Harassment hi!

December 30th, 2008 3:43 am by Haifi Hmar

India khawpui hrang hrang ah keini Mizo te poh kan awm ta nual mai. Vai ho hian min hmusit em em na chhan hi eng vang nge ni ang? NE Support Centre (NSC) Delhi te chhuan harassment vang in karkhat ah complaint pahnih/pathum an dawng ziah ni in an sawi. Eng khawpui hi nge hluar ber ni ang? Kan tawn ngaihnawm awm deuh deuh te han sawi thlang i la.

North East Helpline Website: nehelpline.net

Similar Posts:

Recent Posts:

33 Responses to “Harassment hi!”

  1. 1
    Aryan Says:

    hmuhsit chhan chu ignorance ani mai lawm ni. Mizoramah pawh burma mi Mizo pui ngei te pawh an hmuhsit ngawih ngawih hi. Chakma te, Tuikuk te chuti bawk. Aizawl hovin thingtlang mi an hmusit em em bawk a.

    Report this comment

  2. 2
    chawnghilh Says:

    “Harassment” tih hi “hmuhsit/hmusit” tihna a ni ngai em ni?

    Mizoram-ah khian Myanmar lam atanga rawn chhukte khian rual elin, rual awtin mahni tanghma an ngai thiam zawk a, an taima zawk ka ti ve tlat! “Sons of the soil”-ho khi an hnufum tawh zawk. Popeye ni zeng si lova; bang vung liana thi an tam tawh em mai!

    Chenna ram athu hian culture leh tradition, hawiher a lo inzei hleih thei hle a; dik taka sawi chuan hmai hnawih paw ve thukin, ring/awr paw rual kim leh lo te, lungee han fen hnulh mai te, kal paha kut then dan vel, ke chheh dan, slipper han inthawlh mai te, kut thinga han inchibai rau rauvah pawh kiu dinglam kut veilamin a dawm dai tawh hi chuan … kan pi puten Rihsang mual liam, PIALRAL an tih lam atanga rawn tla thla an ni tih a chiang thin! Khi lama HUALNGO, Tiau thlang lama CHHAKCHHUAK!

    In subject rawn tarlanah ka la lut miah lo, “Harassment” tih thumalah ka buai ru deuh a ni. Aryan! I bul tan dan ka rawn tuihnih ta ngawt si!

    Mizo khi eng kan ni chuang vak lo; Aizawl mi hlunte khi mi tha hlei hlei an ni thungin ka hria. Thingtlang atanga rawn pem lut, inti-Aizawl rim namte khi an che uchuak deuh thin zawk asin.

    Chakma-te pawh—tih tak emah chuan—Shillong daihnai mai maia inzir an ni lo, Central leh South lam Mumbai etc-a inzir chhuak an tam teh tawh a nia! Sum lamah an kawi teh mai a nia! Tuikuk (Bru)-te pawh, a mawl chin kan kiang hnaia kan hriatho ang ngawt khi an lo ni kim vek tawh hauh lo. Rawlrala chetna lamah phei chuan kan tawrhna ber, tawrhhlelhawm ber, tlawn ngai tak an lo ni ta! Tuikuk-ho hian ui sa pawh an ei duh miah lo zawk asin!

    IGNORANCE avangin miin hmuhsit a tawk ang bawkin; hmusittu pawh IGNORANT vanga va hmusit thin ta mai a ni ngei ang! Mahse, “harassment” tih thumal erawh chu ka luhpui ta miah lo che u a ni e. Ngaithiam mai r’u, a sei hman leh ta em mai!

    Report this comment

  3. 3
    chawnghilh Says:

    TIHTHLABAR! TITHLABAR … THLABARNA, he he … a dik em?

