Mizoram tana hun ruat hrang hrang

May 31st, 2008 4:39 pm by MTP palai

- Upa Lalliansawta

Thuhrilhtu Bung 3-ah khan Engkim tan hun ruat a ni, Pian hun a awm a, thih hun a awm…Phun hun a awm a, thil phun phawi hun a awm etc. tih kha kan hmu. Mizorama cheng Kristian mipuite tan pawh hian Pathian hian hun hrang hrang a lo ruat a ni mai awm mang e tiin a chhuidawn theih. Suangtuahnaa thil lo thleng tur rinthua sawi ngawt lovin, thil thleng tawh han thlir let hian, Mizote Pathianin min hruai dan hi, a chang chuan bumboh hle thin mah se, hmun mak, Mizo mipuite tana tha em em min thlenpui leh mai thin a ni awm mang e tiin a ngaihtuah theih. Heti zawng hian han chhut chhin ila.

1. ZALENNA KAN SUAL VANGIN CHIMRALTU LAKAH KAN HIM
1) Hnam fing leh tam zawkten kum 1960 hma lam khan kan thenawmte an chimral deuh vek.
2) Mizote hi chimral hmabak kan nih lai takin Zalenna kan sual a, ram buai kan ni.
3) Kan tawrhna rapthlak takte kha a a hun lai chuan a hrehawmin a manganthlak khawp mai.
4) Buai lo ila, Meghalaia, Arunachal, Tripura, Nagaland, Cachar te ang tho hi kan nih a rinawm.
5) Hrehawm teh mah se, rambuai nih kha tuarna phena malsawmna a ni thei mai em?

2. SIPAI TUDAI TURIN SIPAI LAL
1) India sipai leh mahni hnampui rammute hlauvin Mizo mipuite kan bu zawlah ti dekin kan mu thin.
3) India sipai lal Mizo tlangval a lo chhuak. Human Right Movement atanga tanin, roreltu lu berah hlankai a ni.
5) Mipui thlavang hauhin huaisen takin a rawn nek tawn pawp pawp a.
6) A huaisen zar zovin mipuiten sipai kut kan tawrh a ziaawm nghal a, check gate a bo nghal.
7) A hun taka Mizote thlamuantu atana Pathian ruat tih loh rual a ni lo.

3. REMNA SIAMTU LEH A LAWMMMAN
1) Remna duhin mipui kan rum a, Kohhran pawhin palai hna a thawk.
2) Zalenna sualtuten lei rem rapa mipui rawngbawl an lo pawm thei ve leh ta.
3) Remna atana mahni inhlan a, lalthuthleng pawh hlan ngam khawpa huaisen ram hruaitu kan nei.
4) Remthu kan thlung a, rei lo teah state ralmuang bera chhal kan ni.
5) Remna siamtu chu Pathianin a hre reng a ni ang.
6) Kum sawm chuang hret roreltuah hlankai a ni a, Mizo zinga CM rei ber a la ni.

4. ZALENNA SUALTUTE LEH AN LAWMMAN
1) Remna siamtu pawl lehlam tan Pathian hun ruat a lo thleng ve leh a ni ang.
2) Kum sawm lai leirem rapin ro an rel ve leh ta.
3) Zalenna sualtu an nih kan hria, an tihsual palh pawh mipuiin kan ngaidam thui hle.
3) An lawmman hi eng chen atan nge tih erawh chu a reltu kuta mi a ni.
4) Kumin kum tawp lamah hian fiahin a awm ve leh dawn.
5) A phuntuin phawi hun a la tih loh chuan, tute mahin an luahlan rih lo ang.
6) Phawi hun a tih erawh chuan, sum engzat pawh sengin, tharum hial hmangin invau tlin tum mah se,
an inham tang zo lo ang.

5. MIZOTE VANNEIHNA LEH VANDUAINA
1) Mizote hi tawng khat hmang, sakhaw khat bia, hnam hlawm khat, lehkha thiam vek kan ni.
2) YMA-a tel vek thei khawpa hnam inlungrual kan ni bawk.
3) Kan ram lei a tha(fertile) a, kan la luah hneh lo hle.
4) Kan sum mamawh pawh Central atangin 90% a thlawnin kan dawng thin.
5) Chuti chung chuan kan rethei a, kan hnufual a, kan ralti viau lawi si.
6) Sum lo lut a pung a, chutih rualin BPL kan pung zel bawk.
7) Kan hun tawnk hi a mak a, hriat fiah thiam a har ngawt mai.
8) Hun ruattu hian eng tak min hruai thleng leh ang maw? Lo thlir zel ila.

Similar Posts:

Recent Posts:

14 Responses to “Mizoram tana hun ruat hrang hrang”

  1. 1
    Vladimir Putin Says:

    Sum lo lut a pung a, chutih rualin BPL kan pung zel bawk
    Sum lo lut a pung a, helprukna a pung zel bawk
    Sum lo lut a pung a, ministerte zinga corrupt ho an hausa tial tial
    Sum lo lut a pung a, missionary leh KS kan ngah tial tial.

    Report this comment

  2. 2
    hp.swing Says:

    Mipui kan pung a, kan ba a pung thur thur
    Mipui kan pung a, hnathawh tur a vang tial tial
    Mipui kan pung a, Aizawl plan fel lo a lang sar tial tial
    Mipui kan pung a, bawlhhlawh a pung ….

