A leh a linga vuttuithlawrbel!

August 30th, 2008 6:56 pm by muantea

Ka ram riangte hian lei rem a rap hlei theilo nge kan tana khua rel ve reng? Heti taka a letling zawng hlira kan kal tak mai le!?

Nimin piah mai khan Lunglei Autorickshaw Driver te chuan Lunglei khawpui kawng chhe lutuk leh khawkrawk tak, hman deuh lawka RBM-Tantia hovin an siam mam pur nisi chu hnatlangin an siam a, vawiin khan an Owner lamte an hnatlang bawk.

Hmanni lawk khan Taxi leh Pik-up driver te an hnatlang tawh bawk a ni. Aizawl lamah pawh Taxi driver te an hnatlang tawh bawk anih kha. Ka ngaihtuahna a kal thui viau mai. Hetiang hi kan kal zel dan tur em ni ta le? Kawng siam tur PWD,Tantia etc an awm bawk si!

Excise deptt an awm laiin YMA, SRS ten ruihhlo an dap/man a la ngai cheu! Police Dept. awm reng laiin YMA, JAC ten Krismas leh hunpui velah an duty a bang chuang lo! BAFFACOS sum tam tak awm lai leh UD&PA dept kan neih laiin kohhran leh NGO ten theihtawpin tam tuarte chhawmdawl hna an thawk!

Inthlan a hnai, Politician ten Pathian thu an sawi leh anga Kohhran Upa ten politics an sawi thung ang! Engtinge kan kal zel tak ang le!! Zoram siam tha tur hian nang leh kei hian tih tur kan nei a ni lawm ni?

Similar Posts:

Recent Posts:

20 Responses to “A leh a linga vuttuithlawrbel!”

  1. 1
    amanda Says:

    Muante ka lo ngaihtuah ve mai2 thin chu a bik in kawng tha chungchang ah chuan,kan ram hi ruahtui hi kan dawng nasa em mai a,tha ve taka an siam te pawh hi a chhehma em2 zel niin ka hre deuh thin,mahni awmna context atangin sawi ve ta ila,nikum lam khan blore hmun tin mai hi kawng a chhe em em mai a,veng hrang2 ah protest march an nei nual mai a,hetiang riangruang sawrkar hian a chang chuan a enkawl zo lo thin ve khawp mai.

    Kan police dept lam te hnathawh dan hi chiang taka sawi ve tur chu ka hre hauh lo mai a,excise dept lam te pawh hi sawisel tur chu an awm ve reng mai chu a nia,helai blore police ho te hi an han nep em2 khawp mai a,trafic police te poh hi pu,sangliana awm loh hnu hi chuan nep tak an ni mai,kan ram hi kan tlem em a insiam that hi chu a harsa hauh lo ang tan kan lak chu a ngai khawp mai,thalai te hi harh a hun takzet ani,

    Report this comment

  2. 2
    Aryan Says:

    An hna quality hi a chhe laileng lutuk a tin lawm. Mit ngeia ka hmuh chu Contractor ten kawng an siam a, a vil turin PWD in an engineer an chhawp chilh bawka, chu PWD engineer chu zu heh deuh ania, contractor ten nilengin zu in pui in an hruai bova, chuan tumah QC duty awm heklo, chhe tawk in, Alkatra an hnawih dum ve e tih ang lek tur hian an siam thin. Mizoramah hian mi rinawm hi an awm hlawl lo ani awm e ka ti ta. :(

    Report this comment

  3. 3
    wonderboy Says:

    Politician ten Pathian thu an sawi a, Kohhran Upa ten politics an khel thung alawm…. Mahni kuanglo kan nawr theuh zawng a nih hi. Khawvar hun chu a la awm ve mai ang chu maw!!

    Report this comment

  4. 4
    Zorunpuia Says:

    Hei hi ka vei zawng tak pakhat a ni. Kawng siam hi contract base ni siin company mumal lo mimal anga hna lak kan chin vang a ni a. Entirnan Mizoramah hian Kawng siamtu Company hi pahnih thum vel chauh awm se, chung ho chuan quality thatah in elin mipui pawhin an hna thawhrah atangin ruai ta thin bawk ila, Kawng an siam reng rengin Chumi khami te company ten he kawng hi an siam mek? etc.. leh an siam zawh hnuah pawh chumi khami te kawng siam a ni.. tih lian takin tar tel thin ila. A tha viau ang.

    Kawng an siam lai ka en zauh zauh thin a, an uluk loh lutuk chu thuhran, an siam dan hrim hrim hi han tlo ziazang chi a ni lo va. Entirnan kan kawngpui ngat phei chu tlemin lai khuar hmasa se, chutah chuan Simen leh thanel or Balu nen rem leh vekin a hnuah Alkatdra hlang luan ta chauh se la, tin kawng siam a nih lai hian tumah kal phal lo se la, a ro that hnuah chauh hman tur a ni a. Tichuan a lo mam that bakah a nghet ang a, a tlem berah kum 50 chu kan hmang ngei theiin ka ring.

