Tlawmngaihna

June 30th, 2008 2:20 am by H.Vangchhia

Thui duah lovin kan ziak anga, kan thlir tlang aniang chu.

Tlawmngaihna chu, mihring mimal tu apawh, midang tan a in pek na thinlung neih, midang tanpui na ah a let thei tur beisei leh duh miah lohna thinlung neih te leh hawihhawm na te duham loh na te, tunlai angah chuan mipui eitur hlep ruk duh loh nate pawh kan telh thei tawh ang chu…. leh thil dang midang tan a in pumpek theihna rilru neih chu tlawmngaihna rilru nei, mi tlawmngai a ni.

Tunlai Mizoram: Mizoram ah hian YMA lam in mitthi leh thil tul dang, hnatlan chungchang te a puang ber. Hnatlang tura thalai te aurinna hmang a koh chhuah kan ngai fo mai te ( “tlangval tlawmngai te kha hnatlang turin in lo chhuah ahun tawh e”) hi a tlawmngaihna neih loh thlak ka ti. Tlawmngai turin tumah koh chhuah chi a nilo, tlawmngai chu koh ngai lovin an chhuak/kal mai tur a ni dawn lawm ni.

Tlawmngaihna hi Mizo te kan in chhuan ve na thin ber pakhat a ni si a. mi tlawmngai chu a thenawm khawveng te tan, phut let nei miah lovin a in pezo thin tih a ni si a. Kan sawrkar hruaitu te erawh hi chu, thenawm chu sawi loh, ram pum mipui ei ai an ei zo tawh si a, tlawmngai kan ti thei em, a Mizo kan la ti thei fo em. “A Mizo” ka han tih chhan tak hi chu Mizo chu tlawmngaina nei tura beisei kan ni si a..

Hei hi i sawi tlang ila… chuan…

Mizoram Pawn lam: Mizoram pawn a awm te hi midang puih kan peih em em tih chu puih tawk tawh ten kan hai lovin kan hre theuh awm e, lawm pawh kan lawm em em thin. Delhi angah te khan ka damlo tumah pui tu ka neih loh lai te khan Students te khan min enkawl in min bual hial thin, engmah pawisa an phut hek lo. Ka nawm zawk beisei khan, Mizoram House atangin min hruai chhuak a, an mahni in luah ah min khawsak tir a (beisei let reng an neilo). Khang te khan ka damchhung in ka thinlung ah hmun a chang tawh ang, mi tlawmngai ka tawng fuh hle a ni. Mizo nih ti nuam tu zel a ni e.

India pawn kan han chhuak ta a le, Mizo leh Mizo te chu a ngaih vang leh a tul avang in kan in pui zel mai, a nuam khawp mai. Amaherawh chu, hna kal tur mi kan hruai te hian pawisa beisei na hi a awm ta tlat mai leh pawisa pek tumna rilru neih ni ta tlat mai hi thil fel hlel a awm a ni in ka hria. Entirnan, Europe ram a ni emaw, USA a ni emaw, Africa pawh lo nise, Mizo kan inti tho (kan ni reng tho) si a, tinge tlawmngaihna kan neih tak loh le. Tlawmngaihna chu midang tan a in sacrifice na thinlung neih a tih sak bawk a ni dawn lawm ni? England a ni tawh alawm, USA a ni tawh alawm, pawisa lovin tuman thil a tih theih tawh hleihnem, kan ti a ni maithei e. Kei erawh chuan, ramdang/hnamdang zing ah hian Mizo in kan in chhuan na thin ber mai, tlawmngaihna dik tak hi i chhawm zel ang u khai, ka ti a ni e. Mi hnathawk tur emaw, bazar tur emaw kan hruai vang khan kan ipte a ruah phah dawn chuang lo tih hriat atha in ka hria. Mi kan ti hlim a, an lawm (kan puih in) mahse, thinlung chhungril tak thleng dap thei tur chu tlawmngaihna dik, phut let neih loh hi a ni dawn lawm ni ka ti a ni e. Enge in ngaih ve dan le.

Similar Posts:

Recent Posts:

31 Responses to “Tlawmngaihna”

  1. 1
    Wish_Bone Says:

    Tunlai Aizawlah chuan a neinungte tan chuan tlawmngai pawl pawh an tlawmngai bik e an ti. It’s sad to know that many mizo guys in the USA and Europe are no more “tlawmngai”.

