Mizo driver-te dinhmun
November 28th, 2008 2:01 am | more than words | neitham | 874 views|
|
Mizote’n driver-te dinhmun kan dah sang lutuk deuh em?
By Darsiemlien Ruolngul
Mizote hian Driver hi kan lo ngaisang viau thin a ni ang. Tun hma lai deuh phei kha chuan Driver chuan khawkhat nula hmeltha a duh duh a thing thei an ti thin. Hetiang em ema Driver kan lo ngaihsan na chhan ni tura ka rin chu hmanlai deuhva kan A AW B hla, ˜Ke a kal silovin thui tak tak ka kal, tia an lo sak thin angin, kea kal lova thui tak tak min thlen tu, motor leh a khalhtu(Driver)te kha kan ngaisang lutuk niin a lang.
Tun hma ang em khan Driver te hi ngaisang tawh lo mah ila, kan la dah hniam em em lo niin ka hre thin. Delhi-a ka awm hnu hian Mizoram atanga lokal officer thahnem tawk tak kan inah chaw eiin an rawn kal ve tawh thin a. Chung officer tam zawkte chuan an Driver te inchhungah rawn hruailutin, chaw pawh kan rualin an ei ve deuh zel thin. An rawn hruai luh loh pawhin an eitur chaw emaw thil dang dang kha pek ngei ngei turah an ngai tlat bawk thin. Heng Driver an rawn hruaite hi Vai an ni deu vek zel a, a tlangnel zual deuhte phei chuan Mizo tawngpai em em in ti ti hruai phet an tum loh leh an inrawlh sek thin lehnghal! A zialo lampang deuh chu ka ti thin, ka rilru te te in.
Keini ho hian heti em hian Driver te hi kan ngaipawimawha kan duhsak lai hian hnam dang leh mi changkang zawk te chuan an lo ngaisang lo chauh nilovin an dah hniam hle thin a. An inchhung luh tir leh ei leh in pek tihte chu a hnai lo nasa mai! Hemi chungchanga ka experience han sawi ve ka duh a ni e.
Mumbaiah Protector of Emigrants hna chelha ka awm lai khan, vawikhat chu ka ka thiante pahnih, Manpower Export company-a Managing Director ve ve nen Pune-a week-end hmang turin kan thianpa motor, Mitsubishi Pajero-in kan kal a. Khang hunlai kha chuan India ramah SUV a la tam lova, Mitsubishi Pajero hi a tha pawl tak a ni.(tun thleng hian a la ni tho) Mumbai - Pune Expressway kha a thar lai a ni bawka, tlan pawh a nuamin kan speed pawh a sang duh hle mai.
Kan thian pakhat chuan kan motor chu a khalh hmasa a, kawng chanve aia thui kan tlan hnu chuan keiin ka khalh ve ta a. Mumbai kan chhuahsan hmaa programme kan lo siam angin Lonavala-a an thianpa inah inphih fai leh zunram thiar pahin thingpui te ina, rei vaklo chawlh tur a kan riruat kha a ni a.(Lonavala hi Mumbai-pune inkara hill station a ni a, a boruak a nawm vang leh a ram hi a mawi em avang hian tourist in a bawr hle a ni)
Lonavala kan thlen chuan a khaw chhungah lutin ka thiante thianpa in chu kan pan nghal a. An in pawh hi a nalhin compound pawh a nuam a, a mawiin a changkang hle bawk. Compound-ah motor kan han khalh lut a, motor ka park hman hma chuan ka thiante zunchhuak tawh lutuk chu inah an lut nghal a. Kei pawh motor ka’n park zo chu in lam chu panin ka han lut ve mai a. Ka’n lut chiah chu in neitunu, nu valai tak, pian nalh leh hmel chhe lo tak chuan thinrim deuhva mi melhin “Eng tiziaa heta rawn lut ve ngawt nge I nih chu le? chhuak vat rawh, rang deuhvin chhuak nghal rawh” a ti ta mai a.
