Aizawl FM Station hawn a ni ta
August 16th, 2008 2:48 pm | News, music and lyrics | Opa | 555 views|
|
Aizawl FM Station All India Radio hnuaia din a Station hming atana ‘FM Zoawi’ an phuah chu tun Independance day August 15, 2008 hian hawn a ni ta.
Program hi tlai dar 5 atanga zan dar 10 thleng a awh thin ang. Program pekchhuahna frequency chu 100.7 MHz ah a ni. Lunglei FM i manna bul maiah khan tihna a nih chu. Progam hi zai deuh vek a ni anga. Mizo leh sap hla a inchhawkin tihchhuah a ni ang. A changin dar 7 leh 8 inkarah vai zai a chhuak bawk ang. DJ hi tha tak tak an ni dawn a. Mizo rapper Michael M. Sailo in duhtawka sap hla a han comment velte hi lo ngaithla ve thin teh. Mobile Handset leh Car Stereo (slang-Car Tape) ah te pawh i ngaithla reng thei ang. FM Zoawi hi thalai tan chuan hmaih chi a ni lo. Tunlai tak tak hla a chhuak reng ang a. Classic hla hlu tak tak thlengin a huam vek dawn.
AIR FM Station hi a khawl thatloh avangin leh staff indaihlohna avangin hun rei tak hawn lohin a awm reng a. A khawl hi secondhand hlui deuh mai a ni a. Siam hleihtheih loh chul ruih mai hian a tha chakna 6Kilowatt tur a nih laiin 2.6 Kilowatt vel bak Power a pe chhuak thei lova. Zawimuanga khawl thara thuam chhoh a nih erawh chu beisei ila. Titi thuphung atanga an sawi dan chuan hawn phawt loh chuan khawl thar a chah mai theih loh a ni awm e. Engpawh nise I Radio kha emaw I handset emaw I Car Stereo khan FM Receiver a nei em lo en phawt mai teh. Tichuan 100.7MHz lo tune rawh le.
Belhna: A hnuaia mi hi All India Radio 2008 Calender a nih hi. Han en reng reng hian a BC ve tiah tiah iti em. FM Station a intar lai a ni.
Posted by Opa of maawma.9f.com
August 16th, 2008 at 3:00 pm
ni e. an calendar chu nalh hranpa lem lo khop mai. khoilai vel emo a culture club vel calendar awm tak ani.
finally, fm in aizawl. radio mirch te chu kaha se. mahse kan nei ve hrim hrim lung awi phot ang.
August 16th, 2008 at 3:02 pm
2006 pawh khan trial transmission chu an hawng tawh a, rei loteah a chhe leh mai a, tunah hian eng tak ang zui ang maw!!!
FM transmission hi commission programme tur anga sawi kha a awm a, hman theih hun chhung rate hrang hrang pawh an nei nual a. Mahse, a khawl a chhiat tak avang khan ngaihven zui an awm ta lo a ni ang.
August 16th, 2008 at 3:11 pm
Radio Mirchi tih vel ai chuan ngaihthlak a nuam deuh tawh ang chu mawle hahhaa
Zote bakery ah poh world space ngaithla tura kal an tlem sawt ang chu lols
August 16th, 2008 at 3:23 pm
Yessssh!!! (Ka hmel ka pe sek nghal a nia
) Vai hla hi ka ning ltk, vairama awm chuan radio mirchi hi ngaihthlak luih a ngaihna a tam bawk si. Mizoram hawng hun chuan a nuam awm vei.
Mahse vaihla ah pawh duh deuh ka nei. Rang De Basanti hla Robaroo leh Luka Chupi kha nalh ka ti khop mai. Lucky Ali ka duh bawk.
August 16th, 2008 at 3:34 pm
Eheeee. An calendar chu leh. Ganesh emaw Durga emaw tilang tel law law zawk se, a fuh zawk daih ang haha
August 16th, 2008 at 3:41 pm
Calendar chu, an ni te chu Central lam an nia, an pu te rawn thawn a niang chu, FM kan nei ta hi a lawmawm hle, ngaithla chur chur chhin ila a ni mai, 100.70 ami khah???
