IIIrd Sovereign Jam Room kang!!!

February 28th, 2008 5:00 pm by Sandman

Updated Feb 28 6:30pm with Pictures

Nichin dar 10:30 (pm) vel khan Delhi ah, Safdarjung Krishna Nagar 9A.. (Studio 9A ni bawk) ah kangmei a chhuak a, Zanlai dar 12 vel khan 9A Mizo nula leh tlangval leh thenawm hnaia vai thian te hovin an thelh mit thei ta hram a ni (A hnu lawkah Fire Brigade an lo thleng ve chauh… Saaalla..). Bungrua a kang nual a, Bena Drums thar te, Fender Bass Amp te, Marshall Amp te, Amplifier dang dang leh keyboard te a kang chhe vek a ni. Painting man tam tak ni tura ngaih, nikum Times of India ah pawh an rawn tarlan, Isaac (Rave Vox) ziah te leh inchhung bungrua a kang nual bawk.

Meikhu karah chet a har em avangin, duhthusamin thelh a har hle.. 9A tlangval ho in an theihtawp an la chhuah a, Zahminga Fanai in a ho a, kangmei lo chhuahna (studio) tukverh te lo vaw thiat in pawn lam atangin kangmei hi an lo sual nasa hle bawk a ni.. Chuan Sashwat (thianpa leh lawyer) leh Anupam (RSJ) te pawh rang takin an rawn thleng nghal bawk.

9A colony ah hian Mizo chhungkua paruk lai kan awm a, hetiang nikhua hian Mizo nih a nuam thin hle a ni.

Naktuk khawvarah chanchin kimchang leh Picture kan rawn la update ang…

Photos Update:
February 28, 2008. 6:30pm.

Issac-a painting, chhe zinga pakhat leh chhan hman pakhat.

Issac-a ui em em “Jazz Fake Book”

Bena drums remainder leh instrument dang te.

Amp leh speaker kang bang.

Elpuia Yamaha keyboard bang zawng.

Time well wasted.

Studio kawngkhar.

Control Room.

Studio chhung.

Pawn lam atanga lan dan.

Similar Posts:

Recent Posts:

36 Responses to “IIIrd Sovereign Jam Room kang!!!”

  1. 1
    father_sphinx Says:

    min rawn sawm ve lo anih kha…. a va zialo ve mawle..

    Report this comment

  2. 2
    chabetkaia Says:

    zia lo hle mai, bungrua leh ilo kang ral ta te chu uiawm hle mahse mihring ber inhliam an awm loh chuan(??) lawmawm ah ngai phot mai ang..

    instrument ho chu van uihawm reuh leh si…

    chanchin kimchang zawk kan lo nghak mek e..@sand(dy)man

    Report this comment

  3. 3
    adelfos Says:

    Channa nasa tak a ni. A pawi kan tihpui takzet e.

    Report this comment

  4. 4
    chabetkaia Says:

    @sandman fire brigade lo thlen dan chu van vai film triah2..

    @father hi Delhi ni lawm ni i awm? veng kar a inhlat deuh m ni?

    Report this comment

  5. 5
    SiLent_Man Says:

    Va zialo ve aw!

    Isaac-a painting chu hmuh a va chakawmin ava uiawm ve.

    How did the fire start?

    Report this comment

  6. 6
    Sandman Says:

    Update:

    Kangmei thelh lai a kut pem/pilh chu kan awm nual a, mahse vanneihthlak takin tumah serious kan awm love. A in neitute bungraw bo thei thenkhatte pawh thenawm Mizo In ah kan sawn vek a, zanin chu kan han mu phawt a nga, naktuk lamah a bak chu kan rawn update leh dawn nia.

    Thelh tawh lampang hnu a Ar chaw pe pawh kan tam khawp mai :-D Hollywood movies a a lan awl ang mai mai hi a lo nilo khawp mai! A khuk a a khuk dan chuuuuuuu!!!!

    @ Silent Man: Current a sawt avanga rawn kang niin kan hria… (a la chiang lo)

    @ chabetkaia: Engmah pawh rawn ti ve hman lovin, Fire Brigade ho khan pawisa min la dil zui!!!!! Saaaallllaaaa!!!!

