MVI Road TAX pekna counter a changkang!

March 17th, 2008 2:11 pm by coldfusion

13.3.08 khan road tax pe turin ka kal a, tax pek tum mi tamtak an lo intlar teuh mai. Tah chuan ka han intlar ve a, ka din tirh chuan ka hmaah mihirng 50 vel lai an tlar a, huphurhawm duh angreng tak a ni. Hma kan sawn ve bek bek zel a darkar 3/4 vel zet ka intlar hnuah chuan tax pekna counter chu ka thleng ve ta a.

Counter a lo thu computer a data entry tu te chuan hawihhawm tak leh hmel hmuh nuam takin min lo dawr a mak ka ti angreng zawk hle mai, an hah awm hle si a ka ti rilru a. Tax ka pek tur ang te ka tihfel hnu chuan ka chhuah pahin ka ngaihtuah zui nasa hle a….Ka intlar ve chhung ringawt pawh khan khati khawpa tam mihring ka hmaah an awm a, khatiang mipui zi hut hut mai ringawt pawh kha an tan chuan a ninawm ve viauin ka ring, tichuan chawl miah loin hna an thawk char char a, khati khawpa thawk nasa leh hah hle si khan ‘HAWIHHAWM LEH BIAK NUAM’ em ema mitin an dawr char char reng thei kha ka fak thlawt a ni!!!

Ka kal ni a lo awm te kha an fel hrim hrim nge thawktu dang pawh chuti tho tih erawh ka hre chiah lo. Engpawh chu lo ni se…. RAM CHANGKANG ZIA leh RAM CHANGKANNA KAILAWN an rap hle tawh tih a chiang reng mai. Office thenkhat, han luh phat atanga biak/dawr chakawmloh tak tak hi a tam khawp mai, a te te kan la pawr leh ta nghal hi chu a CHANGKANGLO ngawih ngawih in ka hria.

Chuvangin, engpawh thawk ila, kan hna a hniam emaw a sang emaw, sorkar hna a ni emaw nilo emaw, min dawr tute tana dawr nuam nih hi tum theuh ila, KAN RAM HMEL ti tha tu kan ni a keimahni kan in ti zahawm bawk tih hi hre theuh teh ang u. MVI TAX COUNTER A HNATHAWKTUTE SAW I ENTAWN THEUH ANG U! An hming pawh hriat a chakawm khawp mai…

Similar Posts:

Recent Posts:

9 Responses to “MVI Road TAX pekna counter a changkang!”

  1. 1
    Veepee Says:

    A nia sin, an changkang ve sawt tawh khawp mai. Mahse, TUm khat chu keipawh Aizawl Dawrpui SBI Bank ah ATM rawn chhuah hlim deuh khan, pawisa deposit turin ka kal a, ka account number ka chhinchhiah si lo, pass book ka theihnghilh bawk si. ATM card atang chuan en dan a awm leh awm loh ka zawt ta a, thra deuhvin min chhang dawn emaw ka tih lai chuan “mawl lutuk !! atm te chu pawisa lakchhuahna lawm,………..!!!” tiin mi zawng zawng hriat in min vin ta vak mai a. Ka tih ngaihna hre lo, duai duh bik hek lo, kan hnial ver hrep kha. Ka zak ve tho (Teller no 2 thu thin pawh ka nu a chhan that duh loh avangin ka khak fak tawh bawk).
    Tichuan a karlehah ka awmna lamah ka chhuk thla leh a, SBI bank pakhat ka dawr leh a (Dehradun ah), ka zawhna ngai tho chu a thawktu pakhat hnenah chuan ka zawt a, hawihhawm tak hian a theih mai loh thu leh ATM pakhata va lut la, cheng ZA (100) vel lek emaw draw la, tichuan a slip ah khan a lo lang mai ang min ti ta a. Ka ngaihtuah ta vang vang a, kristian ram ka ramah khati khawp khan min an khum a, mahse hetah vai ramah kristian pawg ni ve lo ho chuan hawihhawm lutuk tak maiin min lo chhang a, a va in ang lo em !.

    [Report abuse]

  2. 2
    myself Says:

    Hriat a nuam hle mai a….!

    [Report abuse]

  3. 3
    Vladimir Putin Says:

    Coldfusion kalna hi Mizoram anih chuan thil awiawm lo lek lek ani. Mahse darkar 3/4 tih khi 45 minutes tihna nge darkar 4 leh darkar 5 inkar tihna. minute 45 pawh nise a rei viau lo maw ? Mizoramah leh Northeast ah hian sorkar laka kan beisei a hniam tawh khawp a. coldfusion pawh khi pawisa PE tura kal ani a, pawisa LA tura kal nise an attitute a dang daih maithei. Pawisa pe tura minute 45 intlar pawha kan la lawm chuan a tha e.

    [Report abuse]

  4. 4
    rka_49er Says:

    SBI Main Branch saw mi an tam thin khop a, sorkarin a dawr ber lo ni bawk si nen khan Mahse kar hmasa khan ka va kal a, a changkang tawh khawp a, token system te an lo apply tawh a, intlar a din reng a ngai lem lova, Counter 5 a awm a, a sawt khawp mai, Counter saw 10 vel tal awm thei selang chuan a tha leh zual ang.

    MSV Branch ve saw chu dar 9:30 ah hian an dawr tan theih loh, dar 10:00 ah kan ti dawn let let chauh a ni. Dar 9:30 ah office an thleng a, pawisa te an han la a, an computer te an hman theih a an buatsaih chhung hi a rei thei ltk a, a chep si, an ATM a chhe bawk si. In enfiah deuh chu an ngai.

    [Report abuse]

  5. 5
    muantea Says:

    Counter a changkang nilovin a thawktute an changkang a ni zawk lo maw?!Mizo hmel timawitute an nih chu.

    [Report abuse]

  6. 6
    H.Vangchhia Says:

    MVI kha Transport Office building chhung laili ah khan a la awm em le aw. A hmun kha a chep in a nuam lemlo viau aniah…thianpa Thanpuia..T.P-a (fam) a thawh lai khan ka kal ve zeuh zeuh a, biak kha an nawm hmel kha ka ti hlawm khawp mai. An mitin dawnsawn dan kha an nui seng mai khan ka hmu a, thianpa pawh kha a vir sek mai a ni.

    Transport Office ah chuan bus counter a thawk ho khu an vin thei khawp mai. Thingtlang nu leh pa ho ticket lak dan chinchang hre vak lo emaw hi an vin ka hmu zeuh zeuh.

    [Report abuse]

  7. 7
    adelfos Says:

    A tha e, a tha e. Hetiang tur hi a ni. Thil dangah pawh fakawm tak tak an awm ang. A chhe lam hlir lo deuh hi rawn post zel teh u’n.. Ngaihthlak a nuam e

    [Report abuse]

  8. 8
    myself Says:

    @adelfos..ilo ti ve maw..thil hi a tra lam zawng hi han intih hmuh sup sup teh ang u…hetiang ang hi a khat tawk in rawn post zel teh u..tu pawh in mihring chuan ‘recognition’ kan lawm vek..mi dang tan entawn tur an lo nih dawn bak ah, tha tak a hnathawk te chawimawi thiam te pawh hi a pawimawh khawp in a lang!!

    A pic te awm tel thei nghe nghe se la(h)!!

    [Report abuse]

  9. 9
    Zochianga_Dreath Says:

    an ngam chuan min han vin teh se… ka naupang nain ka dikna ah chuan ka kawlh ania (@)

    [Report abuse]

Leave a Reply

You must be logged in to post a comment.