai an la ni nuk hun tur hi a nghahhlelh awm em em lem loh khawp mai.

    Chuvangin, thiamna leh finna lamah te, sumdawnna leh sawrkar hna tinrengah te hian inthlahdah mai lovin, Vai ho khum tum ila, State pawnah te chuan kan tluk kher lo pawh a ni thei ang, mahse Mizoram chhungah hnam dang khuma tan kan lak fo hi a ngai tak zet a ni.

    Report this comment

  16. 16
    d0n_vit0_c0rle0ne Says:

    an mit chiah ti langin sex chu han khuh bo tum mahse an hlawhchham chu anih ber hi… an hur em em a.. an tilang ngam lo mai2 niin ka hria.. keini ai hian an lawm feeee…. sex site deuh te poh hi vai ho hi a visit nasa ber pol an nih ka ring.. soi ngam silo chak ve tho ci… chak leh ltk jok.. lolz.. HAHTHLAK ANIH HI.. :)

    Report this comment

  17. 17
    chawnghilh Says:

    Helen Pari rawn contri chu a tha khawp mai! Vai tawng thiam lova an zinga inzir chho ve tho an tam ang. Academic record-in kawngro a su ber. Class-mate hlui, Armed Forces and Civil Officer lian pui puite office chamber pawh nuihza siam huau huau nana hmang zui thei an awm ve nual ang le!

    A chengker zingah chuan POLISHED SOCIETY angin a chet tak tak theih chuang loh! Vai rau rau pawh standard a inang lo va; Zo rau rau pawh inang lo tak a ni tawh … kan tehfung azir a ni tawh zawk … GENERALLY tih vel leh a level chu a danglam leh ngei ang. Anmahni vaiho pawh an inbuaipui reh thei lo, Untouchability tih aduang pawh la practice lui tlat an awm tho; Mizo Christian-te pawhin a hnam chhe deuh kan belbul deuh ber DALIT THEOLOGY vel kan chai ngam tawk chauh!

    Mahatma Gandhi chanchin pawh zir chhin teh u, Sap culture kha a mausam ve tho. A tlin tak tak bik chuang lo. Chuvanga British Colony inawpna hnuai atanga inlakhranna CHANCE a ngah ta a nih kha! Vaiho pawh an la inchen leh lo va; amah Gandhi ngei pawh vai lakah a thi ta a ni.

    Vai leh vai pawh Muslim leh Hindu angin —August 14 leh August 15, 1947 khan Independent dayS a thleng ta … ram inthenawm inngeih lo kumkhua! Vai leh vai pawh an inngeih lo …sakhua biak dan leh biak duh azirin.

    Mahse, “Hindu Muslim Sikh Isaii —aapas me he bhai bhai … ” kan nih theih nan chuan Constitution leh Fundamental Rules a lo pawimawh kawp ta hle a … chu mai bakah, khawvel huapa Pawl huang lian ber Boys Scout leh Girl Scout atangte hian inkawmngeihna danglam tak a lo awm leh thei a ni. February 8 hi US-ah chuan Boy Scout of America Birthday anga hman a ni a; kum 1910 atanga din tan a nih avangin.

    Mahni chim chin chin —THAWNTHU hrang hrang zawng a awm thei mawlh ang le! “Hur si bal si,” han tih chiam pawh —mahni tawn tawn a ni tawh mai ang chu! “Hei ber mai hi aw ni tawh ang,” tia sawi tur hre tak tak, fing taka sawi chhuak lem lo pawh an awm ve tho vang! LOL

    Report this comment

  18. 18
    mkima Says:

    inva comments sexy leh toh ve a?/

    Report this comment

  19. 19
    blackmagicwoman Says:

    comments a sexy chuan Wonderboy, ConXX, Thaiboy te an lo lang vat mai ang… :-)

    Report this comment

  20. 20
    Epistemology Says:

    Keipawh vai ka ngai lo viau thin..mahse i point hi balance deuha kalpui atan atha khawp mai. Tin, mimal takin problem nei i ang ka ti mai mai,Vai pangai deuh leh fel deuh i bul hnaiah an lo awm lo hi a pawi khawp mai. Vai thian fel tak tak hi kei ka nei teuh mai…! Ka harsatnaah pawh min pui nasa khawp mai. Ka Mizo pui ka thian dan leh Vai ka thian dan hi thil thuhmun chu a ni lo…mahse, Vai ka thiante hi “ka thiante” an ni ve tho mai. Tin, Mizoram ngat chu Vai chawm kan ni deuh tho bawk si. An mahni huat emaw resistance pek nghek ai chuan, keimahni hian thiam taka game khelh hi a fuh zawkin ka ring. sorry for my rambling.