    P.S: Today hi ka B’day a nia, tlawmngai u la, in comment pah khan min han wish zeuh zel theih chuan ka lawm ngawt ang. :)

    Report this comment

  2. 2
    mirage_isme Says:

    HAPPY BIRTHDAY…WISH-BONE…may all your wishes come true sooner or later, God bless you….so where’s the B’day party yarrrrrrrrrrr???

    Report this comment

  3. 3
    bhruaitea Says:

    Happy Bday Wish_Bone (Tlawmngaih chhuah hram) :-)

    Thil dang engmah phut let miah lo a mi tana inpe phalral nun neitu chu an eng a thawl e…Mahse kei chuan a har ka ti thrin…Mi ka tranpui peih lo chu a ni lo..Han ngaihtuah hian hmanlai kan pipute tlawmngaihna nun pawh kha a thim zawngin han thlir ta ila,an rilru takah chuan chawimawina engemaw phut let vang te pawh kha a nih ve theihna lai tam tak a awm ve tlat…Miin mi huaisen,pasalthra,tlawmngai min ti se,Khuangchawi niah nopui dawm thei dinhmunah ding ila an tih vang pawh a ni ve mai thei bawk…
    Entirna pakhat lehah,an nopui dawm dawn te khan nopui dawm tur pasalthra kha chu a awm lo a,an zawng chhuak a,an dawm luih tir thrin a ni a(High School vela kan zir thrin dan).Khami khan a entir leh pakhat chu an lo inring sa deuh anga,an lo biru a pawh a ni mai thei.Ni lo sela chuan anmahniin nopui dawn inring lovin,midang in dawng zawk sela tih na rilru an neih chuan an lo biru bo deih kher dawn emmaw ni le aw pawh a tih theih ve tlat..
    ‘marawhchu tlawmngaihna hi ka hnual suat lo a,ka chhuang em em zawk a.Tlawmngaihna kan tih hi kawng lehlam atrangin ka han thlir ve mai zawk ania.
    He kan nun mawi tak,tranpui ngaite tranpui peihna te hi engtik lai pawhin keini MIZO te nunah hian bet zel rawh se…

    Report this comment

  4. 4
    blackmagicwoman Says:

    @wish_bone. tlawmngaih vang pawh ni em em lovin, ka wish duh vang hrim² in hei, ka savate ka rawn tir e! have a grt day!!

    http://www.riversongs.com/gree.....thday.html

    Report this comment

  5. 5
    mirage_isme Says:

    @BMW ui sava te chu a birthday tu pa ai mahin ka lawm….ka birth ah min lo thawn ve rawh aw….

    Report this comment

  6. 6
    mirage_isme Says:

    birth day *, ka kuttin sei vang

    Report this comment

  7. 7
    blackmagicwoman Says:

    mirage, e khai, i b’day ah chuan savate mai ni nang….mupui ka rawn tir ang!!

    Report this comment

  8. 8
    H.Vangchhia Says:

    Wish_Bone: I wish your bone a healthy one. :D happy b’day

    Report this comment

  9. 9
    H.Vangchhia Says:

    bhruaitea: Kan pi pu te hun a ni emaw tunlai a ni emaw, tlawmngaihna chuan engemaw ni khua a chawimawi kher kha an phut em tih a chhut miah ka ringlo. Kan tlawmngai a nih chuan a tlawmngaihna hi a negative lam in kan chhut duh miah in ka ring lo, kan phal bawk in ka ring lo.

    Nia, lawmman dawn te chu tuman nuam tilo kan awm nang. Mahse, mi tlawmngai tamtak ka hriat te (tlawmngai ka tih te) kan veng Kulikawn val upa zing a mi leh tleirawl thenkhat….eg:Atawnga (fam), Madawnga(YMA president), Upa Denghmingthanga etc te ho hian mi an puih hian thingpui takngial pawh an hnial ka hmu fo. Tunlai thlir na ah chuan a at thlak kan ti maithei… mahse khati em anga kan theih ve loh pawn, entawn tlak an ni hi ka va han ti tak em. Kan inneih te khan ka thian hlui ten Aizawl City Bus tha hnem tak (5 or 6) man awm miah lova min rawn hman tir te kha tlawmngai ka tilo theilo a ni.

    Ka hriat sual ka ring lova, tlawmngaihna hi Champhai ho zing ah ka hmu hnem ber fo. ….(ka opinion ania, a hmu tu leh ngaihdan a dang thei) Mizoram chhung hi Mizoram pawn a mi te hian min tluk lo hle in ka hre bawk.