    Aizawkl khawpuiah kawng an lo khar a, kan nghak thap mai a. A hnuah ka han en nak alai chuan kawng an lo siam a, thim tham em emah hian Vai thenkhatin hmanhmawh em emin an lo siam a, an chil mam chiah tihah kal theih an ti nghal a, a tukah ka han en leh chu a pherh neihnuaih mai a, kar hnih hnuah chuan a khuar leh dek duk deuh vek mai a. Zialo tak a ni.

    Report this comment

  5. 5
    ThaiBoy Says:

    Mizoram PWD hi chuan dem an hlawh anih hi; pawisa an hman tamang hu chhut chuan an hna hi a chhe thlawt ani, Mi State te hian hma an sawn chak si rual awh hi avana thin tak em ve aw… ka beidawn chang hi chuan Mizoram hi chhuahsan daih hi ka duh thin,mahse he ramlo hi chu ram dang ka nei silo.Khawi hmunah pawh awmin mi ram hausakna va chenin nuamva tawl mah ila.”Zoram ka ram lu chum ban chhum huam a kan pipute sah zau;ruam tin tlang tin mihrang sulhnu” chenna tur ram min hnut chhiah tute hmai eng zah hi na kava ti thin tak eeemm.

    Report this comment

  6. 6
    Zorunpuia Says:

    Thil pakhat pawimawh tak, mahse Mizoten kan hnawl tlat si a awm a, chu chu Berampute leh ram hruaitute kalkawp tir tlat hi a ni. Kohhran upa leh pastorten ram an vei thu an tlangau pui a, Mipuite pawhin Kohhran lama mi inhmang tak leh nihna hial nei lo phei chu politician tlakah kan ngai lo va, kan ring lo tlat zawk a ni. Hei hi a pawi em em. Minister zingah a tam zawk Kohhran upa a nih si chuan he kohhran hi politic ah a tel lo theilo a ni. Ram hruai hna leh Kohhran rawngbawl hna hi a kal kawp tur a ni lo va, an line a hrang daih a ni. British PM zingah PM hlawhtling ber Tony Blair chanchin pakhatah chuan Politic-a a zuan luh hma chuan Pathian thu hrilmi, sermon te pawh lo ti ve thin a ni awm a, mahse politic-a a luh chiah khan a bansan hmiah a, amah ngeiin ” Khawvel politic leh Kohhran rawngbawl hna hi a kalkawp tur a ni lo” a ti nghe nghe a. A dik hle a ni.

    Kan awmna tura kan awm hian kan tangkai thei a, kan awm lohna tura kan awm hian kan hnawksak thei a ni. Kohhran chu a awmna turah awm mai se, Politician te pawh an awmna turah awm mai se, nihna pahnih chelh kawp loh ngam hi a huaisen thlak hlein ka ring.

    Report this comment

  7. 7
    Aryan Says:

    Ni e, a duh duh leh an hmel hriat vua leh vang te kawng siamna tur contract pek ringawt te hi a van chi loh tak em. Mizo contractor ai chuan Vai company, anmahni a machinery leh expertise nei ho hi ka ring feeeeee zawk. Mahse mizoramah chuan vai contract an pek chuan Mizoram hmangaihlo, hnam phatsan chuti khati ti in mipui an phun leh ani awm sia. Mizo mipui te hian an MAWL man an tuar tlawk tlawk ani ber e, chawh tak rawh se.

    Report this comment

  8. 8
    ThaiBoy Says:

    Hmartlang dung kawng( Tipaimukh Road) khi vai contractor siam aniin kahria (ABCI) a tloin a mam tha hle reng mai.

    Report this comment

  9. 9
    muantea Says:

    Kan kawng mai piah lamah hian,engvangin nge Sorkar hmalakna tur ngawih ngawihah hian NGO te inrawlh a tul leh tlat thin? NGO te hian aims & objectives fel tak an nei veka, sorkar hian an pur leh tlat thin. Inrawlh lo thei lova siamin engemaw sem turah aninrintawk loh vang nge NGO tel lo hian an che thei tlat lo hi introspection an mamawh a ni mai lo maw?

    Report this comment

  10. 10
    Zorunpuia Says:

    Kan sawrkar department hrang hrang te hi a nihna tur dik takin an function loh vang a ni a. Police ten an hna an thawh tha lo va, an thawk tha ngam bawk lo va. Hei hi Power corruption vang a ni a. Minister leh an ni aia hotulian zawkte mit mei avangin an dikna pawh huai takin an kalpui ngam meuh lo. Hei vang hian NGO pur mai chu thil awlsam ber pakhat a ni a.