Min hrechiang hmasa lo leh, tu nge ka nih tih pawh zawt lova chutianga min han lim hrep mai chu ka hrilhhai takmeuh a, mahse ka han ngaihtuah chian chuan Driver pangngaiah min ngai niin ka ring ta a. Hmel te hi a lo tawih tehchiam loh bakah an Inah Motor ka khalhlut ve rup kha a ni si a. Driver emaw tiin chutiang chuan min lim hrep mahse a tawngka kha ka hrethiam tho mai. Insawifiah ka han tum ngial pawhin a thinrim zual sauh sauh lehnghal a. “Tawng tawng lo khan chhuak vat mai rawh, tui i duh a nih chuan I motor park na bulah tuiherhchhuah (tap) a awm kha”, tiin min vau hrep mai a. Chutianga kan rik deuh nak nak lai chuan ka thiante pawh chu bathroom atangin an rawn chhuak ve tawh a.
Kan buaina chhan an han hriat chuan an nuih a za angreng khawp mai. Inneitunu hnenah chuan thil awmzia sawiin, an boss ka nih mai bakah an “Chief” ka nih thu an han sawi a. Thil awmdan a han hrechiang chu a zak ve hle a niang, a hmai a sen tawn tawn mai nia! Nghaihdam dilin pawi a tih zia a sawi chiam a, kei pawh chuan engmah vaka ka ngaih lohzia te ka han sawi ve nual bawk a. A tawp lamah phei chuan nuihzatah kan la a, kei pawhin ka tlangnel phah ta zawk mah in ka hria. Chutia thingpuite kan in zawh hnu chuan ˜bye bye ti in, Pune lam pan turin kan chhuahsan ta a. Thlakhat hnu velah an nupaa Mumbaia an rawn kal tumin chaw eiin min sawma, kan in thiantha zawm ta zel nghe nghe a ni.
Hemi tuma ka thil tawn atang hian ‘Driver Babu’ te hi hnam dangte chuan an lo ngaihsan loh zia ka hrechiang hle mai.
Tlemte a kan han tihlan ang khian Vairam hmun hrang hrangah chuan Driver te hi chhiah hlawh angin en chuang lo mahse an pute nena hmun dang dang tlawha an zinkual chang hian officer ten an rualin chaw an eipui ngai lo hrim hrim a. Manipurah pawh khian driver ten an pute ina an luh chang hian an pheikhawk an phelhziah thin a, chuti chung pawh chuan kawngka bul bak an kal ngai lo.
Zoramah erawh chuan officer leh cer lo, milian leh mite inthliar hranna a tlem a, kan inkawm tlang dial dial a, kan eiin kan in tlang mai thin a. Chutiang bawkin officer-in a driver te pawh dahhniam chuang lovin tlangnel leh inpawh takin an kawm mai thin. A tha e, chhunzawm zel ang u. Hei hi Mizote kan mizia that bik na leh mi hniam zawkte kan ngaihhniam lohzia ti langtu ah ngai ila. Mahse a hun leh a hmun a zirin ramri kan khan thiam a tul a ni. A bikin vairamah te phei chuan fimkhur a ngai leh zual. Officer nelawm lutuk a awm te hi Zoramah chuan kan kan ngaisang a, vaiho erawh chuan ngaihsan a hnehin an hmusit zawk tlat thin si a.
November 28th, 2008 at 2:17 am
sawi tantu ah tang leh phawt te’ng… Aizawl-a kan vengah driver pakhat a awma, inlian deuh a sa a… driver-officer anti… tak2 ania… an fa te chet dan pawh a sang khups mai…
November 28th, 2008 at 2:29 am
ram changkang apiang ah hetiang a in en hniamna hi a awm ve lo, tupawh hi an in tluk tlang vek mai a ni, India ram kan la mawl zia a ti lang hle a ni, comment tur a han post teh chiam tur ah pawh ka ruat lo ka ngaih dan chuan, kan mawl zia kan ti lang mai mai a ni, ram chang kang ah chuan eng ang a officer emaw director emaw pawh khan a thian kha eng mah ni lo mahse a en hniam chuang ngai lo, ka ngaih san zawng tak a ni.
