Orissa ringtute tawrhpuina kawngzawh

September 29th, 2008 2:43 pm by TheHumanBot

Source :F.Lalliansanga, Asst. News Editor ZONET

Orissa leh India ram hmun hrang hranga Kristian tih duhdahna tuarte tuarpuina leh ram chhunga remna leh muanna a awm theih nan vawiin khan Mizoram hmun hrang hrangah Mizoram Kohhran Hruaitute Committee huaihawtin kawngzawh a ni. Aizawl-ah chuan kawngzawh hi hmun hnih atanga neih a ni a, Aizawl hmar lama awmte chu Chanmari kawnah an innghakkhawm a, hetah hian Rev.C.Lal\anliana’n hunserh a hman hnu-in Lammual panin kawngzawh a ni.

Aizawl chhim lama awmte chu Sikulpuikawn-ah an innghakkhawm a, hetah hian Rev.J.Lalremsiama’n hunserh a hman hnu-in kawngzawh hi neih nghal a ni. Aizawl chhim leh hmar lama kawngzawhte hian ngawi rengin Lammual an pan a, hetah hian Orissa leh India ram hmun hrang hranga Kristian tihduhdah tuarte an tawrhpuina thute, India ramah Sakhaw zalenna a taka hman an duh thute, Kriatian tiduhdahtute chu Pathinin ngaidam se an tih thute leh thuziak hrang hrang kengin kawng hi an zawh a, Lammual-ah lutkhawmin Lammual-ah hian kawngzawhtu hi an khat vek a ni.

Lammual-ah hian MKHC buatsaihin inkhawm tawite buatsaih a ni a, hei hi MKHC Chairman Rev.Dr.H.Vanlalauva’n a kaihruai a, MKHC Secretary Rev.C.Lalrinsanga’n Orissa leh India ram hmun hrang hranga tihduhdahna tuar dan report a pe a, hemi hnu hian MKHC Vice Chairman Rev.H.Lianngaia’n Orissa leh India ram hmun hrang hranga Kristian, Krista tana martarte thisen chu luangral mai lovin Pathianin a ram zau zel nan chi tha atan a hman tur thu a sawi a, he tihduhdahna hian Orissa leh India hmun hrang hrangah Pathianin ropuina a puang chhuak zel dawn niin a sawi a ni.

Thusawitu dang, Chief Minister Pu Zoramthanga chuan tuarpuina leh remna kawngzawh tur atan hian sorkar chuan a tih theih ang ang a tih thu a sawi a, sorklar chawlh a puan mai bakah vawi tam tak sorkar laipui hnenah lehkha leh telephone hmangin Kriatian tihduhdah tuarte chu Mizoram sorkarin a duh loh zia a thlen thin tih a sawi a, amah ngei pawhin Union Home Minister chu hmu-in a titi pui tih a sawi a ni. He hunah hian Chiarmam kaihhruaina-in Kriatian thite leh hliamte tawrhpui nan ngawi rengin minute khat tawngtai a ni a, hemi hnu hian kawngzawh zawng zawngte hi a rualin an tawngtai a ni. Tuarpuina leh remna kawngzawh hi Mizoram-ah kawngzawh-ah chuian mipui tam ber-te zianga mi niin a hmun-a kal ZONET palai chuan a sawi a, kawngzawhtute-ah pawh ti mai mai awm lovin kal zawng zawng chuan rilru leh tihtak zetin an kawngzawh chhante an tihlawhtling niin a hmu a ni.

Puan tawh angin he kawngzawh avang hian sorkar chuan pisa leh zirna in-te a khar a, hei bakah hian mimal zirna in leh dawr pawh khar an awm nual a, Aizawl khawpui-ah pawh lirthei vei vak an tam lova, petrol pump-te pawh khar an ni a, kawngzawhna-ah hian Kohhran hrang hrang hruaitute bakah Chief Minister Pu Zoramthanga hovin Cabinet Minister, Chief Secretary leh sorkar mipawimawh kal an thahnem hle a ni. He kawngzawhna-a tel, Health Minister Pu Tlanghmingthanga chuan tuna kawngzawh hian sorkar laipui-ah a tha zawnga nghawng a nei lo a nih chuan Mizoram sorkar-in a tih tur a ti ve dawn niin a ZONET palai a hrilh a ni.

PowerRanger sent this pictures.

