Mizo tawng diklo nge a hausakna zawk?
September 27th, 2008 8:01 pm | more than words | feeder | 1,331 views|
|
1. Chhimlam ah chuan “Min lo leng rawh” kan ti thin a mahse hmar lamah chuan “lo leng rawh” tih kha a tawk mai niin a lang, tin tawng diklo tiin min nuihzat chang te pawh a tam thin a, amaherawhchu chhimlam in “min lo leng rawh” kan tih hian kan rilru a kan tum tak chu “lo leng la kan pahnihin kan in kawm ang” tih ani. “Lo leng rawh” tih ringawt hi chuan a kawm tura kha tu ber nge a chiang ta lova chuvangin kan hmelhriatloh emaw midang tu emawin kawngkhar a lo kik ta a chuta kan chhanna chu “lo leng rawh” hian kan chhang zawk thin.
2. Thian tu emaw nen entirnan Khatla atang Chandmari ah kan kal dawn a ka hun neih dan nen a in ang ta tlat lo mai a tahchuan “Lo va kal hmasa rawh” emaw “Lo va kal rawh” emaw hmar lamah chuan hman a ni thin a, chhimlamah ve thung chuan “lo va kal chhung rawh” kan ti leh hlauh thung a. Heta “lo va kal chhung rawh” kan tih hian kan tum chu “lo va kal hmasa la chandmari i thlen hma in ka lo um pha leh ang che” kan tihna ani. “Lo va kal hmasa rawh” tih hi chuan a lo va kal hmasa ngei anga mahse ka va thlen ve hun tur kha chandmari a thlen hnu ah nge a thlen hmain ka va um pha dawn a ti chiang tlat lo, “Lo va kal rawh” tih phei hi chuan ka kal ve dawn leh dawn loh a ti chiang ta hauh lo zawk a.
Ka han post ve na chhan chu engdang ani lova Mizo tawng tih hausaknan chhimlam leh hmar lam tawng te hi in nuihzat mai lovin in pawmsak tlang ta ila a tha zawk angem? Khing lo pawh khi a tam mai a han ziah sen chi pawh ani lo. Misual ho ngaihdan hriat a va chak awm ve…lamkhuang or laui, kawlthei or kawiam, thingfanghma or hnuhnun?
September 27th, 2008 at 8:24 pm
Chhim leh hmar hian trawng dan phung(Kal hmang) deuh chu kan nei hrang innuih zat sak hi ka thil huat zawng ani; Feeder ngaihdan hi ka trawmpui e.
September 27th, 2008 at 8:41 pm
Chhim lam ah hian a kum tel ka awm ve tawh a, rual pawl nasa leh thian ngaina a kawm hnem tak ka ni nghe nghe… ” min lo leng rawh, lo va kal chhung rawh” tih ang tawngkam hi tuman an hman ka hre ngailo. Hmar lam an tih, Aizawl lam emaw ah pawh veng tlabirh deuh emaw ( tun lo haw lo se), khawi veng emaw veng dang kawm tam vaklo emaw ho ang te hian an mahni street talk ang hi an nei duh bik khawp mai. Lehtawng te kan tih ang thin kha.
Mizo tawng ti hausa tu ni lovin, Mizo tawng ti dava tu/ ti phuai luai thei tu ah ka ngai.
September 27th, 2008 at 8:56 pm
Veng inhlat lote-ah mai pawh hian tawng vuakthlak hi alo in ang lo thei khawp mai. Durtlang-ah mithenkhat chuan Lamkhuang hi, Theikatrawl an ti a. Lamkhuang ka dap dawn anti bawk. Ka hriatdan-ah chuan lamkhuang kan pen dawn kan ti thin. Nihawi / Nihawi suak hi, Vaivakawn an ti bawk a
September 27th, 2008 at 9:01 pm
Vaivakawn tih hi kan tet lai a kan hriat dan thin ani; nihawi mi in an tih hian ka bo deuh thrin.
September 27th, 2008 at 9:17 pm
Hetiang lam topic hi Online-ah chuan kan tangkaipui theih pawl tak niin ka hria. A tha thin e.