November 28th, 2008 at 2:47 am
applause to zodin… ka sawi tum min sawi khalh (ti zel teh ang, mahni aia sawithiam an awm hi chuan lolz)
November 28th, 2008 at 2:56 am
han chhun zawm leh la gothic ka la sawi zo miah lo ka in thlahrung deuh a
chiah puam a lar em a 
H.V hian rawn belh chhah bawk se a dik vek bawk ang 
November 28th, 2008 at 3:07 am
@zodin.. han sawibelh vak tur pawh ka hrelo.. an sawi thin dan takah, hetiang hi chu exam ang deuh hi ania… thiam loh hul hual hian phuahchawpa ziahtur hi a tam a, tin thiam em2 hian kan ziak teuh zel bawk a… thiam siloh, hriat nil nial si hian ziah tur hi a vang duh e antia… chuvangin, a thu lo post hi mahni aia hniamte inhmuhsit tir tum na a ang deuha, sawitur ka hre lem lo lolz… kan ti deuh teh luam a
November 28th, 2008 at 3:09 am
inthlahrung suh… mahni aia hniam te hmuhsit zirtirtu chu hmuhsit ve nghal tur ti duh kan awm em? lolz
November 28th, 2008 at 3:42 am
hahhahahha ka tawngkam thiam in a tlin lo, kan thiampuipa a la rawn che mai ang
November 28th, 2008 at 3:46 am
mizo kan nihna anga inkawm ngeih dial dial chu a tha. mahse innel chin tawk leh inzah thiam hun hriat te hi a pawimawh bawk. professional leh personal relationship te hi khaikhawm vek loh tur… an tia lawm pipute chuan
November 28th, 2008 at 3:49 am
chhungkhat anga awm thiam a corrupt thinlung nei lo a awm hi a nuam ber mai a ni, in puih hun ah pawh in puih dial dial te hi a van nuam em ve aw, Mizoram hian hei hi a mamawh ber te zing a mi a ni.
November 28th, 2008 at 3:55 am
driver dah hniam tum em em na kha ka haw tawp a chhan chu driver na zawng an mawl tlat lo a, Taxi driver te pawh Educated tak tak an tam a, lo pawngpaw dah hniam kha a tul lo em mai, Mizoram chhung ah phei chuan a sawi a sawi rik miah loh chi maw le he Topic hi a mawl thlak Botol tawp.
November 28th, 2008 at 4:06 am
a dik khawp mai… a enga party zawk pawh in respect tawn a ngai… a thianpa kha a driver ah pawh hmang se.. ni e.. driver anih chhung chu a Pu ani thoa, a zahthiam tur ani… a Pu pawhin a driver kha a zahthiam ve bawk tur ani, prof leh personal life dah hrangin… ala dik vek… mahse a post tupa ziah dan chu ani chiahlo in a lang… driver or whoever kan hnuaia kan chhawr te ngaihnep tur a tihna a ang alawm le… te ka ti ve zawt2 ringawta
November 28th, 2008 at 4:07 am
keipawh inah chuan driver ka nia… chaw ei hunah chuan a chuh chak chakah ka trang tho
November 28th, 2008 at 4:21 am
lolz SiLent_Man…. driver huaisen tak i nih chu maw le… tak2ah kan in ang chiah… driver-ah rau2… screwdriver hian a nei te ka ti… driver
November 28th, 2008 at 4:23 am
pi bmw-i hi a hnar bur2 awm sia… zingkara hnar size leh tlai lam chu a in anglo lawrh2 teh ang chu…
November 28th, 2008 at 4:27 am
Vai ramah i awm rei ta bawka Vai zia i ngaisang tan anih hmel. A awm ve tho, eng tikah mah vai ho chi in thliar leh caste system te, status avanga in hmuhsit te hi a reh dawn chuang lova. Mahse ram dang khawiah mah hian Driver te hmuh hniam annih kei pawh ka hre ngai lo. Mahse VAI ho ang lo takin tlangnel dan chin tawk mi hian an hre ve thung. MI pangai mahni hna a thawk kha anni ve mai a, heng vang te hi aniang India ram BACKWARD em em reng ni, mahni aia Rs 1 leka hlawh tlem vanga hmuhsit tak em em zel mai.
November 28th, 2008 at 4:31 am
@aryan… an kalkawnga an chawlhna ah Driver emaw antia… a thinrim tlawmngai velin driver a rawn sawisel anih khi…
November 28th, 2008 at 4:46 am
hehhehe gothic i sawi dik lubuk, aryan i van ngaihawm em em ve aw i nick ka hmu khat em em lutuk a i dam ang chu maw ? i comment a rawn fu leh zaih mai a lawmawm khatiang tur kha a ni.
