Ka nu hnena lehkhathawn

August 8th, 2008 8:37 am by chhana

To,

Ka nu, Vanrama mi

Nu, I thih champha vawi 20-na a lo inher chhuak leh ta. Rei tawh hle mahse, “Lusunnate chu khuareiin a hnem ngai e,” an tih chu ka hnenah chuan a thleng dik ve dawn lo a niang. Ka ngaih che a zual zel mai.

Kawmthlangah hlo I thlova; I chau hle tih a hriat. “Nu i chau em?” ka tiha, “In tante chuan chauh pawh a sawi theih loh a nih hi,” i tih kha ka ka thinlungah hian a cham reng thin.

Ka pa rinna lama a chak loh ber lai leh chhungkua berh taka kan awm laia i tawngtainate kha e, tunah chuan chhanin a awm tawh asin. Kan chhungkuain hlawhtlinna kan neih ni leh i Pathian kan hmuh ni khan ka va ngai zual tak che em!!

I hming Feli (Vanlalfeli) a nia, (thenawm nu ho) i thiante’n, “I nu kha chuan a hming a va pu zo tak em!” an tihte khan ka chhuang thin ngawt mai che.

Tumkhat kawmthlanga i hnathawk lo chhuak chho kan khaw damdawi thiam pakhatin, “I mit a va eng ve! Entir rawh,” a tih lai chea i that zia leh damlo hmel pawh i put loh zia kha. A tukah Durtlang damdawi inah in va kala, i lo haw tawh lo!!!!! Khum in chan loh avangin ka nite inah in riak thlaa, a hnuah an lo admit che a nih kha.

I Pathian Thu min hrilh thin azarah tet lai atangin Israel ram kan hre tawh. Kal pawh kan chak. “Nu Israel ramah hian thlawhnain kal dawn ta ila; engtia rei nge kan thlawh ang?” ka tiha, “Ni za” i ti mai kha i fing ka va ti em! Naupang hriatthiam zawnga min chhan thiam zia kha.

7 August ’88 tlaiah kan kawmchhak kawngpuiah motor a accident-a, motor accident ka vawikhat hriatna a nia, accident thei turah pawh ka lo ngai ngai lo. Hmuhnawm thlirin kan thlira, mi pawh kan tam khawp mai. Ka hriatloh hlanin zualko an lo kal a niang, “I nu a thi,” “I nu a thi ami?” min ti sup sup mai chuan ngaih a ti tha thlawt lo. Chutih lai tak chuan Nu Hmingi’n a kawmchhak nu hnenah, “U Chalkung, U Feli a thi a nih chu,” a tih chuan i thi ngei a ni tih ka nemnghet ta.

Phur miah lo, hmanhmawh tak chung siin step-ah chuan ka tlan thla hlawk hlawka; zualko dangin min rawn umphak, “I nu a thi leh lo,” a tiha ka lawm zia kha.

A tuk zingah nu nei thawhin kan tho dawn emaw tih nak alaiin, ka pi, (i nu’n) tap chunga” Nu in nei ta lo,” a rawn ti zet kha chuan min va ti hrilhhai tak em!

“Nu, i lo haw’n hunah chuan mi’n ‘I thi’ an tia, ka ngei hlawm tak tak a ni,” lo tih ka chak tehlul nenn tihna tur i awm ta silo. Thinlung i va tilawm reilo em!!

I damlai khan acid var chi i ei chak em em. Kan khuaah a dum chi chauh a awm si. I thihni atang chauhva acid var chi an zuar kha chu ka ngei tak tak a ni.

Naupang mai kan la nia, i thihni chuan lungngai mah ila, thiante leh min duhsaktute hmuh chuan kan theihnghilh rum rum che. Chhungte lo pungkhawmin Rs 5/- min pe a, chu chuan waiwai bawm khat a man. Kan lei tawn tawn renga, rilru manganga awm mah ni ila kan hlim phian. Kha khan i fate hi kalsan hun kan la ni lo tih a tilang.

I ruang bula awm ka ningte kha min ngaidam ang che. Mahse i ruang bula thlalatu an lo kala lan loh ka hlauh si zia kha. Tunhma chuan thlalak hi tihtham ka la neih loh avangin bangahte kan tar mai thin a nih kha. I thihnia thla an lak hnem em avangin banga tar sen a ni ta silova; album kan neih phah.