Kan topic siamtu ngaihdan hi ka tawmpui deuh vek mai. “Min lo leng rawh” an han tih pawh hi a dik khawp mai a. Sap tawng takin come and visit me te pawh an tih thin hi mawle.. Just Visit (Lo leng rawh) han tih tawp chu tlem chuan a mawihnai zan lo deuh chuan ka hria. Mahse, kan lo hman thindan erawh a ni lawi si a. Min lo leng rawh kan tih chang a awm ang a, Lo leng rawh kan tih tawp chang te pawh a awm dawn tho turah i ngai phawt ang.
Tin, Saidawium tih duah ai chuan Palang tih et mai chu a felfai zawk fein ka hre bawk.
Tuna kan han sawiho te hi Language (Tawng) ni lovin, kan dialet mai a ni a. Burma Mizoten dialect hrang deuh an nei ve a, Manipur lam Mizoten dialect hrang deuh an lo nei ve bawk a. Hualngo tlang dung lamah an mahni lusei dialect hran deuh an nei ve bawk a. Amaherawhchu ziak (Writen) ah erawh dialect a ziak kan awm ngai meuh lo va. Kan Mizo Tawng hian standard chu a lo nei ve reng tho niin alang. German tawng ro ro pawh hi khawpui tinah hian dialect hrang deuh an hmang ve thluah mai a. Hetia an han inbiak te hian Khawi khawpui atanga lo kal nge, khawia mi nge a nih an in hre thuai thin.Heng hi chu ngaih pawimawh tham leh kori tu pha thil a ni lem lo va. A pawina pawh ka hre lem lo.
September 27th, 2008 at 10:10 pm
Mizo tawng huang chhung ami mahse dialect hrang kan nei nual hi a tha nge a tha lo hriatthiam a har viau,mahse a awm lo thei lawi si lo.Chhim lam han tih khan a huam zau mah mah a, Lunglei leh a chhehvelah hi chuan ‘min lo leng rawh’ kan ti ngai lova,hei hi chu Lawngtlai/Saiha lama an hman dan a ni.Tin katrawl hi hmar thlanglam tawng a ni a,vai tawng influence a ni. Slang kan neihte hi veng hran hranah a danglam thei bawk. Sex hmang sawi nan ‘an in sangau’te tunhma deuh kha chuan kan ti mai mai a,Sangau khuaten an huat loh hram beisei ila.Tin,hnuhnun kan ti teh chawka, NUHNUN tih zawh tur a ni,nu hnute a an ve deuh hi.Speaking lamah hian lo fimkhur zo chiah lo pawh ni ila,Ziak lamah tak hian i fimkhur ang u.Pu Zorunpuia te meuh pawhin ‘rau rau’ tih turah ‘ro ro’ an tih tak hial hi.
September 27th, 2008 at 10:24 pm
Pu Vangchhia, chhim a i kalna chu Lunglei vel bawr a ni lo maw? Lunglei leh Aizawl hi chu an tawng kalhmang a la in ang a mahse Thingfal atanga chhimlam Lawngtlai, Saiha etc. ah saw chuan ka rawn post ang hian an sawi tlangpui zawk asin!. Tawng tih hausak nan a seng luh hmiah hmiah zel hi a awm lo lutuk uchuak te anih ngawt loh chuan kei chu tha ka tih zawng zu ni teh tlat a!
September 27th, 2008 at 10:33 pm
Saptrawng kan tih, Mizo trawng a kan hman lar ho hi; Mizotrawngah kan pawm thlap thei ang hian, kan inhriat thiam tawn chuan a tawk viau ah ka ngai, trawng thi a awm angin trawng piang thar a awmve zel dawn bawk a ang e.
September 27th, 2008 at 10:37 pm
Kan tel ve zuai… Min lo leng rawh… Nula ka leng dawn..lo va kal chhung rawh.. I walkman ah ka hla duh mi ka lo ngaithla chhung..
Hetiang lo chhuahna ni-a ka rin chu… Mizo tawng (Lusei tawng) leh Awze tawng an hman pawlh (merge) vang ni in ka hria. Lai tawng ah hian hetiang deuh deuh tawngkam hi a tam mai. A chunga kan sawi ho khi Lusei tawng dik tak atan chuan a fel hlel deuh.