November 28th, 2008 at 4:48 am
kan mu tawh teh ang mangtha vek u le, lo comment chur chur ru
November 28th, 2008 at 4:53 am
mut rei ka duh viau a mahse friday ania, kan garden keeper hian leaf blower bengchheng mangkheng hian dar 8:30 a tang hian a rawn ri tana mut theih tawh loh reng reng
November 28th, 2008 at 5:06 am
A post tu khian driver hmusit tur a tihna a niin ka hre chiah lo. A hun leh a hmun thliar thiam a tha a tihna a ni mai lo maw. An rawn hruai driver te khi vai ho deuh vek niin a sawi bawk si a. Mizote hi kan community hian min tipumkhata a nawm viau lai hian hun leh hmun hi kan thliar thiam tawk lo ve tho thin chuan ka hria.
November 28th, 2008 at 5:20 am
Driver tih khan enge a mean chiah le… USA angah chuan …. Teenage nih tawh hi chuan driver vek hi kan ni mai….. Driver tih khan hired driver a sawina a ni em.. enge a sawi chhan ka van hre chak vele.
November 28th, 2008 at 5:31 am
India ramah chuan officer ni dek dek tawh chuan a hranpa in driver an nei thin ani awm e. An in ei thau lutuk a motor khalh pawh an thiam tawh lo ni awm tak ani.
November 28th, 2008 at 5:42 am
Kima, hmusit tur a tihna i hre lo maw? Kan mizoramah chuan mi pangngai enin en ila, chumi piah vairam angahte chuan ramri kan kan ni tih inhriain, kan mizo nun ze mawi tak inunauna, inhmangaih dial dialnate chu dah thain, vaiho tihdan angin kan aia hniam, kan mizo puite pawh ni rawh sek sek, hawh u, i hmusit ngawih ngawih ang u’ a tihna a nih khi.
Kan sikul kal ve laia, mizo tawng subj-a driver lam kan zir kha hre chiang kan la awm em aw? M/S nge H/S tih pawh ka hre tawh lo, khata kan zir kha a tha khawp mai.
November 28th, 2008 at 5:42 am
Huisss> Aryan… aha typical Indian mentality kan la chhawm tih a chiang hle mai… meaning.. India ah chuan driver nih chuan …mi hnuaihnung tihna… Europe, N.America etc ah chuan… Driver chin chu record nei tha, ba rul tha (credit score hnem) in lei thei, loan la thei an ni tlangpui…. si a… Motor khah tu nih a hlutzia hi Mizo hian hria ila ka ti…. in sawi thi/inti thei hoin, an hnuai chhiah ang ngawt an ni der si lova hairehai.
BMW dealer chuan…chanchin bu ah ad an chhuah a..” We need DRIVERS,” an ti.. ..
November 28th, 2008 at 5:44 am
KanBMW credit score tha… in han lei teh u… an tih na ang a ni e
November 28th, 2008 at 5:56 am
keichu ka sawi tha peih tawhlo.. a post tupa khian MIZO hian inhmusit tawnna chauhlo chu tuma engmah ba suh u a tihna a ang ka ti
November 28th, 2008 at 6:35 am
hairehai
November 28th, 2008 at 6:40 am
Pu HV a ziaktuin a sawi hi chu sorkar driver a tihna a nih hmel.
Nia in sawi hi a dik vek mai. Mahse a ziaktu ziah dan hi kan zirchiang em aw ka ti. A ziaktu hian vai ram culture milin a ziak a, chutih rual chuan Mizo society analyse nan a hmang tel bawk a. Inhmuhsitna hi a rawt ni lovin ka hria. Ram ri kham chin kan nei lo luuk deuh lo maw a tihna a ni mai lo maw. A sawi ang chiah chiah khi chu ka pawm lova, mahse a sawi tum khi chu a tha tho chuan ka hria.
