Sualna neilo chuan min deng rawh u
August 13th, 2008 12:21 pm | more than words | dark_horse | 2,328 views|
|
Tunlai chu Pherh a lar riau mai a, demna tawngkam te,diriam taka a pherh te tawngkhum na han chhiar hian ka hun liam toh theihnghilh ka duh em em thin a rawn langthar leh uai uai mai. Naupangte ka nih laia mi ten “Tuai mawngkua” min tih a, naupang te ni mah i la ka rilru a nat thin zia te kha.
Tum khat kan thenawm pa in ‘Mami’ min tih a, tap zawih zawih chunga ina ka tlan haw a, ka nu in ka tah chhan min zawh a, ka sawi ngam miah lo te kha theihnghilh hmak ka van chak em. Kan chhungkaw ho kan han in hmuh khawm chang a, min fiam nasat bik zia te, a ruk taka ka hlim loh zia leh ka pate a te ho te pawh ka ngei ruk em em thin zia te leh tun thleng a kha huatna rilru kha a la awm tlat te hi bo tawh se ka van ti thin em.
Middle school ka han kal a, kan Sir in deu taka ka classmate te hma a min chhaih te kha tun thleng hian ka rilru ah a la cham reng nia. Ka classmate, min chhaih nawmnah thin tu te, engtin mah ka chhan ngam ngai loh a, ka box ah an hming ziak a “I hate them” tih a ka chhut zui an man chhuah a, min deu zia te kha, tun thlen in an hming thleng in ka la hre reng nia.
Khang hun lai khan class ah pawh naupang ber leh te ber ka nih vanga hrehawm ti lo va, min chhaih nawmnah vang hrim hrim a school kal ka hreh thin ka nih te kha. Khang hunlai zawng zawng khan ka nu leh ka pa te kam atanga ‘Tuai’ tih tawngkam khat pawh ka hre ngai lo khan ka nu leh pate min hmangaihzia a va ti chiang em. Ka Pa khan min chhuang a, mipa ka ni tih a hria a, mi fa te aiin ka nep chuang lo tih a hria a, min zahpui ngai bawk lo a ni. Ka nu in vawikhat pawh min sawisel ka hre lo. Min hmangaih a, ka nihna ang ang khan a mit ah chuan khawvel a fapa duhawm ber ka va han ni tak em. Amaherawh chu miin a min chhaih na te kha an hre ve thin ngei anga, an rilru lo nat ve thin dan tur chu tun ah hian ka hrethiam ve pha chauh a ni.
Kum an liam a, high school kan kal ve a, tuma hnen atanga ‘Tuai’ tih tawngkam ka dawng ta ngai miah lo ka lawm rilruk thin zia te kha aw. School kha nuam ka ti a, keimah pawh ka hlima, zak reng reng a awm kha ka nei ta hauh lo a ni. Khami atang khan tun thlen hian miin ‘Tuai’ tiin min chhaih leh tawh ngai lo. Ka chetzia a nu lo a, ka tawng kam lah a nu bawk hek lo. Bial nu ka nei a. Hlim pawh ka hlim ve thin.
Tin, tunah hei phai ah theih tawk tawka hna thawk in ka chhung te ka tanpui ve thei tawh a ni. Ka thian leh unau te min chhaih thin tu te kha tunah zawng chhung te chawmhlawm in nupui te an ru a, nu leh pa phur ti rit tu mai mai an ni zo ta. A then school kal zawm lo in, thawhchhuah nei miah lo in an rui bawk.Khawnge hmana pa tak tak te kha.
Pangngai tak in kan nung chho a. Ka pianchhuahpui, ka thisen a awm, ka nihna dik tak zawng a bo thei mawlh lo. Ka mipat pui ka thianpa, thian pangai mai nilo a ka ngaina tih ka in hriat chhuah tirh a ka rilru nat zia kha. Ka rilru a buai a, ka in hre thiam tawh lo. Keimah ka indem a, ka inhlau a, Pathian hial ka dem a nih kha.