Chatuan Lungpui Nghet, Rinte-a sak han tih mai tur te pawh, Rinte-a sak mi an han ti kher a. Lai tawng in a influence vang niin ka hria hei chu.
Tawng a tih hausak leh hausak loh lam ah erawh chuan ka inrawlh buai peih lo.
Cheers!!!
September 27th, 2008 at 10:46 pm
Mizo hnahthlak tawng hrang hrangte hi lakkhawma kan hman ber Mizo tawng kan tih mai hi tihhausak nana hman chu tha ka ti khawp mai,eg: chibai - samaw, cassette - khui etc. Amaherawhchu a dialect lam hawi zawng hi chuan ngaihtuah chian ngai ka la ti fo mai. Feeder rawn post angte hi kan hriatthiam tlan tho chuan innuih loh a tul.Mahse a kalhmang tak erawh khi chu regional/dialect influence ni berin ka ngai a,tawng tìh hausak nana hman chi a ni meuh em aw ka la ti deuh.
September 27th, 2008 at 11:12 pm
muantea sawi ang deuh hian, Mizo tawng takin, a awze tawng ka ti khawp mai. Awze tih hi hrilhfiah kan ngai ang emaw… Mizo tawng kan tih ni chiah lo, lai deuh huih ho hi Mizo tawng/mizo upa te chuan awze ho tawng/awze tawng an lo ti thin. Mizo tawng ti hausa tu ah ka ngai lo. No offense.
September 27th, 2008 at 11:15 pm
feeder: a ni maithei e…mahse, Saiha lam te chu lanu ngaia kan lo pan vang vang thin te pawh a ni tawh thin maithei asin…. Lawngtlai te pawh
Zangfahin lungher than hlah emaw, Ngiachhipata napa phasai leh a kan lo tih vena fo te hi a lo ni thin tho mai thei asin
September 27th, 2008 at 11:28 pm
‘Pu zorunpuia leh kanidar(i) te hi an hmel a tha ve pah reng,’ ‘Pu Thaiboy i motor-ah ka lo inthiat ve luklak ang a, Tawipui-ah min bun dawn nia,’ ‘Ai e, myself-a chu teh, nupui neih a tum an tih chu teh,’ ‘Pu muante, in t(r)awp ruakah tui kan lo dah chhung ang chu?’ Pu HV-a a dam lo va, a chaw ka pawh a tui lo hle a ni awm e,’ ‘Kan hnung kar khan Biak Ina ban hla kan zai laiin Pite bmw, irreplaceable & dumputi te an lam nasa hle,’ tih ang chi hi Thingkah piah lamah saw chuan a lar viau va. Eng emaw zawng tak chuan hman a remchan riauna hi awm ve tlatin ka hria.
Khawi lai bial emawa an tawng hman apiang hi tawng ti hausa tua ngaih zel chi chu a nih ka ring lo va. Tawng dika kan ngaih loh tlan deuh hi a awm ve bawk. Amaherawhchu, tawng awm tawh sa leh lo piang zel te zingah hian Mizo tawng ti hausa thei chu an awm na meuh mai. Tuna chhim lam tawng kan sawi thenkhatte pawh hi hrilhfiah harsa ang reng tak, a awmze hriat a fiah fu lawi si te an ni nual a. Tam tak hi chu an tha fu lo’m ni ka ti…
September 27th, 2008 at 11:32 pm
adelfos i ziah te hi Mizo upa ten awze tawng an tih te zing a mi ni turah ka ngai. A lai huih mai..
September 27th, 2008 at 11:37 pm
adelfos chu hre riau mai! I rawn sawi takah chuan ‘t(r)awp’ tih kan hmanna hi a fuh riau asin. Alkatra/petrol barrel aia lian hlek, khawr chawp hi a kawk bik zuala, a lian leh law law hi tuizem kan ti ve tho.Tuizem te,tuizem lian tih vel mai maia hming nei lova dah ngawt ai chuan i hmang tlang zawk ang u hmiang. Mission Vengthlang pawh hian hming a nei lo! he he!