Pawl thum chauh ka la nih avangin thil chhiar thei tawh mah ila, ka la chiang lo a niang, blackboard-a thihchhan ’mit liam’ tih kha ‘mitthi liam’ tiin ka chhiara, “Hetiang a nihte chuan, mitthi zawng zawng mitthi liam an ni vek lovem ni? Thih chhan chu mitthi liam an ni veka, thih chhan tarlan kher pawh a tul loh chu,” tiin ngaihdan ka lo siam ve nasa thin mai.

Nu, ngai hle che mah ila, tunah chuan Lal Isua hnenah thlamuang takin I chawl tawh tih ka hriatin ka lawmpui a che. Nakinah ka lo la kal ve ang. Kan inhmu leh dawn nia. Mangtha

I fapa Bawiha tia i koh thin,

Khawvela mi

Similar Posts:

Recent Posts:

42 Responses to “Ka nu hnena lehkhathawn”

  1. 1
    Borat Says:

    Mothers Day (2nd Sunday of May, 11th this year, May 10 next year) a post chi anih hi mawle.

    [Report abuse]

  2. 2
    H.Vangchhia Says:

    wrong timing dude

    [Report abuse]

  3. 3
    Nancy Says:

    Anu thih champha alawm, a author tan chuan ni pawimawh tak anih hi. Mother’s Day tluk zet ani ka ti ve tlat.

    [Report abuse]

  4. 4
    Borat Says:

    OK, I don’t know that.

    [Report abuse]

  5. 5
    zopatriot Says:

    touching, I have lost my Mom too…

    [Report abuse]

  6. 6
    Maimawm Says:

    Ni e, touching hle mai…
    Khawvela ka thil hlauh ber…ka tet lai a Pathian hnen ah hmasial tak a ka dil nasat ber pawl, ‘ka nu thih hma in min thihtir roh’ ka ti thin..

    [Report abuse]

  7. 7
    dumput Says:

    Ni e keipoh ka pasal leh ka nu te boral hma a thih hi ka duhsam a ni!

    [Report abuse]

  8. 8
    pimpom_z Says:

    Touching ltk….nu te hnen a lehkhathawn hi wrong timing a awm theilo…..an hlu em asin

    [Report abuse]

  9. 9
    crocs Says:

    Ni e, touching khawp mai. Borat, hi chhiar chiang lo hian comment tawp thin a amaw nile, tihsual nei zauh zauh mai ;-)

    [Report abuse]

  10. 10
    VaiVa Says:

    @H.Vangchhia: What’s wrong timing, dude? A nu thih ni khi em ni a. Ngaihtuah nawn leh atan.
    @Borat: Mother’s day ah kher hian nute hi an thi lo a sin.

    Post tha khawp mai. Nu ka la nei hi chu ka lawm nawn fo thin.

    [Report abuse]

  11. 11
    Irreplaceable Says:

    Borat leh Pu HV chu an tisual palh ve nih kha,ngaidam ngaidam.

    Chhana,va ziakthiam ve aw…….Vanrama inhmuh khawm leh dial dial hun tur hi a nghahhlelhawm reng a ni.

    [Report abuse]

  12. 12
    X_MAN_19 Says:

    missed ma Mom too. :(

    [Report abuse]

  13. 13
    Wish_Bone Says:

    Va post tha ve a. Goose bumps…. Chil ka lem kawlh. Mizo tawngin goose bumps hi eng nge? Minlo hrilh nghal thei em, you nice people.

    [Report abuse]

  14. 14
    Irreplaceable Says:

    Mur chuai chuai :)

    [Report abuse]

  15. 15
    Aryan Says:

    Vanrama mi han tih tawp. Isual lo kal hunah mithi te a kaithovanga vanramah a hruai dawn amaw ka tia, i nu chu a fel lutuk a direct in Elijah leh Enoka te angin a kai ta tihna ami?

    [Report abuse]

  16. 16
    wonderboy Says:

    Upa ten PA te an thih chuan darlehlam sahthlak ang a nia NU te an thih chuan dar pahnih sahthlak ang an tia mi khah….
    Nia thihna hi chu hriatthiam a har alom…..puitlin hnuah pawh tih tawh nak alai a nuapang lai a an thih hian a hreawm lehzual… mahse in dawn kun reng lo in rilru tih paukhauh nan hmang zeih ila kan sun tak te pawh an lawm zawk ngei in ka ring…

    Chuvangin cloning hi kan support mup2 mai dawn mi niang (hei chu fiamthu)

    [Report abuse]

  17. 17
    muantea Says:

    Nu te hlutna a lang zual hle mai. Aryan he luikam atang hian a then pawh kan hre si lova,thih hnuah vanramah kan direct dawn nge chawlhlawkna (paradise?) ah kan innghakkhawm dawn tih hi a controversial khawp.Thih hnu thil hi chu Pathian rel atan dah mai chi a ni.