November 28th, 2008 at 7:03 am
Kimas…. somehow, someway… maybe
November 28th, 2008 at 7:09 am
Tlangval pakhat pawh kum 6 kalta velah khan Mamit ah a zin a. Zanah nula rimna a kal ve a, biakthat a lo hlawh khawp mai a. Mahse a hnuah PhD zirlai Research Project beia an khuaa kal ani tih an hre leh si… “Sumo driver emaw kan lo ti che a”, tiin biakthat vak a hlawh zui leh ta lo niin chiang taka hriatthawi a ni. Hei hian driver tek kan culturea an hlutzia a tarlang mai awm e.
November 28th, 2008 at 7:56 am
Mizoram chhung a ni emaw, Mizoram pawn a ni emaw… Driver leh Driver lo kan inendan tihdanglam a tulna ka hre lo. Mizo kan nihna anga kan mizia hrang hrangte hi hmun dang a nih avanga zahpui a tulna ka hre lem lo ve. Tumah hi inhmusit tur kan awm lem lo…
November 28th, 2008 at 8:01 am
A ziaktu hian sawi chhuak chiahlo mahse a thu kal dan enin ‘official driver’ a tihna niin a lang. Chiang leh zuala kan han chhiar chuan inhmusit tura rawtna lampang ni lovin Mizorama kan culture hi a that reng laiin a hun leh a hmun azirin ramri khan thiam a tulzia a sawi na a ni zawk lo maw? Last para hian a ti fiah viauin kei chuan ka hria.
November 28th, 2008 at 8:24 am
Hmanah nulate’n motor khalhtu an hope thin a, tunah chuan driver veilam ami an hope tawh
November 28th, 2008 at 10:39 am
Taxi chhete hi kan nei ve a, aizawl a ka ho chhuah chang hi chuan ka service ve thin, ka zak ngai lo a, mi eizawnna in zah tawn sakna kan nei thin poh hi a hlu ka lo ti thin kei chuan.
November 28th, 2008 at 10:45 am
chuan mo, ka taxi driver experience neih ve toh atang chuan mo, mizo te hian driver hi kan ngaisang lo viau in ka hre bok, mahse mifing chin mi hnathawh zah sak thiam tak2 tam tak an awm bok.
November 28th, 2008 at 10:46 am
jemi: Aizawl kalo haw hun ah ka hmu chak hle mai che… kei hi antam zuar thin ka ni e Thakthing BAzar ah..ka email vangchhia@gmail.com
November 28th, 2008 at 10:47 am
Driverte hi hmuhsit chi an ni miah lo. Driver chhawr tute nuna hi driver kuta awm anih na lai a awm tlat ani. Puten an hnuaichhia/hmusit ti an in hriat vaih chuan an chet sual pui daih mai dawn ani. Mahse driver tha leh tha lo, fing leh finglo, hawihawm le hawm lote hi chu an awm chiang ani. Driver in lak duh chuan in fimkhur a tul viau ang…..
November 28th, 2008 at 10:51 am
jemi: Kg 110 vel.. dul kiar lem miah silo… hrisel bawk si… mahse putar hi..BMW, kanidar leh amanda hmu tur hian i hruai ka phut maithei e aww. Ka pi te khaw pa naupang kha Mizoram inchai a la chak ber em….. hlawh t that dan zirin ka nem bet ang hairehai…
November 28th, 2008 at 11:18 am
Eeee.. pu H.vangchhia.. a free in ka hruai kual vek ang che:) chuan mo pu Hv.. Dec thla top lam ah hian krismas hmang in ka ho le ana tah po chuan t tur om lo le don cia service leh ngei ang Pathian zar a ka dam chuan,
tah te chuan lo ho thei la atha tur nia taxi free a hman thei lai lolozz..
November 28th, 2008 at 11:21 am
Ka Taxi thin chu..ZRT 279 a ni…. Mizoram in buan chak kha ka buan let tual tual chak mang e…. ka chak lo..nuam ka ti
November 28th, 2008 at 11:23 am
Kolasib mi a ni lawm ni… ka pi te lalna khua… Ka pa Kulh-a (Lalkulhan.. i chak, i hmang thiam lo” a tih kha a rei ta e… Duata a nui vur vur ang chu…. cho dan enge rules le?