September 27th, 2008 at 11:43 pm
muantea: Vengthlang tih hi a hming a ni mai lo maw. Venglai te pawh a awm khi. Lunglei Thatchhe veng hi ahming a nice lo ve ngawt mai, an thlak hnu hian ka la kohna fo mai a, min melh run run fo mai hairehai….
Awze tawng Mizo tawng ti upa tu akan pawm chuan kan lawi hu dawn a ni mai hairehai…. Mizo tawng ang fu si, ni chiah silo leh thluk lawi deuh hu ho hi kan upa ten AWZE tawng an tih chu a ni e.
September 27th, 2008 at 11:43 pm
Ka hmansual lai miril Pu Muantea’n mi rawn tihdik sak thuai a, ka lawm hle mai. Comment-ah ngat phei chuan uluk sen a nih loh rualin en nawn leh emaw a ni tawh ngai lova. Uchuak lutuka han type dik loh hi chu a awm na a, fimkhur sen vek pawh a ni lo a nih hi mawle.. Entirnan: Pu myself nula rim chu a hawng lamah a chhas hlui nen an in tawk hloh, ti ila, a dik thlap ang a, amaherawhchu HLOH aia HLAUH kan tih erawh chuan HLAU tih lama hmanna a ni thung ang a, a dik lo a ni. He misualpa hi ka mi HLAUH zawng tak a ni, ti ila a dik thlap laiin ka mi HLOH zawng tak a ni kan tih chuan a dik lo a ni. Chutiang zelin, pawisa ka HLOH (tibo) kan tih pawhin a dik thlap turah ka ngai a, midang khan enge in ngaihdan? Kan pu muantea khan rawn sawifiah thei se, a tha ang a..
Ka sawi tawh angin tuna kan CHAI mek hi Mizo Tawngpui (Mizo Language) a ni lo va, Mizo Dialect mai a ni tih hria ila, hei hi chu English hmang ram tam takah pawh an awm vek a, England ah ngei pawh London leh Lancashire vel dialect chu inthlau tak a ni. Mimal tak phei chuan London tleirawl ho english hi ka hrethiam hleithei hlek lo nia mawle.. Dialect hi chu hnam tin hian an lo nei ve vek mai niin alang.
September 27th, 2008 at 11:45 pm
muantea: N.Vanlaiphaia an kawtchhuah lun ber mai khi, Sanpoh kawn tih a ni a, a awmzia i hria em? hahahhaa i hriat ka ring a mahse, loh palh chuan ka hrilh dawn che nia
September 27th, 2008 at 11:47 pm
zorunpui: hloh chu thil ti bo a ni. tawk hloh in awmzia a neih ka hre hauh lo mai kei chuan. Hlauh tih kha a dik ah ka ngai. i thluk dan a zirin a awmzia erawh a dang thei ang. thluk hniam a i thluk chuan (hlauh nei anga i thluk chuan) thil hlau sawina a ni ang mahse, hlauh ( teh hlauh zawk chuan!) ti anga i thluk chuan..i tawk hlauh thung ang
got it
September 27th, 2008 at 11:49 pm
sorry, hloh hian awmzia aneih ka hrelo zawk e…hlauh ve ve a ni zawk ang, thluk dang ve ve in. Ka hna kal tur hmanhmawh deuh in ka type zung2 pek a nih kha.
September 27th, 2008 at 11:56 pm
Nilaithawhtan tih ngei dik zawk Ningani ? Pu adelfos khan min rawn chhang thei se a va tha awm ve Pu Muantea nen..:)
September 28th, 2008 at 12:04 am
E khai hotupa, a dik zawk phei chu ka sawi thei chiah bik lo va. Nilaithawhtan tih hi chu tlai khawhnu deuh zawk a lo piang nia sawi a ni thin chuan ka hria. Ningani tih hi Bible-a ni sarih ni hmasa ber a tih Chawlhni(Sunday) atanga chhiara a ni nga ni sawina a ni ber awm e. Ningani hi kei chuan ka ngaina zawk.