    Report this comment

  4. 4
    maawma Says:

    Harassment hi inhmuhsitna tih a leh lin chu a dik chiah lo mai thei.
    Ka experience ve ah chuan, Class 10 kan zir zova, phai ah college zawm turin kan han chhuk thla ve ngei mai ani, vai ram purah. Khang lai khan min lo enhniam hle mai tih pawh ka experience chiang kher mai. Mahse ka thiam lo hran lo, kan hawiher te a lo dang lam a, kan inchei duhdan ten a lo zir lo bawk nen.
    Amaherawh chu kum a lo vei a, college te kan zir zo a, nupui fanau te nen kan han inkilkawi ve traih tawh hnu ah, eizawnna lamah pawh eng teh ual chu ni lo mah ila, Vunngo trawnga “White Collar job” te a lo nih ve ik ek chuan, Experience te a hma ai ngawt chuan kan lo nei ve deuh tawh bawk nen. Tunhnu ah, vai ram emaw ramdang tuipuiral pawh ni se, tunhma a min biak dan ang kha chuan min be ta ngai lo a ni ber e.
    Aizawl ah ngei pawh Burma mi chu kan enhniam ringawt a, mahse Burma mi, mi bright lutuk hi ka tawng hnem ta hle mai. Hmuhsit ngawt turah ka dah ta hauh lo mai.

    Report this comment

  5. 5
    Kimas Says:

    Pakhatnaah chuan hmuhsitawmin kan awm ve tho tihna a ni ang. Phailama mizo awm tam takte hi principle nei lo ve tak tak, personal integrity nei vak lo an ni ve tho mai a. Hnamdangte hian nun loose tak angin min hmu ve fo mai. Tin, mahni nihna aia sanga lan tum kan thahnem ve tho bawk. Tin, a hmusittute hi an mawl ve tihna ani bawk. Tin, India ram hi hindu caste system influence ram anih avangin vai tamtak hian mahni mihringpuite level anga en aiin two extreme attitude an kalpui: chung en loh chuan hnuaichhiah. Survival mentality an neih nasat avangin defensive mechanism an siam nasa.

    Report this comment

  6. 6
    pehtreh Says:

    Muslim rama om in om em? Vaiho ho in en hniamna ang hi Pakistan, Bangladesh etc velah hian a om ve em?

    Report this comment

  7. 7
    beemyself_s Says:

    Hmuhsitawm hi chu an om ve mai..keini pon Tuikuk,Burma ho,Chakma te chu ka hnuai en ve tho changkang tok te chu lo awm ve mahse…henghi a chhan ber chu kan mawl vang pakhat ani…Vaiho pon min hmusit a,hmuhsitawm in kan awm ve ni mai a,an mawl vang bok ani min hmuhsit ni,mhs vai mawl hi an tam bik em alom..

    Report this comment

  8. 8
    chawnghilh Says:

    Hnam dang hmusit mai lovin;
    Thiana’n i sawm ang u.

    — Rokunga (February 20, 1914 — July 12, 1969)

    Hnam dangin min hmuhsit hek loh nan;
    Mahni chenna hmun theuhvah
    Awmdan tawk i thiam fo ang u.

    Report this comment

  9. 9
    Borat Says:

    Hnam dang, Bru te ang chi chu sawi loh, kan Mizo pui ngei Myanmar atanga rawn tlanchhia pawh kan hnawtchhuak a; kan India puilah “vaingalsin” ti tawk, African-American te “Negro” la ti tawk kan bo lo.

    Report this comment

  10. 10
    Maramizodiktak Says:

    Vaihovin min hmusitna chhante:

    1. Tribal kanni avangin. Tribal tih tawngkam hi India popular usage leh connotation ah chuan backwardness, illiteracy, poverty te anni tlat a. None-tribal Vaiho khuan plain tribal ho khu an hmusit emem a, chuvangin keini North East mite pawh tribal kanni ve zia an hriat hunah chuan mi hmusit ve ta mai ani. Chuvangin kei chu tribal ni zel hi ka duh tawh lo.

    2. Tunlai global urban culture kan hre tawk lo vang ani. Protocal, eti-quette, mannerism, dress code, food habit, etc ah te hian mi ram ah kan awm chuan mi te tih dan zir ve a, an tih dan angin tih ve a tha khawp ang.

    3. Language problem vang ani. Saptawng leh Hindi tawng tein thenkhat chu duh tawka kanin express thei lo avangin mi hmusi kan tuar ta ani.