Similar Posts:

Recent Posts:

40 Responses to “Orissa ringtute tawrhpuina kawngzawh”

  1. 1
    Borat Says:

    Thanks for the pics. But…
    Kum 6 zet NDA zawmtu MNF vawi hnih kan vote tling a. Orissa leh Karnataka state a rorel tute hi MNF partner thin anni tih kan hria em le ? Thla 2 lek kal liamt pawh khan NDA dodal zawng vote la hreh kan awm kha. 1999 khan hetiang bawk hian Orissa rama Missionary pakhat leh a fate pahnih an hal hlum khan lammualah kawng an zawh. An hnu lekah NDA an vote tling.
    Vawi khat tal kan MP hian Orissa ram rorel lai, hmanni lawka an thurualpui pawl, demna a phuh chhuak tawh em le ? MP ngawi reng neih hi a tha em le ?

    Report this comment

  2. 2
    amanda Says:

    Mizoram Khohhran hruaitute chu an ti thra ka ti lutuk,chhungte tawngkam atanga ka hriat danin kal khawm hote thawhlawm tlingkhawm pawh hi a tam viau awm e.Zoram kristian te pawl hrang2 awm mahila a hun taka lungrual taka thawhho theihna an nei thin hi a lawmawm.

    @PowerRanger chu i ti lawmawm hle mai thlalak te kan lo hmu ve a.

    Report this comment

  3. 3
    amanda Says:

    Mizoram District Head-Qtr tinah he peace rally hi neih tura beisei a nih lai in,tun hnaia District hmuthar Hnahthial ah chuan rally hi neih a ni ve ta lo a ni.@PU.Chhurliana hian a bial a vil hneh lo hle mai a :)

    Report this comment

  4. 4
    benjamin rualthanzauva Says:

    tah pawh hian:
    http://netraja.org/blog/?p=1053

    Report this comment

  5. 5
    highpriest Says:

    PowerRanger hi cu a fel a nia….LOLLLLLL

    Report this comment

  6. 6
    Jaan Says:

    @Borat, kan MP hi a ngawi reng a ni lo, Orissa-a buaina chhuahlai vel kha MP rual leh an chhungte khawthlang ram ropui USA pan tura an inbuatsaih vanglai a nia, engmah a sawi hman thlawt lo a ni. Lo hrethiam hram hram teh, USA return kan MP hian sap ho nun atangin thu ropui deuh a rawn hawn mial maithei a sin. Delhi a lo thleng leh tawh em awww??? A buaina ber zin tura inbuatsaihna kha a mamawh tawh dawn si lova, Kristiante thlavang chu a rawn hauh hman tawh hrim hrim ang.

    Report this comment

  7. 7
    hltau Says:

    Muslim lukhum khum te ka hmuh ve nual chu. !! BJP ho hian Gujarat ang deuh in Hindu lo ho an tih duh dah vak hian, majority an lak an ring aniang ka ring. Heti tak mai a, an chet nasat hi.

    Report this comment

  8. 8
    Vikings Says:

    Orissa state-a tihduhdahna tuar Kristiante tana MP Vanlalzawma’n Prime Minister hnena a ngenna chu Prime Minister chuan lehkha veka chhang letin Pu Vanlalzawma ngenna chu a ngai pawimawhin he thil thleng hi pawi a ti tak meuh tih a hrilh a.

    Prime Minister chuan Orissa Kristiante chunga hlei lenna hi sorkar laipui pawhin a vei hle tih sawiin amah ngeiin Orissa Chief Minister biain tihduhdahna tuarte tan venhimna leh chhawmdawlna ngaihtuah sak a, boruak siam tha leh turin a rang thei ang bera hma la vat turin a hriattir tih a sawi a.

    Misualte kut tuara thi te, hliam tuarte leh in leh lo chan ta te chu Prime Minister’s National Relief Fund atangin chhawmdawlna ngaihtuah sak an nih tur thu leh venhim hna thawk turin sorkar laipui chu a tul ang zat sipai tir lut tur leh Orissa state in tanpuina dang a mamawh apiang ngaihtuah sak turin a inhuam tih a tarlang bawk a.