Vawi tamtak tap zawih zawih chunga ka Pathian hnena ka mipat pui ka hmangaih tlatna rilru min tihbo sak tura ka dil thin leh ngaihdam ka dil thin te kha a thlawn in ka ring lo. Pawn lamah mi pangai ang thlap in lang mah ila, chhung ril taka ka mipat pui ka ngainat tlat maina te hi tih bo theih chu nise ka piantirh a ta kha tih bo a ni tawh ang.
Ka nihna tak ka lanchhuah pui ngam lo a, ka inthup a, a lema nun a ngai fo reng a ni. Ni lo se mi hmuhsit leh endawng mai ka ni dawn. Ka dawizep a ni tih chu ka hria. Mahse, tunah chuan dawizep nih ka la thlang zawk rih e. Bible ah kan hmu a, Pathian phal loh a ni tih pawh hre lo ka ni bik lo asin.
Piangthar ka ni a, Isua hmangaih tawh tu ka ni a, A ni pawh in min hmangaih ve a ni tiH hi kei tluk a hrechiang tu an awm lo. Ka mipat pui ka va mutpui in ka va ngaizawng pawh a ni lo tunah hian. “If this feeling is a thing which i can get rid off by my own will, it would have been done long back, so i won’t have to cry now, because it kills me so bad inside”.
Mahse ka awm dan tur Pathian chungah ka nghat a. Hun te in her se leilung dan in min phut miau si chuan khiang ka awih te pawh a la ngai ngei ang. Ka Pathian in fanau malsawmna te pawh min la pe ve ngai anga, manhi anpui te hmagaih ve lo fa minpe se tih hi ka tawngtai na a ni e. Khang hmusitna leh chhungril tahna te kha rawn tuar chho ve tur chuan a ka phal mawlh lo a ni.
Amaherawh chu keimah ang tho min pe a nih pawhin in ka nihna ang ang a Pathian min hmangaih zia ti lang tu ah ngaiin, keimah ang tho midang hi khawvel luah tu atan a la iai lo a ni tih ka pawm ang. Ka fa chu ka hmangaih anga, ka hmusit lo anga, ka zahpui hek lo anga. ka chhuang in ka hmangaih zual zel zawk ang.
Tunah hian Pherh ka ni e, ni lo e tih lam ah ka buai lo. Pherh kan tih a kan diriam tak tak te hi an huaisen ka ti a, ka lanchhuah pui ngam loh, ka chhungril nihna nisi, engkim huama an dikna hria a, chapo taka lan chhuah pui tu ah ka ngai. Tuna tawngkam mawilo tak tak leh diriam tak taka an khum tu te pawh kha, he ti taka in hua a nih chuan in fanau te leh in chhungkhat te zingah an awm ve loh nan tawngtai mawlh rawh u.
Tin, hei hi ka tawngtai pui na che u ni bawk se.Tuman mi hmuhsit, nuihsawh, diriam, leh deu sawh tura khawvel a pian ngawt zawng an thlang biklo asin. Chuti a nih loh zawng in keini a tira Pathianin hmangaih taka a duan Pherh te hi sual na nei lo,mifel leh rilru thianghlim te chuan min han deng zel teh u.
August 13th, 2008 at 12:36 pm
i take back my word, and my stone.
i’m not throwing.
August 13th, 2008 at 12:37 pm
E, i thuziak a ngaihnawm khawp mai. Hmanni khan pakhat nen kan inbe hrep mai a, nakinah blog a ziah ka tum deuh lai tak a nia. Mhc ka la ti lo. I rilru puitlinna a fakawm e.
August 13th, 2008 at 12:38 pm
Well done dark_horse. Very deep words.