    4. Mi a hmusit tute hi an puitling tawk lo vang ani. Mi hmusit ching te chu mi puitling lo anni a, keini Mizoram mipuite pawhin kan thenawm hnamte hmusit kan ching ve ani chuan kan puitlin lona a langtir ve ani.

    Report this comment

  11. 11
    Lily_parmawia Says:

    An harass che chuan ngoi mai roh. I ti let ve duh a nih chuan nangmah harass tute mizia ang lek nei mihring ini mai.

    Tribal ni mahila anni aia SMART na hi kan ngah ltkkk…

    Report this comment

  12. 12
    chawnghilh Says:

    Innghirngho chang a awm lo thei lo; thungrulh duh leh duh loh athu a ni mai! Vaiho leader-ah ka tang zauh zauh tawh, tihlet dan tawk lek lek thiam chu a pawi lo. An rualpui anga awm thiam te, an aia chunga awm thiamte hi kan inzirna zel tur inchhawp chu a ni.

    Vairama lehkha zira kan kal tirh hun laite khan, an vai film kalphung ang deuh hian, huai zawk hre turin kan insual hep mai zel a. Tharuma chak pawh, “dimaak” lam vaivir thiam nih pawh a ngai kawp hle.

    Hmuhsit chu ka tawng ngei mai; min hmusit rei chuang vak lo! Lehkha zirna lamah pawh, an aiin mark han hmu sang ziah mai ila, inphahhnuai nachang hre tak an ni!

    Hnufumna leh zei lohna kan neihna zawnah hian min sit duh a; min hmu tlawktlaw a, chutiang taka mahni hmazawn hai veng thei tura tan kan lak chuan HARASSMENT hi a thleng mai mai lo!

    Thawkkhat laia Landlord-in Manipur lam hmeichhiate an lo zuam ngawt pawh kha, signal a lo awm tawh deuh a ni thei ang em … ka hre pha lo.

    Tin, kan ram hruaitute pawh hian kan thlavang hi han hauh hrim hrim mai sela; Hamas leh Israel-ho, tunlaia thilthlengah pawh hian, zir tur a tam hle.

    Kumpinu chuan Mary Winchester Zoluti kha Mizo kutzalah a dah hlen ikhaw lo mai! Tihtak emah chuan Manipur hmeichhe fa hrin, a thlahtu James Winchester, thingpui huana thawk ve kuang kuang mai kha a ni!

    Zirlai kan nih laiin (1971) Naga-ho nuihsawhna deuh mai Hindi Film a chhuak a; an zirlai leh Ram hruaitu zawng zawngte nen an tang tlang vek.

    Uganda-a Israel tangte kha ’90-minutes at Entebbe,’ tih a nih chhante kha! Harass-tute kha an harass let khum khawp mai! Kum 1979-a Saituala RC Chaudhury-an thah tuma Silchar buai vakah te khan, chhantu Politician-te kha kan nei tha rem rem teh asin! Harassment kan hmachhawn a nih phawt chuan — Party Party, a chi a chi (minority, ethnic)-a inthliar lovin, a hnam pumin han thawk rup zel mai ila … Mizote kan namai lohzia hi khawvelin a hre mai dawn a ni. Canteen Kual, Kali mandir bula inkah chiamnaah kha chuan Hruaitu huaisen kan nei lo khawp mai!

    Engtin tak Obama hian “awr senin, awr dum” ang maw? A lo rim kual thawt thawt hmasa hlawm si … a pik ve khawp ang. Thil ti thei tur chuan tlawn rawn ngai khawpa hausa tawntaw nih te a ngai a; US lah heti hi a ni kiam-kuam tawh mai si!

    Report this comment

  13. 13
    drake Says:

    chawnghilh beisei thei lutuk mai…..hahaha… biakin a thusawi tu ah chuan i thra lo tops ang
    fiamthu :)

    Report this comment

  14. 14
    chawnghilh Says:

    Thu ka sawi sei thei asin, ka sam tan thu te hi sei tak ka sawi hmasa a; sermon-ah ka’n pakai a. Ka thu sawi ngaithlatute pawhin, “Next time, leave your hair long; rather cut your sermon short,” min ti.