    A hmuna thil awmdan enfiah turin Home Minister pawhin Orissa state hi a tlawh tawh tih sawiin Prime Minister chuan sorkar laipui chu hnam tlem zawkte humhim turin a inpeih a; hnam tinte ralmuanga an khawsak theihna tur leh tanpui an ngaihna apianga pui turin sorkar laipui chuan he state a boruak awm dan hi ngun takin a thlir reng tih Pu Vanlalzawma chu a hriattir bawk a ni.

    http://www.zotalk.com/index.ph.....;Itemid=45

    Report this comment

  9. 9
    highpriest Says:

    hltau kha lukhum khum kha lom in lo hmuh atana kan it tak pakhat cu…..kha lukhum khan entir tam tak neiin kei cuan ka sia

    Report this comment

  10. 10
    johnjay Says:

    zirtawpni khan an rally in ka hre sia voiin ah an nei leh nimo.

    Borat ka ‘Amen’ bok e.

    Report this comment

  11. 11
    tuaisiala Says:

    Borat leh Jaan te hian ccb lo chhiar ve teh u, In thusawi dangte in tiawihawm lo zo dawn alawm. Orissa Kristian problem chungchanga kan MP au rin thu leh, PM pawhin Mizoram MP ngenna a ngaih pawimawh vanga hma a lak nghal thute pawh paper tam takah a lan kha mawle. Mi sawisel dawn chuan dawt tel lova insawisel a va tha em!!

    Report this comment

  12. 12
    adelfos Says:

    A tha e, a tha e. Ropui awm mep mep hle mai. Kanwgzawha kal hi mi engzat vel bawr nge ni ang? Report kimchang deuhva rawn pe thei kan awm em le aw? Hun hman dan tlangpui, hun hmangtu, etc…

    Kristiante hian a tul a nih phawt chuan kan tuar zel tur chu a ni na meuh mai. Amaherawhchu diklo taka mihring inbeihna leh kan constitutional right zahlohna ang chi hi chu kan do ve tlat tur a ni ang. Kan dikna hhumhim tur hian dawiha tlan chhe tur zawng kan ni lo reng a ni. He kawng zawh hian awmzia a neih ngei ka beisei.

    Report this comment

  13. 13
    chhurliana Says:

    Mandy, Ka bial pawh ala ni chiah lova, ka bial thuai erawh ka beisei. Hetiang thil han huaihawt hi ringtute kan in tuarpuina leh inngaihsakna tihlanna tha tak a ni a, thil tha tak a ni. Chutih reng lai chuan thil pakhat kan hriat ve mai mai tur chu tihduhna leh hetiang ang harsatna te hi kristian Lal Isua ringtute ta tur leh kan chan tur a ni.

    Tihduhdahna leh harsatna a awm loh chuan kristian te hian kan Pathian hi kan hlat fo asin, hetiang bo tur zawnga tawngtai leh hmalak phei chu Lal Isua zirtirna nen a inkalh tlat. Kan chan tura Pathian ruat a ni a, amaherawh chu hetiang karah hian min awmpui zel erawh a tiam tlat. Tihduhdahna avangin ringtu hmasa te hunlai pawh khan kohhran kha nasa takin a darh a, Pathian ram zauna hmanraw pawimawh tak pakhat a nia sin. Hetiang hi awm ta lo se kan Bible hi a daw duai dawn asin, a aia nasa pawh a awm zel dawn.

    Ka Pu Zorama pawh hi a ti ve deuh mah mah a ni, a tel lohna turah a tel te pawh a ang tlat, kan khak hlak ang e.

    Report this comment

  14. 14
    sekibuhchhuak Says:

    September 25, 2008 khan Orissa Ringtute Tuarpuitu, Aizawl huaihawtin tawngtai leh kawng zawh neih a ni a. He hunah hian Aizawl khawpui chhung veng hrang hrang atangin mi thahnem tak an kalkhawm.

    Tawngtai leh Kawng zawh hi mi thahnemngaite huaihawta neih a ni a. Dar 10:30-ah High School Field (MacDonald Hill)-ah hun hman a ni a. Chairman, Upa Dr. PC Biaksiama chuan Orissa Kristiante tawrhna rapthlak tak chu kan Zoram mipuiten kan tawrhpui thu te, milem pathian betute aia tana tawngtai chu kan tihtur a nih thu a sawi a. Pi Lalthakimi chuan Orissa Kristiante tawrhna a hriatin Pathian lehkha sem tura a hriattir dan te, tawngtai rual leh kawng zawh nei tura Pathian hnen atanga hriattirna a dawn dan a sawi bawk.

    Chhiarzawm duh tan :http://christianmediasociety.o.....;Itemid=71

    Zirtawpni a kawng zawh kha chu, Mi thahnemngai intelkhawm huaihawt ani awm e.