September 28th, 2008 at 12:11 am
A lawmawm e, hotupa adelfos.. Ziaktu lar ve tak pakhat chuan hmanlai atang tawhin keini chuan Nilaithawhtan tih vekin kan hmang a, hman deuh lawk atangin Ningani tih hi a lo lar ve ta deuh a, hei hi Rev.Chuauthuama’n a chawilar vang leh chanchinbuah a dik zawk nia a sawi avanga rawn lar ve chauh a ni, a ti tawh a.
Pu Buanga khan a dictionary ah chuan Ningani ti lovin Nilaithawhtan tiin a lo dah ve daih tawh bawk a. Pu Buanga te rawn awm hma hi chuan Mizo pipute khan Ni chhiar dan hi Mizo tawngin an la vuah chiah lo niin alang bawk a. Pu Buanga te hun 1901 vel khan Mizoten Nilaithawhtan tiin an lo hmang thin ngei niin alang lo maw hotupa?
September 28th, 2008 at 12:29 am
Mizo tawng hi Tibeto-Burman tawng atanga rawn chhuak niin linguist ho chhuan an sawi a.Tibetan tawng chuan 5 hi nga an ti a,chuvang mai mai chuan kei pawh NINGANI ti hi dik zawk in ka hre ve mai mai.NILAITHAWHTAN ti hi chu a phuahchawp deuh in ka hre ve tlat…
September 28th, 2008 at 12:38 am
Pu Buanga chuan hetiang hian a lo dah a:
Nilai Thawh-tan, n. Thursday.
Nili-ni, n. the old name for Thursday now generally called Ninga ni and Nilai Thawhṭan.
September 28th, 2008 at 12:43 am
He he… sorry comment lohna tur zawkah kan type luh daih pek chu…
Ka comment chu AR Stadium lamah khan lo zawng mai teh hotupa 
He hming pahnih hi Pu Buanga te hun lai paw’n an lo hmang ve ve tawh a nih hmel e.
September 28th, 2008 at 12:57 am
A remchan dan ang zelin hmang mai ila,a pawi vak dawn em ni ooo,chhim lamah kawlthei kan ti ngailo a,kawiam kan tia,lamkhuang tih ai chuan La Ui tih hi remchang zawk in kan hria ani chek ang chu,kan la hmang ve zel a. Hmar ho thenkhat phei chuan Isua pawh THUAMA min tihtir vel mai mai
September 28th, 2008 at 1:01 am
keipawh chhim leh hmar tawngkama indaidanna hi tha ka ti hauhlo mai..kan naupan lai chuan entirnan
*bucket=t(r)in
*spiderman=t(r)angt(r)ial-man
*kezunpui=kezungtrang capt(r)ain
etc etc te kan ti thin a…mahse chhim lam chhuak hi kan pi leh pu te ah hian an tam ka ring tlat ani..
September 28th, 2008 at 1:31 am
Nilaithawhtan leh Ningani tih hi dik zawk awm lo adik ve ve ani.a hmang tu in a duh zawk zawk a hmang thei.Mahse Zorunpuia sawi ang a Ningani ni tih lo lar tan chauh anga asawi hi chu a dik thei in ka hre lo,ka pu kum 1994 akum 94 mi nia min boralsan tu khan Ningani tih hlirin asawi tlat a ni.
Tin,mizo pipute khan Thla(month)chhiar dan/thla hming nei tha hle si khan Ni hmang hi an lo nei lo emawni teh chek ni?a hria chuan min lo hrilh teh u.
September 28th, 2008 at 2:20 am
Ni e.. Laui tih hi Lamkhuang tih nen a diklohna a awm bik chuang lo va, Tin, Saidawium han tih duah ai chuan Palang tih mai pawh a awl zawk khawp mai.