    Report this comment

  21. 21
    funny Says:

    vsiho techu bawl mai mai tawk lek alawm annih lee. :D
    assimilation hlauh angailo, vaiho thluak aiin mizo thluak a tha tih ka prove thei :D

    Report this comment

  22. 22
    chawnghilh Says:

    Hnam dang kianga kan awma —tawng (dialect) kan inzirna hmasa ber thin hi chu—loh theih lohvin—obscenic lam a ni deuh zel. Manipuri-ho zingah a nih pawhin, “Namaih mathu; napa matih,” kan ti thul; Assamese-ho zingah ni se, “Kela matha, makshu dai,” kan han ti zen a. In hre hlawm em mai … keini Mizo-te lahin, “Zawnga, ngauva …” tih kan han zirtir a. Nuih uar uar hun chu awm tlang bawk thin mah se; fek fek hian fuk fuk a hring zui duh khawp mai!

    Christian conduct dik takin inkawm ta thin ni ila chu … neuh neuh hi hi a tlem zawk daih pawhin a rinawm.

    Kan rawlthar chhoh lai phei chuan Vai cinema genre kalphung hian thian thar siam kan han tum ngei a; kan han in-GUSUM deuh kher a; chak lo zawkin chak zawk kan zui mai thin a … insawitheihna ni hauh lo se … min zui kawi tham vaiho hi chu ka awmna tawh phawtah chuan ka hmai ngai lo! HT Sangliana pawh … pathian atan an be lo chauh!

    Romance atan chuan mahni hmuh tawk zel nen a nuam ve zel ang; nupa tak tak tur atan chuan an culture kalsana kan culture-a adaptability pumpuhlum an neih ngam phawt chuan (as in Ruth, not as Orpah) a pawi hran lo va; tin, an hrawn tel pah tur chu kan chhunglehkhatte culture dang daiha khawsa, tawng dang hmang a ni tawh dawn a —rethei deuh leh mawl deuh kianga in-adjust dan thiam tlachawp zel, rilru zau chu an nih ve hrim hrim a ngai khawp ang. Khasi hmeichhia, vai hmeichhia rawn hawn engemaw zat kan awm tawh … thil chu a dang deuh! Kan Mizo hmeichhiate hian an ngam huai zel zawk … Arabia thlalera hmai khuh dum zun ngam hial pawh kan awm ve nawk tawh a ni lawm ni? Mizo nungchang leh Culture ang chuan an awm zui ka ring lo khawp mai; an tlin zui ngang lo a nih leh, “a ruh no no chhuakah,” a ni leh mai!

    Report this comment

  23. 23
    H.Vangchhia Says:

    Vai ho kid a neih duah duah kha nuam ka ti thin a mahse, vai hnuai a Mizo te kan awm erawh hi chu ka tlawm lak ve khawp mai….tih theih ka nei der si lova.

    Report this comment

  24. 24
    H.Vangchhia Says:

    Nia, hnamdang tawng thiam tum hi a pawimawh khawp mai. Khawi ilo kal na ah, tawng thiam ho hi chu an leng bik hah (tlangnel) reng a ni.

    Report this comment

  25. 25
    Aryan Says:

    Vai ho zinga khawsalo thei dinhmuna ka lo awm hi , Lalpa zahngaihna alo ni tee hee :mrgreen: Australian egalitarian society leh mizo nun hi alo in mil khawp mai.

    Report this comment

  26. 26
    Patriot Says:

    Pari sawiho hi vaiho hrawn tan chuan tips tha tak a niin ka hria. Vaiho zawng zawng zingah dik vek lo mah se a tlangpuiin a dikin ka hria. Indian chu kan duh emaw duh lo emaw kan ni reng dawn hrihin a langa, an zinga kan survive ve dan tur hi kan zir chu a ngai mawlh mai. Tin, mizo pawh hi kan vai ve tulh tulh chuan ka hria. Vaiho angin kan tilang lo naa, power leh wealth tih vel hi chu kan lawm ve ta hle mai. Kan lawm satliah pawh a ni lo, kan value leh judgement siamna atana kawngro su berah kan ngai tlat asin.

    Vai zinga awm thiam a tul laiin mizo zingah hi chuan vai zia hi chhawm loh hram a tha ka ti khawp mai. Zorunpuia sawi khi a dik khawp mai. Kan resources neih ve chhun human resources development lamah hian tan kan khawh a ngai hle mai. Chuti lo chu India ramah hian kan survive rei hauh lovang. ILP hi innghahna bulpui berah kan neih chuan kan la chesual ngei ang.

