Independence Day Football a hmuhnawm

July 31st, 2007 2:33 pm by PHISS

Kan nghahhlelh Independence Day Football Tournament chu nimin, Thawhtanni khan AR Lammualah an khel tan ta a, a ni khatna atangin a hmuhnawm ngei mai. Assam Regimental Centre, Shillong an chak zo bik lo a, Luangmual FC nen 1-1 in an inhnehtawk a; FC Kulikawn an chak chiang a, College Veng FC 4-0 in an sawp.

Tournament chungchang

Tun tum Independence Day Football Tournament hi vawi 25-na a ni a, 1986-ah neih a nih loh avangin a kum zawng chuan a kum 26-na a ni thung. MFA chuan kum dang zawng aia chang tlungin a buatsaih a, state pawn team pahnih a sawm a, tournament hlawhtling tak a nih ngei a beiseiawm.

He intihsiakna hi Mizoram State Sports Council Secretary thar, Pu Lianzuala’n a hawng a, Pu Lianzuala chuan MFA hmalakna leh football lama tun hnaia hmasawnna awmte fakawm a tih thu a sawi.

ARC bul tan fuh mahse…

Assam Regiment hi Northeast-a club tha ber pawla sawi an ni a, player tha paruk vel tel lova lo zin an ni a, an chhe chuang lo. Bul an tan fuh a, a tir lamah Luangmual FC an talbuai a, ARC hian chance pawh an nei nual a, an khung lo mai a ni. Minute 18-na a ni a, Luangmual midfielder ball pek dik loh vanga ARC freekick hmuh atangin a goal ta – freekick-a ball lo kal chu penalty box chhung atangin Lalduhzuala chuan chiang zet maiin a pet goal a, ARC-in Mizo player goal hmangin hma an hruai.

Hemi hnu pawh hian ARC hi an hlauhawm thei hle a, goal erawh an thun belh thei lo a, first half-ah an chungnung.

Hei le Luangmual

Second half a ni a, fans nei tha em em Luangmual lamin formation an thlak danglam a, 4-4-2 pangngain an nawr a, Sama Hnamte a khel tha ngei mai. Luangmual hian hun rei tak an nawr bet ve thung a, minute 86-ah substitute Lalruatliana (Tawia) chuan Luangmual goal pawimawh a thun. Team pahnihin goal an thun belh teuh dun khawp mai a, Luangmual hian an goalkeeper Rinmawia hnenah lawmthu sawi rawh se!
Luangmual fans an thawm a ring a, team an tawiawm tha em em a, an fakawm a; amaherawhchu ‘mawl fâl’ pahnih khat avangin an hmingchhe lek lek a, inkhelh leh hunah chuan a ziawm tawh ang – hetiang taka football tuipui Luangmual hi football tinungtu leh tournament tihlawhtlingtu an ni tih erawh sawi hmaih chi a ni lo.

Kulikawn nge nge

FC Kulikawn hi MFA Cup-a an champion hnu lawk khan an player thate’n an chhuahsan duak a, an la tlachhe mawlh lo – College Veng FC 4-0 in an sawp. Inkhel an tan chiah a, Lalrochama’n Kulikawn goal khatna a thun a, hemi hnu hian Lalhlimpuia’n Kulikawn goal hnihna a thun zui a – an khel tan dawn chauha 2-0 in hma an hruai der mai! First half tawp dawnah David Lalrochama chuan a thun belh leh a, Lalsangkima’n an goal li-na a thun leh bawk. Kulikawn leh Luangmual hi naktukah an intum ang a, ARC leh College Veng an inhmachhawn leh bawk ang – en rawh u.

Vawiin inkhel tur

Vawiinah inkhel pakhat chiah awmin dar 2:30-ah Zotlang FC leh 3rd MAP an insu dawn a, a hmuhnawm ang, Zotlang hi tun hnaia kai thar an ni a, hmasawn tuma a khawtlanga tan la mek an ni. 3rd MAP hi team tha tak ni thin kha an ni a, tunlai tak hian an ‘key player’ thenkhat training-in an awm bo mek a, result sawi lawk harsa tak a ni.

Similar Posts:

Recent Posts:

9 Responses to “Independence Day Football a hmuhnawm”

  1. 1
    Goldmember Says:

    lung a van ti leng ve,.
    a var ho jersey chu Arsenal away jerseuy van ang

    Report this comment

  2. 2
    Val_brosky Says:

    Ka van en ve chak ve…. football leh sport dang hrim hrim pawh hi a khelh aia a en nuam ti mi hi ka nia. football ngat phei hi chu a hmuna en hi a nuam bik eeeee.

    Report this comment

  3. 3
    DaGGyLo Says:

    Mizoram football ah ka CLUB tran ve em em thin..DINTHAR F.C an tel lo a…ho e!..hmanni ah Lunglei ah MFA cup an kal lo vang khan 1stdivision trang in an drop ringot a..ka hriat sual lo chuan Court ah khin an tum in ka sia..neway Football is a Beautiful Game. (ti daih te ang :-) )

    Report this comment

  4. 4
    Aryan Says:

    Mizoram tam hian under something competition a antih that theih em em na chhan chu kum 30 a upa te hi under 15 angin an khelh tir thin a school certificate leh birth certificate lem an siam chawpa an ti.

    Report this comment

  5. 5
    jonan Says:

    Aryan i uar deuh lo maw….kum 30 em em under 15 a khelh chuh??

    Report this comment

  6. 6
    RTPA Says:

    kan Pi Maimawmi tih dan tak ah Cynical ve em a ni kha chu, hriat thiam tur :D

    Report this comment

  7. 7
    Val_brosky Says:

    A fiamthu thawh ve thiam danah ka ngaih sak hmiah, kei chu :)

    Report this comment

  8. 8
    Maimawm Says:

    Nia, kha kha lawm ka nuih tiza tu tak chu, amah kha mi pangai anig chuan a nui ru ker ker ang chu, ‘Tih thinrim an va nuam hlawm tak’ a tia nga. Thinrim tam poh leh a lawm ang a.. :P

    Report this comment

  9. 9
    ÄÅÌÎÍÒÀÆ ÑÒÐÎÈÒÅËÜÍÛÉ Says:

    ÑÍÎÑ ÏÐÎÌÛØËÅÍÍÛÕ ÇÄÀÍÈÉ…

    minny…

    Report this comment