Ka sawi tum ber zawk chu elizabeth sawi ang deuh khian chhimlamho hian T (rstTuvz) an uar em avang hian fiamthu thawhnaah te hman an ching em em. Mizotawng a T hman lam chu sawi ka tum lo; mahse SAPTAWNG a T an hmang leh lutuk hi chu a lo dik lo khawp in ka hre ta. Ka thiannu Lunglei khua hian a sawi ka la hre reng “London-ah Aizawl ho an bazar a, ‘Necktie(necktai) ka lei duh’ an ti a, dawr nghak tu in a hre thiam lo..zaizira an sawi fiah fe hnuah…’Oh..you mean..NeckThrai’ a ti e” a ti. Hrechiang a in tih em avang in ‘hmarlam ho hian kan lo lam dik lo zawk a niang aw’..ka ti rilru neuh neuh va..
Mahse kan ti teh ang.. Khawvel a saptawng hmang tu zingah .. English,American,Australian,Irish,New Zealander te hi ka kawm ve tawh in thian pawh ka nei ve nual.. an tawngah hian T an lam ka hre ngai lo va.. a hmang an awm leh awm loh pawh ka zawt nual tawh, T ri chiah hi..tuman an la hre tlat lo..chuvangchuan chhim lam in saptawng a t ai a T an hmang tlat hi chu a dik in ka hre thei tawh lo..in lo hriat ve mai mai a tan.. Tin mizo alphabet a ‘t’ ri chiah pawh in a ri chuang bawk lo tih kan hre theuh awm e..
September 28th, 2008 at 2:26 am
Thianpa Tluanga pawh a inti Non-Chhim lutuk a.. TingTang pawh a ti duh lo va..Perhkhuang a ti kher zel
September 28th, 2008 at 9:46 am
Chhim lamah chuan Isua Kraws-ah an kheng bet tih pawh kha Thuama Tan tlangah an tawn an ti… Khawchhak lamah ve thung chuan Thanga Champhaiah an man an ti thung …
September 28th, 2008 at 9:48 am
Hmar lamah ve thung chuan Thiamthu sawi thei ka ni noh an ti… Lolz
September 28th, 2008 at 10:19 am
GHSS zirtirtu Ruth i, masangi leh english teacher dang ho chu English an thiam lutuk a mizotawn an pai vel!
September 28th, 2008 at 10:49 am
Mizo tawng ah sikul kan kal lai khan Gurkhali pakhat hian mark a hmusang ber thin, kan tluk thei ngai lo
A essay pakhat a ziah “Zawlbuk” tih thupui a tanna pawh “Hmanlai kan pi leh pute…” haha, an pi leh pu te chuan Zawlbuk an neih ve hmel lem loh
haha
Hapta kar hming kan neihna hi vailen hnu a ni lo maw? hriat a chakawm ve mai mai. Lo ni ta se, kan pi pu te khan engtin nge an sawi ang le, an sawi lo tawp nge, calendar an la neih hmel lem lohva, nge Thlawhhma Calendar kha a lo chipchiar ve zek?
September 28th, 2008 at 11:50 am
Samaw!Hnam tin hian awmna a zirin dialect hran kan nei theuh a, a diklo in tih sak thei ngawt a ni lo a, a hmang duh chuan hmangse, duh lo chuan hmang lo mai ila mahse in nuizat nan in hman sak lo i la a that ka ring.
Marawhchu tawngtha pangngai a dik lo zawk a hman ang chi hi chu tawmpui lo i la, hnial ngam/ hrilh ngam i la kan tawng hi kan humhalh a lo ni mia dawn a ni. e.g. “Anga” tih hi thil lo kal tur sawina a nia thawkkhat lai khan Mizoram mi tam takin thil kal tawh sawinan an hmang a, khang ang tawng ti chingpen zawng leh diklo lutuk ang kha chu pawmzam mai2 tur ni loin ka hria.
“Nilaithawhtan ” tih leh “Ningani” tih hi Burma lam Mizote pawn an in hnail ve fo a, “Nilaithawhtan” tih hmang hi an tam zawk a, keipawn ka hmang a duh pawh ka duh zawk. ” Ningani” kan tih chuan Thawhtan, Thawhleh,etc.. te pawh Nikhatni, Nihnihni, Nithumni,etc.. tiin lam vek law2 i la ka ti deuh.