August 16th, 2008 at 3:53 pm
High School kal lai, chhun break laia chawhnu tlai phah lek leka hla thlan kan ngaihthlak lai min tihrechhuak. SW kha ni sia, fiah lo thei ru ra, tlai lama Lli FM fiah kaka ngaihthlak ang kha ni se kan ti thei lutuk. Aizawl (+ surrounding vill.)-a ţhalaite’n chhawr viau teh se!
August 16th, 2008 at 6:36 pm
va nuam dawn ve o, ngaithla veng veng toh ila ni mai lom
August 16th, 2008 at 7:00 pm
That chu, hla lar lo mangkheng AIR a an khawngaih play ngaihthlak thin kha chu nin awm tak ani.
August 16th, 2008 at 9:50 pm
Serc hi High School a kal lai chuan chhun dar 12:30-a AIR Aizawl Station hla thlan kha a hmaih ngai lo, a hla duh zual a chhuah chang chuan Tape Recorder-in alo reocord a, chu chu a play leh a, a fiahlo bawk nen a thu a ziak diklo nasa thin.
Lalramnghinglova hla, “‘Present Sir’ tih leh Lalngovi sakhming hian Changela sawi bel….” tih te kha, “‘Present Sâpi’ leh Lalngovi sakhming….” tia alo copy kha chu ka la hrechiang khawp mai.
Thubelh : Serc hi kan vengah chuan a thusawi kan awih ngai lo a nia.
August 16th, 2008 at 9:58 pm
Aizawl AIR kha Medium Wave ani thin in ka hre sia, Serc hian SW a ron ti bok sia, an lo thlak tawh ami a, nge station dang?
August 16th, 2008 at 10:15 pm
Hmasawnna thar chikhat a ni a lawmawm e.
August 16th, 2008 at 10:21 pm
Aryan, ka hriat sual ka sawi sual. Class 12-ah khan radio signal ka project a, kha khan mi ti-confi ve deuh a, mi ti-confuse zo bawk nih hi. AM nen ka ngaihpawlh nih hi. SW leh MW hi chu amplitude hmangin a modulate theih ve ve. ‘AM’ lai tak hian min tibuai ta nih hi, akekek
August 16th, 2008 at 10:25 pm
RCA te leh Thianpa Dakzara te nen kan inkawm ho lai chuan dawt sawi an hrat lutuk a, matric kan pass khan thenawmnuin min chibai duh lo, “dawt a niang” a ti tlat!
August 16th, 2008 at 10:31 pm
Kan u Batsanga kha Lalrinmawii a zai dawn chuan feh hi a thulh thak zel nia mawle. kan naupan lai chuan a khaw nawtin Pu Para te Radio(Santosh 4 Band)kan ngai thla thin a. CLaldingngheti’n a kal her luai luai tihte Lalsangzuali’n Murvate thlawkin tih te an han sa thin kha chu thiam kan va han ti thei tak emve aw..
August 17th, 2008 at 12:43 am
All India Radio Station te, Doordharshan (!) tih vel nilo hian entir nan mai mai, RTP radio Station tih emaw Rosanga Station ti ang te a, Mizo hming chawi a neih ve hun a nghahhlelh awm ka ti ngawt mai. Mizoram kan mi hausa te ang hian nei ilang chuan, FM station hi chu Mizo hming chawi ngeiin ka hawng tawh ang mawle. Kan mi hausa te hi, sports thei mi sponsor na chang te, hetiang radio station lam hawn na chang hria te hi nei ve tawh ila ka ti ngawt mai. Kan pa te hun lai atang tawh in, “All India Radio” tih reng mai. Kan naupan lai phei kha chuan, All India Radio Shillong, Aizawl te kha a awm thin kha mawle…
Rual awh na ka ti deuh thin a , ka suangtuah ngaihtuah na
kan share pui mai che u a ni e. FM kan nei ve ta chu hma lam kan kal ve chhit chhet tih a hriat a a lawmawm hrim hrim.
August 17th, 2008 at 1:18 am
va lawm pui awm ve a Mizoram chu tih zia hle mai.
August 17th, 2008 at 1:32 am
MW leh SW kan nei ve tawh hnuah FM kan nei ve le ta hi mizo ten hma kan sawn ve zel e tih a entir e…
August 17th, 2008 at 1:37 am
a lawm awm khawp mai ram chang kang ang tho a ni tawh a lawm ngaihthlak a nuam thin e.
August 17th, 2008 at 10:50 pm
Kavan Dj chak…