    Report this comment

  15. 15
    sekibuhchhuak Says:

    http://christianmediasociety.o.....;Itemid=71

    Chhiar zawm duh tan.

    Report this comment

  16. 16
    Aryan Says:

    Kristian ringtu diktak te chu tihduhdah tuar tura siam a lawm annih. Phun phun lo khan tuar tlawk tlawk tur. Khawvel a tawp dawna Isua lo kal ahnai tawh tihna anih kha.

    Report this comment

  17. 17
    Borat Says:

    MP ngawireng ka lo ti ngawt chu a pawi khawp mai. Thupha ka chawi e. Ccb ka chhiar ngun lo ani. Mahse (ti talh teh ang) Prime minister chhanna chu ka va duh thawh lo ve. “Orrisa president’s rule ah ka dah dawn”, ti sela chu ka ngaih a tha tur.

    Report this comment

  18. 18
    tetea_t Says:

    What happened to ‘turn the other cheek’??

    In The Bible:

    “You have heard that it was said, ‘An eye for an eye and a tooth for a tooth.’ But I say to you, Do not resist one who is evil. But if any one strikes you on the right cheek, turn to him the other also; and if any one would sue you and take your coat, let him have your cloak as well; and if any one forces you to go one mile, go with him two miles. Give to him who begs from you, and do not refuse him who would borrow from you. You have heard that it was said, ‘You shall love your neighbor and hate your enemy.’ But I say to you, Love your enemies and pray for those who persecute you, so that you may be sons of your Father who is in heaven; for He makes His sun rise on the evil and on the good, and sends rain on the just and on the unjust.”

    - (Matthew 5:38:45 RSV)

    Report this comment

  19. 19
    gothica Says:

    han ngaihtuah chiang lawk teh u…Aizawl or wherever-a kawngzawh pawh nise..enge Orissa or wherever ah an tangkaipui na tur in hriat phawt chuan sawi teh u…hrehawm tuar ho khan enge an hlawkpuina tur..kan state sorkar khian enge a tih theih..cheng singkhat lek emaw a pe anga..mi pakhat tan pawh hetah awm a har ania cheng 10000 in…kawng an zawh khi enge a hlawk na?

    Report this comment

  20. 20
    zobawm Says:

    Vawin khan lunglei ah pawh programme hman a ni a, mi sang tam tak in, tap chung leh halleluiah chung in tawngtai rual na an hmang a a ropui hle mai, thing lung tak leh tih tak zet in thu sawina kohhran hruaitu hrang2 ten an nei bawk a, mipui thinlung a khawih tak zet a ni, phu ba chu kei ni ring tu te chuan kan la tur a ni lo tih leh ringtu te chuan tawrhna kan la hma chhawn dawn chuah a ni tih te leh phu ba chu Pathian kut a ni tih lam hawi in thu an sawi a, tin kei ni ringtu Mizoram a mi te hi kan in bih chian a kan Pathian lam kan hawi a ngaih zia te an sawi bawk a. Chu mi zawh ah chuan tawngtai rualna ropui tak hman a ni. Chuan Orrisa kristian te tih duh dahna duh loh na Resolution hrang2 pass a ni. programme an hman chhung darkar nga(5) vel hi chuan lunglei ah Motor tlan a awm lo.Mipui an tam khwp mai.

    Report this comment

  21. 21
    zobawm Says:

    ka sawi hmaih tlat mai, Orissa chauh ni lovin tunlai India hmun hrang2 a kriatian tih dah te duh lohna resolution mipui ten an pass a, chuan a copy India president, prime minister etc te hnen ah an thawn dawn a ni.

    Report this comment

  22. 22
    adelfos Says:

    @gothica, i thlirna ka hriatthiampui khawp mai che a. Chutih rual chuan heti zawng hian lo ngaihtuah ve ta tho la – Orissa-a human rights bawhchhiatna nasa tak leh kristiante constitutional rights bawhchhiatna nasa tak duh lo va kawng lo zawh hian tangkaina a nei lo a nih chuan khawvela eng ‘protest/demonstration’ mah hian tangkaina a nei tur a ni bik lo vang.

    India sawrkar mai ni lo, International community mithmuhah hetiang thil pho lan a ni hian thu awmze nei a sawi ngei ang. Mipui voice hi a pawimawh em em a ni. Tangkaina nei ngei tur paw’n kan tawngtai ang chu.