    Report this comment

  10. 10
    mirage_isme Says:

    Ka ngaihdan mawl tak hi a, a mawl ang ang in ka han ziak ang e. Mizo ten tlawmnghaihna kan tih fo hi hnam dang te pawh in an ngah lutuk, a term hran an nei vak lo mai pawh a, a thu hrimin mi tanpui ngai kan hmuh apiang tanpui a, thlamuan a, theihtawp lo chhuah pui ve hi mihrign puitling tan chuan tih tur ve hrim hrim ah ka ngai tawp. A hranpa a tlawngaihna va tih vul chuk hi a tulna ka hre lo, tlawmngaiha in el te hi a tul ka ti lo, mi hmuh a, lan mawi tumna tenawm mai mai ani. Hetiang vang hi alawm kan khawtlangah “inngaitlawm ar” hi kan tam em em, sawi sawi a ngai lo, mi fing pangai chuan an ti mai, a nachang hre lo emaw ti peih lo emaw kan lo awm a nih pawhin sawi sel mai lo ila, kan tlawmngai tak tak a nih chuan, i thawh kep vek mai ang u, mahni inchhunga thatchhe zawrkawi tak tak, khawtlanga, inhmang miten tlawmngai ti a, an fak pherh leh zek ho te hi, tlawmngai tak tak anni nge, a lang a mawi tum mai mai, a der a nung, mi fak nih chak, ni duh bawk si lo kan tam ta lutuk hi kan ram thanmawh bawk ani e….

    Report this comment

  11. 11
    mirage_isme Says:

    @Vangchhia said…..”Kan inneih te khan ka thian hlui ten Aizawl City Bus tha hnem tak (5 or 6) man awm miah lova min rawn hman tir te kha tlawmngai ka tilo theilo a ni.’
    An tlawmngaihna ka hre lo, thiantha tiin i nupui neih niah an rawn lawmpui ve mai che ani zawk lo maw? Chu chu engnge an tlawmngaihna em em? an tih tur an ti ve ani mai zawk ani lo maw?

    Report this comment

  12. 12
    H.Vangchhia Says:

    mirage: dik alawm…thatchhe tak tlawmngai hi an vang fu maithei a ni. Tlawmngaihna ang deuh hi hnamdang hian an nei ngei mai…i sawi sual lo mahse, Mizo tlawmngaihna..a saptawng takin The Mizo code of ethics or Dharma moved around ‘Tlawmngaihna”, an untranslatable term meaning on the part of everyone to be hospitable, kind, unselfish and helpful to others. Tlawmngaihna to Mizo stands for the compelling moral force which finds expression in self-sacrifice for the service of the others ang chiah hi nei erawh ka hre lem lo. Tlem a zawng chu an polite vang chuan lo tlawmngai te chu an awm ngei ang, mihring ve ta chu.

    Mi tlawmngai ar te hi an tlawmngai miah lo. Mi fak duh vanga fel anga lan tum an ni tlangpui. Mi tlawmngai chuan tumah hriat loh ten mi thil tih tul, an mahnin an tih mai theih siloh te hi a ruk in an hriat lovin an lo tih sak diam thin…entirna a nih chu :)

    Report this comment

  13. 13
    mirage_isme Says:

    @Vangchhia, i nupui neih ni a, i thiante busses thawh chu i sawi uar viau a, in thenawm pitarin a neih chhun liau liau zo artui pum hnih ” valbawih hei hi i mamawh ang” ti a, a pek ruk ve hram hram che kha i va sawi ve lo ve?? lol….

    Report this comment

  14. 14
    chepahakhata Says:

    @mirage_isme, sawi dik lutuk!!!

    Report this comment

  15. 15
    Wish_Bone Says:

    I va han fel hlawm tak em. Ka ” My thank you ” to all of u. Ka bazaar bo hlanin min lo wish hlawm a nih hi. :)

    Report this comment

  16. 16
    Wish_Bone Says:

    mirage, ka birthday present dawn tawh zawng2 ah a la thra ber. Thank u mawlh mawlh. A zai thiam ngei mai, nang pawh tlem tal chuan i zai thiam ve sim2 ang.

    Report this comment

  17. 17
    chepahakhata Says:

    NZ ka tlen a tang hian Mizo tlawmngaihna tih hi sawi pawh ka sawi tha ngam tawh lo. Hmanlai khan tlawmngai tak2 kan Mizo zingah an lo awm nual a, tun laiah erawh lan mawi tumna mai2 , a thu a sawi2, a taka nun pui lem lo hi kan tam tawh zawk a. Helaiah chuan “tlawmngaihna” tih hi a thumal an nei lo naa, a taka nunpuitu hi an tak zawk a. An sawi an sawi ve lo a, beisei an nei lo a, mi va sawichhiat nan leh deu nan an hmang ve ngai lo.