    Sex sawi kai takah chuan vaiho hian North East lam hi min hmu easy deuh thin ngei mai. Mahse hmanni chu sex education lam seminarah vaiho zingah ka sawi ve hrep asin. Mizo society a mipa leh hmeichhia indaidanna awm mang lova kan awm that zia ka sawia. A dik tak chuan vaiho zingah hian incest-te a tama, remchang an hmuhah hmeichhe laka an awm dan hi a thlahdah thuai mai thin. Mizote chu kan zalena a duh chu an inngaizawng maia, an duh leh zel leh sex pawh kan hmang maia, farnute han it hi a ngai lem lo. Vaiho chu an inkhuahkhirh lutuka sexual ve tho an ni si a, outlet an mamawha, chu chuan incest a ti tam thin. Co-education school atanga zir chhuakte hi hmeichhia chauh emaw mipa chauh emaw hlang bika zirna schoola kalte ai chuan they are more sexually well behave to their opposite sex an ti tlat bawk. Ka awih zawng tak a ni.

    Keipawh vai zingah ka awma, Pari sawite khi ka hre reng naa, ka mizona atang chuan ataka hman ka la harsat deuh tlat thina. Mahse ka tuar zeuh zeuh tlat. Polite tak leh friendly taka awm si a, inven thiam riau chu a ngai thlawt tih hi ka thlawp khawp mai.

    Report this comment

  27. 27
    Zo Newworld Says:

    zofate hi ka moral hi a la tha lutuk a, kan ethic te hi a Cial em avang hian hnampui mizia hi kan la man pha thin lo. Keini puitlin lam i pan ang u. Kan rilru hi mimal thil, hnam thil leh sakhua thil, a tul ang zelin i hmang thiam ve ang u

    Report this comment

  28. 28
    zualte-a Says:

    vai trawng ka thiam, mahse ka inchhir.russel peters ka en a k english lam alo vai trut mai th k hre chhuak.vai trawng tello poh hian a khawsak theih k ti fe tlat.
    vai bulah seilian, an rilru hre ve deuh ka ni bawk a k bula vai te hi chu k be peihlo,mahniin awm ila kan buailo zawk. in chiahpiah chiah hian kan buai thur2 mai ani.hriatloh lai hian min lo bawl phuan leh buah zel.

    Report this comment

  29. 29
    funny Says:

    vaiho ka-nin-a-ka-nin zia hi chu a. India ram hi hnam dangin luah ta se vaiho nilo hian, Developed country ah an inhlankaina a rei tawh ang. :D

    Report this comment

  30. 30
    ammi Says:

    I point rawn sawi ho hi a tha viau nangin mizo society ah pawh a applicable ve tho..tawng thiam hi a lo pawimawh khawp mai keichu min rel thei bik miah lo tamil,kannada,hindi hi ka hre nel nual..min rel mai mai mahse ka pawi ti hran lo vai rel mai mai min tluk loh vang bak a nilo.,vai zingah awmdan tha ber chu an tluk loh dinhmun a awm tum mai tur distance dah thiam bawk ila esp hnathawh na hmun ah phei chuan,nia NE lam mi hi sex lamah hian min ngai khawlo viau mai a mahse we can still prove them wrong.An mahni leh an mahni pawh hi in rel an hrat lutuk,malu chu an phakar,muslim chu an tawp,chuti khati neuh neuh an nghah ve lutuk,,vaiho hi tluk loh na lian deuh kan nei a,engkim an thil tih reng reng hi mizo ai hian an lo serious deuh ziah hnathawhna hmun ah pawh..mi el ran hian engkim hi an ti vek…el ve mai tur simple as that.

    Report this comment

  31. 31
    Viking Says:

    Burma lam atanga lo chhukthla ( Burma Suak ) , kan tluk siloh VAI ngaisang lo hnam kan lo ni e ! :-)

    lal-aryan-a sawi awm tak kan sawi chu a!

    Ka lawm e ! :-)

    Report this comment

  32. 32
    sillyBoy Says:

    Hnam hrangte hian zia hrang hrang kan nei a, vaiho hi chu an thinrim viau pawhin kut inthlak mai hi chu an hreh ve thin khawp. Mizote hian kut thawh kan ching a, kan kut a rang zawk zel, kan thiamna ngei turah pawh.

    Han in hmuh tirh vel hi chuan vaiho hi an felin an polite viau a, a rei deuh hnuah chuan (kan zia an hre chiang telh telh a) an ngeiawm duh thin khawp mai. Vaiho bula awm hi chuan distance keep thiam a tha ber mai.

    Report this comment

  33. 33
    buzzbabe Says:

    vai ho hi chu han hau hreppppppp phot mai ila…min hlau ltk tlats… min ron pun zel ru vai ho problem nei chuan..:) kan ofis ah pawh min hlau ltk min nuih tlon heuh2 mai ni lolz

    Report this comment

  34. 34
    funny Says:

    Lal-Viking enge “Ka lawm er” i tih zel kher a. :D LOL

    Report this comment