    @ father_sphinx: eeeeeee… tumah koh/sawm/pun na hman rilru ah a lang lo khawp mai :-) Naktuk (vawin) i rawn tlawmngaih theih phawt chuan a lawmawm ang… :-)

    Report this comment

  7. 7
    H.Vangchhia Says:

    Sandman: Pawi ka tih pui hle mai che u.Inhliam na em em in awm lo a nih hmel a, a lawmawm hle mai. Hetiang thil ah hian alawm Mizo nih hi a nuam ka tih thin em em chu ni. Engkim mai ah hian kan in pui dial dial a…hreawm kan in tuar pui a, a hlimawm lam nise chuti bawk. Mizo nih hi a nuam mang e.

    Thudang alai chuan, kum 2004 a Delhi awm ho kha in awm kim tawh kher lovang mahse, khami kum a awmpui tu nei miah dawn lo anga ka in ngaih lai a ka surgery nei students leh students lo ten min buaipui nasat zia kha, ka theihnghilh ngai lovang. LAwmthu ka sawi nawn leh e, ka lawm e.

    Report this comment

  8. 8
    benjamin Says:

    Hliam leh nunna chhan te an awm loh chuan, a lawmawm ti mai ang.

    Report this comment

  9. 9
    Sandman Says:

    @H.Vangchhia: Khami kum khan inzai zawng2 ah i inzai ber an ti che, hei eng eng emaw chu ka hre nual mai. :) …. mahni a zun theih bawk si loh, hmuh loh loh tur lo hmu pawhin hei min hrilh ania.Khami kuma i thlenna thin in atang khan hemi hi kan rawn update.

    Report this comment

  10. 10
    grady Says:

    Mizo takin kang in threlh a, a lawmawm hle.Khawiah pawh Mizo tak zel in aw!!!Mizo nih tluk a nuam a awm lo a nia.

    Report this comment

  11. 11
    Rema pa Says:

    Kan tuarte tanpuina in khawn dawn em ???Kan tuarpui che u

    Report this comment

  12. 12
    Rema pa Says:

    Kang tuarte tihna.

    Report this comment

  13. 13
    Zorun Says:

    A va zialo ve mawle.. Property Insurance in ti awm si lo va.. Hetiang hunah hian a nia, pawimawh ni. Engpawhnise, bungrua leh sum leh pai te hi chu pawimawh hle mah se, a pawimawh ber a ni lo va. Nunna chan leh hliam na tak tuar in awm lo tih kan lo hriatin kan ngaih a ngam sawt e. Tawngtainaah kan lo hrereng ang.

    Current sawt hi thil awm thei a ni a. Fimkhur a ngai hle tak a sin..

    Fire Brigade ho chu pawisa in pek ngei a ngai ang. Alarm or Phone an dawn avanga rawn kal an nih chuan dan pangngaiah chuan fees a awm hrim hrim a, a tam lutuk lovang chu maw.

    Report this comment

  14. 14
    Hank Williams Says:

    Ben, Isaac and others, pawi ka tih khawp mai, Pathian zarah kawng dangin recover dan a awm em ang chu maw….

    Report this comment

  15. 15
    m13 Says:

    va xialo ve oooo…Chennai lam hoin kan tuarpui takzat ani tih ka ron soi duh e…Isaac poh kha lainatom hle mai…he has a gr8 talent…

    Report this comment

  16. 16
    bhruaitea Says:

    Pawi hle mai tih bak chu han tih theih vak kan nei ve si lo a..Delhi lam unau te inlungrual tak leh mizo taka in awmho zel ka duhsak a che u..

    Report this comment

  17. 17
    H.Vangchhia Says:

    Sandman: Min lo biak vek dawn nia…hvangchhia@yahoo.com ah hian min thleng tu phone no. kha milo pe teh a:)

    Chu mi puang fai kelh tihna a mi lmao hairehai ssshhh

    Report this comment

  18. 18
    keimah Says:

    Kan tuarpui a che u. Hetiang chhiat tawh thilah Mizo ze mawi tak in lantir hi kan chhuang hle bawk che u a nia…

    Report this comment

  19. 19
    Sandman Says:

    Updated with Photos.

    Report this comment

  20. 20
    keimah Says:

    Musical Instruments ho chu an va uihawm ve le!!!

