Ram dang mi Mizoram a chengte

September 29th, 2008 8:55 am by THELH LOH HMUITAWK

Mizo te hi kan ram leh hnam humhalhna kawng a rilru seng nasa tak kan ni a, a lawm awm hle mai. Kan vannei bawk hetiang lam a khawtlang tan a tan la duh mi kan ni te hi a lungawithlak. Chumi kawng a kan hmalak dan chungchangah chuan lungawi kim pawh a har thin a chang chuan.

Tin, kan ram leilung thutna (geographical location) in a zir a vang hian ram thenawm kan deplawk hnai vai tak tak kan nei a kan hriat theuh angin (Myanmar,Assam,Bangladesh,Tripura leh Manipur). Chung kan thenawm te chu ei leh bar zawnna kawng a tanlak ngai ve tak tak te an ni hlawm a kan hriat ang in chumi chhan leh vang chuan ram hrang hrangah beiseina sang zawk neiin a tir liam ve sung sung mai a an chhung leh khat leh khawtlang an seilenna ngai ngawih ngawih chung in chutiang chuan ram dangah an la hmelhriat thatloh hnam zingah khawsa turin pachang takin an liam ve rawih thin a an khawtlang atangin.

Tin,ram hmuhzauh duh (a tlangpuiin awllen tur/hriatzau duh)a lo lut te emaw lehkha zir tur emaw a fehchhuak te an ni tlangpui a. Chungtiang mite chu keini ramah pawh thil thar an ni lo. Thenkhat hnathawk leh zirlai te chuan kan in te pawh an rawn luah nual a. Hetah hian kan khawtlang chuan thil tha lo lak a invennan te pawh tihdan hrang hrang in tan kan la zel a a tha viau a.

Hetah hian ka rawn sawi ve duh mai mai chu kan tan lak danah hian (Human Rights) kalh lutuk te hian kan che em tih hi in enfiah kan ngai a. Thenkhat chuan ramdang atang a lo lut te kan inluahtu te kan tilua deuh thin lo maw tul lo takin tih te hi in enfiah ang u.

Hmelma tullovah kan insiam teuh thei mihring an nih chuan ka, mit, beng etc kan hman ang in an hmang taikai ve tho tih hi I hrenawn mawlh mawlh ang u. Dan a chet a ngai a nih chuan dan ang in hrem mai ni rawh se. Hnamdang chung a tawngkam tul lo lutuk leh hleihlenna tul lo ang chi hi kan ramchhungah hi chuan ti lo tur a inzirtir mawlh mawlh kan ngai a ni in ka hmu.

Entirnan, an hnam hming hmusit tak tak a diriam tak a chhakchhuah khum mai te hi sim tur in in zirtir I la a changkang thlak deuh zawk in a lang. Chubakah kan inluahtuten inluah man an pek kim thlap emaw an luah hun chhung a tawp tawh hnua an chhuah duh tawh pawh a chelhluih tawng tawng ching te,luahluih tir zel tum tlat te pawh kan awm .Hetiang hian kan tan beh tir tlat chuan thil pawi kan khawih thei tih hi kan hriat mak mawhtur niin ka ngai a.A tuartu tan thil rapthlak tak a ni thei a ni.

Tin, kan hnathawktute pawn min kalsan an duh tawh chuan tiluihna deuh a chelhbet tlat te pawh kan awm kan remchan dan ang ang in. Hetiang hi thil tha a ni lo. Miramah hetiang hian min ti ve ta tlat se a rapthlak duh viau ang. A bik takin ram rethei ve deuh deuh atang a lo kal te chungah tih kan ching hle. A then rawn inti Mizo ve tak te an ni a “Mizo pawh I ni lo” tihkhum tawng tawng te kan ching.

Thenkhat chuan Mizo hnahthlak kan tih tam tak pawh chutiang tuar chu an awm, hetiang tuarte zingah hian keini aia mifing tak tak te pawh an awm tam a ni tih hi I theihnghilh lo ila. Kan ring em em thei bik lo a ni a then chu Mizo hnahthlak tam tak chu tih a chiang a misual.com kan (comment) atang pawh hian a dik e kan ram leh hnam kan vawnhim chu a ngai pawnlam leh chhung lam a tang a tina thei tu lakah.

Mahse hetah hian fing tak a kan awm a ngai. Hnunglama mit nei ran in I che thiam ang u. “Thenawm do ai chuan khawsarih do pawh a tha zawk” tih tawngkam te pawh kan neih thin kha. Enge in ngaih ve dan le?