    Report this comment

  18. 18
    kanidar Says:

    a ‘intro’ khi ka tran lutuk :-)

    Mizo ten kan neih chin tal hi han nun pui thei ila chuan ram nuam kan siam ni mai tur.

    Report this comment

  19. 19
    H.Vangchhia Says:

    chepahakhata:tlawmngai tak thiante ka nei nual mai.

    Mirage: bus thawh tu pahnih te kha an ei zawnna ber ania, an artui neih chhun angin min pawmsak thei mai em le :D

    Report this comment

  20. 20
    kanidar Says:

    kei pawh ka nupui neih khan vairampura Mizo thiante tlawmngaihna chhawr ni lo ila, ka mualpho chiang khawp ang.

    College kan kal ve lai(ihih) a Mizo chhungkaw pakhat chhiat tawk kan buaipui kha ka hrereng thin, an awmna a khaw pawnin an khawsakna a sang lem lo hle a, hotel awm hnai si lo, bazaar hman ni bawk si lo, lumen tukah thlan lai leh nghal mizo tlangval chaw heh rual the thaw 17 in chaw no 6 bel khat puar taka an ei thei te kha kei chuan tlawmngaihna ka ti lo phal lo.

    Report this comment

  21. 21
    amanda Says:

    wish _Bone Many happy returns of the day.May ur days ahead be filled with many more blessings and love.May the good Lord guide u in ur every steps…..

    Report this comment

  22. 22
    zodin Says:

    Mi tlawmngai chuan tumah hriat loh ten mi thil tih tul, an mahnin an tih mai theih siloh te hi a ruk in an hriat lovin an lo tih sak diam thin

    hei hi tlawmngaihna dik tak a ni hnam dang ah mingo zing ah hmuh tur an awm nual hetiang thinlung nei hi mi tha tak an va ni em, mizo pawh kan la tam in ka hria, chhiatni ah hian a bik takin mizo tlawmngaihna ang nei hnam dang an tlem ngawt ang le, mizo nih nawmna ber a ni.

    Report this comment

  23. 23
    H.Vangchhia Says:

    Tlawmngaih hi mi thinlung lawmna pe tu a ni.

    Report this comment

  24. 24
    zodin Says:

    hehe tlawmngai takin message ka nghak mek H.Vangchhia ka mut a chhuak mai mai :)

    Report this comment

  25. 25
    H.Vangchhia Says:

    e khai hei ka nau Andrew nen kan buai nileng a, ka mu tlai tawh khawp mai keipawh…ka mu hahchawl dawn e… just an hour :(

    Report this comment

  26. 26
    zodin Says:

    kan mu ve daih ange reh mai mai em mai.

    Report this comment

  27. 27
    khuangdailova Says:

    Tlawmngaihna nun diktak chu mahni inphat a midangte tanpui a ni, he nun hi a sang hle a, chuvang chuan Pathian a tang lo chuan neih harsa tak a ni. Tlawmngaihna leh Kristianna hi kal kawp tlat a ni.Bati poh hi mi dang tan a eng a a mah a ral tial tial thin hemi nun hi Tlawmngaihna nun dik chu a ni.

    Mizote hi a tlangpuiin Tlawmngaihna nun nei deuh vek kan ni,hnam dang poh nei an tam khawp mai. Tllawmngaihna tam tak hi chu pawnlang tak leh ramri kham chin nei,mahni lam ropui duh na ,hmingthat duhna lansarh duhna te a nih thin a vang hian kan tlawmngaihna nun dik hi a dal ta emaw tiin hliama tuar fo thin reng a ni.Amaherawh chu tlawmngaihna dik tak chu a dal thei lova nghet takin a ding reng a, a kal ngaiin a kal reng a ni.Pawnlang tak a tlawmngaih hi chu thil har a nilo kei pohin ka thei mahse tuma hriatchhuah leh tawh lo tur a tlawmngaih hi chu uar a har a nih hi.