    Report this comment

  21. 21
    SiLent_Man Says:

    The clock looks like a Pink Floyd artwork :)

    Report this comment

  22. 22
    father_sphinx Says:

    aw…. a va uihawm ve mawle.. a thlalak han hmuh meuh chuan rin aiin daih. ka va ui hlawm eeee… painting kha nalh dawn hlawm ropui sia aw. tin, instrument te leh thil dang te pawh…. computer a kang chhia em? an studio chhung ami kha…. uihawm hlawm khawp mai aa….

    Report this comment

  23. 23
    Burbura Says:

    Hah taka thawhchhuh zan khat thil thua a kang ral ta mai chu, a pawiin a uihawm hle mai.
    Mahse, thil a nih tur ang a ni zo tawh bawk sia, a tawrh dam dan in thiam inthiam anga, damtein hmalamah malsawmna thar in dawn ka duhsak a che u.

    Report this comment

  24. 24
    zrm-a Says:

    Pawi thin hle mai! tumruhna neih phah zawk sela a duhawm ngawt mai.
    Deep Purple hla “Smoke on the water” minti hre chhuak rum rum mai alom mawle!

    Report this comment

  25. 25
    majESTY_YTSEjam Says:

    A poi hle mai tih bak chu tih theih a om lo anih ber hi. A uihom hle mai.. Bena Drums thar molh mai kha ka lo ui pui a. Nizan kha nka hriat veleh khan chhuanga ka han phone ve a(eng tin tin emawni a no ka zot kual a)… chutah bena ka biak don lai takin ka balance a lo zo jui…. saaaalaaa. Hliam tuar nasa in awm lo chu a lawmawm ti toh mai ang…

    Hyderabad Rock Lovers (vai te poh tiamin) aiawhin IIIrd Sov te kan tuarpui tak zet2 che u tih ka ron soi ve e.

    Report this comment

  26. 26
    samuelapa Says:

    A PAWI tih bak chu sawi ve tur a vang hle mai.
    Mihring nunna hi a hlu a, a dam han hauh phot ila, thil hi chu a lo awm ve leh zel mai. ‘Kanmei tuar chu hmasawnna’ te pawh an lo tih ve thrin kha maw! Nakin lawkah a aia thra zawk nei leh mawlh teh se.

    Report this comment

  27. 27
    kanidari Says:

    Van pawi tak em… eng kan tih theih ve awm maw?

    Report this comment

  28. 28
    kanidari Says:

    a hnuai a picture khu i lo thlir ru ve a ni maw!! pawi hleinem, ani khu chu ka ni lo na a, khutiang vel tho chu ka ni e, 5’11” a sang, kawng 38″, tarmita ringtone vuahdan hria zawng mektu leh hmai tung ka ni hlauh mai.
    http://img139.imageshack.us/my.....okajt2.jpg

    muantea: SBI manager chhung, Lunglei Chandmari II or III, Lunglei polytechnic chhuak, PWD a thawk, Pa tawi sa tha nel nawl sam kir deuh nui sang mai. Ka sawi zel dawn em? football vel te leh bial nu nen inkara Bible dah tihvel te kha?!!!

    Report this comment

  29. 29
    kanidari Says:

    van thing tak em….. Ni berin a lang! ami zawk tur a nih khiiiiiiiiiii hetah ka lo post hehe

    Report this comment

  30. 30
    fatjo Says:

    ekhai..ooo a van pawi thin tak em ve le!!! engpawhnise hliam na tak tuar in om lo a…. buletproof hmang poh an om nual ka ring…quifff

    Report this comment

  31. 31
    Technical^^Punk Says:

    a va han vanduai thlak in a va han pawi tak em, in sawi ang hian mihring hliam an awm lo hlauh a, a lawmawm zawk. A zia lo nge mai

    Report this comment

  32. 32
    rka_49er Says:

    va zia lo ve tih bak sawi theih kan nei si lova. bena sawi ang deuhin dam hi han hauh phot mai ila.

    Report this comment

  33. 33
    Rinasol Says:

    zia lo khawp mai

    Report this comment

  34. 34
    hp.swing Says:

    Poi ve. Tu tih kan nge mon le. Zu rui ho a ni lo mo…

    Report this comment

  35. 35
    buzzbabe Says:

    Hope all their instruments were insured…if not..an mawl ngot ang …:)

    Report this comment

  36. 36
    zualbonez Says:

    va uihawm hlawm ve

    Report this comment

Leave a Reply

You must be logged in to post a comment.