Mipui Tangrual Pawl tia hriat tak, YMM te leh MDM te inzawmkhawmin an din chuan MPCC (Congress) nena kum 2008 inthlana thawhho thu an titlu ta. A hmain MPC, ZNP & ZKP te din UDA-ah MTP hi an tel rin a nih laiin thutlukna hi a danglam ta a ni.
YMM lam hian candidate pathum an nei dawn niin sawi a ni a, MDM lam hian candidate pathum bawk nei tur anga sawi a ni. Heng candidate te hi Congress-te nen tangkawpin Congress that vak lohna bialah dah an ni dawn niin sawi a awm.
Mizo Master:
Aizawl, October 3: Nimin khan Mipui Tangrual Pawl chuan committee neiin inthlana an thawhpui tur chungchang an rel a, thawhpuia sawmtu Congress hnenah an seat duh zat an thlen a, Bial ruk hauh an tum.
MTP-te hi UDA leh MPCC ten thawhhopui atan an sawm ve ve a, hun rei tak an inngaihtuah hnuah MPCC te hi thawhpui atan an thlang zawk niin Evening Post chuan thu a dawng.
Evening Post thudawnna chuan, “MTP te hian thawhhopui atan tumah kan sawm lo va, sawm kan ni zawk a. Thil phut pawh kan nei lo,” a ti a. Inthlana din ve an tum chungchangah, “Keimahni-a din chu duh mah ila mipui rilruah min phut dan niin kan hre lo va, thawhhopui nei zawk turin min duh niin kan hria,” a ti a, “Mi tam takin thawhhopui neia danglamna siam a nih theihna turin tel ve se min duh a ni,” tiin a sawi bawk.
“Mipuite hian thawhhopui nei se min ti a, sawmna kan dawng bawk si a, a zahawm a, thawhhopui neih hi a tha zawk dawn niin kan hria,” tiin Evening Post a hrilh bawk.
Evening Post zawhna chhangin, “UDA nen pawh kan inbia a, mahse, kawng min khar hnan deuh a ni. Kawngkhar chung deuhin min sawm a, a tlangpuiin a thu-a bial siam rem tawh deuh vek chungin min sawm a ni,” a ti bawk.
Nimina MTP-in meeting an neihnaah hian UDA chungchang an sawi tawh lo nia sawiin thu lakna chuan, “UDA chungchang kan sawi tawh lo a, MPCC bikah chuan thil la sawi fel loh a awm a, MPCC pawhin thawkho dawn ila din ve ngei in duh em tiin min dawr a. Kan duh thu sawiin, mahse bial tlemteah chauh a khalh ngil thei tur anga ngaih theih tur vel chauh kan phut a ni,” a ti a. “Bial tlemte, bial ruk bawr vel chauh kan phut a. Kan dinna tur anga kan ngaih bial kan sawi fel a. MPCC lam pawh kan hrilh tawh a, anmahni kutah a awm ta a nih chu,” tiin Evening Post a hrilh bawk.
MPCC chuan an policy an pawmpui nia sawiin, “Kan policy-te pawh an pawm tawh a, kan thawkho dawn a nih chuan symbol hrang neih kan duh thu pawh kan sawi a. MPCC-ah kan lut ni loivin kan thawhpui dawn a ni. Kan thawk dun theih a nih chuan MPCC nen rorelna tha tak nei thei turin hmalak kan tum dawn a ni,” a ti bawk.
MTP hruaitu K. Chhawnthuama pawhin, “UDA-te nen chuan kan policy inang viau mahse Val Upa Council-te min pawmpui ve lo va,” tia sawiin, “MPCC-te pawh kan duh dan leh ngaihdante hriattir ila, ni hnih khat vel nghak ila, an duh chuan kan thawk anga tih a ni mai,” tiin Evening Post a hrilh.
MPCC Sr. Vice President R. Lalzirliana chuan, “MTP te duh dan hi kan ngaihtuah ve ang chu. Mahni thu ringawt chuan thutlukna siam theih a nih lo va,” ati a. An seat duhah buaina in nei ang em tia zawhna chu, “Kan tangho dawn a nih chuan a then kan chan vete pawh a ngai ang chu. Tanho pui neih a tha kan ti a, kan inbia chu a ni alawm,” a ti.
MTP thil duh an ngaihtuah hun tur chungchangah, “Kan President hi a la zin a, a lo haw hman a nih chuan Inrinni-ah emaw, Thawhtanni-ah emaw kan rel ang. A rang thei ang bera chinfel kan duh a ni, inthlan hun tur pawh puan a hnai tawh si a,” tiin Evening Post zawhna a chhang.