    “Beisei” i rawn tih khi “bei sei” ti tawh rawh; “beisei” chu “HOPE,” vai tawngin “ASHA” …, “bei sei” erawh chu “rather lengthy,” tihna a ni. Punctuation a dik loh chuan — a awmzia hriat vat a har.

    Report this comment

  15. 15
    elcee Says:

    Comment 9 & 10 khi dik ka ti. Tin, tribal han tih hrim hrim hian mi tamtak chuan saruak a thing a lawn a ban vel tur a ngai te pawh an awm. Tin, kan ei leh in hi an sawi duh ber pakhat bawk..Uisa ei hi an hmusit em em a, Tin, Agra vai pakhatin vawikhat chu thosi kan ei leh ei loh min zawt, kan in hnial hrep zui…
    Tin, borat sawi ang hian ‘negro’ tih te hi a hria ten a mawi lo an tih chuan a mawi loh zia hre phak lo te pawh in zawm ve mai a tha in ka hre bawk :-D

    Report this comment

  16. 16
    drake Says:

    ok…hehehe….korekson poh i ron bei sei khopsss…. :)

    Report this comment

  17. 17
    Haifi Hmar Says:

    Vai min hmusit em em ho hi chu Bihari an ni deuh ber zel.

    Russell Peters (Canadian comedian, Punjabi val) ve tho hian Indian (vaiho) hi chu a ti hneh thei rep rep hi mawle.

    Report this comment

  18. 18
    elcee Says:

    @ 17 hi ka dik ka ti chiah lo! ka mit hmuh a vai, mizo hmisit tu tam tak zingah bihari an tel ve tlat lo. Tin, Russell Peters hian vai kher lo pawh a hneh sawh vek :-D

    Report this comment

  19. 19
    chawnghilh Says:

    Bihari-ho chu kan tiduhdah ve bawk alawm, Saitual-ah pawh … Saitual tlangval zawng zawng Jail an luh vek kum kha in la hria em? Santhali kan tih, “Midum kuri kuri ha taiah, chala beh chala beh, khuangpari …” kan lo tihhote kha kan tiduhdah ve tho, Mizorama kawng laia rawn chhuak te hi!

    Kan Mizo nula thenkhatten pasalah an lo nei ve ta bawk thin a; mahse, midum fa, a nu Mizo a nih ngat chuan an fapa/fanu hmingah “Zo ….” tih a tel ngei ngei deuh ziah …eg. Zopianga, Zohmangaihi, ha ha!! Kan lo intiduhdah mang e.

    Report this comment

  20. 20
    Borat Says:

    Bihari ho chu North Indian mi ten joke sawi nan an hmang thin.

    Report this comment

  21. 21
    beemyself_s Says:

    @ elcee hi dik ka ti…Bihari lo poh hian min lo hmusit khop mai..ka tong hnem ve ta..mahse kei cu ka ngawi daih zel…kan hmuhsitawm miau hek.Tin, min hmusit tu te hi an mawl vang ni tih ka hre bok..he he…

    Report this comment

  22. 22
    Kimas Says:

    Min hmuhsit leh sit loh hian ka rilru a thlak vak lo, thin erawh chu a rim ve thei tho. Mahse min hmusit poh leh ka ngaisang lo ting mai. Mahni principle ah hian chiang ila, quality nei ila, taima ila min hmusittute pawh an zak mai ang. In hmuhsit chign tak hi chu eng hnamah pawh a mawl chi deuh an ni tlangpui. keini aia hniam zawkte ngei pawh hi hmuhsit kher a tulna a awm lo, thil chuangtlai mai mai a ni.

    Report this comment

  23. 23
    V-a_USA Says:

    Thudang daih,

    Israel ram a Mizo unaute in vaiin kumthar chibai u le. Nitin updated news kan lo hmuh dan in in ramthar buai hian tawp in tai nei lovin kian zai reng a rel lo anih hmel hi maw le! Sipai raldo hmatawngah in tran leh tran loh hre lo mahila he buaina hian harsatna eng engemaw tak chu a thlen ngei che u a rinawm a, I am thinking about you and praying for you.