    Tin, ni e, Kristiante hi tuar tur chu kan ni. A tul phawt chuan kan tuar zel ang. Mahse, post pakhat zawk ami “Orissa-a tihduhdahna report” hi han chhiar i la. A ni em em lo deuh a ni. Hetiang taka insawisak retheih tawh hnu pawha voice nei lo tawp leh thil dik lo pawh do ngam lo tawp khawpa dawihzep chu kan ni bik tur niin ka ring lo. Tharuma beih let lam ni lovin…

    Report this comment

  23. 23
    Irreplaceable Says:

    @adelfos: Mipui voice a pawimawh i tih hi chu ka pawm thlap e,mahse kawngzawha protest hi Bible thu nen a inmil em,chubakah a Pathian thu em tih ka lo ngaihtuah ve mai mai…..??

    Report this comment

  24. 24
    kanidar Says:

    Kei chu state ami dang pawh nise, kan kristian pui te an tawrhna kan lo tawrhpui ve tih lantir hi tha ka ti, tharum thawh zawng ni lo, peace rally type te chu a Pathian thu vak lo pawn ka lo hre lem lova.

    Report this comment

  25. 25
    kanidar Says:

    *state ami dang=state dang ami

    Report this comment

  26. 26
    adelfos Says:

    Pi irreplaceable, ni e tiraw protest rally han tih hian kan politicize nasa tawh bawk nen a lang he deuh hu bawk a ni…

    Thil diklo tarlan leh dodal hi Pathian thu laimu tak pakhat a ni hrim hrim a. Bible-a zawlnei ho khawsa zia zawng zawng hi han en i la, protest in a khat a ni ber a, a then te phei chuan khawlaiah saruakin a hunlaia thil diklo an auchhuahpui tih kan hre awm e. Lal Isua pawh khan Temple-a thil dik lo kha hruihrual nen a protest mai kha a nia. Palm Sunday hmasa ber pawh kha a hunlai political/religious structure protest na langsar tak a ni bawk. Sawi tur a tam thei awm e. Hmelmate laka rilru tha lo pu let chunga thungrulh hi Pathian thuin a phal loh chu a ni a. Thil dik lo leh Pathian duhloh zawng dodal a, Pathian duhzawng vana mi’n an tih anga leia mi te paw’n an tih vek theihna tura beih zel hi kan mission chu a ni zawk ang. Sawi tawh angin tharuma mi va beilet zawng ni lovin.

    Report this comment

  27. 27
    Irreplaceable Says:

    kanidar: Ngaihdan sawi a thiang alawm tiraw,kei kan kristian unau tihduhdahtuarte hi kan tanpui dawn anih chuan tawngtaina te,a hmuna kala tanpuite emaw a sum leh pai zawnga tanpui hi a tuartu tan pawh a chhawrnahawm zawk kan ring deuh mawle,thahnemngaihna lam zawk a ni e.

    Pu Adelfos: I hming awmzia hrilhfiahthiam lem lo mah ila kan thusawilai tal hi chu kan chhunzawm ve ang e :) . Thildiklo tarlan leh dodal chu keini Kristianten kan tihmakmawh a ni ngei mai.Kan tarlandan erawh Pathian duhdan leh Bible mil lemlo, mihring duhdan leh ngaihdan a tam thei viauin kei ka lo hre ve mai mai a.Nangni azira zirchhuakin a tha e in tih chuan keini lamin a tha lo lo tihngawt thu a awm lo e……

    Report this comment

  28. 28
    adelfos Says:

    He he Pi Irre-i te nge nge, zirtirtu tha tih takah thusawi a tluang nalh zaih zel mai :-) Ka thu han sawi vel dan chuan a zir ve tak tak te pawh min tiang hle tak mai a… Kan ngaihdan a inang e Pi Irre. Thil reng reng, kan lan chhuahtir duhna rilru hi ni e, a dik a ngai a ni ber e.

    Report this comment

  29. 29
    chhurliana Says:

    Dik chiah chuan kristian tam tak sual tak tak te pawh hi an awm ve bawk a, bakah heng charismatic/penticostal kohhran tam tak te phei hi chu zirtirna mak deuh deuh keng te pawh an awm ve a. India ram Chhim lampang kristian tam tak te phei hi chu sum leh pai ah an rinawm lo em em a, tin, kohhran hi politics hian nasa takin a chiah a, thil bawlhhlawh deuh deuh te hi sawi tur a awm ve nual a. Kan Pathian hian heng ang harsatna hmang te pawh hian min zirtir duh a nei te pawh a ni mai thei asin.