Hualngo tlang dung tawng khi a danglam bik ang reng a, awze mi an ni hauhlo a, Mizo tawng a ni lo or dik lo an hmang tih theih ngawt a ni lo.
e.g. A va pate. = a va piang lo teuh e.
A va vawt = durh ka tuh lo.
Kawr hak thawl= luah zolo.
Kawr hak tawt = luah hneh.
Chawei tui lo = chawka tui lo.
Enga = Zanga
“Ch” aiah” S” hi an hmang zawk a.
An tawng hi thluak tha vak lo tan chuan man thiam mai hi a har, keichu ka lawm thei khawp mai.
Ka sawi tawh hnu kan sawi leh a nge. Kan Mizo tawng a awm ve reng hnamdang tawng [sap, vai & kawl] tawng kan hmang deuh kher ang chi te hi tawng tih thihna a nia, a Mizo tawng hmang zawkte hi kan han nuizat a, sap/vai/kawl tawng kan han hman a vang a changkang riau/ dik bik riau a nagihna kan nei nge ni dawn?
e.g.
Tomato = bawkbawnthur
Coconut = hnahrial thei
Tel = Sahriak/ hriak
Ajinomoto= hmehhanna
Lime fruit = Chawngbawla[ pasaltha Chawngbawla ram chhuakin he serte hi a hmu a,a thur thiang tha em a vangin khuaah a rawn hawn a, a hming chawiin an ko ta niin upate chuan an sawi]
Teak = Tlawr
slipper = vawthlep
Lighter = meitalh
etc….atam mai sawi sen a ni lo.
Tin, Mizote hi fiamthu duh tak kan ni a, kan tawng hman dan inang lote pawh fiamthu a in hman sak kan ching a, Mizo tawng/Duhlian/Lushai hmang ho ve2 kan ni chuan infiam mahila pawi lo a, huatah pawh la lem lo i la. Mahse kan unaute Lai, Hmar, Paite, Kuki, Mara, etc.. ten Mizo tawng thiam leh thiam lo a an tawng a, an lam fuh hleihtheih loh leh an sawi dik lohte hi nuizat leh fiam nan tak hmang mai loin tha takin zirtir zawk i la, tun ai hian Mizo tawng hmang leh thiam kan lo tam ngei ang.
September 28th, 2008 at 12:16 pm
Ka hre ve teh duah lo na in. he artcle a ka hmuh ah chuan “ani” tih hman hi a diklo deuh vek a.
“ani” kan tih hian pronoun a ni a. Ani saw tih ang deuh a hman tur a ni a.
Tin, “it is”(A ni em) tih anga kan hman mai thin, sentence tawpa kan dah thin ah erawh hi chuan a in zawm lovin “a ni” tih tur a ni zawk a. Heihi chu chhim leh hmarah a dan lem ka ringlo
Ka hriat ve chhun ka rn contri a ni e.
September 28th, 2008 at 12:23 pm
Tawng han sawi tak ah chuan, Mizo te hian CAMEL hi Sa nghawng sei kan ti a, GIRAFFE hi Sa nghawng sei kan ti tho bawk si a, nge maw a awmzia le, pakhat zawk khi chu sanghawngsei tial tih tal awm te ka ti mai mai a.
September 28th, 2008 at 12:57 pm
Giraffe chu Sanghawngsei a ni hleinem, Ji-ra-fe a lawm
haha
September 28th, 2008 at 1:15 pm
mizo: comment kan pek hian fiamthu hun chu awm tho mahse, a constructive zawnga pek hi tum thin ta ila a tha in ka hria chhim lam ah Isua hi Thuama an tih ka hre ngai hauh lo, heng in hmuhsitna tawngkam hi a tam lutuk thin avang hian alawm he topic hi ka ron thawh ni.
September 28th, 2008 at 3:23 pm
Saiha lam leh Lawngtlai ah chuan
1.dawqr bubfrua-dawr thawmhnaw
2.Zai thiam-hlasa thiam
3.puan sin tur-tang nawh.
4.saruak-tak ruak
Zawlnuam ah chuan sa ruak hi ruak tang kawng an ti.