MTP lampum hi Mipui Tangrual Pawl a ni a, Mizoram hmun hranga thalai ram siamthat tumte intelkhawm – YMM, Y4M etc. leh Mizo pa langsar tak takte intelkhawmna, MDM-te thawhhona a ni a, an thawhho hnuah MTP an inti ta a ni.
Similar Posts:
- Saruak thlalak tidarhtu khin tum
- Sorkar tha a din hma chuan MTP a chawl dawn lo
- Zei Book – Part 2
- Ravi Arora chungchang MZP in sawifiah
- Tunlai Aizawl
October 5th, 2008 at 12:40 pm
@zorunpui Bualhranga leh Rev Zirema ni e. MC Lalrinthanga lehkhabu ah khan a chiang khop mai. Tirkoh Paula’n “Kan buan te hi tisa leh thlarau .. lalna leh thuneihna..” atchilh ho thiltih a ni si. Ni chu ni nilo chu nilo tithei lo te hi engtia brand tur nge niang? ….. Ram nge an mhangaih anga anmahni ..? “Sum ngainat hi sual tinreng bul ani” tihte nen hian a inzawm angem aw ..
Heng angin a tihbuai loh Paula anga mi nghet hi kan ram leader atan kan va mamawh em .. an awm thlawt loh pohin a teuh deuh tal
October 5th, 2008 at 3:48 pm
1. Zorunpuia hi a thawm trang chuan a thianghlim vur hmel. Pu M-a manager ni awm tak a ni. Tak takah hriat lem loh lam han phulpui hi a nuam duh ve mai mai, han phul burh bruh teh hlawm u, miin A min tih pon mahni talin fing kan inti duh.
2. an subject text-ah hian MTP hian Congress an zawm tih reng reng a awm si lo a, ‘inzawm’ leh ‘thawkho’ hi a hrang fu lo maw? Chu pawh an la thawkho bawk si lo. EC-in inthlan a puan hmaa CM leh Dy. CM lo insem te nen hian a ‘rau’ lam chu a la intluk velin ka hria.
3. MTP-ho hi anamahniin ding se, independent an ni ang. Eng party nen pawh thawkho se, an symbol hman azirin independent tho an ni ang. Thawhpui an neih chuan winning chance an nei tam hret tih mai lo chu danglamna a awm lo. An tan Cong, MNF, UDA thawhpuiin danglamna a nei lo, din kher tum lo se, kum nga inbuatsaih leh rih se an tan leh ram tan a tha berin ka ring, an peih chuan.
October 5th, 2008 at 6:17 pm
http://in.youtube.com/watch?v=KAJa0yMMzCI He hlahian rilru a khawih.
October 5th, 2008 at 6:52 pm
MTP in congress kher kher an han zawm chu pawi mang e aw. mahse an tam vak chuang lo ang.
October 5th, 2008 at 7:12 pm
Mizoram a pafing pawl a kan ngaihin atling tur a nia an rin an zawm ani phawt anga…..
October 5th, 2008 at 7:25 pm
Dem tur an awm bik lo ve.. Tha tihzawng hi a thuhmun lo va. An tan Hawla chu Hawla thar te pawh a ni thei tho a sin..
October 5th, 2008 at 7:45 pm
@ Pu Zorunpuia: Thildang deuh; zohnahthlak in zawm khawm nan hian chak leh zual a hmalak tul iti ve em?
October 5th, 2008 at 7:50 pm
@ThaiBoy: Tul ti teh meuh e.. Kan unaute State pawn leh ram dangah harsa leh mangangin an au a, Mizoram hi Zohnahthlakte tana Inpui (Homeland) awmchhun a ni a. Kan chiauau danah duhthu a sam lo. Kan ram mual lian pui chu kan Unaute luah lohin Chakma leh Tuikuk ho tan kan theh ta zawk ni te pawhin alang. Kan harh a hun tawh hle.
October 5th, 2008 at 8:01 pm
Capt. LZ Sailo ka ngai ngawt mai;Inpui ber hian hian thiam loh chinpawh kan nei e; unau kan indo chuan kan ding chhuak ngai lovang;Pathian khawvel a hnam ang a ding chhuakve tur hian min duh in ka hre si a;ka damlaini ngei a MIZO ropuive ni hi hmuh kava chak thin em..
October 6th, 2008 at 10:20 am
Kei pawh Zomi zawng zawng insuihkhawm hun hi dingdihlipin ka thlir tak meuh meuh a ni. Mamyo Sanapui tih te khan ka lung a len thin. (ti daih teh ang)