    Report this comment

  30. 30
    samuelapa Says:

    Persecution hi Communist ram leh Muslim Fanatics ho lalna rama thleng chu ni se thu hran a ni a, Secular India-a hetiang em ema innghaisakna thleng hi chu dodal leh sawisel chu thil awm tak a ni. Orissa chang a ni tawh lo va, State dang Karnataka, Madhya Pradesh leh hmun dang dangah pawh a thleng mek. Tihduhdahna tuartute hi Kristian pawh ni lo se tun ang khawvelah pawmzam mai mai chi a ni lo. An chunga thil thleng hi ran rual chunga tih pawh ni se sawisel leh dodal hi a awm ngawih ngawih tho a ni.

    Thil pakhat kan hriat fuh loh chu Tihduhdahna protest hrim hrima Procession leh Rally hi huaihawt a ni lo. Tihduhdahna tuarte leh a tiduhdahtute tan pawh tawngtaina hun hman a ni a, ngaihdamna thu puan a ni bawk.

    Report this comment

  31. 31
    gothica Says:

    @adelfos… a dik alawm..mahse India rama protest hi eng ang pawhin International mahse enge hlawkna awm? Red Cross an rawn tir dawn ami? a teuhlo mai..politics ani zawk tih hriat tur ania… engtin mah Orissa or whatever Christian ho tan a safe ngaihna a awmloa…ka tihna ani e..an tuar a,kan tawngtaipui a..thawhlawm kan pe,donation nen,poltician ho in an en dik..enge a tawpna..a reh leh duk pek ang chu….a dik em? …te ka tia

    Report this comment

  32. 32
    johnjay Says:

    persecution han sawitak ah chuan…. online forum ibnlive, ndtv, rediff, timesofindia etc. ah te hian a thei2 in comment ve thin ang u. pro-hindutva ho tan lak nasak zia hi rapthlak nia.

    Report this comment

  33. 33
    zrm-a Says:

    Dik khop mai, online forum ah hian theih anga tamin comment ve thin ila ,tan lak a ngai takzet ani.
    Hindu ho hi an sual khop mai , thil an manipulate thiam ropui si, Orissa Christian te tihduhna ang khan Hindu ho ti duhdah ve ila chuan khawvel pum hriatah news a an chhuah ang.

    Report this comment

  34. 34
    honey Says:

    No.11(Tuaisiala): ” PM pawhin Mizoram MP ngenna a ngaih pawimawh vanga hma a lak nghal thute pawh paper tam takah a lan kha mawle”

    - Kan Office ah hian India rama newspaper leh Magazine lar ho chu kan subscribe deuh veka kava hmulo ve!

    Report this comment

  35. 35
    amanda Says:

    @honey: Kei pawh ka hmu lo reng2.mizoram news paper ho a tihna niang chu ka ti ta mai :)

    Report this comment

  36. 36
    Aryan Says:

    Hindu vai 160 chuang an in chil hlum leh ta. Phuba?

    Report this comment

  37. 37
    islander Says:

    30 Tiduhdahtu te tan kan tawngtai sak. LALPA NGAIDAM RAWH AN THILTIH AN HRE LO A NI tih lianpui a tar te poh an awm kha. “Phuba reng reng keima lak tur ani” titu hian a duh chuan a la ngei ang. Hemi ni a ka tawngtaina chu tihduhdah tuar nek te tan a ni.

    Report this comment

  38. 38
    Mizo Master Says:

    Pu Zoramthanga-te leh MNF Minister-te an tel ve kha ka tui lo ve hranpa hrim hrim. A dang zawng chu a tha ka ti. Kohhran leh mipuite pawn’ an ti tha. I hate those MNF Ministers, who are the most corrupt persons i’ve ever known in my lifetime.

    Report this comment

  39. 39
    Siam2ipa Says:

    In kawng lo zawh ve chiam kha helam ah a rim a ra pawh vaiho hian an hrelo e, thawm neih tum chuan heeeee tah vaipa ho nghawr nghing khawp a nihloh chuan awmzia awmlo,,,,, In tawngtai sak tawn a tawk viau a ni

    Report this comment

  40. 40
    H.Vangchhia Says:

    Siam2ipa sawi hi a nih duh hmel….

    Report this comment

Leave a Reply

You must be logged in to post a comment.