    Pathian thu poh hi a har khawp thin mai, engvangin nge ramthim te kan vei a hreawm tuar poisalo a rawngte kan bawl thin kan tih chuan nakinah vanram kan beisei let a vang a ni.Tin, Bible in a sawi dan in sawma pakhat kan pek chuan a malsawmna tamtak a min vur tur thu kan hmu a hei hi Pastor te financial campaign a an au hla ber a ni, hemi a malsawmna tamtak a vur beisei vanga lo pek kha tlawmngaihna dik ni a PU H.Vangchhia hian a rin loh a vang in tunthlenngin sawma pakhat hi a la pe lo an ti.

    Report this comment

  28. 28
    winning Says:

    Tlawmngaihna hi kei chuan ka sawichhe phal lo. Tum khat chu Kum 8 kal taah khan Guwahati bulah Car accident na tak mai ka tawk hlauh mai a, tichuan Wood Land Hospital, Shillong-ah min dah a, ka thisen a chhuah tam em avangin chu mi tum chuan thisen unit 4 vel ka mamawh ta tlat mai a, ka chhungte leh unaute pur turin Aizawl chu a hlat hrat bakah lo kal thei pawh nise an lo thlen theih hun tur chhutin ka mamawh hun nen a inmil tlat lo maia. Tahchuan Mizo tlawmngaihna dik tak mai chu ka Mizo pui ten ka chungah an ti lang ta. Kan pur leh kan hrilhhriat ni miah lo khan Shillong-a ka Mizo pui zirlaite kha lo tlankhawmin ka mamawh ngawih ngawih thisen chu phutlet awm miah lovin ka mamawh zat chu min pe ta anih chu….a va han ropui tak em? Chu tia thisen min pek pawh chu nikhaw hre lova let reng kei chuan ka lo hre lova, ka harhchhuah hnuah ka thianpa ka bula thu chuan min hrilh hre ta a ni…Chung ka tana thisen pe tute chu hriat ka chak hle mai a, lawmthu sawi pawh ka duha, mahse tute nge an nih tih an inthup tlat avangin tun thleng pawh hian ka hriat loh phah ta a ni… Chu Mizo tlawmngaihna chu kei pawhin a theih ang anga chhawmnungtu nih ka chakna a zual ta hle mai a, khawi hmunah pawh awm ila ka theih ang anga a chhawmnungtu nih tumin theihtawp ka chhuah ve thin a ni..

    Comment pakhatna……It’s sad to know that many mizo guys in the USA and Europe are no more “tlawmngai”. tih hi kei chuan ka pawm vek lem lo… heng hmuna chengte hi tlawmngai tak tak ka hmu nual mai, ka thenawmpa phei hi chu Mizo lo kal apiangin an duh hun huna an pawh kawi reng mai a ni a, tawngkam khat mahin a phunnawi ka hre ngai lo.. Tunah ngei mai pawh hian Mizo Mikhual 3-in an thlen chilh mek, an ei In zawng zawng a tumsak mai bakah an kal duhna zawng zawngah Mizo Tlawmngaihna hmachhuanin a hruai ziah thin.

    Tunlai hian kei ngei pawhin karkhatah mi puihnan ka Car hi 100 Mile vel chu ka tlan ziah thin, Gas man emaw leh thildang phutlet ka nei ngai lo… Ka han insawilang ve kher hi fak ka beiseinaah in ngai em lovang chu, ka mizual unaute khan…

    Report this comment

  29. 29
    kl_sas Says:

    Tlawmngaihna ni a ka hriat ve chu…….
    Tumah phut na nei lova Tih tur ni a kan hriat hi ti ila, chu chu tlawmngaihna dik tak niin ka hria.
    Mahni Tlawmngaihna nei tho si, Midang ti ve tura phutna tel ran a, thil ti ching mi hi chu Tlawmngaihna SUAK nei tu a ni tih hi ka sawi ve theih tawk ni mai se :D

    Report this comment

  30. 30
    Tei R Says:

    Mizo tlawmngaihna hi a hlu.Mahse mi tamtakin Mizo chauh hian tlawmngaihna ka nei emaw kan ti hi a diklo nasa.Ka hun tamzawk hi hnamdang zingah ka hmang a,India rama ka awmlaia ka vai thiante leh an chhungte ho tlawmngai tak tak ka hmu teuh.India ram pawnah pawh ram hrang hranga ka vah kual vel naah hian mi tlawmngai tak tak hi ka tawng nasa lutuk. Europe Mizo zingah poh hian tlawmngai tak tak an tam mai.

    Report this comment

  31. 31
    Tuaiduhlawmlai Says:

    :lol:

    Report this comment

Leave a Reply

You must be logged in to post a comment.