    Tin, hmasang atanga kan Mizo inawpdan hi kan la thlah vek lo tih a hriatna em em chu kan kalphung tam takah hian hmuh tur a la tam em em a. Khawtlang rorelna leh khawtlang mitmei venna hi a la na em em. Chuvangin Mizoramah chuan Sawrkar aiin NGO an pawimawhna leh lalna zawk hi a la tam em em. Hei hi sawrkarah rinna kan la nghah ngam tak tak loh vang a nih bakah rintlak an la nih tak tak loh vang a ni. Pawngsual case te, Tualthah case ah te pawh Police leh thuneitute hmalakna leh action kan ring zo lo va, khawtlang leh veng chhung anga hmalak ve chawp mai kan tum fo. Hei hi a nihna takah chuan tuna kan inawp dan nen chuan a inhmeh chiah tawh lo va, hmanlai anga lal leh upa rorelna khawtlangin a thlawp ang kha kan hmang tawh lo va. Sawrkar kan nei tawh avangin.

    Chuvangin Kohhran chuan Beramte enkawl hna thawk se la, missionary leh Pathian ram zauh kawngah te bakah mipui mimir dikna leh taimakna kawnga infuih leh in zirtir chu an mawhphurhna a ni ang a. Thlarau lam chawm thei rinna neih pawh an hna tur a ni. Politics leh khawtlangah an inrawlh tur a ni lo thung.

    NGO te erawh Society leh Khawtlang thilah Sawrkar chet tulna ni lem lo, kohhran in a huap si loh te ah mawhphurhna an nei am, human rights leh a kaihnawih bakah Sawrkar finchhuah leh sawrkar tih dik lohna te pawh Ukil thiam ruaiin a khing thei a, sawrkar khalh ngiltu tha tak an ni thei. Chu chu ram changkangah pawh NGO te kaldan a ni a. Tanpui ngai te tanpui leh Sawrkar anga hmalak hleitheih lohna thilah an pawimawh thin hle. Hei hi NGO te hna chu a ni a. Mahse kan Zoramah erawh kan kalphung a dang thung. Tlang chil leh mi sual sawisak leh hrem kawngah ngei pawh NGO te hi a hlauhawm zawkah an tang fo hi a dik lo va. Sawrkar hna a ni thung. Sawrkar finchhuah leh nawr kal chungchangah erawh NGO te an pawimawh hle thung.

    Sawrkar mawhphurhna hi a sang hle a. NGO leh Kohhran te chunga lek, administration leh action chungchangah mawhphurhna a nei sang hle a. Engkimah hian thutlukna siam thei an ni a. Sawrkar a muang changa a vuaicha a nih pawhin kan tlan khalh a rem lo va, kan nawr thei chauh a ni. Mahse, sawrkar ber a function a that loh a, mipui a adminstrate that loh erawh chuan kan chiri ta thin a ni. Tunah hian Mizoramah chuan sawrkal chu bank pakhat ang chauha ngaihna a lian hle.

    Report this comment

  11. 11
    luliana Says:

    hetiang topic ka hmuh apiangin hian ka hnuk a ulh, ka ngaihtuah nasat poh leh ka tah a chhuak :(

    Report this comment

  12. 12
    ThaiBoy Says:

    Keipawh ka lung a chhia!

    Report this comment

  13. 13
    tetea_t Says:

    A lungchhiat thlak ngawt mai. Chuvangin kan sawrkar chak tak hian Delhi tlang lamah min sawi sak leh hram se… Peace Bonus 2nd Installment tiin zuk dil ta mai se a tha law’ng maw??
    :D

    Report this comment

  14. 14
    Burbura Says:

    Eiruk tur hi a hran pain in pe sa mai thin ila, tha tawh zawk ang.

    Report this comment

  15. 15
    muantea Says:

    Burbura chu va vang ve! Khoilamah nge i tuan a?

    Report this comment

  16. 16
    H.Vangchhia Says:

    Zorun hi i tui thei lutuk a… objective type in ziak tawh teh..ka chhiar duh si a, chhiar nan hun neih angai em mai…essay type chu i progmae ah dah tawh lo hram teh, valpui :D

    Report this comment

  17. 17
    Zorunpuia Says:

    Ekhai, ka lo luangliam deuh pek alawm mawle pu H.Vangchhia, min lo ngaidam a ni ang chu. Ni e, i tih ang hian objective type deuhin rawn tih hram ka tum ang e valpui.. :)

    Report this comment

  18. 18
    Burbura Says:

    @Muantea, tuipui ralah ka awm. In comment hi chu ka chhiar ve reng a, comment han thlak ve turin login kual vel hi ka hman thin lo a lawm le.

    Report this comment

  19. 19
    rodoey Says:

    leitlangpui khopui chhung kawng chhe ltk saw chu a hahthlak lam mah ani. rickshaw han chuan te hian kochhung zz hi a sawh thla vek ang tih hlauhawm khop in a sot ani. a khuar vel vek mai a. hel na tur poh awm chuang lo. tu thiam loh ber nge??? a siam tu nge mipui nge sorkar nge nge nge ????? thil siam thrat theihloh pol tak chu ani ve ngei ang… hui ham… kal kal na chi poh ni lo hehehehe

    Report this comment

  20. 20
    rka_49er Says:

    kawngchhe lutuk thuneitute hnena complain ai chuan taxi stand welfare hruaitute hnena sawi a manhla zawk, an ti.

    Report this comment