Similar Posts:

Recent Posts:

21 Responses to “Ram dang mi Mizoram a chengte”

  1. 1
    ThaiBoy Says:

    Kan ngaihtuah chian angai e;Mizo hi hnam ang a khawvela kan survive loh hi ka hlau thin Mizo hnahthlak pawh hi keima mimal tak hi chuan ka duh thawthawh khawp mai;hnamdang hi chuan min beiin min hmusit rawhse;keimahni leh keimahni inbei zawng hi chuan khawsak loh a thra ngawt mai,mizoin mizo hnam hmuhsitna thil an sawi ka hriat hi chuan ka rilru alo na ve thin;constructive deuh a kan in sawisel te hi chu thu hran nise,hnamdang kan dawrdan ah pawh hian hnam tih zahawm zawngin dawr hram hram kan tum atha ngawt mai,pawngpaw vai velh chak rikngawtte hi sim a hun ta hle mai.

    Report this comment

  2. 2
    Borat Says:

    Hnam dang hmusit mai lovin thianah i suiam ang u, tih chu hnai lo. Kan hriatlohna (illiteracy, despite 80 percent or so “official literacy) vang leh NGO buluk tak tak kan neih avangin kan hnam tihdan (culture) chauh a dik a, an culture a dik ve lo, Mizo chauhvin tlawmngaihna kan nei a, hnam dangin an nei ve lo, tih kan inzuirtir tlat tatanga hetianga awm kan nih hi. Mizo hnam dang zinga awm rei tak tak chuan an hre mai ang. Mizo aia tlawmngai an awm ve tho, hnam tin hian thatna kan nei a, that lohna kan nei, etc tih hi School leh biakin thlengin in zirtir a ngai a ni. Mawl taka tribal nih reng kan duh anih loh chuan.

    Report this comment

  3. 3
    Jaan Says:

    Mi inluaha a neitute an fir viau hi chuan a hrehawm a ni. Mizo zingah pawh fir tak tak an awm, a then phei chuan an in luahtuten mikhual an thlen pawh an phal lo thin. Chumai a la ni lo, thiantha inleng an han neih chang pawha ngai theilo an awm thin. Midangte tana bengchheng siama inkawm khawm thin, inluahtu thalo hrim hrim chu an awm thin, hei hi chu ka dem tho. In kan nei a, midang kan luah tir dawn a nih chuan mi chi hrang hrang ngaithei turin kan rilru kan siam hmasak a ngai a ni. Mi ramah chuan an inluah hawha diltu chu eng hnathawk nge, khawi lam mi nge, chhungkaw member engzat nge an nih tih te fimkhur takin an zawt phawt thin a. Chumi hnuah in neituten an duh dan chiang takin an hrilhfiah a, an inrem thei a nih chuan an in chu an luah tir chauh thin. Chuvangin, fir taka khawsak zel kan duh a nih chuan kan inluahtu tur te fimkhur taka a tira thlan a tha ka ti.

    Report this comment

  4. 4
    elizabeth Says:

    “Chubakah kan inluahtuten inluah man an pek kim thlap emaw an luah hun chhung a tawp tawh hnua an chhuah duh tawh pawh a chelhluih tawng tawng ching te,luahluih tir zel tum tlat te pawh kan awm”… tha thei e,mi chhuak duh tawh reng han awmluih tir talh tum te chu. Mizo te pawh hi thenkhat chu kan sual ve khawp mai. kan venga mi 1 pawh a inhnuai hi mizo pangai chu luah tir duh miah lo,burma lam mite a luah tir deuh ber a,mahse a chhawr nasa thei khawp a,a huan zawng zawng samfai tir vek zel.A chhawr theihloh tur chu tumah a luah tir duhlo.A inluah te lah hian mikhual hi an ngah ve thin khawp a,mikhual an neih apiang in Rs50 te a chawibelh tir vel thin…

    Report this comment

  5. 5
    Jaan Says:

    @Elizabeth, in veng pa idea chu a tha riau mai ka ti. Burma lam mi te chuan midang hnenah an in neitu pa chu han rel vak mah se a mualpho tak tak dawn si lova. Mikhual thlen man Rs. 50 per head, mikhual thlen in a siam nghal a ni mai lawm. A idea tha ka ti tlat. Mizo pangngai luahtir duhlo a duh tawka a chhawr theih tur chauh luahtir tlat zel pawh chu inluahtu te atang chuan buaina a tawk khat viau ang. Ka ngaisang tlat mai.