August 13th, 2008 at 12:39 pm
PHERH ni hi sual a ni lova, mihring mize chikhat ve mai a ni a. Mahse Pherh lutuk over… englo thleng thleng a englo hi chu sual a ni ngei mai. Mi diriam leh chhaih nawmnah ching ho hi chu kei pawh ka ho ve hrim hrim….a mawl thlak
August 13th, 2008 at 12:42 pm
Mihring hian nih phung kan nei theuh kan nih phung hi zahawm takin vawng ila tu man min hmusit lovang.
August 13th, 2008 at 12:43 pm
ni e, i sawi dik. ‘gay’ ho hian Pathian dan an bawhchhia em tih ai a pawimawh hmasa chu, kan mihring pui tan compassion kan nei em, midang respect nachang kan hria em, kan trawngkam atrangin Isua neitu kan ni tih a lang em tih hi buaipui zawk ang u.
Keimahni in siam fel phawt loh chuan midang lo vei vak pawh omjia om lau!
August 13th, 2008 at 12:47 pm
Ziak tha khawp mai.. rilru a khawih zar mai lawm le… Dik tak chuan ka endan a lo dang deuh thin.. heti zawng hian ka lo ngaihtuah ngai lemloh vang ni ang nge. Poi khop mai…
August 13th, 2008 at 12:53 pm
kei chu ka deng donlo. .. In fact, ka deng ngailo.
August 13th, 2008 at 12:56 pm
ka deng ngailo chu ka ti thei chiah lova…mahse ka hriat theihchinah ka den ka la hre bik lo… tin kan fimkhur theuh a.. heti zawng a kan ngaihtuah theuh pawh hi tul in ka hria…
August 13th, 2008 at 12:57 pm
Kha kha ni dawn reng a sin…pherh ho hi an duh vang reng a pherh an ni lo tih chu deu sawh vak2 tu te khan in hrethiam ve tawh em ang chu maw…
August 13th, 2008 at 12:59 pm
Dengtek-a chuan sualna pawh neise a deng tho ang. Dengtrek-a ani miau a!
August 13th, 2008 at 1:02 pm
kan deuhsawh lo kan ti na mawlh mawlh a …
…. mahse helai Pherh Photo Collection hi tu siam nge ni a?
A siamtu hian a post hi Delete a tha ang.
Helaia a thil post hi chu indeuhsawh/hmuhsitna lam a kawk tlat.
heng mite hian an duh duhin thla an la thei alom, lo thehdarh emaw, mualpho thei ang bera lo tihsak hi a dik berlo.
–> http://www.lawrkhawm.com/story.....llection-1
August 13th, 2008 at 1:11 pm
“Sualna nei lo chuan min deng rawh se” tih hi tawng-ka-lama hman chi a ni lo. Sualna nei lo pakhat a awm, amah chu Pathian a ni.
Tuai zawng zawng hi dem vek chi an ni lo a, chutih rualin tran vek chi an ni bik lo.
August 13th, 2008 at 1:25 pm
Teh trawng hlawm chuan. Ni e, tumah hi in sawe chhe thei kan ni lo, pherh ho ka ten ka hua ti a rak ra ho pawh hian weakness chu an nei ve tho ang.
August 13th, 2008 at 1:25 pm
This world aint big enuff for pherh and cowboys!!!
Te han ti vel ila ka fiamthu mai mai a nia. Tuai hi chu ka nel thei lo min rap deuh aniang. Mahse ka haw chuang lo. Amaherawhchu “Hey everybody tuai ka ni e min chheih roh u” ti ni awm fahrana leng ho hi chu ka ti thei thrakss lo. Ka pistol tuiek hi ka chelek mai ang tih a hlauhom fo. Ka rilru tak tak kan sawi ang a accept thei nih chu ka duh mahse accept har ka ti. Thats how it is for me. Mahse i thuziah hi chu thra khop mai. We all have our crosses to bear. I kraws chu tuai nihna kha ania, midang kraw put aiin a rip bik chuang lova, a nep bik chuang lo. IT IS WHAT IT IS!!!