    Report this comment

  24. 24
    Jervis Nghaka Says:

    @elcee: Russell Peters show published ho chu ka nei vekin ka hria a, in lo en ve thin a ni maw? A fiamthu thiamna zawng a ni bawk a, mi tihdan han zir vel chu a thiam ve ngawt mai. Mizoramah rawn kal se, kan tihdan te hi min zirsak ve sela promote na tha tak a nih ka ring a sin. :) A fiamthu hi midang culture zirnan tangkaina chen a awm ve in ka hria.

    @ 10 (4) ka trawmpui viau.

    Report this comment

  25. 25
    wonderboy Says:

    Bihari ho chu Assamese ho hian an hmusit ngang mai!! Assamese ho hi Bihari ho hian an hmusit ve leh em em thung!! Hnam dang in hmuhsit ah hi chuan….inhmusit thei bik kan awm lo…russel-a kan en thin chuan!

    Report this comment

  26. 26
    H.Vangchhia Says:

    wonderboy: vawin ka volunteer na hmun ah Mumbai lam mi nula pian chhe lo bawn tawp tawp hi a lo tel ve a…. ri ret ret chauh hian Kuch Kuch Hota Hai kha kan sa ri ret ret mai chuh…mak a ti hi mi melh zuk zuk a a tawp ah… kha hla kha engtin nge i hriat a… mi ti hlawl… ka rin leh beisei sa reng kha ania hahahhaha kan in be nial nual a…. Bangalore atanga computer zo, heta work visa reilo te nei a thawk a lo ni reng mai a…. engpawh nise a felka ti roh hle mai… tar enkawl na hmun a khatianga rawn volunteer kha chu….

    Assamese hian Bihari an hmusit i tih hi Mizo in vai an hmusit kan tih ai hian an la na in ka hria…. ka expi atang chuan… anyways, we’re all humans… so… what the heck… or is it human nature?!! Happy new year dude

    Report this comment

  27. 27
    H.Vangchhia Says:

    “a” human nature *

    Report this comment

  28. 28
    zodin Says:

    hahhaai vai ngalsin i lo ngai sang thut a ni maw :) vai hla te i lo sak khum tak a Lal HV :) i han chhai vel tur chu ka hmu chak eeeeeeeee :) lerh chiang ve a lawm chiang kuangin a :)

    Report this comment

  29. 29
    zodin Says:

    V-a_USA tumah ngaihtuah awm an awm lo e , ral hma tawng ah pawh an awm lo e mahse i ti lawm awm e i lo tawngtai pui vek dawn nia, kum thar chibai bawk le

    Report this comment

  30. 30
    elcee Says:

    Jervis Nghaka!! ka en ve zeuh zeuh, nuih a ti za em a lawm le :-D abikin a ma pa ngei tawng dan a zir vel hi.
    Tin, Indian English sawi takah chuan hman ni lawk a i thiannu thar Vienna a mi khan an tawng ang chiah2 in a thiam :-D

    Report this comment

  31. 31
    Haifi Hmar Says:

    @elcee…Russell Peters hian a CD engzah chhiah nge a release (pathum chu ka nei a)? Eng site a nge download theih a? Tak ah Christian a nih tih poh a sawi zauh kha mo a show pakhat a khan!

    Report this comment

  32. 32
    Liansiama Says:

    Vai rama NE mite min endan hriat hi chuan rilru sual a chhuak a, racial attacks on Indians in Australia tihte hi chiar nuam ka lo tih phah thin. Inhmu chhuak se, Australia laka an rilru nat ang hian…Mizo,Khasi,Naga te pawh kan na …. Ah! Australia a an tuarna te chu nep tak a la ni. Vai rama harassment leh helaia Burma mi kan endan tur a inang lo. Burma mi chuan min rawk a, min buma, an pawngsuala tual an that bawk. Vai ramah chuan lehkh kan zir tha hle hle te, kan awm mai mai te hi uicho ang tlukah pawh min ngailo thin ani lo maw.

    Report this comment

  33. 33
    alquiler vacacional en benidorm Says:

    alquiler vacacional en benidorm…

    [...]Harassment hi! | mi(sual).com[...]…

    Report this comment

Leave a Reply

You must be logged in to post a comment.