November 28th, 2008 at 11:23 am
Christ.. ni e i sawi khi a dik khop mai, driver lak fuh loh chu nei nung vak lo tan phei chuan neih zawng2 khawh ralna…
mahse a driver te chung a rinna nghat a piang hi a driver te pon a chung ah nasa tak in rinawmna hmuh tir an tum ve thin bok…
November 28th, 2008 at 11:24 am
Min hmang (driver ah) mai ula
November 28th, 2008 at 11:28 am
hahaaha ni e Chris a te driver ah min hmang driver ah mai tir roh
November 28th, 2008 at 11:35 am
Kei hian driver chu ka ngah a nia…… Display driver te, sound driver te… chu tah a hrang hrang ka kawl treuh mai 19.6 GB (21,122,973,696 bytes) a lian 83,105 files, 10,256 Folders a tam ka kawl.
November 28th, 2008 at 11:40 am
pu Hv. ka lo mail che kha o
November 28th, 2008 at 12:12 pm
Aryan comment 15 hi dik khawp mai. A diver lam pawh hian awm chin tawk an hre ve mai turah ka ngai.
Diver thenkhat polite tak tak an awm lai hian, polite lo leh tlem a lo che maksak deuh hi chu an awm ve chawk ania. 2007 Nov a Chinese Youth delegates Aizawl a an lo kal khan, City car rental a mi khi car an hawh a, kha ta diver pakhat chuan, Chinese nula leh tangval a phurhte, CM in Tourist lodge-a zanriah abuatsaih-na a rawn hruai tur anih lai khan, driver khan ama thuin, Aizawl a lo fanpuia, Durtlang hospital lamah te, ATC ah te a lo han hruaikual vel mawle.
Zanriah eina-ah chuan an lo kal ta silova, an thiante chu an mangang khawp mai a. Police in an zawng nghal a, atuk zingah chu driver chu Rangvamual-ah KS nen an zuk man a. Che chukchu ve khawp mai. Zahthlak duh teh mai a sin aw.
Kha diver kha a pui ve re re, lengpui airport atanga kan tlan chhoh khan, pilot kha an kal hmasa ber a, chungte chu a chang leh a han tlan leh pel vel bawk a. Hahthlak ve khawp mai.
November 28th, 2008 at 12:58 pm
@ SiLent_Man … mizo kan nihna anga inkawm ngeih dial dial chu a tha. mahse innel chin tawk leh inzah thiam hun hriat te hi a pawimawh bawk. professional leh personal relationship te hi khaikhawm vek loh tur… an tia lawm pipute chuan…
A dik khop mai. Driver-te hi hmuhsit tur an ni lo. Mahse sorkar driver tam zawk hi chu an lal mah mah deuh thinin a hriat chang a awm. Pu ber driver, Pu hnuaia thawkte tana ngeiawm tak pawh a awm theih.
November 28th, 2008 at 1:33 pm
Autorickshaw driver tur zawng an awm tak kha maw, Pu H.V. I hming leh I contact no. ka lo pek sak ang che…. chuan rickshaw conductor tur pawh an duh tel nghal. I duh chuan I conductor tur pawh i rawn chhawm tel thei ang…
For detail information
Contact: Jemi
November 28th, 2008 at 2:13 pm
Naupan lai a, kan ti ve khanglang teh ang, Driver te chungchang Pu Vanneihtluanga ziah kan zir thin kha min ti hre chhuak zawk mai le. Comment tam zawk ka pawmpui. Driver an nih avanga hmuh hniam tur ani lo. Mahse a mawi tawk chu an hriat ve zel tho a tul in ka hria. Engpoh nise kei chuan eng hna pawh mai hi hniam leh sang bik vak a dah tur a awm pawn ka hrelo. Kan hnathawh apiang tha leh diktak a kan thawh a, kan hlimpui a, midang kawng tibuai lova kan awm pui thei anih chuan hna tha ah ka ngai ve tawp. In hmuhniam thei kan awmlo in ka hria
Chu lo rengah, Sorkar officer lian leh politician diklo tak a khawsa, mipui chanai hui ral a inla milian leh mirethei te thlantui sawrkhawm a hlawkna dawntum tamtak te ai hian; driver tamtak (tha leh dik) te hi ka ngaisang zawk anih loh pawn ka ngaihniam chuanglo ve tlat