    Report this comment

  6. 6
    elizabeth Says:

    A tana tha tur chu hre tak ani,mahse a tih ang hian ram dangah min ti ve sela,nuam chu kan ti vak lo ang. Mizo te pawh zirna leh hna avang te in ram dangah awm kan awm ve ta zeuh zeuh sia,vai ho te hian an in kan luah avang mai hian an thawmhnaw te min suk tir sela,kan chhungte mikhual man te min thing zel se nuam i ti vak dawn bik em ni aw..Jaan. Mahni chunga thleng tura i duh ang bawk khan mi chungah pawh ti ve turin ani lawm ni kan Bible pawhin min zirtir..

    Report this comment

  7. 7
    Jaan Says:

    Dear Eli, a dik khawp mai. Hnamdang an nih avanga tih duhdah ringawt mai chu a thalo ka ti takzet. Ka fiamthu mai mai a ni e, mahse mak ka ti kan Mizo zingah i rawn ziah lan ang mi an lo awm leh zel hi. Hetiang te chu a chunga i rawn sawi ang chiah khian vai hoin min tih tir dawn se kan duhlo hrim hrim ang. Vai ho phei chuan keini Mizo te chu mi ti duhdah uchuak ngamlo hrim hrim ang. Tawngtaipui a ngai a ni chu, han ti ringawt ila keipawh tawngtaipuitu mamawh reng ka ni bawk si. Nang leh kei chuan tu chungah mah i ti ve lo ang aw.

    Report this comment

  8. 8
    elizabeth Says:

    Dik alawm,keini lehzel in kan tihve chuan tha lo lutuk ange.Hei kan venga mi hi ka naupan lai ami daih toh ania,kan veng ka chhuahsan na rei ta deuh a,ala ti reng em phei chu ka hre hauh lo.Mahse hetiang chiah kher lo pawh a hnamdang diriam taka ti thin hi an awm zeuh zeuh in ka hria,kan naupan lai bawk in vai chhang zawrhlai laksak ngawt ching te,han ben mai chingte kha ka hre ve nual tlat.Tunlai te chuan an vang ve deuh tawh mahna. Vaibuh tello a kan awm theih loh zia te,burma ho thil zawrh lo chu hmuh phak vak kan neih loh zia te kan hre ve ta zel aniang..

    Report this comment

  9. 9
    Jaan Says:

    Ni khawp mai, kan ram hi eng thilah mah ka la intodelh si lova (zaithiam nia in hria erawh kan ngah viau). Kan thenawm ram kan hmuhsit em em Assam vai ho leh Burma lam Nghapih unau te tel lo chuan kar khat pawh kan ram a awm thei si lo. Mahni kea ding thei turin tan kan lak a ngai a ni. Kan tetlai khan kan rual u zawkte zingah vai thil zuar ti duhdah leh an pawisa hial chhuhsak ching te kha an awm thin a. A pawi thin khawp mai. Tun hnai deuhah pawh damdawi ruih ching ho zingah vai ho pawisa laksak thin an awm a, thil thalo tak a ni.

    Report this comment

  10. 10
    Bottomsup Says:

    Dik ngawt mai. Mizoram pawn ah hei leh chen ka lo khawsa ve toh a, Vai thian te mizoram a hna thawk pawh ka ngah ve hle. Mahse mizoram a hnathawk toh leh lekha lo zir ve toh ho zing ating chuan mizo ho fel zia leh polite zia tih hi chu hriat a khat hle. “Encroacher” (Bangladesh lampang ami) leh “Guest” ah te hian kan approach te hi tlem in danglam thei deuh sela. Mizoram a pawn lam mi zawng zawng te hi encroacher an ni lem lo va, central hna chelh mi zah awm tak tak te pawh an tam ve hle. Pawn lam a han in kawm vel te hian a za thlak duh khawp mai. A bik takin Vairengte check post a duty te khi tlem in han polite thei deuh sela kan va duh ve mo le.

    Report this comment

  11. 11
    RTPA Says:

    Ka thianpa Kumar Sailo pawh kha Vaimizo a nia :D a nu chu Zokumari nia… pa kha LalKumara… an vai in Bungkawn veng a Vai veng an tih ah khan an kho sa a.. Buai na chu an tawk ngai lo ang… ka ho pawn nang Vai pa kha min ti zawk thin a hehehe :D

    Report this comment

  12. 12
    winning Says:

    Kan inzir deuh chu a ngai a ni. Mizo hnam hi engmah ni silova chapo em em, midang hmuhsit ching tak kan niin ka hria.