    [Report abuse]

  18. 18
    ConstantineXX Says:

    @Aryan Full support ka pe a che.

    Pan Pastorte pawhin an duh duh mitthi vuinaah vanram an kai tir ngot zel hi chu zia lo deuh… nge a dan tur ve hrm hrim pawh ka hre lo e.

    [Report abuse]

  19. 19
    ConstantineXX Says:

    Correction Pan = Kan

    [Report abuse]

  20. 20
    muantea Says:

    Elija leh Enoka te kha thihna paltlang lova hruai an ni khawiah nge Pathianin a hruai tih erawh chu kan hriatpui phak an ni lo.

    [Report abuse]

  21. 21
    jemi Says:

    constantine XX.. In pastor chuan vanrama kal pha lo a meidil lam a thon ho tur a vui chu a duh bik kher nang misual deupo nise, a hrim2 thu ah mi vanram kai leh kai lo tih vel thu ah hian lo sawi theih pakhatmah kan nei lo Pathian thu thu a ni…

    [Report abuse]

  22. 22
    jemi Says:

    a hruai nghal, a direct nghal t vel a buai ai chuan, A mah tawk tur hian direct emaw, thih hnu ah emaw, thihhma in khawvel a top emaw, eng hun poh nise, ka in peih tak zet em A mah tawk tur chuan, tih hi a poimoh ber in ka hria..

    [Report abuse]

  23. 23
    Maimawm Says:

    @jemi – amen. Dik ltk, min hruai chuan a tawk viau ani, direct em, khawiah emaw kan chawl hmasa dawn em, thiin nge dam in min hruai dawn tih lam chu pawimawh em em pawhin ka hre lo.

    Hei kan paste lawk, ka sawi ani miah lo ania, mipakhat nen IM a he topic kan discuss na :)

    “ai: tuman hei hi kan hrelo, lo in hnial poh a zahthlak
    ai: Pathian nen connection neih chhiat om nen nen aryan poh”

    hahaha

    [Report abuse]

  24. 24
    amanda Says:

    Chhana Nu i nei lo hma ve hle mai i thuziak a ngaihnawm e,nute hlutzia a tharin kan hre zel a ni.

    [Report abuse]

  25. 25
    dame_716 Says:

    very touching… i lost my dad in 2005

    [Report abuse]

  26. 26
    kungall Says:

    A tha khawp mai…nu la neite hian an damlai ngeiin an fate hnen atangin hmangaihna leh an thawhrimzia hlutsakna thute hi dawng se an tan chu aia hlu leh lawmawm a awm chuang dawn em ni…an thinlung dam vawng vawng phahna tur a tling hial ang chu.
    An damlaia an tana thiltih kan neih loh avanga kan inchhrleh meuh chuan tih theih a vang duh tawh khawp a nia. Tunah hian an tana kan tih theih ang chu tih nghal mai tur a ni.

    [Report abuse]

  27. 27
    kanidar Says:

    Ka nu chuan min thihsan se ka a thei ang… khawvel hi a tawp a ni ve nghal mai, chutiang zawng chuan ka ngaihtuah zui duh ngai lo :-(

    Ka pa erawh chuan ’96 khan min kalsan tawh. Ka tawrh dan a nep chuang lo… ngai awh leh nan a kum a kum a ngai…. Thihna hi chu a va han huatthlala tak em..

    Ti daih ila, thawk khat lai kha National Papera Classified a an chhungte thih champha etc vel an tihlan ang thin deuh khan Aizawl local paperah tih ve an ching a, Presby. Kohhran kha chuan a sawisel viau mai a, mitthi hnena lehkhathawn etc etc tih vel khan an sawisel thin a, duh duh chuan chhuah ve ta mai2 sela, lo ngaimawh viau kha a tihtur hriat loh thlak ka ti deuh thin a, ka sawisel ngam chiah bawk si lov… :-(

    [Report abuse]

  28. 28
    samuelapa Says:

    Neil Reid-a sak ‘Mother of Mine’ tih hla kha ka rilruah a lo lang –

    Mother of mine you gave to me,
    all of my life to do as I please,
    I owe everything I have to you,
    Mother sweet Mother of mine.