August 13th, 2008 at 1:37 pm
1970 vel a Western countries (North America, Western Europe, Australia etc) a gay liberation movement chuan Mizoram/India ram a rawn chim ve tan ta a ang khawp mai. India Health Minister pawn Homosexuality legalise tha a tih thu a sawi tak kha.
August 13th, 2008 at 1:40 pm
kan mizo society hi chuan kan la pawm tlang thei em tih aiin kan duh duh hi kan luhchilh ve rup thrin ni berin ka hria. Kei chu gay movement or wateva hi chu kan la zo lo ang tih ka ring tlats!!!
August 13th, 2008 at 1:41 pm
I mean kan society hian open arms-a tuai ho lo accept tur hian kan la inpeih lovin ka hria ka tihna nih kha. Ka type buai deuh tlat.
August 13th, 2008 at 1:57 pm
A sei hle mai, comment pawh a duh sei ang. Ka chhiar chhuak vek a, True Life story a nih duh hmel viau a, thu thiam takin ‘tuai/pherh’ kan tihte thlavang hauh nana a phuahchawp pawh a ni thei bawk. Ka rilruah hei hi a lo lang daih thung a -
Mizote hi fiamthu uar hnam kan ni a, fiamthu tel lo hian kan inkawm thei meuh lo emaw tih tur a ni. Fiamthu piah lamah insawisak leh insawisel uar tak hnam kan ni bawkin ka hria.
Nula/tlangval senior deuhte kan fiam luai2 a, mi anglo niawm hialin kan chhuah a, ram roreltute lah tawngkam chhe tleuh nan tak kan hmang a, anmahni aia fing leh fel zawk niawm takin an thil tha tihte pawh faka hnekin kan sawisel zui thin. Tin, mi hlawhtlingte pawh lawmpui ai mahin an hlawhtlinna sawi nepsak talh emaw, ngaisang awm lo taka lan talh emaw ka tum chawk bawk. Kohhran pawh a bang chuang lo, mahni indah thain kohhran rawngbawltute fiamthu thawh nan hmangin kan sawisel bawrh2 tho bawk. Misual.com pawh hi kan inbih chian theihna darthlalang pakhat chu a ni ve ngei ang.
Chutiang society-ah chuan Tuai/Pherh te pawhin fiam leh sawisel chu an pumpelh bikna chhan tur a awm lo reng a ni. Amaherawhchu, infiamnaah pawh inhmusitna a tel hian a tuartu tan a na bik thin. Anmahni pawh hian fiamthu nazawng hi chu mena an thlak thiam a pawimawh a, tuang tihchhah ve tulna chin pawh a tam ang. Tin, mi hmuhsit leh fiam mai mai ngam lohna turin an chetzia leh khawsak dana an fimkhur pawh a ngai zual. A pawimawh ber erawh chu Pathian hriatna leh tihna hi a ni.
Tuai/Pherh hmelhriat hi ka nei nual. Tam tak chu anmahni hmusittu inti-pa satliah hovin an tluk miah lohte an ni hlawm.
August 13th, 2008 at 1:57 pm
1. Kan dem dawn nge?
2. Kan enliam mai mai dawng nge?
3. Encourage tur nge?
August 13th, 2008 at 1:58 pm
hei hian a soifiah khop in ka hria. a dik ani. kan ngaihdan diklo avangin kan hrethiamloa tin, kan hrechiang lo bok a ,a poi ani. lorkhom ah ka lo chhiar ve a, in hmuhsitna lampang ani kha a poi ka ti.
August 13th, 2008 at 1:59 pm
dem chi an ni lo e
August 13th, 2008 at 2:02 pm
mi pangngai anga an nun theih nan a counselling pek theih nise, tin anmahni hrethiam a fuih nise athra khop ang. hetiang rilru put hmang hi chu amahah tawp anih chuan a thra ber anga, thil sual va tih nana hmang lose chumi rual chuan insumtheihna leh nun ulukna a poimoh bok, a poimoh berah chuan pathian ah awm tlat sela, engtik ah mah a tlusual lo ang.
