mi(sual).com

Mizoram inthlanpui neih turah hian tu nge Sawrkar-na siam anga, tu hian nge Mizoram Budget vaibelchhe sangkhat vel hi chawklet ang aw?

Hmanni chu Cable TV pakhatah MNF unaute Arakan atanga an lo hawng Video an pechhuak a, ka thlir reng mai a. Mipuiten nasa takin MNF rammu lo hawngte kha an lo hmuak a. A hnung lamah chuan tuna kan Chief Minister ni mek Pu Zoramthanga leh Pu Lalrinchhana bakah an hruaitu dangte an rawn kal hnak hnak mai a, anla thau mum nelh nawlh bik lo hle. Pangparthi nena lo hmuakin mipuiten nasa takin anlo chawimawi a ni.

Tichuan, kum 20 liam ta a, an dinhmun leh tuna kan ram hruaitute dinhmun hi ngun takin ka ngaihtuah zui ta neuh neuh a, MNF unauten Sawrkar-na an siam tirh khan ‘an tha viau ang a’ tiin ka lo thlir a, India sawrkar ropui tak hausakna zar zovin Mizoram Budget aia tam fe sum kan Pu te hian an han chinglet ta a, an in leh lo han thlir hian kum 20 hma lam nena khaikhin chuan an lawmpui awm khawp mai. Mahse, anmahni zuitu an thih aia thih huam leh eitur anneih lova pe thin tu Mizo mipui za tam takten eizawnna mumal kan la neilo hi chu pawi ka ti khawp mai. Kan Pute hian min ngaihtuah deuh teh se.

Mizoram a rethei leh hausate inkar zau lutuk tizim tur hian tu Party mah hi an tha tawkin kei chuan ka hre lova, an that tawk lohna pawh ka hre lem lo. Mizoramah hian Income Tax hi lak ni ve tase, mi hausa ber atanga mi rethei ber thleng hian kan sum lakluh atang hian sawrkar-ah chhiah pe ve ta ila a tha ngawt lo’ng maw? Tichuan an sum lakluh phu lova che milian zingah an awm a nih chuan kan Police ten an chhuizui anga (mahse Separation of Judiciary a ngai leh tlat), a tha mai lo maw ?

Sawi sawi dawn chuan thin a rim. Tah a chhuak bawk. Mizoram hi kan tu leh fate nena kan la chen zel na tur a ni si a…

I hmangaih ang u.

Similar Posts:

• Zawhna pathum
• Little Drummer Boy
• Nupui,Pasal Humhalh
• Zoram ngaih hla – Duhaisam
• Bangalore Mizo hruaitu ten Dy. Speaker an kawm

Recent Posts:

• Motor khalh leh SMS
• Mizoram kalphung hi mak ka ti thin!
• Khawvel Ram Hrang Hrangte Pawisa hming Lo chhuah dan
• Lal Thanhawla’n budget a pharh
• Bike intlansiak man

This entry was posted on Sunday, July 6th, 2008 at 2:01 am and is filed under more than words. You can follow any responses to this entry through the RSS 2.0 feed. You can leave a response, or trackback from your own site.