    Report this comment

  13. 13
    elcee Says:

    borat @2.. hi ka thlawp e.. mizo kan nihna hi hriat reng a tha a, zahpui bawk loh tur..chutih rual in mizo hnam hi khawvel a chungnung ber, special, superior lutuk a kan in ngai tlat thin erawh hi chu in en chian angai khawp mai.. borat sawi ang hian tlawmngaihna te hi mizo chauh ta a lo ni bik awzawng lo mai le.. mi hnam tih dan mak kan ti ngawih ngawih thei ang hian mi hnam pawh in kan awmdan leh culture te hi mak an lo ti ve ngawih ngawih tho.
    @12 winning comment hi lem a har fu mai.. mahse na ti chung chung a lem luih khawlh khawlh chi a ni.. :-D

    Report this comment

  14. 14
    elcee Says:

    ti daih i la.. Lunglei khua in awm chuan Sarah Vanlalmuanpuii in hre khiah em? Pu Thanzuala fanu upaber dawttu kha.. khawnge a awm tak.. !!

    Report this comment

  15. 15
    Alejendro Says:

    Amanda(te) i va reh ve….i offline ka dah kha lo chhiar rawh… hehe :)

    Report this comment

  16. 16
    amanda Says:

    Alejte thanks lo hriatbelh zel tum rawh auh!!!

    Report this comment

  17. 17
    Irreplaceable Says:

    Amanda leh Alejtea einch….offline msg ti tralh tralh mai!! Va spy dun ve aw…. :)

    Report this comment

  18. 18
    amanda Says:

    @Irre Dam thrin maw?? va ngaihawm ve a..i lo lang khat tlat @bmw leh dumput te pawh hi engtizia nge ni ngai le??? :)

    Report this comment

  19. 19
    kanidar Says:

    Society danga kan awm duh a nih chuan, an society kan hriatthiam pui a, kan hlutsak a ngei. Keini pawh hi vai zinga awm, khawsa kan ni, chuvangin an mahni hnam dan leh society system hmusit, endawng, pawm lo bur a kan khawsak chuan neuh neuh kan nei ang, chutiangin Mizorama hnam dang awm te pawh.

    Nikum daih tawha Australia President hlui Howard-a thusawi, Muslim hovin anmahni dan bik Sharia Law an hman duh a chhanna ka hrechhuak zawk..
    “This is our country,our land, and our lifestyle, and we will allow you every opportunity to enjoy all this. But once you are done complaining, whining, and griping about Our Flag, Our Pledge, Our Christian beliefs, or Our Way of Life, I highly encourage you take advantage of one other great Australian freedom, THE RIGHT TO LEAVE.”

    Report this comment

  20. 20
    zongeina Says:

    Tin, kan hnathawktute pawn min kalsan an duh tawh chuan tiluihna deuh a chelhbet tlat te pawh kan awm kan remchan dan ang ang in. Hetiang hi thil tha a ni lo. Miramah hetiang hian min ti ve ta tlat se a rapthlak duh viau ang. A bik takin ram rethei ve deuh deuh atang a lo kal te chungah tih kan ching hle. A then rawn inti Mizo ve tak te an ni a “Mizo pawh I ni lo” tihkhum tawng tawng te kan ching.

    In ti Christian nasa ropui mai si, mahse hnathawktute leh hmangaihtu tur nei lo deuhte hmangaih a chhawm dawl nachang hre lo pawh kan tam ang a…!

    Report this comment

  21. 21
    Siam2ipa Says:

    Pathian pawh hian hnamdang tih duhdah hi chu a remti hauhlo, bible ah hian ramdang mi tih duhdah loh thu hi a chuang nasa khawp mai, a bikin Mosia lehkhabu te ah hian, mahse chutih rual chuan inneih pawlh hi chu a ti thei thaklo thung a!!!!!!!!!!!! Zawlnei Ezra bu phei hi chu Inneih pawlh chungchang hlir a ni mai. Kan mizo hmeichhia te hi hnam tenau leh tlemte si ah chuan hnamdang pasal a nei nasa ber anni hial angem o, ka ti ve mai mai thin, midum kawnglai atanga mithmul var leh hmui chhah chi thleng hian kan makpa kim vek tawh mai a! ngaihtuah chian a ngai khawp in ka hre mai…

    Report this comment