August 13th, 2008 at 2:02 pm
@rodoey a dik khop mai kan dem tur pawh an ni lo. Amaherawh chu uchuak tak ho hi an huangtau tulh tulh in i hmu ve lo mo? Mizoram ngaiah pawh khian.
August 13th, 2008 at 2:03 pm
ka hrethiam teh nuai love. Kan kristian inzirtirna leh science nen phei chuan a inkalh bur mai si a. Pathian siam vek kan ni bok si cowboy thleng hian…………….
August 13th, 2008 at 2:03 pm
samuelapa comment hi chu mahse dik thlep thlup khop mai ka ti.
August 13th, 2008 at 2:04 pm
nia. an huangtau hma chuan engtinmah kan soi ngai loh kha mo.
August 13th, 2008 at 2:08 pm
duhthlanna a pian theih nise chu hmeichhe dik tak ah an piang ngei ang. hmuhsit leh nuihzat tak2a anmahni ti thin tu te hian an fate or thlah te ah tuai han nei chiah sela chuan an ngaihdan adang vek ang. chromo disorder chi 1 ani a, nuihzat ringot chi an nilo. anmahni poh hi extreme ltk lo se mipa pangngai awm angin awm mai se, an ngaihtuahna ah mahni mipatpui itna a awm anih poh in chu chu ti lang chhuak lose, amah ah khan ti tawp se athra berang. a lo lang chhuak nih chuan pathian poisoi ni daih dawn si a
August 13th, 2008 at 2:15 pm
pherh photo coll siamtu hi chuan a siam hma hian voi3 ngaihtuah nawn se chuan a siam ka ring lo. tin, amah hi a buai lohna tur ah a buai tam peih mai2 ka ti.2000 a MA zirzo toh buaipui atan chuan a nep ka ti ltk. amah poh hi a zir puitlin hma chu a nu leh pa ten an CHAWMHLAWM ve khop ang le. ZONET in anmahni(pherh & fly) phalna la hmasa in an intervw a, ani ve hi chuan an photo a rawn ti darh chuai2 ringot mai a,hei hi chu a fel hlel deuh ani.an remtihna te la hmasa ta sela.
August 13th, 2008 at 2:15 pm
A tir in Pathian in MIhring hi ‘MIPA’ ah leh ‘HMEICHHIA’ ah a siam.. tumah, engmah ka hnial lo ania.. Sualna nei miah lo ‘TEK’ te hian min deng chawrh ang tih ka hlau kei chu…
August 13th, 2008 at 2:32 pm
@cinstantine XX: ni e, hei tak hi chua buaipui angai khop mai. mahse tuna kan buaipui dan ang hi chuan problem a solve lo ang
August 13th, 2008 at 2:34 pm
pherh hmusita deuhswh tu z.z khan the purpose driven life by rick warren kha chhiar threuh se ava tha dawn em!
August 13th, 2008 at 2:37 pm
naupang lai atranga zirtirna dik an hmuh angai. nun hi krista ah nise engkim hi fel vek mai ni
August 13th, 2008 at 2:46 pm
Hetiang lo buaipui vak te chu ho mei mei viau lo maw???
August 13th, 2008 at 2:46 pm
A tir in Pathian in MIhring hi ‘MIPA’ ah leh ‘HMEICHHIA’ ah a siam.. nih leh tun ah tuai te hi pathian siam chu an ni ve talo tih na mi??????????? mak dawn ngei mai… hrithiam noh. PATHIAN siam loh mihring awm thei ngai em ni le?
August 13th, 2008 at 2:49 pm
Kei pawh ka hmeichhiatpui te em em chu ka la ngaizawng lo, patil ni si lo hian ka pa deuh thung a, middle leh high school a ka thian kawmngeih em em 2 te chu patil dik tak anni daih, hmanni khan pakhat phei chuan nupui a ru vel !!!! ka nihna ka hrechiang a, nu luih hi ka tum ve hram hram thin. Ka nu in hostel atanga ka haw apaing a, ka thawmhnaw a check a, pa deuh chu ha tawh suh i in hmeh lo ati tlat zel te khan ka awih em em, a kawr min leisak parchhik chhek te kha ka ha ve luai luai zel !!!
