Football khawvela hming dai tawh ngailo tur Diego Maradona chu tun Chawlhni lo awm tur (Dec 7) khian Kolkata khawpui (West Bengal, India)-a Mohun Bagan-te khelmual-ah ‘football clinic’ a rawn nei zuai dawn a. Hetah hian Asia khawmualpuia football club upa-ber Mohun Bagan-a an under-12 players-te chu ‘football tips’ hmuhin a hrilh-hre dawn a ni.
Argentine football legend, tunhnaia Argentina National Team-te coach ni ta Maradona football clinic neih tur hi tlailam dar 3:00 atanga neih tan a ni dawn a. “A tum lawk dan ang chuan minutes 45 vel hun a hmang ang.
Mahse, amahin a duh phawt chuan chawhnu dar 1:00 atanga zan dar 8:00 thleng hun a hman theih hemi hun chhung atan hian khelmual pawh kan book lawk diam tawh e” tiin Maradona chahchhuah nana hmalatu Celebrity Management Group [CMG]-a an executive director Bhaswar Goswami chuan a sawi.
Kum 48 mi Maradona hi Kolkata khawpuai hian ni 2 châm turin tun kartawp (weekend) khian a rawn zawk dawn a. Heta football clinic a neih pah tur hi chu ama rilru puakchhuak liau liau a ni nghe nghe awm e.
Similar Posts:
- Football for famine
- ZH Ropuia’n enge a sawi?
- Manchester Premier Cup 2008 ah Mizoram che tha zel
- Football hi Mizote khelh chi ah ngai lo
- Mizo Aw Sports :: 7 Nov, 2006
December 5th, 2008 at 9:47 pm
Hmuhve chakawm ngawt mai. Ka duh thei khawp a, a number hak thin no 10 kha inkhelh hi chuan ka thlang ve ziah thin
Mahse, an ram coach a an dah ta mai kha chu mak ka lo tive mai mai a.
[Report abuse]
December 5th, 2008 at 10:40 pm
Keipoh mipa tamtakin Maradona kan ngaihsan avang khan min han nuihsawh ngei bawk a, kan thinrimtheih zia kha
ka la tran bon top2 mole 
[Report abuse]
December 6th, 2008 at 12:43 am
Amanda chu Maradona te i tan phak ve a ni maw?
[Report abuse]
December 6th, 2008 at 8:56 am
Kan tar tawh alawm Kimas kan la te ve khawp mai a, a inkhelthiam aimah khan a hming kha kan tan thinin ka hria
kan in luahtu pitar pakhat phei chu a tang lutuk a, an chakloh chuan a tap vel thrin 
[Report abuse]
December 6th, 2008 at 11:50 am
Maradona nen hian kan inrual vel, a lar vanglai kha ka sual vanglai vel a ni!
[Report abuse]
December 6th, 2008 at 1:51 pm
Patriot chu i va sual si tawh si ve a…tun thlengin… tak taka fiamthu..
Nia Amanda kei pawh ka en ve ngei alawm Maradona inkhel kha. A la thiam ber maiin ka hria…
[Report abuse]
December 6th, 2008 at 3:37 pm
hmaniah lal-pi-irre i te nen, Maradona lar lai kha chu tv antenna her ngaih hun lai kan tih tawh kha
Borat a kha chuan Maradona a khel kha aen hman ve vak lo ani mai thei 
[Report abuse]
December 6th, 2008 at 3:38 pm
Kum 1986 world cup kha mizoram pawhin world cup a hmel hriat chian leh zual tanna niin ka hria, kum 1985 te kha chuan Mission vengthlangah chuan TV nei kha kuttang thliah tham vel lek an la ni.
Aizawlah te chahchhuah ve theih nise la, keini foot ball ngaisang ho tan chuan zaithiam chah chhuah leh ngawt thin ai chuan kan hmasawn pui zawkin a rinawm.
[Report abuse]
December 6th, 2008 at 3:40 pm
Burbura, keichu 1990 Italy kha ka la ngai ber. AN hla te kha a van fuh, football khel ngai lo mahila, a en hi chu nuam ve ee..savun hampuar um a patling pui pui an han tlan duai duai mai hi chu hmuhnawm ve em bawk lah tak a !
[Report abuse]
December 6th, 2008 at 3:54 pm
@Viking, keipawh ‘to be number one’ kha chu nalh ka ti. Mizo pawhin kan neih ve kha.
Savun hampuar mai mai umin mifate chuan cheng a nuai a nuai tel an hui lut leh nghal a. Infiamnaah chuan a nuam berin a hmuhnawm ber a nih hi.
[Report abuse]
December 6th, 2008 at 5:07 pm
pu HV khan ‘maradona chu a rawn kal puam uk dawn ni maw?’ a tia mi kha? inhmeh eee!
[Report abuse]
December 6th, 2008 at 5:47 pm
A thau tawh ropui si a, a mah kha ball emaw tiin an lo pet ang e !!!
[Report abuse]
December 6th, 2008 at 6:40 pm
Maradotawn-a(ka pi sawi dan) hi a thau tawh lo, a chhanchhuaktu pawl pawh an awm a lawm
koalkatta a thleng tawh :
People waved flags of India and Argentina, danced to the tune of foot-tapping Latin American music and raised slogans eulogising the football legend who touched down at the Netaji Subhas Chandra Bose International airport at 1.25 am
http://sports.timesofindia.ind.....800208.cms
[Report abuse]
December 6th, 2008 at 8:02 pm
Maradona hi chu thiam ka tiin ka duh ve thei khawp a, mahse sava silai nen mi a kah atang khan ka ngei deuh tlat a nih chu.
[Report abuse]
December 7th, 2008 at 12:09 am
Voin tlai khan Maradona chu a nung chung ngei in Salt Lake stadium ah kava hmu ve ta….hehe
[Report abuse]
December 7th, 2008 at 12:19 am
fRenZzy: a thlalak te rawn thawh la
i nick te chu a van nalh iam iam 
[Report abuse]
December 7th, 2008 at 12:51 am
thla poh kala hmanlo..hmuh loh hlau ltk in fence ah k lon a…k in ham tang hram2 ani….hehe
[Report abuse]
December 7th, 2008 at 1:03 am
‘Man U’ kan chak hram e; nuameee hreawm
[Report abuse]
December 7th, 2008 at 1:28 am
Zaninah the big four an chak vek.
[Report abuse]
December 7th, 2008 at 2:51 am
liverpool kan champ dawn sim sim.
[Report abuse]