    Mother of mine when I was young
    you showed me the right way things had to be done,
    without your arms where would I be,
    Mother sweet Mother of mine.

    CHORUS
    Mother you gave me happiness,
    much more than words can say,
    I thank the lord let me breath with you,
    every night and every day.

    Mother of mine now I am grown
    and I can walk straight all on my own,
    I’d like to give you what you gave to me,
    Mother sweet Mother of mine.

    http://www.4shared.com/file/46474427/bbe8ef19/Neil_Reid_-_Mother_of_mine.html

    [Report abuse]

  29. 29
    wonderboy Says:

    @kanidar
    kohhran ho hian engkim hi an thuhnuai a dah vek an tum hi eng nge i ngaihdan??

    [Report abuse]

  30. 30
    cool_lady Says:

    kei poh ka nu in tun January ni 5 khan min boralsan a,ka rilru a ti thar leh thin khawvel ah ka nu tluk a hlu kha an om lo asin….zing ka thanharh thut te hian ka mb hi ka la a ka nu biak ka tum leh thut thin,a thi ah hian ka ngai thei thlot lo,zing ah ka bia a,ka hna thlen veleh ka be leh a lunch ei laiin ka be bok a,ka ho ah,ka mutdon ah nen a chang chuan ka mut theihloh in ka be reng thin a,mut chhuak chung chung pohin min be hram thin,tunah chuan biak tur ka nei ta silo,om thiam a har duh khop mai.(ka nu ka hmangaih che asin………….)

    [Report abuse]

  31. 31
    bonnie Says:

    I nu chu a fel lutuk a direct in Elijah leh Enoka te angin a kai ta tihna ami?
    Lal Aryan zet hi chu a va han chimawm chikim tak e aw….

    [Report abuse]

  32. 32
    kanidar Says:

    wonderboy, ka van sawi thiam lo, luliana’n a pawm vak lo mai thei bawk :-) Upa thlan a hnaih hunah Upa Zualtea ka rawn jack-up ang, lo lungngai suh se :-) nangpawh i inkhawm ve tawh ang chuuuu.. haha

    ehem, kohhran hian an tihtur mai bak thil tam tak a ti thin, tha tak2 te, tul em2 lem lo te pawh.. mipui kan thuhmun fo thei lo chu a nih hi..

    [Report abuse]

  33. 33
    chhana Says:

    Nu, i thih cham a lo inher chhuak leh dawn ta. Ka va ngai tak che em. I tupa Samuel-a pawh a rawn kal ve kha. Lo duat hle ang che.

    [Report abuse]

  34. 34
    July 2010, Mizoram Diary (Ka nu hriatrengnan) | mi(sual).com Says:

    […] http://www.misual.com/2008/08/08/ka-nu-hnena-lehkhathawn/ […]

    [Report abuse]

  35. 35
    gothica Says:

    chhana… tunge Samuel chu? I fapa? I nephew?

    [Report abuse]

  36. 36
    chhana Says:

    gothica @ ka u fapa, tun Thursday-a Sihphir naupang tui tla hlum kha.

    [Report abuse]

  37. 37
    Jewel Says:

    mi va vel trap nasa vele!! :(

    [Report abuse]

  38. 38
    lalmisualpa Says:

    Samuel, kum 7 mi lek lehnghal.. Khawhar chhungte ka tuarpui takzet e. :cry: sob3

    [Report abuse]

  39. 39
    badboy Says:

    @chhana: Jewel hi ka ben chawrh pawn a tap ngailo a nia mahse i thu ziah meuh chuan a vel tap nasa hle mai maw… kei ai chuan mi velh dan i thiam hle mai :P

    [Report abuse]

  40. 40
    Jennifer Lo Says:

    Khawvel awmchhung a inhmu tawh ngailo tur a hmangaihtakte ankal hi chu a na ngawt ang, kei chu Pathian khawngaihnain ka chenpuite tumah kala sun lova, sun ta ila ka tuar zolo ang ka ring, keimah ber hi ka kal hmasa ber nulh thei bawk a, ka nep em vang hian Pathian hian lusun tlakah minla ngailo pawh a ni mai thei…

    [Report abuse]

  41. 41
    July 2011, Mizo(ram) Diary | mi(sual).com Says:

    […] diary hi kum 23 zet liam taa min boral santu ka nu hriatrengnan ka […]

    [Report abuse]

  42. 42
    chhana Says:

    Lunglenthlak

    [Report abuse]

Leave a Reply

You must be logged in to post a comment.