Ka experience atanga ka hriat chian em em chu chhungte enkawl dan a pawimawh em em rual in, mahni in control a pawimawh ber. ka lo upat hnu in, mahniin ka han tal a, ka duh duh ka tiin, thawmhnaw pawh ka duh duh ka lei thei, shopping apiang hi chuan mipa thawmhnaw nalh hi chuan ka mit an la la reng tho mahse ka nu in inhmeh lo min tih tlat avangin ka lei leh ngai ta lo…chawn sek khuh nan pawn fen kan feng duai duai mai maw le…
August 13th, 2008 at 2:52 pm
mirage_isme: dik khop mai. ngaihtuahna fim tak hmang chuan mahni in control hi poimoh khop mai. mi nuihzat leh deuhsawh tura kan inchei/awm loh phot chuan ahranpa in tumahin min nuih ngot theilo. inti zahawmthiam ve te hi ngai.
August 13th, 2008 at 2:54 pm
ka hetih vang hi alawm myself’an thil pick up rang min tih, mipa ka kawm nasa a, an ti ti hi ka hre hnem, an sawi thin leh duh zawng ka hria, tun thleng hian ka thian pa pakhat phei chuan “thianpa” min la ti ngat zel asin..
August 13th, 2008 at 2:58 pm
chuan hmeichhia inti pa deuh2 (Patil) ho hi enge an hming ve? PHIRH? ? nge PHURH? PHORH ????? hahhahah.
August 13th, 2008 at 3:00 pm
dark_horse ang hi chu mi ngaihsanawm tak anni ang… a tuar hi tuar chuak ngei sela… mipa dik tak angin a nun pum hmang turin duhsakna sang ber ka hlan e… amaherawhchu mi thenkhat tui leh tuailo pawh… a pawngpawrh zawng leh tenawm zawng engmah pawisak neilova an awm anih chuan a fuh hlek lovang le!!!
August 13th, 2008 at 3:16 pm
inhmust zawnga tih hian engmah/thil tha a thlen lo khops in ka hre ve mai mai
August 13th, 2008 at 3:22 pm
Lehkhathiam ram tak tak ni ilang chuan anni ho kan en hrang miah lo tur. Mahse chutiang dinhmun chu kan la hlat zia chu HV nen kan inhnial hrep tawh kha. (proof: http://www.misual.com/2008/06/.....ang-vek-e/ )
Ani te anga US resident meuh pawn heti hi an ngaihdan ani tlat:
“dave_c: rilru hi mihring hian a exercise danglam theih… kan sikul kal laiin Arunachali naupang Naga ho in an chhaih a an chei an chei thin a, a hnu chuan a lo gay tak tak daih… kan boss gay chuan…”it feels so good inside, it’s like i’m in heaven…a straight man, if he experienced it will never go back to being straight again,” a ti tawp…Mark, Columbus, Maryland a mi sawi a ni”
August 13th, 2008 at 3:29 pm
@mirage
thildang vang emaw ka tia hei vang hi lo i pick up a lo that em2 na chhan hi…lolzz
I nu thu awih in t hian i awm phah a ka lawmpui khop mai che
mahse zilhna aw ka dawng ve ngai lo te hi eng tia han tih chi nge maw ni le, thianpa??..
August 13th, 2008 at 3:30 pm
Keipawh tuai ho hi ka kawm tam ve khawp mai,a chang chuan an mahni zawk hian an zir ve deuh bok a,kei chuan nuihza siam nan ka hmang duh miah lova,mahse ka nuih an tihzat na hi chu a tam ve thin khawp, kan thian pakhat high skul kan kal lai mi min ti hrechhuak,gals uniform a ha ve thin a,basketball kan khelh hian a mipa tha a chhuak a,min nek lengper nasa thei rap…..a hnu ah patthianthu a zir dawna,kekawr hak a,sam mipa anga meh loh chuan an lo phal lova,a met ve ta mai a,hmuihmul te a lo nei a,tun ah phei chuan nupui a nei a,fa 3 ngawt anei tawh,chuvang chuan an mahni an pawimawh ve tih a hriat a ni.