September 28th, 2008 at 3:37 pm
burgerstud2005: comment 40 hi is for u
September 28th, 2008 at 3:37 pm
burgerstud2005: comment 40 is for u
September 28th, 2008 at 3:51 pm
@feeder:No offence plz.But its a fact.Ka awm tawh ve ve chhim leh khawthlang ah.
September 28th, 2008 at 3:55 pm
Chhim lam ho chuan, khutah ka leng dawn an tih chuan, veng lu lamah an chho nul nul a. Khitah ka leng dawn an tih chuan, vengmawng lamah an chhuk nul nul thin
September 28th, 2008 at 4:09 pm
Lawngtlai ah poh khita kal tur hi khitah ka han chhuk an ti daih zel.A mak thei lutuk.Tak tak a nia.Ka fiamthuna leh nuihzat lam a ni lo.
@elcee:Lunglei ho chuan an lam dan hi a Tri mah mah alawm.Ti leh tri in karah khan nalh takin han lam ta se.Sap ho in necktie na na na necktrai an ti lo ang.Time te hi traim an ti a.Mountain poh hi mountrain an tih ka la hre ngai lo sap ho in.
September 28th, 2008 at 4:17 pm
Hetiang hi hmun thenkhata an hman dan a ni.
(pun not intended)
Thei Buh fai( Manding thei) = Thei thrial neuh neuh
Kekawr (tlawn) = Tlawhtlang
Kawr = Zen tlang
Silpaulin = Trial-ret puan
Tenawm = Trawp
Ngawi lawk teh = Trawng lo lawk teh.
Mawza = Chawn ip.
Vei khat = Thrum khat
Timberlake = Triple H
Tatoo = Trial rek ruk
Isua = Thruama
Paula = Thrianpa
Thlarauthianghlim = Thringthri
Kawmchhak = Threnawm
Kawm thlang = Threnrual
Sawma pakhat = Thren thrip threp 1/10
U lawng = U leu
Phungpuinu= Trah ngai
A bum boh = a tri troh
Vawih = mawng trek tla
Thei her-awt = Triam-tri
Thawnthu = Threi buaih
1. Nghawng : Lu ban
2. Lakhuihthei : Thei ara
3. Pheikhawk tawt : Chep
4. Pheikhawk Thawl : Luah zo lo
5. Tuibur : kuak
6. Ni te Pasal : katranga
7. Pu Hawla : Pu THRENA
8. Maimawm : Trangtrial
9. Tuizem : TROP
10. Sairawkherh : Chhay
11.Veikhawr : Veidak
September 28th, 2008 at 4:20 pm
Dialect a ni a. Ziakah thuhmun kan hman chhung chu kan literature ah buaina a awm chuang lovang. Khawvel hnam tin hian Tawng khat hmang siin dialect hi chu an nei hrang ve vek tho a. JF Laldailova thiamthu pawhin Taxas putar ho tawng te pawh english pangngai nen a inan loh thu leh hriatthiam a har thu a sawi ve fo thin kha.
Hindi te pawh hi ziak lamah chu thuhmun vek hmang mah se, State tin hian lamdan danglam deuh hi chu an nei ve chawk a nia. Bihari Hindi leh South India ram Hindi hi a hrang ve chawk. Japanese ro ro pawh Okinawa lama an dialect leh Tokyo khawpuia chengte dialect hi tlem tlemin a hrang ve thin. Kawl ho pawh khi a ni teh meuh mai. Chinese Tawng pawh hi dialect tam tak a awm ve a. Taiwanese ho chinese te, Hongkong ho chinese te, Singaporean ho chinese te hi Mainland China ho nen chuan inang lo ve tak a ni. Mahse, ziakah erawh thuhmun an deuh vek chuan ka hria.
September 28th, 2008 at 4:21 pm
Badura pawn “Khiiiitah khuan” ati a eng nge a sawi kan hre thiam mai,kanti ve kherlo.chhimlam Mizo trawng leh hmarlam Mizo trawng a in anglo ani mai ah kei chuan ka ngai e.
September 28th, 2008 at 4:22 pm
@nell-maiden:i sual em mai.Nang poh in khua in Mari kha U Thriangi in tih ve tho kha.:)