Krismas Lunglen

November 29th, 2008 3:01 am by Zaia

Zing a ni a.

Kawmthlang lam ka thlir a, kan kawmthlang ruam, kawr kamah chuan chhum a zing chek a. Tukverh atanga zing daifim keng thli rawn thaw lut her her chuan ka zing tho, kawr ha lova ding vun chu a rawn chhem seng seng a, ka mur chem chem a.

Kan piah deuhva Biak In chhip zuma Kross intar, chiang taka hmuh theih thin pawh chu chhum zing chiai chiai avang chuan chiang lo ruaiin a lang a. In leh In inkarahte chuan chhum a zam paw chiai a. Calendar ka en a, November ni 21 a ni tih ka hre thei a, ‘Mas a va hnai tawh ve!

Kan naupan laia ‘Mas kan nghahhlelh thin ziate kha aw! Kum khat chhunga thawmhnaw thar kan neih ve theih hun a ni a. Krismas ni a thlen hma kha chuan kan thawmhnaw tharte kha kan ha chhuak phal ngai lova. Chuti chung chuan tuk tin kan en a, a thar rim kha kan hnim kan hnim thin a… lung a va leng em!

Tunah lah chuan mahni buai buaiin kan buai a, kan inrin loh laiin Krismas a lo thleng leh tep ta mai! Ni tin kan eizawnna lamah, zan dar 10 pelh thleng thlenga hna thawh a, a tukah pawh a ngai te bawka kal a ngaih leh thin chuan rilruah ‘Mas a lang thei lova; lung hi a leng hman lo. Lungleng tur hi chuan hawi thawven hman a ngai. Tlang panga thing lian pui pui ding thelh suau te, a ral lehlam hla deuhva lang thei tlang paw chiaite; kawmthlang lawka rahtlan kunga tlaiberh inbengberek nawk nawkte, a chhak lawk sihneh buk kara chawngzawng lo inchhek ri ve chhek chhekte pawh lung tileng em em a ni tih hre mah ila, ngunthluk taka thlirna hun neih loh chuan a lunglen hman lohva. He khawvel mawina hian a mawina hloh lo mahse mawi titu tur thinlungin mawi tihna hun a neih loh chuan chu mawina chuan mihring thinlungah awmzia a nei thei lo thin….

.

chhiar zawm zel duh tan a author Zaia blog ah hian han chhiar te u le..
zaitea.blogspot.com

..

.

Similar Posts:

Recent Posts:

14 Responses to “Krismas Lunglen”

  1. 1
    H.Vangchhia Says:

    Lung i ti leng e a

    Report this comment

  2. 2
    skeletonvela13 Says:

    Aw! Zoram! Krismas hmang turin ka lo ho dawn e!!!

    Report this comment

  3. 3
    H.Vangchhia Says:

    ske: grrrrrrr extra cash nei ila ka va han ti ve… ka haw ve chak hle mai… tak2 a nuam deuh in aw…..

    Report this comment

  4. 4
    Zaia Says:

    skeletonvela13: lo haw ngei teh.

    Report this comment

  5. 5
    rauthla Says:

    christmas hla (english or mizo) download na tur min lo hrilh thei in om? ka harddisk format ngai a ka hla neih ve chhun ho write hma in:P virus hi chu buaithlak nih hi

    Report this comment

  6. 6
    Zaia Says:

    rauthla : http://www.ziddu.com/download/.....m.rar.html
    http://rapidshare.com/files/16.....mas_CD.rar

    Heng hi hmanni lawka ka dl a nia, tha ve reuh ltk.

    Report this comment

  7. 7
    adelfos Says:

    I thuziak chuan lung a ti leng hle mai tak a! Krismas a nawm lai ber chu naupanlai hun kha a ni ta berin ka hria. Dawhthlak, thawmhnaw thar, zaikhawmna in chheh vel, tlaivar, ran talh leh ruaitheh… an lo special em em vek mai! Daduhi “Sikni Eng” kha khawnge ka dah aw? Ka’n ngaithla nghe nghe teh ang…

    Report this comment

  8. 8
    H.Vangchhia Says:

    Aizawl lam atangin, Video CD milo thawn nual a…masi hle vel… computer ah chiah ka enthei mai aa..zialo khawp mai. Tih that/siamthat ngaihna in hria em aw

    Report this comment

  9. 9
    gothica Says:

    keipawh cash awmloa ka haw dawn talo anih hi… Pu Zai lung iti leng hle mai.. i blog chu chhiar a manhla e… tunlai Aizawl thlalak/ thlalak che thei (video) te han post teh u…

    Report this comment

  10. 10
    gothica Says:

    Advertisement:
    ”Englo tih lenna i duh em? side effect awmlo, chemical hmanglo, 100% quarantee, a rintlak, hman awlsam leh hahdam….EN LENNA HMANG MAI RAWH!!

    Report this comment

  11. 11
    chhana Says:

    Hetiang thu hi ka chhiar fo duh lo. Zoramah kan haw hman si lo. Uzai, thinlung i ti fawk.
    I ziak tha hle mai. I blog–awh ka lo lut ve thin tawh dawn nia. I dialogue atangin ka in hmuchhuak chiang khawp mai. KRISMASS CHIBAI

    Report this comment

  12. 12
    littlerascal Says:

    keichu ka han haw anga uisa bai tui tok ka han lim nghek teh ang

    By the way, misual.com hi a boring

    Report this comment

  13. 13
    H.Vangchhia Says:

    Krismas a lo hnaih hi chuan, kan chhungkua, ka pi leh pu te damlai min ti hrechhuak thin…. tin, puitling a ngaih lo ni ve tawh mah ila… Ka pa ho ngei mai a…chhungkim lai a… Masi hla kan sak thin lai te… kan kawtlai a kohran ruai kan theh thin lai te kha…ka ngaihtuah let hian… chhungte lo hlut zia…thenawm khawveng in pawh tawn hlutzia etc min ti hrechhuak thin. Kapa, pa Ruata, Pa Ngurhuzaua, u Saliana te ho in kan in tlang ah Masi hla, baza (bagpipe) tlai ni nem ah khuang tlir chunga an tum thin te kha..ka mithla reng mai. A lunglen thlak hle mai…

    Report this comment

  14. 14
    Zaia Says:

    @ gothica: Thanks.
    @ chhana: Thanks, lo leng ziah roh.

    Report this comment