August 13th, 2008 at 3:42 pm
@wonderboi..ha ha thianpa te min han tih ve chu !!! ka hlim aniang ka nui var var mai thianpa. Nia, ka mipa thiante hian maw ka hriat loh tur tha tha hi min hrilh a, mahse a positive zawngin ka hmang a, kan lo heti zo ta anih hi !!! ha ha
August 13th, 2008 at 3:58 pm
Hetiang case hi a tam zawk chu “Thisen” atanga lo awm daih tawh a ni ve thei a. Thisen han hian genetic lam zawk a ni a. Hetiang hi a nih avangin Mizo pi leh pute pawh khan hmanlai atang tawhin nupui/pasal an zawn reng rengin; an chhung leh khat bakah an thlahtute an chhui kil kelh thin a. Kutkem nei an awm em? mi anglo an awm em? Tual that an awm em? Mualpui ah an khawsak a, kaifem ah? etc.. a tam ang. Heng hi inthlah chhawn theih thil niin an ngai a ni mai thei. Dikna chen pawh a awm ang, a vai chuan a diklo ve thei bawk.
Heng avang hian miin Khawtlang leh roreltute duh loh zawnga awm chu an hlauh ber a ni a. An thlahtenah nupui/pasal hnawng an awm ang tih an hlauh avangin eng emaw avanga pawi khawih palh te pawh hla takah an pem bo phah hial thin a ni.
Tuai leh Mawngkawhur hi thuhmunah ka dah lem lo va. Tawng nem nazawng hi an nu lem lo. Rilru pa tak tak leh puitling tak tak an tam a, nupui fanau enkawlna kawngah mi entawn tlak te pawh sawi tur an tam a ni. Amaherawhchu, Tuai sa tur hrim hrima piang an awm ve thei bawk. Phian phung hi a in ang vek lo va, a then chu Mit kalh sa ten kan piang a, a then chu kut leh ke kimlo te pawhin. Tin, kan thisen(Blood group) pawh inanglo tak tak te kan ni hlawm. Heng avang hian thuhmun leh inang vek chuan kan piang chhuak veklo a ni tih chiang ila. Amaherawhchu, mihring reng reng hi kan seilenna hmun leh ram a zirin kan rilru pawh a danglam vek thei thung. Tuai emaw patil emaw nu leh pa tam tak chuan tha takin an enkawla, mi pangngai takah an chhuah fo. Mi pangngai ka han tih hi Hmeichhia tak leh Mipa tak ka tihna a ni a.
Tin, nu leh pa thenkhat chuan an lawm zawk emaw tih mai turin fiam thu nan tak an hmanga, an chhawnchhaih khawlo zo ve thei bawk. Tuai chu tuai angin enlo se la, mipa pangngai ang takin chhawn chheih se, rei a tuailo thei. Chutiang bawkin Patil tak pawh Hmeichhia pangngai takin en se, rei a pa lo mai thei. Ka pu(Ka nu nau mipa) fanu naupang ber pawh hi, sikul a luh hma zawng chu a hmeichhe pui te a kawm duh reng reng lo va, mipa naupang hlir a kawm thin a. A lawm zawng leh a duhzawng te chu mipa naupang thil hlir a ni. Mahse, chu a duhzawng leh a lawm zawng te chu hrelo derin, hmeichhia takin an enkawl a, a rawn lian deuh deuha, a rawn nu ve ta viau a. A tet lai khan mipa takin enkawl se, a patil hlen ngei ang.