    Report this comment

  3. 3
    kanidar Says:

    Inthlan ahnai leh tawh bawk a, hetiang lampang leh hrilhlawkna chu a pung leh hluai dawn a ni, Zawlnei an inlar tan tawh hial emaw.

    Report this comment

  4. 4
    Sniper Says:

    hmana deuh khan train ah vai engeneer pakhat nen kan chuang duna, kan ti ti kan ti ti hnu ah “mizoram khi enge in eizawnna ve ni re re a?” tih hi min zawt ta khauh mai a.a hma in inla puitling fe in eng eng emaw kalo sawi vel tawh bawknen. Han chhan a nuamlo khawpmai. mizoram hian pawisa peipunna sawi tham aneih engmah han sawitur ka hre bawk silo.

    Report this comment

  5. 5
    Vladimir Putin Says:

    Upa Lalliansawta hi ka hre ngai lo na a, a thil ziah hi MNF ho tan chuan CHANCHIN THA SAWTA ZIAK tih tlak ani.

    Report this comment

  6. 6
    kanidar Says:

    V_Putin: hahaha, hla pawh an phuah belh leh tep tawh ang!

    Report this comment

  7. 7
    H.Vangchhia Says:

    “MNF ho tan chuan CHANCHIN THA SAWTA ZIAK tih tlak ani.” A dik mai mai khawp ah…hairehai.

    90% state pawisa hi central atanga hmuh a ni…a zahthlak tiah tiah…kan pawisa lakluh ve theihna tur Synod zarah a bo daih bawk a…Liquor store/ Wine siamna hmun etc. Pawisa hmuh a pung a BPL family (below peverty line) an pung bawk…hei hi thil thing tak leh…Mizo kan tenawm zia..Kristian lem kan nihna ti lang tu pakhat ah ka ngai. BPL a in ziaklut tur hian, kum khat ah chuti zat! (a bi tuk ka hre ta mai lo) aia tlem thawk chhuak chin tanpuina hmuh theih tura scheme siam a ni.

    BPL family nilo deuh hlir an nih ka ring tlat a ni…a in ziak lut te hi. Bakah ka chiang chiah lo nangin, khaw khat atang a in ziak lut te hi an khaw zat emaw a aia tam tep te pawh an ni maithei hial in ka ring tlat a ni. Proof na ka nei lova amah erawh chu…Deputy Comm’ Aizawl Dist’ hnuai a ka thawh ve thin na atang a thu thang ka hriat ve thin te zul zui a hei hi ziak ka ni.

    Rem lo deuh in para ah ka then…chhiar peihawm nan …hairehai..min excuse aniang chu (ka ti fo mai)

    Report this comment

  8. 8
    hp.swing Says:

    MTP Palai tih khi eng zawk nge, Mipui Tangrual Pawl nge Mizo Thalai Pawl. MTP hmasa zawk khi chuan lang khop in Zoramah hna an thawk ve tawh in a hriat a, MTP hnuhnung zawk khi chuan Zoram ran eng an thawh ka la hre lo. MPCC phei chuan MNF Secret Service an ti

    Report this comment

  9. 9
    chhana Says:

    Misual ho zinga kan synod hruaitu lu upa Lalliansawta a rawn tel ve nawlh mai hian min tiphuisui ngawt mai. Thu leh hla atamtheiangber rawn thawh thin sela, a duhawm hle mai.

    Report this comment

  10. 10
    H.Vangchhia Says:

    Sawrkar ah Synod inrawlh lo se a ni mai.

    Report this comment

  11. 11
    chhana Says:

    h.vangchhia@ Khawiramah pawh sorkar khalh ngiltu chu kohhran a i zel a sin

    Report this comment

  12. 12
    H.Vangchhia Says:

    Mizoram ah chuan an ti rethei alawm. Eng kohran nge i sawi a…Presbyterian maw…Presbyterian chauh hi Sakhaw pawl awm a ni hleinem. A thu na bik tur ngawt a awm lovang. Wine siamna an din tum te kha ti hlawhtling se, min grape an thar nasat te hi a thawln deuh thaw in a kalral lovang. Mizoram ah hian kan misawnari te khan zu lam kha sual ah min puan sak a, nagaland ah meizial zuk…chuti mai mai chu kan ni a. Kan Mizoram synod te hi an vervek em em a, thawhlawm an duh thawh a, an thawhlawm lo kalna lam an thlir leh duh silo. Eiru thawhlawm an pawm chhung leh Eiru/hlepru kohran hruaitu atan an hman chhung leh, nula tlangval chesual an hrem a, eiru an hrem hma chuan ….Vawk vulh ta ila a chaw chhum ah pawh ka hmang duh hlawm lovang.

    Report this comment

  13. 13
    H.Vangchhia Says:

    Eiru thawhlawm an pawm chhung leh Eiru/hlepru kohran hruaitu atan an hman chhung, nula/tlangval chesual an hrem a, dan khatna/dan hnihna (inneih ah) a awm bawk a….eiru an hrem/hren! ve hma chuan…an Pathian thu sawi ka ring har ngawt ang. tih zawk ni se

    Report this comment

  14. 14
    zodin Says:

    va tha dap dap ve Ku vangchhia kha ti tur kha a ni.

    Report this comment

Leave a Reply

You must be logged in to post a comment.