Kan thenawmah Tuai a awm a, a unauten a tet lai atangin hmeichhe bawlin an bawl a, an chhawnchhaih dan atang rengin han Pa leh thei ziazang a ni lo va. A tuai hlen ta thung a. Khatih lai khan, a unau mipa te khan mipa chhawnchhaihin engkimah kaihruaiin dah pa lui tlat se, a tuai renglo tawp ang.
Engpawhnise, tuai an ni emaw Patil an ni maw, hmuhsit tur an ni lo va, kan diriam tur pawh a ni bawk lo va. Mipa a nih chuan mipa ang taka chhawnchhaih leh enkawl tur an ni a. Hmeichhia an nih pawhin chutiang tho chuan. Tichuan, khuareiah an nunphung a danglam dawrh thei a ni. Tin, siam that theih loh leh thlak danglam theih miah loh khawpa Tuai leh Patil an awm a nih pawhin, chu chu an nihna ang anga kan pawm thiama, kan en thiam a ngai a. An mahni leh Pathian inkar chu kan sawi phak a awm lo. Mahse, zalen takin an awm ve tur a ni.
August 13th, 2008 at 4:06 pm
dat is so deep. Zorun
August 13th, 2008 at 4:13 pm
I chanchin leh i thiltawn tawh i hansawi hian ka ngaih tuahna a tikal thuikhawp mai, mihring hian mize hrang2 neiin he khawve ahhian kanlengza khawvel eng kanhmuha a tanga thlanmual kanliam hma lohchuan kanril ruput hmang leh kan nungchang hian engmi ngekan nihtih mite hmaah a phochuak thin kan tawng nemvang leh kan ze zawihvang ngawt hian kan nihna PATHIAN minpek hi a danglam dawnlo chuvang chuan PATHIANIN kannihna minruat sakahhian lawmtak a pawm maihi siamtu lawm zawng a n.i minsiam lohna anga nungtlat maikha siamtu lawm zawng a ningailo ang thiana pawh hian a pianphung leh a zezawihna hian pawt kuna phochuak mailo a a nihna a chian miaua vanghian mitenan rindan leh endan chuan tumruhna ropuitak leh hlawh tlinna ahring chuak tahi a ropuikati khawp mai.Tinthu rawn kanpek veduh chechu PATHIAN thuin intisa chakna puitlin turin engmah insiam suhu a tihkha vawng nung zelang che thlemna a awmchuan tlansan na a awmzek tihpawh theih hngilh ngai suh. I nihna pathianin a pekngei maiche mangangna leh thlemna karah pawh i dinhngeh tlatvang hían pathian in lei malsawm naina vurche a nihhi
August 13th, 2008 at 4:14 pm
Hetiang lam hi tawngkam an thiam thei teh mai ania…. in hnial ah lek phei chuan Aryan pawh a dang hrim hrim…. hairehai…
Engpawh nise, Muslim emaw Kristian emaw kan nih chuan kan Pathian in a duh loh avangin, Pathian leh mawngkawhura kha, an inkar a fel nan, sim atha in ka hria. Hmuh theih loh Vanram pawh rinna in kai kan tum a, hetiang mai mai te chu tumna a awm chuan a sim theih hrim hrim… ssim tir na hmun te pawh an hawng tawh e an ti a ni lawm ni. Number 4 heroin ngawlvei pawn an nghei thei alawm mawle.Sawi theih ka nei lova, ka advise mai chauh a ni e… Kan hriat tur pawimawh bawk chu, Kristian Pathian hi kan ngaihdan in a kal lova, tawngkam thiam vangin a rilru kan thlak sak thei bawk hek lovang.. Mari te unau in chaw eia Isua an sawm tum te khan, Pathian leh mihring ngaihdan (tha tih zawng) in an loh zia kan hmu thei ang.
August 13th, 2008 at 4:53 pm
Cowboy Film te en thin la… i rilruah khan thil sakhat lam.. nem lam nilo dah tlat bawk la… lapua poh thir ti tlat la i rilru chu a pa chho mai ang